PAMUHAI PHD(PA) KATGORIAL JUMAT, 03 FEBRUARI 2023 1. Marende No. 188 : 1 – 2 “JAHOWA SIPARMAHAN AHU” Jahowa siparmahan ahu, ndang hurang manang aha. Ai nasa jea dipadao do sian dorbiaNa. Tongon dibaen na lomak i, lao pangoluhon tondingki, dibaen asi rohaNa. Ditogu ahu tu na tio, aek mata hangoluan. Dibaen do tondingki sio, di dalan hasonangan. Sabam rohangku do tongtong saleleng ahu di tano on, baen sangap di goarNa. 2. Votum – Tangiang (U = Uluan; H = Huria) U : Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia, na tumompa langit dohot tano on. Amen. Ale Tuhan, Ho do haporusannami marsundutsundut. Tagan so tubu dope angka dolok, jala tagan so adong dope ditubuhon tano on dohot portibi on, nunga adong hian Ho, ale Debata, sian salelenglelengna ro di salelenglelengna. H : Amen. U : Olophon ma Jahowa Debata, ale sandok tano on. Oloi hamu Jahowa marhitehite las ni roha, ro be ma hamu tu joloNa. H : Boto hamu ma on: Jahowa do Debata, Ibana jumadihon hita jala Ibana nampuna hita bahen bangsoNa dohot birubiru pinarmahanNa. U : Bongoti hamu ma angka bahalNa marhitehite hamauliateon, angka alamanNa marhitehite pujipujian. Pasahat hamu ma hamauliateon ni rohamuna tu Ibana, puji hamu ma goarNa na badia i. H : Ai pardenggan basa do Jahowa, ro di salelenglelengna do asi ni rohaNa, jala marsundutsundut do hasintonganNa. Haleluya U : Martangiang ma hita: Ale Amanami na di banua ginjang, dibagasan unduk dohot serep ni roha do hami ro tu joloM manghamauliatehon sude denggan basaM naung nilehonMu tu hami. Lumobi ma di pangaramotionMu dohot di pasupasuM di pardalanan ni ngolu ni angka ruas ni Huria tarlumobi di ibadah pamuhai PHD Kategorial di tahun 2023 HKBP Batu Aji Baru, Ho do mangalehon hahipason nang pangaramotion diangka ruas ni huriam. Tung basabasaM do i ale Tuhan Debatanami, na sai tongtong marmudumudu, mangaramoti, mandongani dohot mamasumasu. I do na huhalashon hami di joloM sadari on. Laos ala asi ni rohaM do boi hupatupa hami sadari on Acara Partangiangan pamuhai PHD Kategorial Ama Agave, Ama marturia, ina kamis, ina sion, ina naomi, Gabungan Eklesia, naposo, remaja, dalannami do on Tuhan pasahathon hamauliateon ni rohanami di sude denggan ni basaM na so hasuhatan i, Alani i, mauliate godang ma hupasahat hami tu Ho ale Debata. Jongjong ma Ho marhite TondiM di tongatonga ni partangiangan nami on, asa marsangap goarMu jala tau las ni roha di hami. Marhitehite Tuhan Jesus Kristus, na manghophop ngolunami, martangiang hami tu adopanMu na badia i. U+H : Amen. 2 3. Marende BE. No. 14 : 1 – 2 “PUJI HAMU JAHOWA TUTU” Puji hamu Jahowa tutu. Pardenggan basa parasiroha salelengna i. Pardenggan basa i, parasiroha i. Ingot tongtong, ale tondingkon, sude na denggan na dipasonggop Debata tu ho. Denggan basaNa do na pangoluhon ho. 4. Manjaha epistel sian Jakobus 1 : 22 - 25 U : Alai gabe siulahon Hata i ma hamu, unang holan pananginangi, angka na paotootohon dirina! H : Ai pananginangi di hata i, anggo so diulahon, tudos ma i tu halak na paberengbereng rupa ni bohina di sorminan. U : Ai dibereng do dirina, dung i laho ma ibana, gabe ndang diboto be rupana. H : Alai na mamereng torus tu bagasan uhum haluaon na sun denggan i jala mian disi, i ma na martua marhite sian pangulaonna i, anggo so pananginangi na mangkalupahon, siula ulaon i tahe ibana. U : ido anggo sahatna : martua do angka na tumangihon hata ni Debata jala na umpeopsa. 5. Marende BE. No. 268 : 1 “DEBATANGKU DO DONGANHU” Debatangku do donganhu ganup ari ganup taon. TumpahanNa do langkangku, urupanNa ahu manaon. Pos do rohangki disi, Debata do donganki salelenglelengna i. 6. Tangiang Pangondianon 7. Marende BE. No. 361 : 2 “NA DENGGAN SITUTU DO” Mardongan sipiltihon na denggan situtu. Naeng ma tongtong pujion, ni nasa na burju. Ho Tuhan Debatangku, ai las ni rohangki do na tongtong binaenMu, di pambahenanMi. 8. Jamita 9. Marende No. 435 : 1 - 3 (P. Pelean) Marolopolop tondingki, ai naung ditobus Jesus i. Hamu sude bege ma i, sai las rohangku mandok i. Sonang ni tingki i, dung jumpang Jesus Tuhanki. TondiNa mangajari au, tarbaen marlas ni roha au. Sonang ni tingki i, dung jumpang Jesus Tuhanki. Dihaol holongNa rohangki tung na so boi be muba i. MataNa do manatap au, pinggolNa tumangihon au. Sonang ni.............. du. 10. Tangiang Panutup