ACARA IBADAH GKI SUMUT BATUBINUMBUN

MINGGU, 03 Desember 2023 Advent IV.

Tema: ““ Naposo ni Tuhan ni do Angka Naporsea” Lukas 1: 26-38
U: Uluan ( Siboan Minggu) R: Ruas M: Malim (Imam)
1. Merende B.E No. 40 Las be ma rohamuna BL. 153
1. Las be ma rohamuna Na igor roha i. Naung ro do Rajamuna Mamboan tua i
Ndang marpanggortap i Anggo di haroroNa. Alai tuk do gogoNa Padaohon jea i
2. Ndang dilului rohana Dison sonangna i. Di surgo habangsaNa HarajaonNa i Ai naeng
buni dope. Di tano on sangapNa Dung tulus pe sangkapNa Patar ma i sude
2. Votum + Tabe
U: Parsaoranta dibagasan tikion, holan marhite asi dohot holong ni Debata na manopa langit
dohot tano on. Jala sai manontong do holongNa ro disaleleng ni lelengna. Asi ni roha ni
Debata ma namangaramoti hita saluhutna. Amen
3. Introitus / jamita patujolo
U: Hata ni Debata nagabe jamita patujolo dibagasan kebaktianta sian Jesay 40:1-5Apuli, apuli
hamu bangsongki, ninna Debatamuna.
R: Hata apulapul ma dok hamu tu roha ni isi ni Jerusalem, jala jouhon hamu ma tu nasida:
Nunga marujung parungkilonna, ai nunga salese dosana i, ai nunga dijalo sian tangan ni
Jahowasilompit dua singkat ni saluhut dosana.
U: Soara ni na joujou di halongonan: Pauli hamu dalan di Jahowa; patigor hamu di adaran dalan
balobung di Debatanta.
R: Ingkon gohan do nasa rura, jala parejeton nasa dolok dohot buntulbuntul, jala gabe na
hornop do na marnangkok tuat, jala gabe rura tanggurung ni dolok.
U: Jadi patar ma hamuliaon ni Jahowa, jala sange nasa sibuk marnidasa, ai pamangan ni Jahowa
do mandok.
Merende B.E No. 41 Parripe ni Tuhanta BL 153
1. Parripe ni Tuhanta Sai hehe ma hamu Sai jangkon ma Rajanta Marroha na burju
Girgir ma hita be Marende di Ibana Manjouhon Hosianna Burju ma sasude
4. Majaha patik holong
U: Tebegema hata ni Debata nagabe patik digolunta jala na sai totong manungguli hita disude
pangalahonta diari naung salpu i. Songon na didok di Johannes 13:34-35: Patik na imbaru
ma hulehon tu hamu: Naeng ma masihaholongan hamu; songon holong ni rohangku di
hamu, naeng ma songon i dohot hamu masihaholongan. Apala sian on ma tandaon ni halak
saluhutna, hamu siseanku: Molo masihaholongan hamu.
Molo tarimangi sude angka pangalahonta i, jojot do hita mangalaosi jala manimbil sian
hata ni Debata. Gabe mardosa hita maradophon ibana jala tung ramun situtu do ngoluntaon
di jolo ni Debata. Antong rap taboan ma sude angka dosanta na taula i tu jolo ni Debata.
Tapangido ma asi ni rohaNa. asa sesaonna sude dosantai.
5. Manopoti dosa
U: Dang adong be sada sian hita naso mardosa. Jala dibahen I do umbahen namago hamuliaon
ni Debata sian ngolunta. Alani tapahundukma dirinta tu jolo ni Debata mangidohon
1
 hasesaan ni dosa: “ Asi ma rohaM di ahu, ale Debata, hombar tu denggan ni basaM, sai
sesame angka dosa pangalaosionku hombar tu godang ni asi ni rohaM, Ias situtuma ahu
buri sian hajahatonku, jala paias ma ahu sian dosangku, ai nungga huboto angka
pangalaosionku, jala nasai totong do sonson di jolongku dosangku.
R: Marende B.E N0. 44 Hamuna na porsea i Sai tomu Tuhan Jesus I BL. 206
3. Sigati rohamuna be Sai tanda dosamu sude Paringkot rohamuna
Manjangkon Sipalua i Na tuat sian surgo i Manggarar utangmuna
Tanda hata Hangoluan na binoan ni Tuhanta Na pasae sude dosanta.
U: Dompak ho sambaing do ahu mardosa , jala najat situtu do di mataM nahuulahon, asa tung
bonar ho dibagasan pandohanMu, pita dibagasan panguhumMu, tompa ma roha naias
dibagasan ahu, ale Debata, jala paimbaru ma tondi na marsihohot dibagasan ahu . jala
unang ma pabali ahu sian joloM, jala unang unsati tondiM nabadia i sian ahu.
R: Marende B.E N0. 44 Hamuna na porsea i Sai tomu Tuhan Jesus I BL. 206
4. Ai molo so diboan ho Dosam tu Jesus i na ro Ndang saut be ho malua
Tongtong ma songgop rimas ni Jahowa Debatanta i Tu ho na hum manjua
I pe sude Angka dosa hinaroa ni rohamu Pasesahon tu Tuhanmu.
U: Sai pasuang ma tu ahu halalas ni hatuaonMu, jala togu ma ahu marhite-hite tondi
haringgason. Asa hu ajarhon angka dalanMu tu angka parjahat, asa mulak pardosa i.
R: Marende B.E No. 40 Las Situtu Rohangku BL. 153
5. Hamu na marsak roha Di hasiangan on. Dibaen godang ni dosa Na di portibi on Sai hehe ma
hamu. Padirgak ulumuna Ai hamoraonmuna Do Jesus i tutu.
6. Tibu ma ulahanna Manopot jolma i. Sude hasangaponNa Tarida ma disi Sai borhat ma hamu.
Manomu Rajamuna Pagalak sulumuna Ibana ro tibu.
B. Barita hasesaan ni Dosa.
U: Alai dung dapot gok ni tingkina, disuru Debata ma Anakna, tubu sian boruboru,
ginomgoman ni patik i; asa ditobus angka na ginomgoman ni patik i, asa tajalo ruhut
paramaon. Alai ala anak hamu, disuru Debata do tubagasan rohanta Tondi ni Anakna i, na
manjoujou: Abba (ale Amang)! Dibahen i, ndang be hatoban ho; tung anak do! Alai molo
anak, laos panean do ho marhite sian Debata. Galatia 4:4-7
R: Merende B.E No. 43 Padiri Rohamuna BL. 154
1. Padiri rohamuna Hamu parroha i. Naung ro do tuamu na Pasaehon dosa i
Ro sian ginjang do Maningkir sidangolon. Ni nasa hajolmaon Naeng buatonNa do
C. Tudu-tudu Ngolu na Imbaru
U: Panopotionta di dosata dohot dibarita hsesaanni dosa naung tabege, mamboan hita asa
mangulahon hata ni Debata dibagasan ngolunta hombar tu hatana namandok: Alai angka na
marhaposan tu Jahowa maruli hagogoon mardapotdapot, gabe marhabong nilali laho
manaek. Marlojongi nasida ndang olo loja, mardalani nasida ndang olo mandate. (Jes.40:31)
R: Marende B.E No. 38 Paruak Ma Harbangan i Bl. 189
1. Paruak ma harbangan i Ai nunga ro Rajanta i. Sigomgom raja sasude Sitobus hajolmaon pe.
Siboan hatuaon i Pasuang hasonangan i. I pe tapuji ma Tuhanta Debata
6. Tangiang Panghamham / Pangondianan (Uluan)
2
 7. Pasahathon Pelean (Malim)
M: Tabege hata ni Debata nagabe ojahan di hita napasahatton pelean tu Debata. Dienet sian
Heber 13:5; Unang ma marholong ni roha di hepeng pangalahomuna; hasabamhon hamu
ma na adong! Ibana sandiri do mandok: "Sandok na so tadingkononku do ho; sandok na
so pasombuonku do ho!"
Marende huhut pasahatton pelean. B.E. NO. 45 Hosianna BL. 73.
1. Hosianna Anak ni, Raja David ro tu hita. Baen ture dalanna i, asa bongot tu rohanta.
Baen ma gabagaba i, di Tuhanta na ro i.
5. Hosianna Saut ma baen Bagabaga ni Jahowa. Nang buni dope nuaeng HasangaponMi di
jolma. Angka na porsea i Do mananda gogoMi
6. Hosianna Pargogoi Hami sasude o Tuhan. Asa gabe pangoloi hami na di pardangolan
Di hataM na denggan i Asa pinatulus i
8. Tangiang pasahatton pelean
9. Majaha hata ni Debata (diuluhon malim)
M: Hata ni debata nanaeng sibegeonta dibagasan mingguta sadarion, dienetdo sian Lukas 1: 26-
38; Salpu onom bulan disuru Debata ma pardisurgo Gabariel tu Nasaret, i ma sada huta di
luat Galilea,
R: manopot sada anak boru, oroan ni sada baoa na margoar Josep, na sian pomparan ni si Daud;
si Maria do goarna.
M: Laho mamasuhi jabuna i, ninna ma: Tabi di ho, na niasian! Didongani Tuhan i ma ho!
R: Alai tarsongot do nasida umbege hata i, ninna rohana do, parsantabian dia do i ulaning?
M:Jala didok surusuruan i ma tu nasida: Unang ho mabiar, ale Maria; ai dapotan asi ni roha do
ho di Debata!
R: Gabegabean ma ho, tubuan anak ma ho; Jesus ma bahenonmu Goarna!
M: Balga ma Ibana muse, goaron do Ibana Anak ni Natumimbul i; lehonon ni Tuhan Debata do
tu Ibana habangsa ni si Daud, amana i.
R: Rajaanna do pomparan ni si Jakkob salelenglelengna, jala ndang marhaujungan harajaonna i.
M: Didok si Maria ma mandok surusuruan i: Songon dia ma pangalaho ni i, ai so adong
hutanda baoa.
R: Jadi dialusi surusuruan i ma nasida: Songgopan ni Tondi Parbadia ma ho jala linggoman ni
hagogoon ni Natumimbul i do ho; ala ni i na badia do dohonon na tubu i, Anak ni Debata.
M: Ia si Elisabet, sisolhotmi na sai tua i, naung digoar na hol, marhangoluan anak do;
paonombulanhon ma nuaeng.
R: Ai ndang adong na so tarpatupa Debata.
M: Gabe didok si Maria ma: Naposo ni Tuhan i do ahu. Sai saut ma tu ahu songon na nidokmi!
Dung i ditadingkon surusuruan i ma nasida. . Amen, “martua ma halak nahumbege Hata
ni Debata, na umpeopsa jala namangulahon dibagasan ngolu singanup ari. Haleluya .
R: Mengendehon : Haleluya, Haleluya, Haleluya.
Ayat jamita: Gabegabean ma ho, tubuan anak ma ho; Jesus ma bahenonmu Goarna. Lukas 1: 31
Turpuk ni Jamita: “ Naposo ni Tuhan ni do Angka Naporsea” Lukas 1: 31
10. Tangiang Simpul Jamita ditutup tangiang Ale Amanami
3
11. Sakramen

4
 1. Tardidi

a. Manjaha Hatorangan Taringot tu natardidi

b. Marende B.E No.146 O Jesus naeng tardidi BL.6

1. O Jesus naeng tardidi Do posoposo on, Sai ro ma mangaligi Huhut manjalo on.
2. Diboan natorasna Nasida be tuson, Ai naeng pasahatonna Tu Ho dakdanak on.
c. Tardidi

d. B.E No.146 O Jesus naeng tardidi BL.6

5. I ma umbaen binoan Dakdanak on tuson, Mangido haluaon Di pandidi on

6. Asi rohaM o Tuhan Di angka on sude, Tu buku hangoluan Surathon ma sude.
2. Mangkatindangkon Haporseaon

a. Mangkatindangkon Haporseaon

Ahu porsea di Debata Ama na sungogo, sitompa langit dohot tano., Ahu porsea di Jesus
Kristus, Anakna sasadai ima Tuhanta. Najinangkon sian tondi porbadia tubu sian namarbaju
si Maria. Namanaon nabernit di panguhuman ni si Pontius Latus, diparsilangkon, mate jala
ditanom, tuat tu banua toru. Nahehe sian angka namate di ari patoluhon. Na manaek tu
surgo, hundul disiamun ni Debata Ama na sungogoi. Sian ima Ibana mulak songot
manguhumi angka namangolu dohot na mate. Ahu porsea di tondi porbadia. Adong sada
huria Kristen nabadia, jala hatopan parsaoran ni angka nabadia. Dihasesaan ni Dosa. Di
haheheon ni sibuk . dohot dihangoluan na manontong. Amen
3. Marpanganon Nabadia

a. Manjaha Hatorangan Taringot tu panganon nabadia

b. Marende BE. 155 Tu son ma ale tondingku BL.192

1. Tu son ma ale tondingku, di na mauas, male ho. Manjalo basa ni Tuhanmu pinaradeNa i
di ho. Dilehon Jesus do dagingNa, marhitehite roti on,
Dilehon dohot do mudarNa, marhitehite anggur on.
4. Patogu haporseaonku, di hasasae ni dosangki. Marsitiopan baen rohangku, di mudarMi na
durus i. Sai ro ma Ho ale Tuhanku, marhite parpadanan on.
JoroM ma baen nuaeng rohangku. Ho ma nampuna au tongtong.
c. Panganon Nabadia

d. Marende B.E No. 207 SAI TIOP MA TANGANKU BL. 150

1. Sai tiop ma tanganku Sai togu au, Paima tos hosangku Ramoti au, Ndang olo au mardalan
sasada au, Sai Ho ma ale Tuhan Manogu au.
2. Baluti ma rohangku Na marsak I, Tu asi ni rohaMu Na godang I, Sai sesa ma dosangku

5
 Asa tongtong, Guru di Ho rohangku Tu jolo on.
18. Tangiang Mangkamuliatehon Sakramen

19. Merende B.E NO . 354 Sai Tong Maimaima Do BL.134

1. Sai tong maimaima do Rohanta i di Jesus. Ibana haluaon do Di angka naung tinobus
Rodo muse Tuhanta i Mardongan hasangapon i. Sai ro ma Ho, o Jesus Sai ro ma Ho, o Jesus
20. Pengutusan + pasu-pasu