PARTORDING NI PARMINGGUON

DI MINGGU SEXAGESIMA
(60 ARI ANDORANG SO HAHEHEON)

EV. Jesaya 40 : 27-31 EP. 1 Korint 9 : 16-23

TOPIK:
JAHOWA DO HAGOGOONTA
(ALLAH KEKUATAN KITA)

HURIA KRISTEN BATAK PROTESTAN

DUKUH KUPANG
RESSORT SURABAYA SELATAN
Minggu, 7 Pebruari 2021
 01. Pangaredeon diri marsaor dohot Debata
U :Horas ma di hita saluhutna ruas ni huria ni Tuhanta na hinaholongan. Na
marpungu do hita sadarion di Minggu SEXAGESIMA. (60 Ari Andorang so
haheheon ni Tuhan Jesus). Jahowa do na paloashon hita bongot tu minggu na
imbaru, alani tamama puji-pujian di Tuhanta sambing. Taparade ma dirinta laho
mamuji dohot pasangaphon Tuhani.
R :Hupuji hami ma Ho ale Tuhan Jahowa sitompa angka ujung ni tano on, tung
na so hadodoan do pingkiranMu.
U : JAHOWA DO HAGOGOONTA, ido nidok ni Topik Minggu sadari on,
dijouhon do hita, asa marhaposan tu Jahowa, dungi taruli ma hita di hagogoon
na mardapotdapot. Antong tapuji ma Jahowa, ai Ibana do mangurupi hita
salelenglelengna. Marende ma hita:
02. Marende BE No. 10: HUPUJI HUPASANGAP HO BL. 128
 Hupuji hupasangap Ho Amang pardenggan basa
Ai jadijadianMu do sude angka na masa
Ditompa Ho do sasude Dagingku ro di tondi pe. Pinuji ma goarMu
 ‘Ku puji Kau ya Tuhanku, ya Bapa Yang Pemurah
Semua karya ciptaanMu, baik indah dan sempurna
Kau yang mencipta diriku, jasmani roh dan jiwaku.
Terpujilah nama-Mu
03. VOTUM – INTROITUS – TANGIANG:
U :Marhitehite Goar ni Debata Ama dohot Goar ni AnakNa Tuhan Jesus Kristus
dohot Goar ni Tondi Parbadia, na tumompa langit dohot tano on. Amen. Beta
ma hita manungkap marsomba, marsinggang ma hita tu adopan ni Jahowa,
Sitompa hita. Ai Ibana do Debatanta, jala hita bangso pinarmahanNa jala birubiru
niiringiring ni tanganNa. Haleluya
R : (Mangendehon): Haleluya, Haleluya, Haleluya!
U :Martangiang ma hita: Ale Amanami na di banua ginjang ! Disuru Ho AnakMu
Tuhan Jesus Kristus tu portibi on, asa disegai angka ulaon ni sibolis i. Sai
padungo ma hami marhitehite TondiM na badia i, asa unang tarpedem hami di
bagasan dosa, alai asa monang hami sahat ro di ujung, jala ajari ma hami
mangasahon gogo na sian Ho i di ngolunami, asa mardame hami saleleng di
tano on, paima sahat hami tu hangoluan na so ra suda marhitehite AnakMu,
Tuhan Jesus Kristus, Tuhannami. Amen. (Hundul)
04. Marende BE No. 186 : 2 “JAHOWA DO HAPOSANHI”

1
 Na tau haposan situtu do Ho, o Debatangku
Ai Ho do na tongtong burju mambaen hangoluanku
Na gogo Ho sai tulus do sinangkap ni rohaMu pasaut na pinungkaMu
05. PATIK:
U :Tangihon hamu ma Patik ni Debata di Minggu SEXAGESIMA Sadarion, i ma na
tarsurat di 1 Kronika 16: 11. “Sisiri hamu ma Jahowa dohot hagogoonNa i,
tongtong ma lului hamu bohiNa” Antong rap mangido gogo ma hita sian Tuhan
Debata
R :Ale Tuhan Debata, sai pargogoi ma hami mangulahon na hombar tu PatikMi.
Amen.
06. Marende BE No. 165 : “NA BASA DO ROHAM DI AU” Bl. 19
 Na basa do rohaM di au o Jesus Tuhanhi
Di ihuthon Ho au tu na dao, mambuat rohangki
 Betapa agung kasihMu ya Yesus Tuhanku
Kau cari aku sampai jauh, Kau hibur hatiku

07. MANOPOTI DOSA:

U :Tatopoti ma dosanta na godang i tu adopan ni Debata, Martangiang ma hita :
Ale Debatanami, na marasiroha jala na badia, Amanami marhitehite Tuhan Jesus
Kristus! Manang piga hali hami ro tu joloM, huhilala hami, ringkot do asi ni
rohaM di saluhut hami halak pardosa. Ala ni i do umbahen na hupaserep hami
dirinami sadari on di joloM, jala huparhatopot hami, tung na jotjot do hami
manimbil sian angka dalanMu na badia songon birubiru na lilu. Jotjot ndang
huhaporseai hami hagogonMu laho mangurupi dohot mandongani hami di
angka ulaon manang di pardalananni ngolunami siganup ari. Gabe gogonami,
malonami, dirinami bahkan gogo ni portibi on na hupasangahon hami. Alani asi
ma rohaM di hami Tuhan. Sai unang pabali hami sian joloM ala ni dosanami i, ai
ndang dihalomohon rohaM hamatean ni angka pardosa, alai hamubaon ni
rohana do lomo ni rohaM, asa mangolu.
R :Ale Debatanami, na marasiroha jala na badia. Ho do hagogoonnami, asi ma
rohaM di hami.
U :Ale Debatanami, na marasiroha jala na badia, hataM do na mandok: Antong, na
umboto mambahen na denggan, gabe ndang diulahon, na mardosa ma ibana
disi. Godang ni angka na denggan na huboto hami alai ndang huulahon hami.
‘Martabuni’ hami di hagaleon, hahurangan dohot keterbatasannami, gabe ndang
huulahon hami be angka na denggan I maradophon dongannami nang di
2
 huriaM pe. Memang, ndang margogo hami laho mangulahon saluhutnai ia so
mardonganhon Ho. Alani, asi ma rohaM, paingot ma hami di hagogoon na sian
Ho i na pinasahatMu tu angka na porsea. Unang loas hami mangasahon diri,
malo dohot gogonami, na boi mamboan hami tu ginjang ni roha. Alani lehon ma
di hami parsitutuon laho mangulahon angka na denggan tu angka dongannami
saleleng mangolu dope hami di portibi on.
Musik BE. 165:1
(Martangiang dibagasan roha)
U :Bagabaga ni Debata Taringot tu hasesaan ni dosanta : Songon on do Hata ni
Tuhan Jahowa: Nunga diarsahi Ho Ahu marhite sian angka dosam, jala nunga
dilojai ho Ahu marhite sian angka hajahatonmu. Ahu tutu, Ahu sandiri manalesei
angka pangalaosim ala ni hadirionKu, jala ndang be Hupaingotingot angka
dosam. Hasangapon ma di Debata na di ginjang.
R : Amen. (Hundul)
08. Marende BE No. 190 : 3 “LAS ROHANGKU SITUTU”
 Las rohangku situtu ai parjambar au tutu
Di na denggan sasudena, pinarbaga ni Debata
Di sude na burju i, mangihuthon Jesus i
09. E P I S T E L :
U :Hata ni Debata turpuk Epistel di Minggu Sexagesima sadarion, tarsurat di 1
Korint 9: 16 – 23 “Ai molo huhatahon barita na uli i, ndang hasurunganku i;
utangku hian do i. Marjea do ahu, aut so hubaritahon i!
R :Ai molo huula i sian lomo ni rohangku, marupa ma ahu; alai nang sian na so
tarjua, tong do diampehon tu ahu tohonan i.
U :Asa aha do upangku? On do: Di na mamaritahon barita na uli i ahu, so hurugii
hamu, asa unang hupangasahon huasongku di barita na uli i.
R :Ai atik pe malua ahu sian saluhutna i, hupatutoru do diringku tutoru ni
saluhutna, asa tumorop nasida hutogihon.
U :Na gabe songon Jahudi do ahu di angka Jahudi, anggiat hutogihon angka
Jahudi. Di angka na ginomgoman ni patik i gabe songon na ginomgoman ni
patik i ahu: Nang so tutu ginomgoman ni patik i ahu, anggiat hutogihon angka
na ginomgoman ni patik i.

3
R :Asa hutogihon angka na so marpatik, gabe songon na so marpatik ahu di
angka na so marpatik i; alai ndada so marpatik ahu di jolo ni Debata, tung
ginomgoman ni patik ni Kristus i do ahu.
U :Di angka na gale gabe songon na gale do ahu, asa hutogihon angka na gale i.
Hupahombar do diringku tu sasude, anggiat hupalua nanggo deba.
R :Alai saluhutna i huula ala barita na uli, anggiat dohot ahu partohap disi
U :Ima sahatna. Martua ma angka na tumangihon Hata ni Debata jala na
umpeopsa. Amen.
10. Marende BE No. 740: 1 “NANG PUR PE HABAHABA I”
 Nang pur pe habahaba i, Tuhan ma parlingomanmi,
Humuntal pe portibion, Tuhan ma parlinggomanmi.
Ai Jesus do partanobatoan i, di tano on, di ngolumon,
Ai Jesus do Partanobatoan i, hot ro di salelengna i.
 Di saat badai menerpa, Tuhanlah perlindunganmu
Walau pun goncang dunia Tuhanlah perlindunganmu
Tuhanku gunung batu di dunia, di dunia, di dunia
Tuhanku gunung batu di dunia, teguh dan kokoh s’lamanya.
11. MANGHATINDANGHON HAPORSEAON:
U :Tahatindangkon ma haporseaonta i, songon na hinatindangkon ni donganta
sahaporseaon di sandok portibi on. Rap ma hita mandok:
R :Ahu Porsea….. (Hundul)
12. TINGTING + TANGIANG PANGONDIANON
13. Marende BE No. 712 : 1 - - - “TOGU AU ALE JAHOWA”
 Togu au ale Jahowa didalan na rodop on.
Ho do na tongtong satia togu au na gale on.
Sagu-sagu hangoluan sai pabosur tondingkon,
Sai pabosur tondingkon.
 Ro ma ho aek hangoluan na pahisar tondingki
Sai dijolo ma ho Tuhan dohot tiang apiMi
Sipartogi na gumogo ho ma lombu-lombungki.
Ho ma lombu-lombungki.
14. JAMITA: Jesaya 40: 27 - 31

4
 40:27 Mengapakah engkau berkata demikian, hai Yakub, dan berkata begini, hai
Israel: "Hidupku tersembunyi dari TUHAN, dan hakku tidak diperhatikan
Allahku? "
40:28 Tidakkah kautahu, dan tidakkah kaudengar? c  TUHAN ialah Allah kekal d 
yang menciptakan e  bumi f  dari ujung ke ujung; Ia tidak menjadi lelah dan tidak
menjadi lesu, g  tidak terduga h  pengertian-Nya.
i  j 
40:29 Dia memberi kekuatan kepada yang lelah dan menambah semangat
kepada yang tiada berdaya.
k  l 
40:30 Orang-orang muda menjadi lelah dan lesu dan teruna-teruna jatuh
tersandung,
40:31 tetapi orang-orang yang menanti-nantikan m  TUHAN mendapat kekuatan n 
baru 1 : mereka seumpama rajawali o  yang naik terbang dengan kekuatan
sayapnya; mereka berlari dan tidak menjadi lesu, p  mereka berjalan dan tidak
menjadi lelah.
15. Marende BE No. 758 : 1 - - - “JAHOWA PANGURUPI”
 Jahowa pangurupi disi ulaonmi. Dilehon pos ni roha di ganup tingki i
Nang pe sipata ganggu haporseaonmi
Jamot tongtong Tuhanmu manjaga ngolumi.
 Jahowa las ni roha saleleng ngolumi, Ibana haroroan ni nasa na uli
Ai disarihon Jesus sude naringkot i.Halashon panoguon ni Jesus Tuhanmi.
16. Acara Menyampaikan Persembahan Bulanan untuk bulan February 2021.
Pandita:Dibagasan sabulan on marragam do angka na masa di portibi on, adong
virus corona, banjir di piga-piga luat na manghorhon tu hasesega ulaon,
bencana, na mambahen marungkil angka donganta. Alai dipadao Tuhan i do
saluhutnai sian hita ruasni Huria on. Alani tama ma sihalashononta na binahenni
Debata di ngolunta. Bahkan dipasupasu do angka ulaonta rodi sahat tu bulan
February 2021. Alani aha ma sidohononta di sude na binahenni Debata di
ngolunta?

Ruas: Mauliate ma di Ho Tuhan, di hahipason, hagogoon dohot tiur ni pingkiran

gabe tarbahen hami mangula angka ulaonnami. Pasupasu ma i. Ajari ma hami
laho marnida PambahenanMu di ngolunami si ganup ari asa huboto hami
manghamauliatehon pasupasuMi tu Ho marhite HuriaM HKBP Dukuh Kupang on.
Jala parbisuki ma hami mamangke na pinasahatMi dohot denggan, di ngolu
siganup ari, di masa depanni ianakkonnami, di parsaorannami songoni nang di

5
huriaM. Marhite Kristus, naung mangusehon pasupasuNa tu hami, ro hami tu Ho.
Amin.

Menyanyikan BE No. 848:1: “Dison adong huboan Tuhan”

♫Dison adong huboan Tuhan, parbue ni ngolungku na so tardok nian
Sadia ma argana Tuhan, molo sai nirajuman sude denggan basaM?
Jalo ma Tuhan, sai las ma rohaM
17. Tangiang Pelean – Tangiang Ale Amanami – Pasupasu