ACARA PARTANGIANGAN

PASSION I

12 MARET 2021
PANGARADEON
DIRI :
U : Di hita saluhut
hinaholongan ni Kristus Jesus!
Saonnari, masuk ma hita tu
parpunguan passion di
hurianta. Partangiangan
Passion do goar ni
partangianganta borngin on!
Ai aha do huroha passion i?
R : Passion ima sitaonon.
Sitaonon dohot hamamate ni
Kristus Jesus. Sitaonon soala
pambahenanNa sandiri, alai
ala pambahenan hadosaon ni
hita jolma do umbahen tumaon
na porsuk Kristus laho
humophop hita
U : Antong, molo songon i ma
dokdok ni sitaonon ni Jesus
Kristus marhite silang i laho
humophop hita ala ni dosanta,
nda tama hita marhahohomon
laho mangauhon tu rohanta
panghophopanNa i?
U : Dibahen i, tapaunduk ma
simanjujungta, tapasada roha
dohot pingkiranta di bagasan
halohomon. Martangiang ma
hita di bagasan rohanta be.
--- saat teduh - iringan organ
BE. No. 82:1 (BL21) ---
U : Amen
1. Marende BE.No. 76 : 1 - 2 BL. 199
SADA NAMA SANGKAP
1) Sada nama sangkap ni rohangku
di sandok portibi on.
Ndang tagamon naso las rohangku molo
jumpang au inon.
Naeng ma sai ingoton ni rohangku
nabinaen ni Jesus tu tondingku
Uju pinorsan Na i saluhutna dosangki.
- Ruas Jongjong -
2) Ingkon sai Ibana ingotonhu
uju na tarpajal i.
Tu hau pinarsilang ginantungkon,
sai mabaor mudarna i.
Ai humnophop au ditaon uasNa,
asa dohot au muse upaNa;
Ai ditatap do au on, di pandokNa :
"Nunga sun!"
2. V O T U M
INTROITUS
TANGIANG
U : Marhitehite goar ni Debata
Ama, dohot goar ni Anak Na
Tuhan Jesus Kristus, dohot goar ni
Tondi Parbadia natumompa langit
dohot tano on.
R : Amen.
U : Tabereng ma induk ni haporseaon i
jala na paujungkonsa.
R : Ima Jesus na manaon parsilangon
i.
U : Singkat ni las ni roha tohapNa i
hian, so dietong i hailaon.
R : Gabe hundul di siamun ni
habangsa ni Debata.
U : Paingotingot hamu ma lbana na
pataontaon paraloan si songon i
dompak Ibana, sian angka pardosa.
R : Asa unang marnaloja hamu, unang
mandate tondimuna.
U : Haleluya! Martangiang ma hita!
Ale Tuhan Jesus, sasada Ho do
sipangolu jala sipadomu jolma tu
Debata. Hupuji hami ma goar Mu,
jala hudok hami mauliate tu Ho,
ala saluhut binahenMu patupahon
hangoluannami.
U : Sai dongani hami marhite asi ni
roham, asa huauhon hami tongtong
natinaonMu dohot hamamateMi.
Asa huarsakhon hami dosa dohot
angka pangalaosionnami. Marhite i
gabe tubu di hami pamompomom
ni diri dohot haporseaon na
sintong, asa narroha haholongan
huhut mandok mauliate hami tu
Ho.
U : Asa olo hami mangihuthon Ho ro
di hamatean. Ale Tuhan, di Ho ma
tama pujipujian di tongatonga ni
saluhut huria naung tinobusMu,
merhitehite mudarMu na badia i,
olat ni on ro di salelenglelengna.
Amen. ---hundul---
3. Marende BE. No. 152 : 1 BL. 120
JESUS NA MAMORSAN
1) Jesus na mamorsan dosa
ni portibi on, pangolu hami!
Jesus na mamorsan dosa
ni portibi on, pangolu hami!
Jesus na mamorsan dosa
ni portibi on, sai pusonang hami,
Amen, Amen, Amen.
4. TUHAN JESUS
BORHAT TU
JERUSALEM
U : Jadi diarahon Jesus ma
siseanNa na sampulu dua i, jala
didok ma tu nasida : "Na nangkok
ma hita tu Jerusalem jala tulus ma
tu Anak ni jolma i sasudena na
tarsurat di angka hata ni
panurirang.
U : Ai pasahatonna ma Ibana tu
angka parbegu, gabe insahanna,
reheanna, jala tijuranna ma Ibana,
mate, dung i mulak mangolu ma
lbana di ari patoluhon“
R : Alai ndang diantusi nasida jala
ndang diboto nasida na hinatahon
Na i.
U : Dung i diparsang angka sintua
ni malim dohot angka parise ma
rapot godang. Didok nasida ma:
"Aha ma bahenonta?, ai lan do
tanda dibahen halak i".
R : Molo tapasombu Ibana, porsea
ma halak saluhutna tu Ibana, gabe
ro ma halak Rom mangarampas
tanonta dohot bangsonta.
Sahalak Sintua :
Alai hehe ma sada sian nasida ima si
Kayafas, sintua ni malim na sataon
i. Didok ma tu nasida: "Nahurang
roha do hamu? Ndang dipingkiri
rohamuna dengganan do mate sada
nalak humophop natorop i, unang
laho mago sandok bangso i?"
R : Alai ndang sian rohana sandiri
dihatahon i, ala na sintua ni malim
ibana na sataon i, umbaen
disurirangkon na naeng mate ma
Jesus humophop bangso i.
U : Asa olat ni na sadari i,
martuptup ma nasida laho mamusa
Jesus.
5. Marende BE. No. 77 : 4 BL. 65
HAMU SALUHUT HALAK

4) Au on ro di dosangku naso tardok

rohangku dibaen godangna i.
I do na pinorsanMu, disi,
ale Tuhanku, marsipal Ho binaen ni i
6. JESUS
DIMIAHI
U : Dung 1 onom ari nari asa
dapot Paska i, sahat ma Jesus tu
huta Betania na nünganan ni si
Lasarus na sinunggulan ni Jesus
sian na mate. Jadi dipauli nasida
ma disi sipanganon ujuan di Ibana.
Si Marta do manghobasi, si
Lasarus ma sada donganNa
mangan disi.
U : Gabe dibuat si Maria ma
sahata miak narcus na arga, na so
marsaor, dimiahi ma pat ni Jesus,
jala obukna ma dibahen
mangalapu. Jadi digohi uap ni
miak i ma bagas i.
Sahalak Sintua :
Jadi sada sian angka sisean Va, si
Judas Iskariot na naeng
manjehehon Ibana mandok :
"Boasa so ginadis mia i arga tolu
ratus hupang bahen silehonlehon tu
angka nu pogos?" Alai ndada na
pogos sinarihonna umbakem na
didok ibana songoni.
Sahalak Sintua :
panangko do ibana tahe, diusung
ibuna do asiasi ni holak, ai tu ibana
dipasahat puro i.
Sahalak Ina :
Dungi ninna Jesus ma: "Pasombu
ma ibana, ai diparade do i hira tu
ari hatatanom Hi. Ai tongtong do
adong na pogo
Sahalak Ina :
di tongatongamuna, jala asal ma
olo hamu, tarpatongon hamu do na
denggan tu nasida. Alai anggo Ahu
ndarg manongtong di jolomuna.
Intap ni na tarbahensa do na
niulanai. Na manjoloani de ibana
mamishi pamatangHu songon na
mananom.
7. Marende BE. No. 79 : 7 BL. 124
DI NAPONJOT ROHANGKU

7) Sai naeng ma tiruonku

pambaenanMi di au,
Tu sasude donganku; Jesus urupi au.
Manghaholongi donganhi,
unang tung marpambuat.
Nang marpangansi pe.
8. DITOMUTOMNU
JESUS DI
JERUSALEM
U : Dung i torang ni arina i,
dibege halak na ro tu pesta i ma na
naeng ro Jesus tu Jerusalem, jadi
dibuat nasida ma maremare laho
manomunomu Ibana huhut
manjoujouhon:
R : "Hosianna! Pinasupasu ma na
ro marhite goar ni Tuhan i, Raja ni
Israel.”
U : Dung i dapot ni Jesus ma
halode sada, i ma dihunduli
hombar tu natarsurat i: 'Unang ho
mabiar ale boru Sion, ida ma
Rajam do na ro marsihundul di
anak ni halode".
R : Jala halak Parise manang deba
sian angka natorop i mandok tu
Ibana : "Orai ma antong angka
R : Alai ninna ma mangalusi
nasida : "Hudok ma tu hamu, aut
mauhom nasida joujou ma angka
batu!“
Sahalak Sintua :
Alai dibongoti sibolis ma si Judas
Iskariot, sahalak sian na
sampuludua i gabe laho ma ibana
martuptup dohot angka sintua ni
Sahalak Sintua :
manang dia dalanna pasahathon
Jesus tu nasida. Jadi sian las ni
roha nasida, marpadan ma nasida
mangalehon hepeng tu si Judas.
Diolci si Judas ma i, jadi dilului
ma tingki na une pasahathon Jesus
so sian pamotoan ni natorop i.
9. Marende BE. No. 83 : 5 BL. 214
NA LAO DO BIRUBIRU I

5) O, Tuhan hinauliMi
sai naeng endehononhu;
Diringku ma peleanMi
na naeng seahononhu.
O Jesus jalo ma au on,
pasiat ma pamujingkon.
9. Marende BE. No. 83 : 5 BL. 214
NA LAO DO BIRUBIRU I

5) Baen sangap di goarMu.

Pasahat au tu surgo i
marhitehite mudar Mi,
Baen intan di tumpalMu.
10. PANGANON
PASKA
U : Alai di ari parhobasan parjolo
ni Paska i, didapothon siseanNa
ma Jesus, angka ninna ma: "Tudia
ma patureonnami di Ho panganon
paska i dipangido roham?".
Sahalak Ama :
Gabe didok Jesus ma : "Laho ma
hamu tu huta i manopot si anu, dok
hamu ma tu ibana,
Sahalak Ama :
tona ni Guru i na dapot ne ma
tingkingKu, di ho ma ahu sorang
laho mangan Paska i rap dohot
siseanKu.”
U : Jadi disuru Itana siseanNa dua
halak, jadi didok ma tu nasida :
"Laho ma hamu tu huta i,
pajumpang ma hamu disi
U : dohot sahalak na mangusung
aek sahudon, ibana ma ihuthon
hamu. Tu ibana ma dok hamu :
Didia do bilut ingaran, asa disi
hupangan hami Paska i?”
Sahalak Ina :
Jadi patuduhononna ma tu hamu
bilut parginjang sada, na lambas, na
tipak hinembangan, disi ma
paturehamu di hita!"
R : Jadi borhat ma siseanNa i,
dibongoti ma huta i, jadi jumpang
ma tutn songon nidokNa i, gabe
dipature ma disi Paska i. Asa dung
bot ari, ro ina Jesus dohot siseanNa
nasampulu dua i
U : Di borngin parpudi, uju tarjebe
Tuhanta Jesus, dibuat do roti .
U : Didok ma mauliate,
diponggoli ma laos didok ma:
"Dagingku do on na nilchon
humophop hamu. Ula hamu ma i
bahen parningotan di Ahu.” Laos
songon i ma nang panginuman i,
dung salpu na mangan i didok ma:
"Padan na imbaru ma on di
bagasan mudarHu."
R : Ula hamu ma songon i bahen
parningotan di Ahu, ganup diinum
hamu i. Ganup dipatupa hamu i,
hamamate ni Tuhan i do
binaritahononmuna disi, rasirasa ro
Ibana.
U : Asa dung diburi Jesus
patnasida, dipangke ma muse
ulosNa, hundul ma Ibana,
U : didok ma tu nasida : “Ai
diantusi hamu do pambahenan Hi
tu hamu?” Digoari hamu do Ahu :
"Guru dohot Tuhan”, jadi ture do
pandokmuna disi, ai i do Ahu tutu.
R : Asa molo Ahu Tuhan jala
Gurumuna, tama ma nang hamu
marsiburian pat, ai sitiruon do
Hulehon tu hamu,
R : asa dibahen hamu songon na
Hubahen i tu hamu! Natutu situtu
do na Hudok on tu hamu, ndang na
umbalga anak somang sian
indukna, ndang sumurung suruan
sian na marsuru ibana. Molo
diboto hamu i, martua ma hamu
mangulahonsa
11. Marende BE. No. 432 : 1 BL. 292
SIAN HURUNGAN NI DOSANGKI
1) Sian hurungan ni dosangki,
ro au tu Ho ro au tu Ho.
Tu haluaon di mudarMi
Jesus au ro tui Ho.
Nasa rohargku malum hipas,
gabe mamora nang pe pogos.
Sian jeangku ro au tu Ho,
Jesus au ro tu Ho.
12. PANJEHEON
DOHOT
PANSOADAHONO
N NI SISEAN
U : Jadi di na mangan i nasida,
ninna Jesus ma : "Situtu do na
hudok on tu hamu, sada sian hamu
naeng pasahathon Ahu!"
R : Dung i marsak situtu ma
nasida, gabe dipandok be ma tu
Ibana : “Ndang ahu i Tuhan?”
U : Alai ninna ma mangalusi : "Ia
i na rap dohot Ahu manurdukhon
tanganna tu paringkauan, i do na
pasahat Ahu. Tong do nian ujung
ni Anak ni jolma i songon na
tarsurat hian, alai marjea do halak
na pasahathon Anak ni Jolma i.
Tagonan unang sanga tubu ibana tu
hasiangan on.”
Sahalak Ama :
Alai adong ma sada sian angka
sisean i, na hundul jumonok tu
Ibana, ima haholongan ni Jesus i.
Ima dihilap si Petrus, jadi ninna ma
mandok ibana: "Sungkun ma ise
do nanidoknai!" Jadi dipajonok ma
tu lambung ni Jesus i mandok tu
Ibana: Tuhan, ise i?
U : Gabe dialusi ma: "Ia tusi
hulehon na santopik na
husornophon on, ima ibana.”
Sahalak Ina :
Jadi disornophon ma na santopik i,
dilehon ma tu si Judas Iskariot
anak ni si Simon i. Jadi dung
dibonduti, dibongoti sibolis ma
ibana.
Sahalak Ina :
Dung i didok Jesus ma tu ibana:
"Humatop ma ula siulaonmu!” Asa
dung dijalo si Judas na santopik i,
laho ma ibana tu balian ni huta i.
Sahalak Sintua :
Jadi di na mangan i nasido
dihindat Jesus ma roti i, laos di
pasupasu ma, diponggoli ma,
Sahalak Sintua :
jala di pallehon ma tu angka
siseanNa, huhut ma didok : "Jolo
hamu ma jala pangan hamu,
dagingku do on." Dung i dihindat
ma panginuman i, didok ma
mauliate, dilehon ma tu nasida
huhut didok : "Sude hamu
manginum sian i,
Sahalak Sintua :
ai mudarHu do on, mudar
parpadanan i, naniusehon
humophop torop jolma, bahen
hasesaan ni dosa!"
13. Marende BE. No. 154 : 1 BL. 190
SAI PALINGGAS HO
1) Sai palinggas ho tondingku,
sai tadingkon ma arsakmu.
Ro ma ho tu hatorangan
asa dapot hasonangan.
Ai tarontang ho saonari
tu haroan nabadia.
Na manggomgom parluhutan,
naeng tu ho do maringanan.
14. TANGIANG
MANOPOTI
DOSA
U : Asi ma roham di ahu ale
Jahowa Debata, asa mangolu ahu.
R : Sai palambas ma rohaM mida
au na posomon
U : Ai Ho do ale Tuhan
dihalungunhon rohangkon.
R : Lehon ma tu hami hatuaonMi,
jala tangihon elekelek
U : Sai parateatehon ma soara ni
angguhanggukhon, ai timbul do Ho
nambahen angka tanda
halongangan, sasada Ho do Debata
ni hatuaonnami.
R : Sai ajarhon ma tu ahu ale
Jahowa dalanMu, asa
marpangalaho ahu di bagasan
hasintongan.
U : Sai dompakhon ma bohiM tu
ahu, jala sai asi ma rohaM di ahu.
Sai tumpakhon ma gogoM iu ahu
na posomon, jala palua ahu sian
roha sibuk on.
R : Tuhan, asi rohaM di hami
U : Ho do ale Jahowa, parasi roha
jala pardenggan basa, lambat
tarrimas jala parasi roha godang.
R : Ai songon asi ni roha ni angka
amaama di angka ianakkonna,
songon i do asi ni rohaM di angka
na manghabiari GoarMu
R : Hasangapon ma di Debata na
di ginjang!
S : Amen
15. SOLOIST
(Mangendehon
BE. No. 620 : 1, 3 BL.
620)
16. Marende BE. No. 619 : 1 BL. 619
DI GOLGOTA

1) Di Golgota husolsoli do,

sude dosangku na jorbut i.
las au dibaen mudarNa i, puji Jesus i
Puji ma goarNa puji ma goarNa
MudarNa paias rohangki puji Jesus i.
17. JAMITA
18. Marende BE. 426 : 1 – 3 BL. 286
TUTU NAMATE JESUS I
Pelean

1) Tutu na mate Jesus i

homophop iba on?
Durus di hau parsilangi
mudarNa i tongon?
Songon i tutu, songon i tutu,
Umbaen na mate Jesus i siala au do i
2) Tutu na mate Jesus i siala dosangki?
Na lao pasachon utangki
dibaen holongNai?
Songon i tutu, songon i tutu,
Umbaen na mate Jesus i siala dosami
- Musik / Organ -
3) Tama huhuphup bohingkon
marsinggang di joloM
Mariluilu matangkon
marningot basaMon.
Songon i tutu, songon i tutu,
Umbaen na mate Jesus i
siala au tongon.
 19. TANGIANG
PANUTUP :
Tangiang Pelean
Tangiang Ale Amanami
Pasupasu
Amen, amen, amen