PARTORDING NI PARTANGIANGAN PASSION

HKBP KEDATON RESSORT KEDATON

SENIN, SELASA, RABU

DI PARTANGIANGAN LUNGGU
REMINISCERE S.D OKULI
 PARTANGIANGAN PASSION MINGGU
REMINISCERE SAHAT TU MINGGU OKULI
SENIN S.D RABU 2024

1. MARENDE NO 76: 1 – 3, “SADA NAMA SANGKAP” BL. 199

♪ Sada nama sangkap ni rohangku di sandok portibi on

Ndang tagamon na so las rohangku, molo jumpang au inon
Naeng ma sai ingoton ni rohangku, na binaen ni Jesus tu
tondingku Uju pinorsanNa i, saluhutna dosangki.
♪ Ingkon sai Ibana ingotonku, uju na tarpajal i
Tu hau pinarsilang ginantungkon, sai mabaor mudarNa i
Ai humophop au ditaon uasNa, asa dohot au muse upaNa
Ai ditatap do au on, di pandokNa: Nunga sun.
♪ O Jesusku sai paingot ahu di dosangku di basaM
Ai andorang di na holom ahu dipalambas Ho rohaM
Nunga leleng dilului Ho do au na lilu asa unang mago
Ditaon Ho na bernit i lao manobus tondingki
2. VOTUM-INTROITUS -TANGIANG
U: Marhitehite Goar ni Debata dohot Goar ni AnakNa Tuhan Jesus
Kristus dohot Goar ni Tondi Parbadia. Amen. Taberengma induk ni
haporseaon i jala na paujunghonsa, i ma Jesus na manaonhon
parsilangon i, singkat ni las ni roha tohapNa i hian, so dietong i
hailaon, gabe hundul disiamun ni habangsa ni Debata. Paingotingot
hamu ma Ibana, na pataontaon paraloan sisongon i dompak Ibana sian
angka sipardosa, asa unang marnaloja hamu, unang mandate
tondimuna! Haleluya.

2|P A R T O R D I N G N I P A R T A N G I A N G A N P A S S I O N H K B P K E D A T O N
 Martangiang ma hita: Ale Tuhan Debata, Amanami na di Banua
Ginjang! Asi ma rohaM di hami halak na gale on. Diida Ho, na gogo
do musunami sai talu do hami dibahen, ala ni hagaleonnami. Dibahen
i hupangido hami tu Ho: Sai pargogoi jala pamonang ma hami
maralohon musu i marhitehite panaonon ni Anak haholongan ni
rohaM, Tuhan Jesus Kristus. Amen.

3. MARENDE NO. 152: 1,”JESUS NA MAMORSAN” BL. 120

♪ Jesus na mamorsan dosa ni portibi on, pangolu hami

Jesus na marmosan dosa ni portibi on, pangolu hami
Jesus na mamorsan dosa ni portibi on, sai pasonang hami
Amen, Amen, Amen
U: Jadi diarahon Jesus ma na sampuludua i, jala didok ma tu nasida: Na
nangkok ma hita tu Jerusalem, jala tulus ma tu Anak ni Jolma i
sasudena, na tarsurat di angka panuriang.
R: Ai pasahaton ma Ibana tu angka parbegu, gabe insahanna, leaanna
jala tijuranna ma Ibana; dung i mulak mangolu ma Ibana di ari
patoluhon.
U: Alai ndang diantusi nasida agia otik sian i; na buni do Hata i sian
rohanasida, ndang diboto nasida na hinatahonNa i.
R: Dung i dipinsang angka Sintua ni malim i dohot angka Parise ma
rapot godang, didok nasida: Aha ma bahenonta?
U: Ai lan do tanda dibahen Halak! Molo itapasombu Ibana, porsea ma
halak saluhutna tu Ibana, gabe ro ma halak Rom mangarampas
tanonta dohot bangsonta.
R: Alai hehe ma sada sian nasida, i ma si Kayapas, sintua ni malim di
na sataon i, didok ma tu nasida: Na hurang roha do hamu! Ndang

3|P A R T O R D I N G N I P A R T A N G I A N G A N P A S S I O N H K B P K E D A T O N
 dipingkiri rohamuna denggan do mate sahalak humophop natorop i,
unang laho mago sandok bangso i.
U: Alai ndang sian rohana sandiri dihatahon i; ala sintua ni malim ibana
di na sataon i umbahen disuriranghon, na naeng mate ma Jesus
humophop bangso i. Alai tahe, ndada holan laho humophop bangso i,
alai naeng papunguonNa angka anak ni Debata, angka na marserak
dope, laho pasadahon.
R: Asa olat ni sadari i martuptup ma nasida laho mamusa Ibana. Alai
didok nasida ma: unang ma di pesta i, sotung guntur natorop i!

4. MARENDE NO 77: 4, “HAMU SALUHUT HALAK” BL. 65

♪ Au on rodi dosangku na so tardok rohangku dibaen godangna i

I do na pinorsanMu disi ale Tuhanku marsipal Ho binaen ni i
U: Dung i onom ari nari asa dapot Pesta Paska i, sahat ma Jesus tu huta
Betania, na niinganan ni si Lazarus, na sinunggul ni Jesus sian na mate.
Jadi dipaulinasida ma disi panganon ujuan di Ibana;
R: si Marta do manghobasi, si Lazarus ma sada donganNa mangan disi.
Gabe dibuat si Maria ma sahati miak Nardus na arga na so marsaor,
dimiahi ma pat ni Jesus, obukna ma dibahen mangalapu.
U: Jadi digohi uap ni miak i ma bagas i. Jadi sada sian angka siseanNa, si
Judas Iskariot na naeng manjehehon ibana, mandok: Boasa so digadis
miak i arga tolu ratus hupang, bahen silehonlehon nian di angka na
pogos?
R: Alai ndada na pogos sinarihononna, umbahen na didok ibana
songon i, panangko do ibana tahe, diusung do asiasi ni halak, tu
ibana dipasahat puro i.
U: Dungi ninna Jesus ma: Pasombu ma ibana, ai diparade do i hira tu ari
hatatanomHi. Ai tongtong do adong na pogos di tongatongamuna, jala
4|P A R T O R D I N G N I P A R T A N G I A N G A N P A S S I O N H K B P K E D A T O N
 asa na olo hamu, tarpatongon hamu do na denggan tu nasida; alai
anggo Ahu ndang manongtong di hamuna. Intap na tarbahensa do na
niulana i; na manjoloani do ibana mamiahi pamatangHu songon di na
mananom. Situtu do hatangkon tu hamu.
R: Manang didia di liat portibi on dijamitahon muse Barita Nauli on,
hatahononna do nang na binahenna i gabe baritana.
U: Dung i torang ni arina i, dibege halak natorop na ro tu pesta i, na naeng
ro ma Jesus tu Jerusalem, jadi dibuat nasida ma angka maremare laho
manomunomu Ibana huhut manjoujouhon; Hosianna! Pinasupasu ma
na ro marhite Goar ni Tuhan i, Raja ni Israel.
R: Dung i dapot Jesus ma halode sada, i ma dihunduli hombar tu na
tarsurat: unang ho mabiar ale Boru Sion, ida ma: Rajam do na ro,
marsihundul di anak ni halode.
U: Jala halak Parise dohot na deba na sian natorop i mandok tu Ibana:
Orai antong angka siseanMi, Guru!
R: alai ninna ma mangalusi: Hudok ma di hamu , aut mauhom nasida,
manjoujou ma angka batu.
U: Alai dibongoti sibolis i do si Judas na margoar Iskariot, sahalak sian na
sampuludua i.
R: Gabe laho ibana martuptup dohot angka sintua ni malim raphon
angka panungganei, manang dia dalanna pasahathon Ibana tu
nasida.
U: Jadi sian las ni rohanasida marpadan ma nasida mangalehon hepeng
tu ibana.
R: Dioloi si Judas ma i, jadi dilului ma tingki na une pasahathon Ibana
so sian pamotoan ni natorop i.
5. MARENDE NO 83: 5 “NA LAO DO BIRUBIRU I” BL. 214

♪ O Tuhan hinauliMi sai naeng endehononhu;

5|P A R T O R D I N G N I P A R T A N G I A N G A N P A S S I O N H K B P K E D A T O N
 Diringku ma peleanMi na naeng seahononhu,
O Jesus jalo ma au on pasiat ma pamujingkon,
Baen sangap di goarMu! pasahat au tu surgo I,
Marhitehite mudarMi baen intan di tumpalMu
U: Alai di ari parhobasan parjolo di Pesta Paska i, didapothon siseanNa
ma Jesus, angka ninna ma: Tu dia ma patureonnami di Ho panganon
Paska i, dipangido rohaM?
R: Gabe didok ma: Laho ma hamu tu huta i manopot si Anu, dok hamu
ma tu ibana: Tona ni Guru i; na dapot ne ma tingkingKu, di ho ma
ahu sorang, laho mangan Paska i rap dohot siseanKu.
U: Jadi saut ma disuru Ibana siseanNa dua halak jala didok ma tu nasida:
Molo laho hamu tu huta pajumpang ma hamu disi dohot sada halak
na mangusung aek sahudon, ibana ma ihuthon hamu!
R: Tu ibana ma dok hamu: Di dia do bilut inganan, asa disi hupangan
hami Paska i? jadi patuduhononna ma tu hamu bilut parginjang
sada, na lambas, na tipak hinembangan, disi ma pature hamu di hita!
U: Jadi borhat ma siseanNa, dibongoti ma huta i, jadi jumpang nasida ma
tutu songon na nidokNa i, gabe dipature ma Paska i.
R: Asa dung bot ari, ro ma Jesus dohot na sampuludua i. jadi di na
mangan nasida, hehe ma Jesus sian na mangan i, ditanggal ma
ulosNa, dibuat ma basahan, ditapolhon tu Ibana.
U: Diusehon ma aek tu sambong, dung i diburi ma pat ni angka siseanNa,
diapusi ma dohot basahanNa na tinapolhonNa i.
R: Dung i sahat ma Ibana tu si Simon Petrus jadi didok ma mandok
Ibana: Tung Ho ma ale Tuhan, mamuri pathu?

6|P A R T O R D I N G N I P A R T A N G I A N G A N P A S S I O N H K B P K E D A T O N
U: Dung i ninna Jesus ma mangalusi Ibana: Ndang diantusi ho
pambahenanKu na tu ho anggo nuaeng, muse pe botoonmu i.
R: Dung i didok si Petrus ma tu Ibana: Matua tano on, ndang burionMu
pathu.
U: Dung i ninna Jesus ma mangalusi ibana: Molo so burionKu ho, ndang
partohap ho di Ahu.
R: Dung i ninna si Simon Petrus ma: Ale Tuhan, unang ma holan
pathu, dohot ma tangan dohot ulungku.
U: Gabe didok Jesus ma tu ibana, halak naung maridi i, ndang ingkon be
burion; ai nunga sude ibana ias. Naung ias do anggo hamu, alai ndang
luhut hamu. Ai ditanda do sipasahat Ibana, umbahen na didok: Ndang
saluhut hamu ias.
R: Asa dung diburi Jesus patnasida, dipangke ma muse ulosNa, hundul
ma Ibana didok ma tu nasida: Ai diantusi hamu do pambahenanKi
tu hamu?
U Digoar hamu do Ahu Guru dohot Tuhan, jadi ture do pandokmu disi,
ai i do Ahu tutu. Asa molo patmuna, tama ma nang hamu masiburian
pat! Ai sitiruon do Hulehon tu hamu, asa dibahen hamu songon naung
Hubahen i tu hamu! Na tutu situtu do na Hudok on tu hamu: Ndang
umbalga anak somang sian indukna, na sumurung suruan sian na
marsuru ibana. Molo diboto hamu i, martua ma hamu mangulahonsa.

6. MARENDE NO. 725: 1 “AI SITIRUON DO HULEHON TU HAMU”

♪ Tuhanta Jesus mandok tu siseanNa: Ai sitiruon do Hulehon tu
hamuna/ Asa baen hamu songon na hubaen tu hamu/ Martua
7|P A R T O R D I N G N I P A R T A N G I A N G A N P A S S I O N H K B P K E D A T O N
 ma hamuna angka na mangulahonsa/ Asa pasupasu ho di ngolu
ni Huria/ Jala pasupasu ho di ngolu ni bangsonta/ Asa
pasupasu ho di ngolu ni Huria/ Jala pasupasu ho di ngolu ni
bangsonta.
U: Jadi di na mangan i nasida, ninna Jesus ma: Situtu do na Hudok on tu
hamu: Sada sian hamu naeng pasahathon Ahu!
R: Dung i marsak situtu ma nasida, gabe dipandok be ma tu Ibana: Nda
tung ahu i Tuhan?
U: alai ninna ma mangalusi: Ia i na rap dohot Ahu manurdukhon
tanganna tu paringkauan i do na pasahathon Ahu!
R: Tong do nian ujung ni Anak ni Jolma i songon na tarsurat hian; alai
marjea do halak na pasahathon Anak ni Jolma i. Tagonan unang ma
sanga tubu ibana tu hasiangan on.
U: Alai adong ma sada sian angka siseanNa i, na hundul jumonok tu
Ibana, haholongan ni Jesus i. I ma dihilap si Petrus, jadi ninna ma
mandok ibana: Sungkun ma, ise na nidokNa i.
R: Jadi dipajonok ma tu lambung ni Jesus mandok tu Ibana: Tuhan, ise
i?
U: Gabe dialusi Jesus ma: Ia tusi Hulehon na santopik na Husornophon
on, i ma Ibana. jadi disornophon ma santopik, dilehon ma tu si Judas
Iskariot, anak ni si Simon.
R: Jadi dung dibondut i, dibongoti sibolis i ma Ibana. Dung i didok
Jesus ma tu Ibana: Humatop ma ula siulaonmu. Asa dung dijalo si
Judas na santopik i, pintor laho do ibana tu balian, alai borngin ma
uju i.

7. MARENDE NO. 173: 4 “SAI MULAK” BL. 63

♪ Sai mulak, sai mulak ai na sonang ma ho.
8|P A R T O R D I N G N I P A R T A N G I A N G A N P A S S I O N H K B P K E D A T O N
 Molo sesa dosam jala sabam roham.
O parjalang ho! mulak, mulak ma ho
Mulak, mulak ma ho
U: Jadi di na mangan i nasida, dihinsat Jesus ma roti, dipasupasu ma,
diponggoli ma jala diparlehon ma tu angka siseanNa, huhut ma didok:
Jalo hamu, pangan hamu, dagingKu do on.
Dung i dihindat ma panginuman i, didok ma mauliate dilehon ma tu
nasida, huhut ma didok: Sude hamu manginum sian i. Ai mudarHu do
on, mudar parpadanan i, na niusehon humophop torop, bahen
hasesaan ni dosa. Alai Hu dok ma tu hamu: Na so tupa be inumonKu
olat ni on sian parbue ni hau anggur i sahat ro di ari sogot; disi ma
inumonKu na imbaru rap dohot hamu di harajaon ni Damang.

8. MARENDE NO 153: 4 “O JESUS NAUNG SINEAT” BL. 126

♪ Pelean na badia DagingMu sipanganon

Di angka na porsea mudarMu siinumon
Sai ro ma maringanan marhite parpadanan
Di hami on, o Jesus.

U: Jadi dung diendehonnasida ende pujipujian i, ruar ma nasida tu dolok

Jetun. Disi ma didok Jesus tu nasida: Saluhut do hamu naeng targasip
mida Ahu di na saborngin on.
R: Ai na tarsurat do: Lombutanku ma parmahan i, gabe marserak ma
birubiru na sapunguan i. Alai ninna si Petrus ma mangalusi Ibana:
Agia sude nasida targasip mida Ho, anggo ahu, na so tupa targasip.
U: Alai ninna Jesus ma mandok ibana: O Simon, Simon, nunga dipangido
sibolis naeng segeonna hamu songon dahanon. Alai Ahu do

9|P A R T O R D I N G N I P A R T A N G I A N G A N P A S S I O N H K B P K E D A T O N
 manangianghon ho, unang mintop haporseaonmi. Jadi dung mulak
sogot roham, pargogoi ma roha ni angka hahaanggim!
R: Alai ninna si Petrus ma mandok Ibana: Tuhan na hobas do ahu
mandongani Ho tu hurungan, nang tu hamatean pe!
U: Alai ninna Jesus ma: Hudok ma tu ho Petrus. Ndang martatahuak
manuk saborngin on, so jolo toluhali soadahononmu, na so tinandam
Ahu.

9. MARENDE NO. 180: 1-2 “RO TU JESUS HO NA LOJA” BL. 228

♪ Ro tu Jesus, ho na loja, Na maheu i,

Lam lumbang do di lambungNa rohami.
♪ Bereng di hau pinarsilang, daon ni sahitmi,
Tuhanmi na hona uhum singkatmi.

10. JAMITA

11. TANGIANG PANGONDIANON SIMPUL JAMITA SIAN

PARJAMITA

12. MARENDE NO. 82: 1…. “O JESUSKU TU BUGANGMU” BL. 21

(Papungu Pelean)
♪ O Jesusku, tu bugangMu, ro marsomba rohangkon.
Sai tarpuji, sai tarpuji, na pamalum tondingkon.
♪ Tung di patMu, o Jesusku, solsolanku rohangki.
Tangisanku na tinaonMu ala jat ni rohangki.
♪ Tu tanganMu ma tondingku, jumpa hamamatengki
Tu lambungMu, o Tuhanku, alap na tinobusMi

10 | P A R T O R D I N G N I P A R T A N G I A N G A N P A S S I O N H K B P K E D A T O N
13. TANGIANG PANGUJUNGI

U : Sai asi rohaM, ale Tuhan.

H : Sai asi rohaM, ale Kristus.
U : Sai asi rohaM, ale Tuhan.
H : Sai tangihon hami ale Kristus.
U : Ale Debata Amanami, Sitompa langit dohot tano,
H : Asi rohaM di hami.
U : Ale Debata Anak, Sipalua manisia,
H : Asi roham di hami.
U : Ale Debata Tondi Parbadia, mual ni huria,
H: Asi roham di hami.
U: Ale Debata na Sasada i jala Sitolusada,
H: Ai roham di hami.
U : Ale Jesus na tarsilang i, Anak ni Debata, Hata ni Debata na
manongtong i,
H : Husomba hami Ho.
U : Ale Jesus na tarsilang i, Joro Nabadia ni Debata, Partunggul ni
langit,
H : Husomba hami Ho.
U : Ale Jesus na tarsilang i, inganan ni holong dohot hatigoran, mual ni
hasatiaon dohot haporseaon,
H : Husomba hami Ho.
U : Ale Jesus na tarsilang i, Raja jala Tuhan ni nasa jolma, di bagasan
Ho do jumpang nasa arta ni habisuhon dohot parbinotoan,
H : Husomba hami Ho.
U : Ale Jesus na tarsilang i, di bagasan Ho do maringan hagogok ni
Hadebataon,
H : Husomba hami Ho.
11 | P A R T O R D I N G N I P A R T A N G I A N G A N P A S S I O N H K B P K E D A T O N
 U : O Jesus na tarsilang i, di bagasan Ho do jumpang Ama i las ni
rohaNa,
H : Husomba hami Ho.
U : Ale Birubiru ni Debata, na mamorsan dosa ni portibi on,
H : Tuhan, sesa ma dosanami.
U : Ale Birubiru ni Debata, na mamorsan dosa ni portibi on,
H : Tuhan, tangihon ma hami.
U : Ale Birubiru ni Debata, na mamorsan dosa ni portibi on,
H : Tuhan asi rohaM di hami.

14. TANGIANG PELEAN, ALE AMANAMI & PASUPASU

“Dibahen i, tadapothon ma, marroha na sintong, di

bagasan hagogok ni haporseaon, dung diurasi rohanta,
unang be disolsoli panggora ni roha i hita, jala dung
diburi dagingta dohot aek na ias!”
HEBER 10 : 22

12 | P A R T O R D I N G N I P A R T A N G I A N G A N P A S S I O N H K B P K E D A T O N