Topik: “ JANGHON MA HAPATARAN NI HAHOMION NI DEBATA“
Sabtu, 30 Desember 2017
ACARA NATAL KELUARGA Op. ADRIL SIHITE/ Br HOMBING TEMA : “JALA DAME NI KRISTUS I MA MANGARAJAI DIBAGASAN ROHAMUNA” (KOLOSE 3 : 15) I. PANGARADEON. 01. Diparade Keluarga ma lilin hombar tu ringkotna di acara on. (Ima pagalahon ni Ama, Ina, Anak, Boru, pahompu sian anggota ni keluarga i). Dipagalak ma lilin i di tingki marende NO. 57 ) 02. Joujou marsomba tu Debata. (U : Uluan R : Ruas) U : Laho mamungka Acara Natalta…. Martangiang na hohom ma hita (--------------- tingki na hohom----------------) U : Ale Tuhan Debata, Di pesta Natal keluarga di tingki on, nunga pungu hami naeng mamuji Ho ala asi dohot ni rohaM merhite Jesus naung tubu i. R : Di pesta Natal on, Sai pasada ma hami ale Tuhan laho mamuji Ho. U : Ale Tuhan Jesus Kristus, nunga ro Ho gabe jolma tu portibion asa rap dohot hami dohot laho padomu hami tu Debata Ama i. Nuaeng pagalahonnami ma lilion, asa gabe tanda na marsinondang Ho di keluarganami jala dameMi ma na mangarajai rohanami. Ipe sai tatap ma hami jala tangihon ma soara pamujionnami. Marende ma hita. (Laos di pagalak Lilin) 03. Marende BE. NO : 57 : 1 + 3 “ Nunga Jumpang muse ari Pesta i”. Nunga jupang muse ari Pesta i, hatutubu ni Tuhanta Jesus i. Tuat di Ibana sian surgo i, mebat tu hita on. Hasangapon di Debata damedame ma di jolma. Las ni roha ni Debata hajolmaon muse. Sombanami ma di HO na tubuon, ho siboan dame tu portibion. Sai pasaorhon ma tu rohanami on, dame-Mi o Jesus. Hasangapon di Debata damedame ma di jolma. Las ni roha ni Debata hajolmaon muse. 04. Votum / Introitus. U : Marhitehite Goar ni Debata Ama, dohot Goar ni anakNa Tuhan Jesus Krtistus, dohot Goar ni Tondi Parbadia, na tumompa langit dohot tano on. R : Amen. U : Alai ia Debata, dipapatar do holong ni rohaNa i di hita, uju pardosa do pe hita. Asa lam malua hita sian rimas i nuaeng marhitehite sian Ibana. R : Mauliate ma di Debata na papatarhon asi dohot holong ni rohaNa. U : Nunga tubu di hita sada poso-poso, dilehon tu hita sada Anak, pampe tu abarana do sogot harajaon, jala bahenonna goarna sipartahi halongangan, siulubalang ni Debata. R : Ama saleleng ni lelengna, Raja ni hadameon. U : Jala dame ni Debata na sumurung sian saluhutna roha, ima na ngarajai angka ateate dohot pingkiranmuna, marhitehite Kristus Jesus Tuhan i. U : Martangiang ma hita. Ale Tuhan Debata, amanami parasi roha, mauliate ma rohanami di HO, ala naung ditongos HO anakMU Jesus Kristus tu portibion bahen haluaonnami. Hupangido hami ma tu HO, sai pasorangkon ma nang Jesus na tubu i di tonga ni bagasnami on, asa ditogutogu pardalanannami, asa malua hami sian nasa hajahaton, malua hami sian dosa jala dipatau hami mangulahon lomo ni rohaM dibagasan dame dohot las ni roha. Tangihon ma tangiangnami na husombahon marhite Jesus Kristus sipalua hami. Amen. 05. Marende BE. NO : 56 : 1 + 4 “ Sai ro ma hamuna “ O Raja na sangap, Tuhan ni saluhut, ditaon Ho naporsuk di tano on; Ala ni jolma na di hamagoan, Tasomba ma Ibana, Tasomba ma Ibana,Tasomba ma Ibana Rajanta. O Jesus Tuhamu, sai naeng pujionku, pambaenMU di ahu pardosaon; Ai gabe jolma HO humophop ahu, Tasomba ma Ibana, Tasomba ma Ibana,Tasomba ma Ibana Rajanta. 06. LITURGI NI ANGKA IANANGKON : ------------- (Diatur ma asa denggan) 07. U : Barita hatutubu ni Jesus tajaha ma sian : Lukas 2 : 1 – 14. (A=Ama, I= Ina, Anak = Anak, S = sude ) A : Dungi ro ma uju i parenta sian Kesar Agustus, ingkon suratan nasa jolma di gomgomanna. I : Pamilangion parjolo ma i, uju digomgomi di Kirenius tano Siria. A : Jadi borhat ma sasude, asa disurati ganup tu bona ni pinasana. Anak : Borhat ma nang si Josep, na sian Galilea, sian Nasaret, nangkok tu luat Judea, tu huta ni si Daud, na margoar Betlehem, ala sian pomparan jala marga ni si Daud ibana. A : Pasurathon dirina, rap dohot si Maria, oroanna i naung gabegabean. I : Jadi di na disini nasida, gok ma ari ni hangoluanna. Anak : Ditubuhon ma anak buha bajuna, diborhos ma, dipeakhon ma tu bagasan panggagatan, ala so adong inganan na asing di parmianan nasida. A : Jadi adong ma marborngin di ladang na disini, angka parmahan mangingani pinahan nasida. I : Jadi didapothon sada surusuruan ma nasida, jala marsinondang sangap ni Tuhan i humaliang nasida, gabemabiar situtuma. Anak : Alai didok surusuruan i ma tu nasida : Unang mabiar hamu, ai barita halalas ni roha godang do huboan tu hamuna, parsaulian ni sandok bangso i. A : Ai naung tubu do di hamu saborngin on, di huta ni si Daud, Sipalua i, ima Kristus Tuhan i. I : On ma partinandaan di hamu, poso-poso do dapotonmu, nabinorhos peak di panggagatan. A : Jala tompu ma adong dongan ni surusuruan i, torop angka parangan parbanuaginjang, dipuji nasida do Debata, mandok : S : Hasangapon ma di Debata na diginjang, dame ma di tano on, di angka jolma halomoan i. 08.Marende NO. 54 : 1 + 3 “ Sonang ni Borngin na i “. Sonang ni bornginna i, uju ro Jesus i, sonang modom, Do halak sude, holan dua na dungo do pe. Mangingani anakna, Jesus Tuhanta i. Godang ni Tua disi, di na ro Jesus i, Tung malua pardosa sude, sian hamagoanna sude; Ala ro si pangolu Jesus Tuhanta i. 09. Tangian sian Sahalak Anggota Keluarga : 10. Marende NO. 61 : 1 “ Na tau las ni roha “. Natau las ni roha, hatutubu ni : Jesus sipalua haholonganki, Jesus Sipalua haholongan. 11. Renungan : ……………………………..