TATA IBADAH MINGGU, 17 April 2022

(Minggu Paskah )
GKI SUMUT BATUBINUMBUN
Turpuk: “ Jesus Kristus Nunga Mulak Mangolu”

Liturgi Minggu Model D

Keterangan : U: Uluan ( Siboan Minggu) R: Ruas M: Malim (Imam)

1. Prosesi : Merende B. E No. 96:1+4. NUNGA TALU HAMATEAN

1. Nunga talu hamatean Dibaen Tuhan Jesus I, Ai na hehe do Ibana Songon na nidokNa i
Haleluya, haleluya Nunga hehe Jesus I, Haleluya, haleluya Nunga hehe Jesus i
3. Marlasroha be ma hita Ala hehe Jesus i. Ai malua sude hita Sian hamagoan i.
Haleluya, haleluya Nunga hehe Jesus i. Haleluya, haleluya Nunga hehe Jesus i
4. Sai tapuji ma Tuhanta Na marholongroha i, Tapasangap ma Ibana Na marasiroha i
Haleluya, haleluya Nunga hehe Jesus I, Haleluya, haleluya Nunga hehe Jesus i.
2. VOTUM DAN SALAM
U :Tapaudukma Dirita tu jolo ni Debata dibagasan kebaktianta ditingkion, rap ma hita
mangauhon jala tahatindangkon: Pangurupion dihita ima sian Debata na manopa langit
dohot tano on, Jala nasai manotong holongNa ro di salelenglelengna. Asi ni roha ni
Tuhan Jesus Kristus, ima namandongani hita saluhutna. Amen.

3. Introitus/ NATS PEMBIMBING

U : Hata ni Debata nagabe jamita patujolo dibagasan kebaktianta sian 1 Korintus 15:3-4: Ai
sian mulana hupasahat tu hamu na hujalo; on do: Naung mate do Kristus ala ni dosanta,
hombar tu na tarsurat i. Naung tartanom do Ibana, gabe dipahehe di ari patoluhon,
hombar tu na tarsurat i.
4. Puji-pujian Sian Buku Psalmen 95:1-7
U :Beta hamu itaendehon ma Jahowa, itaolophon ma partanobatoan ni hatuaonta!
R :Itadapothon ma tu jolo ni bohina marhitehite pujipujian, itaolophon ma Ibana marhitehite
ende!
U :Ai Debata na timbul do Jahowa, jala raja bolon mangatasi sude angka debata.
R :Di bagasan tanganna do angka ojahan ni tano on, jala guru di Ibana do punsu ni angka
dolok.
U :Guru di Ibana do laut, jala Ibana do tumompasa, jala tanganna do jumadihon tano darat.
R Beta hita manungkap dohot marsomba, marsinggang ma hita tu jolo ni Jahowa, Sitompa
hita.
U Ai Ibana do Debatanta, jala hita bangso pinarmahanna, jala birubiru ni tanganna.
Sadarion, aut ditangihon hamu nian soarana!

5. Merende B.E No. 95 Haleluya taendehon BL 22

1
1. Haleluya taendehon Nuaeng di ari haheheon Tuhanta Siparmonang i
Ai malua do Ibana Haruar sian tanomanna Na talu hamatean i.
Sun ulaonNa i Dibaen Tuhanta i Haleluya
Naung sahat di Tuhanta i UpaNa na sumurung i.
4. Ale ari haheheon Beha ulaning hilalaon Ni rohangkon di tingkimi ?
Ndang hapalang las ni roha Di hasohot ni na roa Ro di sude na hansit i
O Jesus togu ma BangsoM tu Debata Tu na sonang
O Rajangki naung hehe i Pasahat au tu lambungMi

6. A. manopoti dosa
U :Ale Tuhan Jahowa, naro do Ho mangalului hami naung mago, paluahon sian gomgoman
ni dosa dohot hatahuton, dohot sian panggora ni roha na so hasea i.
R :Ro do hami nuaeng sian saluhut roho dohot panggulmiton ni ngolu nami tu adopanMu,
sai jalo ma hami.
U :Ai Ho do Debata hatuaon nami, parasi roha situtu di hadosaon nami. ho do namanoimpa
angka ari hatuaonnami, jala na lambas roha do Ho.
R : Olat ni on, ro di salelenglelengna. Amen

7. Marende , B.E. No. 93 PESTA PASKA HATUAON BL. 94

1. Pesta Paska hatuaon Pesta Paska haluaon Sian hamatean i. Sian hamatean i
Tuhan Jesus do pasuang hangoluan, hasonangan Tu saluhut jolma i.

8. Baga-baga hasesaan ni dosa

U :Tangihon ma baga-baga ni Debata taringot tu hasesaan ni dosanta: Jadi dohononmu ma di
ari na sasada i: Mauliate ma ahu tu ho, ale Jahowa, ala dirimasi ho ahu, alai nunga
marpamuati rimasmu, jala nunga diapuli ho ahu. Ida ma, Debata do hatuaonku, Ibana
huhaposi, jadi ndang mabiar ahu, ai Tuhan Jahowa do hagogoonku dohot pujipujianku
dohot manjadi hatuaon di ahu. Jadi marlas ni roha hamu manahui aek sian mual ni
hatuaon. (Yesaya 12:1-3 )

9. Tudu-tudu Ngolu na Imbaru

U :Unjuni hamu ma dirimuna, manang na di bagasan haporseaon hamu; sulingkit hamu ma
dirimuna! Na so ditanda hamu do dirimuna, paboa naung Jesus Kristus di bagasan hamu?
Ai ia so i, sandok na so tau do hamu! (2 Korintus 13:5)
10. Marende B.E No. 91. HATUAON DO
1. Hatuaon do Las ni roha do Hangongot ni Tuhanta i
Mago do hita Ngot ma Tuhanta Las be, las be ma rohanta i.
Mago do hita Ngot ma Tuhanta Las be, las be ma rohanta i.
2. Hatuaon do Las ni roha do Hangongot ni Tuhanta i
Monang do Jesus Talu sibolis Las be, las be ma rohanta i.
Monang do Jesus Talu sibolis Las be, las be ma rohanta i.
11. Tangiang pangondian (Uluan)
12. Pasahatton pelean.
2
 a. Majaha hata ni Debata (Malim)
I : Ruas nahinaholongan dibagasan goarni Tuhanta Jesus Kristus, sangonari dilehon do tu
hita tinggki laho pasahatton peleanta tu Debata. Alai jumolo ma tabege hata ni Debata
nagabe ojahan di hita napasahatton pelean tu Debata. Ima dienet sian Roma 12:1, Na
huapoi ma hamu, ale angka dongan, marhitehite asi ni roha ni Debata: Pasahat hamu ma
dagingmuna bahen pelean na mangolu, na badia, na hinalomohon ni Debata; i ma
hadaulaton ni na marroha. Merende ma hita jala dinamarendeon ma hita pasahatton
peleanta tu Debata.

b. Merende B.E No. 28 HATA NI JAHOWA BL. 203

1. Hata ni Jahowa Sipadame jolma Hangoluan i. Halalas ni roha Siapuli roha Ni na marsak i
Gogo ni Debatangki Paluahon na porsea Sian nasa jea.
2. Nasa tinahina Tagan so ditompa Tano on dope . Nang na tinuduan Ni sude pelean Jumpang
do muse. Sangkap ni Amana i Dipatulus Jesus kristus Jolma i ditobus.
6. Jesus sai tangihon Na hupangidohon Sai asi rohaM. Lehon sipargogo Asa lao tu surgo
Au tu banuaM. Unang so tu Ho au ro I pe molo tos hosangku Tiur baen dalanku.
c.Tangiang pasahatton pelean + Pangaradeon Manangihon Hata ni Debata.
13.Jamita
a. Majaha hata ni Debata
I :Hata ni debata nanaeng sibegeonta dibagasan mingguta sadarion, dienetdo sian Matius
28:1-10; Alai di buhabuha ijuk, di ari parjolo dung salpu Sabbat i, ro ma si Maria
Magdalena dohot si Maria na sada maningkir tanoman i.
R :Alai nunga masa lalo na gogo. Ai tuat do surusuruan ni Tuhan sian banua ginjang; jala
dung sahat, digulang ma batu i, laos hundul diatasna.
I :Alai songon hilap do rupana idaon, saksak do ulosna songon hapur
R :Jadi angka dotdot ma parjaga i dibahen biar ni rohanasida, hira na mate do.
I :Alai ninna surusuruan i ma mandok parompuan i: Unang hamu mabiar, ai huboto, dilului
hamu do Jesus, naung diparsilangkon.
R :Ndang dison Ibana. Ai nunga hehe Ibana, songon na nidokna hian. Pajonok hamu ma;
ida hamu ma inganan hapeahanna i!
I :Hatop ma hamu laho tu angka siseanna i paboahon, naung hehe Ibana sian na mate, jadi
joloananna do hamu tu Galilea, disi ma idaonmuna Ibana; nunga hupaboa i tu hamu
R :Dung i hatop ma nasida laho sian tanoman i, mabiar huhut las situtu rohanasida;
marlojong do nasida laho mamaritahonsa tu angka siseanna.
I :Disi ma ro Jesus mandapothon nasida, ninna ma: Dame ma di hamu! Dung i dipajonok
nasida ma, dihaol ma patna, huhut manungkap tu jolona.
R :Jadi didok Jesus ma tu nasida: Unang hamu mabiar, laho ma hamu mandokkon angka
anggingku tu Galilea, disi ma idaonnasida Ahu!
I :“martua ma halak naumbege Hata ni Debata, na umpeopsa jala namangulahon
diabagasan ngolu singanup ari. Haleluya .
R :Mangendehon . Haleluya, Haleluya, Haleluya.
b. Jamita
3
U : Ayat jamita: Ndang dison Ibana. Ai nunga hehe Ibana, songon na nidokna hian.
Pajonok hamu ma; ida hamu ma inganan hapeahanna i! Matius 28:6
U :Turpuk ni Jamita: Jesus Kristus Nunga Mulak Mangolu
U :Tangiang dung simpul jamita (ditutup dohot tangiang ale amanami)

14. Merende B.E. 719 Hubege soaraM O Jesus

1. Hubege soaraM, O Jesus hubege soaraM O Jesus
Hubege soaraM O Jesus na manjouhon “ihuthon ma au”
Togu au Jesus Tuhanku iringiring ma langkangku
Patuduhon ma dalanMu asa unang unang lilu au.
2. Hupasahat ma diringku, hupasahat ma diringku,
Hupasahat ma diringku mangihuthon Jesus Tuhanki.
Togu au Jesus Tuhanku iringiring ma langkangku
Patuduhon ma dalanMu asa unang unang lilu au.
15. Manghatindangkon haporseaon

16. Marende B.E No. 32 Nang Lao Ruar Masuk Pe BL. 78

1. Nang lao ruar masuk pe Jesus sai dongani hami
Pasupasu hami be Dohot hangoluannami
Togu hami ale Tuhan sahat tu banuaginjang.

17. Pengutusan dohot Pasu-pasu

U : Parsaoranta dibagasan tikion tasimpuli ma . Mulak ma hita sian inganan on, jala hata
ni Debata naung tabege, taulahon mai dibagasan ngoluta singanup ari. Didok Tuhan
Jesus do: Dang hamu mamillit Ahu, alai Ahu do namamillit hamu, asa lao hamu jala
marparbue nagodang. Tajalo ma pasu-pasu sian Debata:
“ Sai didongani jala dipasu-pasu Tuhan Debata ma hamu.
Disondangi Tuhan Debata ma bohina tu hamu, Jala asima rohaNa.
Didompakkon Tuhan Debatama bohiNa tu hamu,
jala di pasaorhon ma dameNa tu tonditmuna be. Amen
R : Mengendehon: Amen, Amen, Amen

Majelis Jemaat Mengucapkan Selamat Paskah 2022.

Kiranya paskah ini membawa kita menghidupi hidup
yang baru karena Kristus yang hidup telah memberikan
kehidupan yang baru bagi kita.