PARTORDING NI PESTA NATAL

PARPUNGUAN BODARI
Topik : Donganta Ma Debata

 Ev: MATEUS 1 : 18 – 23 †  Ep: JESAYA 7 : 10 - 17

HKBP PAGARAN NAULI

RESORT MEDAN MILLENIUM
Minggu, 24 Desember 2023

0|Page
I. PROSESI
1. Lagu Iringan Prosesi ”The First Noel”
2. Jemaat Diundang Bangkit Berdiri
3. Seluruh Tim Prosesi dan Seluruh Majelis Gereja Memasuki ruangan ibadah
4. Ucapan Selamat Natal dari seluruh Parhalado kepada jemaat (Setelah lagu prosesi
berakhir dan peralatan liturgi telah ditempatkan di Mezbah)

Pembacaan Simbol Liturgi (Tim Prosesi)

 Salib
Karya keselamatan itu telah digenapi di dalam salib. Melalui salib ini kita akan
mati dan bangkit bersama dengan Yesus, Anak Allah. Kuasa dosa telah sirna di
dalam kasih. Menyambut kelahiran Yesus adalah simbol mengimani Dia.
Mengimani Yesus menandakan kerelaan diri memikul salib. Supaya setiap
orang yang memikul salib, jangan lagi diperhamba oleh dosa. Karya
keselamatan dari Allah akan memerdekakan setiap orang yang percaya kepada
AnakNya, Yesus Kristus.
 Alkitab
Firman itu telah menjadi daging, dan diam bersama-sama dengan kita.
Immanuel, yang artinya Allah beserta kita. Firman yang disuarakan oleh Alkitab
adalah simbol kehadiran Allah menyertai umatNya. Biarlah setiap orang melatih
diri beribadah, membaca dan merenungkan FirmanNya, agar setiap orang yang
membacanya semakin percaya bahwa Yesuslah penyelamat kita, Anak Allah
yang tunggal.
 Lilin
Sesungguhnya cahaya yang terang itu telah nyata di tengah-tengah kita. Dia
adalah Yesus, yang dinanti-nantikan semua orang. Yesus yang adalah cahaya,
menuntun kita untuk mengenal Allah dan dosa kita. Kasih Allah telah berjumpa
bagi kita di dalam kegelapan. Kehidupan kekal akan dinyatakan bagi kita
melalui Dia yang datang, Raja Damai, Yesuslah namaNya, yang
menyelamatkan. Amin. --Jemaat Duduk Kembali—

II. PENGANTAR PENGUMPULAN PERSEMBAHAN AMPLOP KADO NATAL

L : Hamu angka dongan na hinaholongan! Dung tubu Jesus di Betlehem, ro ma
angka parhapistaran sian purba tu huta Jerusalem laho marnida Jesus na
imbaru tubu i. Dung jumpang nasida Jesus naung tubu i, gabe diida ma
Dakdanak i dohot si Maria, inana i. Dungi manungkap ma nasida marsomba
tu Dakdanak i, dirungkari ma artanasida be: Sere, haminjon dohot angka na
angur, parsombaonnasida tu Ibana.

R : (Ruas Mangendehon BE. 57 : 3 ”Nunga Jumpang Muse Ari Pesta I”

1|Page
 ♬ Sombanami ma di Ho na tubu on, Ho siboan dame tu portibi on./ Sai
pasaorhon ma tu rohanami on, dameMi o Jesus./ Hasangapon di Debata,
dame, dame ma di jolma;/ las ni roha ni Debata hajolmaon muse.
L : Antong, songon angka parhapistaran sian purba na pasahathon
parsombaonna tu Jesus naung tubu i, tapasahat ma peleanta songon
KADO NATAL, i ma na patuduhon las ni rohanta dohot parsombaonta
tu Jesus na tubu i. Tapasahat ma pelean AMPLOP KADO NATAL.
(Ro ma sude ruas tu jolo pasahathon amplop Kado Natal)
♬ Nda tama endehononhu, pamujionhu di Debatangku. O... nda tama
halashononhu denggan basaNa pangolu au. Pujionhu ma Jahowa,
marhite sordam manang tutila. O... pangkeonhu dohot Arbab mambahen
sangap di Tuhan i. Ref: Haleluya sai pujionhu Tuhan i, pasangaponhu
goarNa i. Tung saluhut angka uning-uningan i naeng pangkeonhu baen
pujian na uli. O... pangkeonhu ma sarune rap dohot ogung mardongan
odap. Oo... rap dohot parhinaloan endehononhu Tuhanta i.

III. JOUJOU PAMUJIAN L : Liturgis R : Ruas

L : Selamat ari Natal ma di hita saluhutna Parhalado nang ruas HKBP Pagaran
Nauli
R : Selamat ari Natal ma tutu hupasahat hami, tu sude parhalado nami.
L : Tama situtu do pujionta Debata di tingki on. Ditopot do bangsoNa, jala
dipatupa haluaon na sian Ibana i. Haluaon na saleleng ni lelengna di hita.
R : Pinuji ma Debata, sai tong ma pujipujian goarNa di pamangannami.
L : Patar ma nuaeng hata i na mandok: nunga gabe daging hata i jala saor tu
hita, angka pardosa. Di tingki on nunga tubu di hita sahalak posoposo,
Sipalua i, i ma Kristus, Tuhan i.
R : Husomba hami Ibana na tubu i, nunga mansai leleng hutagam hami
Mesias i, asa parsidohot hami, di haluaon napinatupa ni Debata. I do
las ni rohanami saluhutna.
L : Antong, molo na las do rohanta manomunomu Ibana, na tubu i. Songon
singkat ni tortorta manomunomu Jesus Sipalua i, ita soarahon ma dibagasan
soara na gogo mangendehon pujipujian laho manjanghon Ibana di rohanta,
marhite Endenta sian No. 57 : 1 – 2

IV. KEBAKTIAN

2|Page
1. Marende BE. No. 57 : 1 – 2 ”Nunga Jumpang Muse Ari Pesta I”
♬ Nunga jumpang muse ari Pesta i, Hatutubu ni Tuhanta Jesus i./ Tuat do
Ibana sian surgo i mebat tu hita on./ Ref. Hasangapon di Debata, dame,
dame, ma di jolma./ Las ni roha ni Debata hajolmaon muse. (Jongjong)
♬ Beta, ale dongan tu Betlehem i, itasomba ma Dakdanak na disi./ Na
tinongos ni parasiroha i, Debata Ama i./ Ref. Hasangapon di Debata...
2. Votum – Introitus – Tangiang
U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano on.
Amen. Dung i gabe daging ma Hata i, jala maringanan di tongatonga ni hita
on, jadi huida hami ma hasangaponNa songon hasangapon ni anak sasada
na sian Ama i, gok asi ni roha dohot hatutuon. Haleluya!
H : (Mangendehon): Haleluya, Haleluya, Haleluya.
U : Martangiang ma hita! Ale Tuhan Debata, Amanami na di banua ginjang!
Mandok mauliate do hami tu Ho, ala ni godang ni asi dohot holong ni
rohaM di hami; ai dibasabasahon Ho do AnakMu na sasada i tu hami na di
pardangolan on, asa malua hami marhitehite Ibana sian dosa dohot sian
hamatean saleleng ni lelengna. Hupangido hami tu Ho, sai sondangi ma
rohanami na holom i marhitehite Tondi Parbadia i; angkup ni i sai parrohai
ma hami, asa huboto hami mandok mauliate tu Ho, asa tarapul situtu
rohanami di hagogotan dohot di pangunjunan marhitehite AnakMu, Tuhan
Jesus Kristus Tuhannami. Amen (Hundul)
3. Marende BE. No. 605 : 1 – 2 ”Las Ma Roham”
♬ Las ma roham Tuhanta ro, gumomgom sasude./ Ungkap roham, jangkon
Rajam./ Marende ma sude, marende ma sude,/ marende, marende ma
sude.
♬ Tano nang laut, harangan i, nang awang-awang i;/ Hauma i, nang
sunge i, olophon Raja i, olophon Raja i,/ olophon, olophon Raja i.
4. Patik
U : Patik ni Debata di Parpunguanta di borngin on, ima sian Pilipi 2 : 4 – 5,
Unang ma na ringkot di hamu be matahon hamu, dohot ma na di dongan!
Songon parrohaon ni Kristus Jesus ma parrohaonmuna! I do sahatna.
Antong rap mangido gogo ma hita sian Tuhan Debata!
U+H:Ale Tuhan Debata, sai Pargogoi ma hami mangulahon na hombar tu
PatikMi. Amin

5. Marende BE. No. 47 : 1, 4 ”Di Na Saborngin I Do Binsar”

3|Page
 ♬ Di na saborngin i do binsar panondang di tondinta i./ Padaohon saluhut
na simpar, lao patiurhon sasude./ Sondangon ni Panondang on, muse
sandok portibi on. (Jongjong)
♬ Dibahen i sai marsinondang ma baen haporseaonmi./ Padenggan jala
sai patorang roham ro di parangemi./ Paboa na marguna do Panondang
na ro i di ho.
6. Tangiang Manopoti Dosa
U : Tatopoti ma dosanta, martangiang ma hita:
Ale Tuhan Debata, Amanami na di banua ginjang! Ho do na patupahon
hasesaan ni dosa di hami halak na dangol on marhitehite Anak haholongan ni
rohaM. Sai asi ma rohaM di hami, angka na mangarsakhon dosanami. Sai
sahapi ma tu bagasan rohanami hasesaan ni dosanami i. Lehon ma tu hami
TondiM na badia i, asa unang ganggu rohanami di asi ni rohaM, alai asa hot
rohanami marhaporseaon laho manggotaphon nasa dosa dohot roha portibi
on, asa hupasahat hami dirinami tu Ho, gabe pelean na mangolu jala na badia
marhitehite Tuhan Jesus Kristus Tuhannami. Amen.
Tabege ma bagabaga taringot tu hasesaan ni dosa:
Songon on do panghaholongi ni Debata di portibi on, pola do AnakNa na
sasada i dilehon, asa unang mago ganup na porsea di Ibana, asa hangoluan na
saleleng ni lelengna di ibana. Hasangapon ma di Debata na di ginjang !
U + H: Amen (Hundul)

7. Marende BE. No. 437 : 1 – 2 ”Tung Na Muba Rohangku”

♬ Tung na muba rohangku dibaen Tuhanki, dung Jesus maringan di au./
Nunga sonang au on, tung dame rohangki, dung Jesus maringan di au./
Dung Jesus maringan di au, dung Jesus maringan di au./ Tung na
sonang do au dung tu Jesus au lao,/ dung Jesus maringan di au.
♬ Au na lilu hian dapot sambulonhi, dung Jesus maringan di au./ Nunga
sae dosangki dibaen mudarNa i, dung Jesus maringan di au./ Dung
Jesus...
8. Renungan Situasional: Managam Haroro Ni Mesias
L : Hita angka dongan na hinaholongan ni Debata, tatagam do haroro ni Mesias
i asa parsidohot hita di bagasan haluaon na pinatupaNa i. Sipata tumatangis
do hita molo tapaingotingot sude angka parungkilonta di angka ari naung
salpu. Gok angka hamaolon na taadopi. Nuaeng taaluhon ma i tu Debata,
asa magira ma ro Sipalua i.
R : Ale Debata, sai ingot ma dangol nami on dohot ragam ni sitaonon na ro
mangago hami!

4|Page
L: Sai paingotingot ma hami ale Tuhan, asa tung sabam rohanami!
R: Ale Tuhanhu, jala Debatangku, sai parateatehon ma ngolunami.
Patubu ma panghirimon di hami. Ale Tuhan unang paloas bobonosan
hami.
L: Apuli ma Tuhan, apoi ma hami marhite TondiMi. Asa unang sai ganggu
rohanami. Diadu hami tu haholomon di portibion. Merus do sibuknami
nang sisik. Maropuk angka holiholinami, dibahen pangarosak ni portibion.
R: (Mangendehon) ”Ditengah Ombak”
♬ Di tengah ombak dan arus pencobaan./ Hampir terhilang tujuan arah
hidupku./ Bagaikan kapal yang s’lalu diombang-ambingkan,/
mengharap kasihNya seolah-olah tiada mampu./ Yesus perhatikan
kehidupan tiap orang,/ yang sudah rusak dibetulkan dengan penuh
kasih sayang./ Yesus perhatikan tiap tetesan air mata./ Dia mengenal
hatimu yang penuh penyesalan dosa.
(Kembali ke awal-Dia mengenal hatiku...)
L: Sai ingot ma ale Jahowa na mangingonai tu ruasMon. Marragam do angka
parungkilon na diadopi angka ruasMi: Adong angka na susa mangalului
angka parkarejoan, susa mangalului angka pansamotan bahen parbodarian
di tongatonga keluarga. Asi ma rohaM, sai tatap ma nasida!
R: Ale Tuhan, sai asi ma rohaM di hami!
L: Molo huida hami angka dongannami, marungkil do nasida ala maimaima
nasida di hagabeon, na gabe olo nasida mandele di haporseaonna. Nang
songoni angka natoras na marungkil ala nunga gok umur ianakhonna na so
dapot sirongkap ni tondi. Ale Tuhan, sai asi ma roham di nasida!
R: Ale Tuhan, sai asi ma rohaM di hami!
L: Adong dope huida hami di hasiangan on, lam tu toropna angka ianakhon na
mangalo jala mambahen parungkilon bolon tu natorasna. Gabe sai
tumatangis natorasna marnida ianakhonna naung manimbil sian lomo ni
rohaM. Ale Tuhan, sai tatap ma nasida!
R: Ale Tuhan, sai asi ma rohaM di hami!
L: Sahat tu partingkian on, torop do angka ruasMi na marungkil ala ni
parsahiton. Nunga nania leleng nasida sai peak di podomanna ala ni
parsahiton i. Sai pamalum ma nasida!
R: Ale Tuhan, sai asi ma rohaM di hami!
L: Marungkil do portibion binahen ni ragam ni hasusaan. Masa do lalo di
Tapanuli Raya, banjir bandang di piga-piga luat, longsor di huta Bakara,
nang songoni angka bencana di luat na asing. Masa do angka porang, jala
lam tu toropna hajahaton di na humaliang hami: natoras mamunu

5|Page
 ianakhonna, parsinuan mamunu parsonduk bolonna, lam torop angka
bazarbazar mangulahon hageduhon dohot hajahaton. Tung marragam do
tahe angka hajahaton i di portibi on. Marungkil situtu do hami marnida
saluhutna na masa i. Ale Mesias, ro ma Ho paulihon portibion! Ai Ho do
pangurupi di hami jala na mangalusi angka anggukangguknami!
R: (Mangendehon) ”Yesus Jawaban Hidupku”
♬ Kala kucari damai hanya kudapat dalam Yesus./ Kala kucari
ketenangan hanya kutemui di dalam Yesus./ Tak satupun dapat
menghiburku./ Tak seorangpun dapat menolongku./ Hanya Yesus
jawaban hidupku./Ref. Bersama Dia hatiku damai, walau dalam
lembah kekelaman./ Bersama Dia hatiku tenang, walau hidup penuh
tantangan./ Tak satupun dapat menghiburku, tak seorangpun dapat
menolongku./ Hanya Yesus jawaban hidupku. (kembali ke ref)
L: Pos ma rohanta ditangihon Debata do nasa anggukanggukta, magira ma
Ibana ro. Antong, taparade ma rohanta managam hatutubuNa i. Ungkap ma
rohanta, jonok nama tingkina. Sai di apoi jala didaoni Debata ma saluhut na
bernit na di rohanta dohot na bernit, ala ni na masa di portibi on.
R: Amen.
9. Marende BE. No. 614 : 1 – 2 ”Ro Ma Ho Tu Ahu”
♬ Ro ma Ho tu au, o Jesus Tuhanhi,/ sian banua ginjang, tu rohangki./ Ro
ma Ho tu au o Tuhan Sipalua i./ Dame binoanMu ndang na tarasam i,/
O Tuhanhi.
♬ Asi ma rohaM di au, o Tuhanhi,/ sai jalo ma tangiang nang endengki./
Songon si Maria, ina na martua i,/ baen nang au martua ala haroroMi,/
O Tuhanhi.
10. Epistel U : Uluan H : Huria
U: Hata ni Debata Turpuk Epistel di Parpunguanta borngin on, ima na tarsurat
di Jesaya 7 : 10 – 17, Angkup ni i didok Jahowa ma mandok si Ahas,
songon on:
H: Pangido sada tanda di ho sian Jahowa Debatam, pangido sian banua
toru, manang sian banua ginjang sahali.
U: Jadi ninna si Ahas ma: Ndang olo ahu mangido, asa unang huunjuni
Jahowa.
H: Jadi ninna si Jesaya ma: Ua tangihon hamu ma, ale pinompar ni si
David! Ndang dope sae hamu pauruuruhon jolma, dohot do
Debatangku naeng lojaanmuna.

6|Page
U: Dibahen i apala Tuhan i sandiri ma mangalehon sada tanda di hamu: Ida
ma, gabegabean ma sada namarbaju, jala tumubuhon sada anak, jala
bahenonna ma goarna: Immanuel.
H: Mantega dohot situak ni loba panganonna, paima diboto
mambolonghon na jat, jala mamillit na denggan.
U: Ai tagan so diboto dakdanak i dope mambolonghon na jat, jala mamillit na
denggan, tarulang ma tano i na nirajaan ni na dua raja hinabiaranmu i.
H: Paroon ni Jahowa ma tu ho dohot tu bangsom dohot tu pinompar ni
amam angka ari na so dung ro, olat ni ari hababali ni Epraim sian
Juda, bahenon ni raja ni Assur.
U: I do sahat na. Martua do angka na tumangihon Hata ni Debata jala na
umpeopsa. Amen.
11. Marende BE. No. 598 : 2 – 3 ”Bege Ende Ni Suruan”
♬ Kristus Raja sian surgo tuat tu portibi on./ Tubu sian si Maria lao
manobus hita on./ Debata na so tarida gabe daging songon hita./ Nunga
raphon hita be Jesus i, Immanuel./ Ende ni suruan i, sangap ma di
Tuhan i.
♬ Jesus Raja hadameon sondang hatigoran i./ Panondang ni hangoluan di
saluhut jolma i./ Dirumari do diriNa lao manobus manisia./ Asa unang
mate be ala ni dosana be./ Ende ni suruan i, sangap ma di Tuhan i.
12. Pengantar Malam Kudus L : Liturgis R: Ruas
L: Uju borngin i, ditubuhon si Maria ma anak buhabajuna, dibornos ma,
dipeakhon diatas panggagatan. Adong ma parmahan marborngin di ladang
mangingani pinahan nasida, laos didapothon suruan ma nasida mandok
”Unang mabiar hamu; ai barita halalas ni roha do huboan tu hami. Ai naung
tubu do di hamu saborngin on di huta ni si Daud, ima Kristus Tuhan i”.
Antong, nang hita angka dongan, tajanghon ma Ibana na tubu i, Jesus
Sipalua.
R: Nunga huida hami haluaon i. Haluaon na pinarade ni Debata, di jolo ni
saluhut bangso. Hasangapon ma di Debata Ama i, dame ma nang di
tano on.
L: Tuat do AnakNa Jesus Kristus bahen panondang sumondangi angka
pardosa. Hamu angka dongan, tajangkon ma Ibana dibagasan rohanta. Asa
malum nasa sahit na di rohanta i.
R: Ale Tuhan, bongoti ma rohangku, ingani ma au. Sai hutagam hami do
haroroM, laho manalpuhon angka na hansit, jala na porsuk. Sondangi
ma portibion, asa ditaluhon haholomon i.

7|Page
L: Tapagalak ma palitonta, asa taida sondang di na holom i. Ida ma haulion ni
sondang i, songon haulion ni asi ni roha ni Debata
a. Dipapeam ma saluhut Lampu
b. Voc. Solo : ”O Holy Night” oleh Preydes Sitorus
c. Ro ma angka na pagalak lilin tu langgatan
- Parjamita - Utusan ReNa
- Sahalak Sian Sintua - Utusan Diaspora
- Utusan Ama - Utusan Sikola Minggu
- Utusan Ina
d. Mardalan ma Pantonim Hatutubu ni Jesus
e. Rim ma jongjong (Jolo digorahon Liturgis Ma asa Rap jongjong)
f. Saluhut Partohonan Sintua Pagalak Lilin tu Sude Ruas
g. Marende BE. No. 54 : 1 – 3 ”Sonang Ni Borngin Na I”
”Jumolo Mulak sude Saluhut Partohonan Sintua Tu Langgatan Asa Rap Mangendehon”
♬ Sonang ni bornginnai, uju ro Jesus i./ Sonang modom do halak sude,
holan dua na dungo dope; mangingani Anakna, Jesus Tuhanta i.
♬ Denggan ni bornginna i, uju ro Jesus i./ Tu parmahan di Betlehem i,
dipaboa na di surgo i;/ nunga ro Sipangolu, Jesus Tuhanta i.
♬ Godang ni tua disi di na ro Jesus i./ Tung malua pardosa muse, sian
hamagoanna sude;/ ala ro Sipangolu, Jesus Tuhanta i.
(Galak Lampu – Hot Jongjong)
L: Nunga rap dohot hita Hata i. Saor tu tongatonganta. Las ma rohanta ala
naung ro Mesias i manopot hita. Pos ma rohanta, nunga malua hita sian
jorbut ni dosa i.
R: Pinuji ma Debata, naung paluahon hita sian dosa. Dame ma di tano on,
di angka na porsea di goarNa.
S: Amen! (Hundul)
13. Marende BE. No. 53 : 1 – 2 ”Dibetlehem Do Tubu”
♬ Dibetlehem do tubu di hita Anak i./ Ido sian na burju hupilit Rajangki./
Ido, ido hupillit Rajangki. (Jongjong)
♬ Tu holong ni rohaNa hubonom rohangkon./ Hulehon di Ibana sude na di
au on./ Olo, olo, sude na di au on.
14. Manghatindanghon Haporseaon
U: Tahatindanghon ma haporseaonta i, songon na hinatindanghon ni donganta
sahaporseaon di sandok portibi on. Rap ma hita mandok!
H: Ahu Porsea di Debata Jahowa….. d.u. (Hundul)
15. Sunggul-sunggul
16. Marende BE. No. 52 : 1 ... ”Hatuaon Do” (P.Pelean Ia, Ib)
8|Page
 ♬ Hatuaon do las ni roha do, hatutubu ni Jesus i./Mago do jolma ro ma
Tuhanta, las be, las be ma rohanta i./ Mago do jolma ro ma Tuhanta, las
be, las be ma rohanta i.
♬ Hatuaon do las ni roha do hatutubu ni Jesus i./ Domu do hita tu
Debatanta; las be, las be ma rohanta i./ Domu do hita tu Debatanta; las
be, las be ma rohanta i. (Musik)
♬ Hatuaon do las ni roha do hatutubu ni Jesus i./ Las ma rohanta mida
Tuhanta; las be, las be ma rohanta i./ Las ma rohanta mida Tuhanta; las
be, las be ma rohanta i.
17. Jamita
18. Marende BE. No. 598 : 1...”Bege Ende Ni Suruan” (P.Pelean IIa & Na Marboho)
♬ Bege ende ni suruan, sangap ma di Tuhan i./ Nunga tubu Sipalua Raja
Sipardame i./ Dipadame Debatanta do diriNa tu pardosa./ Nunga tubu
Kristus i tu Huta Betlehem i./ Ende ni suruan i, sangap ma di Tuhan i.
♬ Kristus Raja sian surgo tuat tu portibi on./ Tubu sian si Maria lao
manobus hita on./ Debata na so tarida gabe daging songon hita./ Nunga
raphon hita be Jesus i, Immanuel./ Ende ni suruan i, sangap ma di
Tuhan i. (Musik)
♬ Jesus Raja Hadameon sondang hatigoran i./ Panondang ni hangoluan di
saluhut jolma i./ Dirumari do diriNa lao manobus manisia./ Asa unang
mate be ala ni dosana be./ Ende ni Suruan i, sangam ma di Tuhan i.
19. Tangiang Panutup: Tangiang Pelean – Tangiang Pesta Natal – Ale
Amanami – Doxologi – Amen, amen, amen
20. Lagu Selamat Hari Natal

V. HIBURAN

Pandita dohot Sude Parhalado HKBP Pagaran Nauli

Resort Medan Millenium pasahathon

Selamat Natal 25 – 26 Desember 2023

&
Menyambut tahun baru 2024

9|Page