AGENDRE WAMALUA MIGU NI’ENDRONGAGÖ

BA GEREJA NDROTONDROTO UEM BA ZI SAGÖRÖ ASIA

6 June 2021
TUHO: MÖI ENONI BA TOBALI HOWUHOWU

1. Fogaoni:
Tefoli dorosi, ba möi bakha ba gosali (nahia wamalua fasumangeta) ndra
sohalöwö, ba gasa-gasa da’ö, lahalö wangahono dödö banua niha Keriso. Lafa’anö
dödö ba fa’aurira we’amöi föna Zo’aya.

2. Famasao ba Fangowai: (SA = Solohe Agendre, S = Sato)

SA Yafalukha ita fefu wa’ebua dödö Zo’aya ya’ita Yesu Keriso, fa’omasi
Lowalangi Ama, ba fa’awösa geheha Ni’amoni’ö.
S Yaduhu
Sifao ira talifusö ba Mbanua Niha Keriso Protestan (BNKP),
datafaoma ta’owai nawöda faoma fangowai sito’ölö la’oguna’ö ba
walukhata, mendrua manö ba gowuloa hada.
SA No so ami ita Ama!
He…..
SA No so ami ira Ina!
He…..
SA Ira talifusö sowulo ba döi Zo’aya, no so ami. Heeeee..!
Heeeee..!
SA Ya’ahowu
S Ya’ahowu
SA Ya’ami ira talifusö fefu. Ba zima’ökhö andre, ya’ita ndrotondroto UEM
(RMG döinia me föna, ya’ia mboto Zolohe Turia Somuso dödö ba
danöda), so dombua faosatö duho wa’owuloda: Siföföna, wamalua
migu nifagölösi ba zisagörö Asia. Ta’oguna’ö Agendre nifagölösi
nifa’anö BNKP, model Kreatif. Sidua, ba wamalua fanörö tödö me no
25 fakhe mboto zolohe turia somuso dödö luono, sotöi RMG, tobali ia
UEM, ba fao fefu gereja sosindro moroi ba mbua wohalöwö RMG
tobali sokhö UEM/VEM. Andrö lafotöi “Internasionalisasi UEM”.
Ta’andrö saohagölö khö Lowalangi me no itolo irorogö fefu
mbanuaNia, he banua niha Keriso ba Geremani, ba simanö göo
mbanua niha Keriso ba Asia awö ba Afrika. No tobali si sambua ba
sifagölö ita ba khö Keriso, ni’osambua ba organisasi UEM. Andrö, wa
tekaoni ita wanohugö halöwö Zo’aya, tobali howuhowu ba gulidanö.
S Nifolakhömi Lowalangi ba Zorugo yawa.

3. Manunö ita moroi ba Mbuku Zinunö numero: 119:1-2

4. Votum:
SA Datahonogö dödöda we’amöi föna Zo’aya, Muzizio zato.
“No owulo ita ba wamalua migu UEM, ni’endrongangö ba zi
sagörö Asia, ba tafalua ia ba döi Lowalangi Ama, ba döi Yesu Keriso,

1
 ba ba döi Geheha Ni’amoni’ö. Fangorifida ha ba döi Lowalangi so,
somböi banua si yawa awö danö.
S Yaduhu!
SA Mi’ae’e, mibali’ö nifahaö fefu soi, wamayagö idanö ya’ira ba döi Nama
ba ba döi Nono ba ba döi Geheha ni’amoni’ö; mifahaö ira ba wolo’ö
fefu hadia ia niwa’ögu khömi. Ba hiza, fao khömi ndra’o, ero ma’ökhö,
irugi gamozua götö danö andrö. Haleluya
Haleluya…. Haleluya…. Haleluya
Mangandrö ita:
He Lowalangi, solakhömi, si no böröta ba amozua. Börö wa’omasi-Mö
ba moroi ba wa’abölö Geheha Ni’amoni’ö, wa no musindro mbanua-U
moroi ba halöwö zolohe Turia somuso dödö, nifalua RMG moroi ba
danö Geremani. No musindro mbanuaU ba danö Asia, ba no hasara
dödö wamohouni mboto Zanuriaigö Turia Somuso dödö, sifao
mbanua-U he moroi ba Afrika ba simanö moroi ba Asia. Andrö
muwuai döi RMG tobali VEM ba ma UEM. Ma’ökhö andre itörö
tödöma 25 fakhe me no musindro ba wangai halöwö nifaduhusi-U
tödö khöma banua-U. Ma’andrö saohagölö wa’omasi-Mö ba me no
ö’osambua’ö ndra’aga, hewa’ae faehu mbanua, faehu soi, ba faehu li.
Bahiza, hasambua ndra’aga ba khö Yesu Keriso. Andrö ma’ökhö
andre, sowuasuwa tödö ndra’aga gereja ndrotondroto UEM ba zi
sagörö Afrika, Asia awö ba Geremani. Andrö ma’andrö khöU, fahowu’ö
ndra’aga fefu ba wamalua fasumangeta, ba wahasambua, ba mendrua
manö ba wamohouni bu’u li-ma khöU ba wangai halöwöMö ba
gulidanö, ba wanuriagö Turia Wangorifi andrö ba khö Keriso Yesu.
Yaduhu.
Mudadao

5. Manunö BZ No. 442

6. Fombaso Tar Low

SA : Da tafondrondrongo daroma Li Lowalangi, tehalö moroi ba Moze II,
20:1-17
Si manö daroma Li Lowalangi, da tatema’ö faoma sinunö Numero 20:1.
S : MISUNOSUNO ZO’AYA:
Misunosuno Zo ’aya, mibèzumange-Nia.
Mi ’ebua'ö döi-Nia, sotöi banua-Ni-a.
Me no Ikaoni göi ami, afu mitema wa’auri,
khö Yesu, Sangorifi.

7. Fangandrö Fangefa Horö & Turia Wangefa

SA : Ya’ami ira talifusö,
Na tawa’ö lö horöda, ba talimo ita, ba si duhu lö’ö ba dödöda. Na
ta’ombakha’ö horöda, ba lõ faröi Ia, ba no satulö Ia, fa I’efa’ö khöda horö
andrö, Ihaogö ita, awö wa Iheta fefu zi lö atulö. Andrö da möi ita föna
Lowalangi si fao fangidengide’ö ba wangombakha horöda, (sumindro ita
fefu).
Mangandrö ita:

2
 He Yehowa Lowalangi, no öfatengega tobali samaduhu’ö ba wanuriaigö
Turia Somuso dödö ba niwöwöi fefu. Aboto ba dödöma wa no sambö
ndra’aga ba wamalua. No aröu ndra’aga ba wanolo sitosasa tödö, no
aröröga wo’angeragö fa’aurima samösa, lö sitobali ndra’aga sondrara dödö
ba zi tosasa tödö, lö sitobali ndra’aga same’e fa’aro dödö ba zi no aetu
fanötöna, lö nikaonima si no elungu, lö murorogöma gölia ulidanö, si no
tekiko ba si no ta’unö. Bologö dödöu khöma Ama. Mafaduhu’ö wa tenga
sinangea ndra’aga tanö föna-Mö, me no fahöna horö si no mafalua i’otarai
iraono ndra’aga, he ba wehedema, era’era dödöma, awö gamuatama si lö
faudu ba daroma Li-Mö. Andrö möiga khö-U ba wangandrö fa’ahakhö
dodo-U, ena’ö Ö’efa’ö khöma horöma andrö, si no mafalua, irege sohahau
tödö ndra’aga wanohugö fekolima awö halöwö si no öfaduhusi tödö khöma.
Hakhösi dödö-U khöma Ama, ba be’e aefa khöma horöma andrö ma’afefu,
Yaduhu.

S : Tatema’ö faoma sinunö Numero 224:1 “Na ubini’ö horögu khö Yesu.”

SA : Turia Wangefa horö: “Utayaigö golalöwamö, si mane lawuo, awö

horöu, si mane sau. Tema fuli’ö khö-Gu, me no U’orifi ndra’ugö”.

LAKHÖMI KHÖ LOWALANGI SI YAŴA .....

Sato : BA FA’ATULÖ BA GULIDANÖ

Ba fa ’atulö ba gulidanö ba niha ni ’omasi’ö andrõ.
(dumadao zato)

8. FOMBASO TAROMA LI LOWALANGI (AB)

SA : Da tafondrondrongo daroma Li Lowalangi, moroi ba zura Efeso 4:17-32…

Ya’ahowu zamondrongo taroma li Lowalangi ba same’e ba dödö. (Luka

11:28).
SA+ S : YADUHU

9. FASÖMBATA
SA : Iada’e tebe’e khöda ginötö ba wolohe fasömbatada khö Lowalangi.
Ta’osamuzaigö wame’e: fasömbata si föföna irugi sitölu, ba si manö göi
ta’owuloi wasömbata sofeta UEM nitandrösaigö ba ndraono sambö maulu
wa’abölö mboto ba fangerangera (kerkebutuhan khusus atau cacat). Ba si
öföna ua da tafondrondrongo Li Lowalangi me imane:
 Same’e sumange fangandrö saohagölö, da’ö zamolakhömi Ya’odo, ba
ba zi lö sinegu ba mbuabuania U’oroma’ö wangorifi andrö kh
Lowalangi. (Sinunö 50:23).
Gasagasa wame’e fasömbata khö Lowalangi, manunö ita moroi ba Mbuku
Zinunö numero:.....(molo’ö perikopen),

SA : Da tafasao wasõmbatada andre fõna Lowalangi, lafendrongagõ wolohe

fõna ira satua, ba manunõ ita moroi ba BZ. Numero 261
YA’E ZUMANGE
1. Ya ’ e zu-ma-nge fa-sömbata, ma ’ o-he sumange Yehowa.
Ma’andrö khö-U fa-ho-wu’ö zu-mange ni ’o- he ma khö-Mö 

3
 2. Ya’e zumange fasömbata ma be’e soroi ba dödöma.

Reff :Ma’andrö khö-U ....

3. Ya’e zumange fasömbata buala si’otarai Nama.

Reff :Ma’andrö khö-U ....

4. Ya’e zumange fasömbata, boto, noso, ba fa’aurima

Reff :Ma’andrö khö-U ....

5. Ya’e zumange fasömbata, lö irugi zomasi dödö-U.

Reff :Ma’andrö khö-U ....

6. Ya’e zumange fasömbata, ma’aohasi gölö Zo’aya.

Reff :Ma’andrö khö-U ....

FANGANDRÕ : nidönia’ö fasamösa zangowuloi fasömbata.

10. KOOR/VOKAL GROUP

SA : Sinunö Fasömbata khö Lowalangi faoma Koor ba Vokal Group.

a. ……
b. ......
c. ……

11. MANUNÖ

SA : Da tafa’anö dödöda wamondrongo taroma Li Lowalangi, manunö ita

moroi ba Mbuku Zinunö numero: ..... (molo’ö perikopen)

12. HUHUO SEBUA

SH : Ya irorogõ dõdõmi, awõ gera’erami fa’ohahau dõdõ andrõ, khõ
Lowalangi, sabõlõ moroi ba gera’era niha fefu, ba khõ Keriso Yesu….,
mangandrö ita “......” Yaduhu.
a. Fombaso taroma Li Lowalangi (molo’ö perikopen).
b. Huhuo sebua
c. Nitanö ba dödö
d. Fangandrö fangasiwai huhuo sebua

SATO : Manunö NO MAFONDRONDRONGO LIU.

13. TUHO WAMATI

SH : Sumindro ita fefu. Me no tarongo daroma Li Lowalangi, ba da tafaogö lida

4
 wamaduhu’ö famatida ya’ita niha Keriso fõna Lowalangi, endronga lida:

SH +  Ya’o mamati khö Lowalangi Ama si lö ambö fa’abölö, somböi banua

SATO si yaẅa awö danö.
 Ya’o mamati khö Yesu Keriso, So’aya ya’ita, Ono Lowalangi si ha
samösa, nitema nina-Nia Maria khö Geheha Ni’amoni’ö, ono nono
alawe Ia, no manaögö huku Ia, barö mbawa Fondrio Filato, teforöfa
Ia, mate, ba lako’o. No möi Ia ba mbanua niha tou, no maoso Ia moroi
ba ngai zimate me no irugi tölu ngaluo. No manahae Ia, möi ba
zorugo, dumadao ba gambölö Lowalangi Ama si lö ambö fa’abölö.
I’otarai da’ö mangawuli Ia dania ba wanguhuku niha sauri, awö zi no
mate.
:  Ya’o mamati khö Geheha Ni’amoni’ö, ba ufati ha sambua mbanua
ni’amoni’ö, fefu niha Keriso, fa’awösa niha ni’amoni’ö, ba fangefa
horö, ba femaoso mboto zimate, ba fa’auri silöaetu. Yaduhu.
(dumadao zato)
14. MANUNÖ:
SA : Manunö ita moroi ba Mbuku Zinunö numero: .... (molo’ö perikopen)

15. ANGOMBAKHATA BA MBANUA NIHA KERISO

SA : Da tafondrondrongo gangombakhata: .....

16. FANGANDRÖ SALAHI + FANGANDRÖ ZO’AYA + HOWUHOWU

SH : Sumindro ita fefu, mangandrö ita: ..... (tetohugö): Ba döi Zo’aya ya’aga Yesu
Keriso, si no mamahaö ya’aga ba wangandrö mamane:

SH+ : He Ama khöma si so ba zorugo, ya te’amoni’ö döi-U. Ya tobali banua-U fefu

SATO niha, ya itörö zomasi Ndra’ugö, hulö ba zorugo, ya si manö göi ba gulidanö.
Öma sirugi ma’ökhö be’e khöma ma’ökhö andre. Ba efa’ö khöma horöma, si
mane fangefa’öma sala ba zi so sala khöma. Böi ohe ndra’aga ba wanandraigö,
efa’öga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awö
lakhömi, irugi zi lö aetu. Yaduhu.

SH : FAMATENGE + HOWUHOWU:
Mi’angawuli sifao fa’ohahau dödö, yatobali ami sura Keriso, samaduhu’ö
Ya’ia ba lala wa’aurimi sero ma’ökhö, ba mitema (tatema) howuhowu
Lowalangi:
(Tola göi)
Mi’angawuli si fao fa’ohahau dödö, ya tobali ami haga ba asio ba
gulidanö, ba tobali howuhowu ba lala wa’aurimi seroma’ökhö, ba mitema
howuhowu Lowalangi:
 Ya mufahowu’ö ami/ita Lowalangi, Ya murorogö ami/ita
 Ya mufohaga mbawa-Nia khömi/khöda, Ya mu’ebua’ö dödö-Nia
khömi/khöda
 Ya mufalemba hörö-Nia khömi/khöda, Ya mube’e wa’ohahau dödö
khömi/ khöda fefu. Yaduhu.

SATO : Sinunö (BZ. Numero 456:1)

5
 456. FA’EBUA DÖDÖ YESU KERISO

do = d 4/4

MM = 88 - 96

       

1. Fa ’e –bu- a dö- dö Ye - su Ke - ri - so. Fa ’o- ma-

       

si Na - ma, a- wö Ge-he-ha Ni ’a-mo -ni ' ö.

            

Ya so ba khö-da, ya so khö- da fe - fu.

Tola gõi tehalõ moroi ba numero tanõ bõ’õ

SH : Ya’ahowu

SATO : Ya’ahowu