BANUA NIHA KERISO PROTESTAN (BNKP)

JEMAAT YOHANES
RESORT 10
Jln. Saonigeho No. 33 Kel. Pasar Telukdalam, Kec. Telukdalam, Kab. Nias Selatan
IBADAH KE 3

AGENDRE MIGU TRINITATIS

TUHO : TE’ORIFI BÖRÖ WAMATI
INTROITUS/TÖI MIGU : 1 FURI TRINITATIS
Migu, 11 Juni 2023
1. FANGOWAI BA FOGAONI
(Tedöni dorosi, möi bakha ba gosali ndra sangai halöẅö, ba fatua möi bakha
ndra sohalöẅö ba la honogö dödöra banua niha Keriso ba wangandrö föna
Lowalangi)
Fangowai
S.A : Ya’ami banua Zo’aya, ya somuso tödö ba sowuawua tödö ami ba
we’amöi föna Keriso ma’ökhö andre, ma’owai ami fefu, Ya’ahowu.
Sat : Ya’ahowu!
o
S.A : Ya faofao khömi Lowalangi
Sat : Ya fao khöu Geheha-Nia.
o

Fogaoni
S.A : Da ta’owuawua’ö dödöda wangondrasi Yehowa, da ta’omusoi’ö dödöda
ba wamalua fasumangeta khö Lowalangida. Tasuno Ia, manunö ita
moroi ba Mbuku Zinunö numero:
Sat : Manunö : BZ. No. 190 : 1-2 DA TA’ONDRASI KERISO YESU
o
1 Da ta’ondrasi Keriso Yesu, si’oroi Lowalangi.
Ha khö-Nia tasöndra zindruhu, taromali fa’auri.
Fangorifida Yesu fangorifida Yesu.
Duhu,Yesu zangorifi niha fangorifida Yesu.

2 Da ta’ondrasi Yesu So’aya, nifatenge Yehowa.

Ha Ya’ia zindruhu lalada, lö manö baero-Nia.
Fangöhölida Yesu, fangöhölida Yesu.
Duhu, Yesu zangöhöli niha, fangöhölida Yesu.

2 FANGA’ARO’Ö BA WA’OWULO (VOTUM)

S.A : Da tahonogö dödöda ba wariawösa, ba ba wa ha sambua khö
Lowalangi, (muzizio zato);
No owulo ita ba da’e, ba döi Lowalangi Ama, ba döi Nono-Nia Yesu
Keriso, ba ba döi Geheha Ni’amoni’ö. Fangorifida ha ba döi Yehowa si
no momböi banua si yaẅa awö danö.
Sat : Yaduhu!
o
 BANUA NIHA KERISO PROTESTAN (BNKP)
JEMAAT YOHANES
RESORT 10
Jln. Saonigeho No. 33 Kel. Pasar Telukdalam, Kec. Telukdalam, Kab. Nias Selatan
IBADAH KE 3

S.A : Ba u’ila Zo’aya sidadao ba dadaoma sebua, si no alaẅa: anönö gosali

ahe mbaru-Nia. Serafi föna-Nia, önö gafi zamösa. Dua mbalubalu
mbawa ba dua mbalubalu gahe ba dua ba wehombo. Ba faoma
lamanemane we’ao khö nawöra: “Ni’amoni’ö, Ni’amoni’ö, Ni’amoni’ö
Yehowa ngahönö andrö; no anönö lakhömi-Nia guli danö ma’asagörö.”
(Yesaya 6:1b, 2-3) HALELUYA…
Sat : Manunö BZ. No. 452 HALELUYA
o
HALELUYA…HALELUYA…HALELU..U..YA
S.A : Mangandrö ita:
He Yehowa Lowalangi Ama, Ono ba Eheha Ni’amoni’ö. Möiga
mangalulu ba wangandrö saohagölö meno Örorogö, Ö’orifi, ba
Öbohouniga fa’omasi-Mö andrö. Ma’andrö khö-U, tohugö wa’ebua
dödö-U khöma, rorogöga ba ngawalö de’ala, efa’öga ba wanandraigö,
rara dödö ba ngawalö gabula dödö, tundreheni fa böi alau ndra’aga.
Fatöröga ba zomasi Ndra’ugö irugi gamozua, fa makhamö nahia ba zi
so Ya’ugö. Si lö mo’aetufa nisuno ba nifolakhömi Ndra’ugö, awö Zo’aya
ya’aga Yesu Keriso ba Eheha Ni’amoni’ö. Yaduhu!!!
(Mudadao Zato)

3 MANUNÖ
S.A : Manunö ita moroi ba Mbuku Zinunö numero:
Sat : Manunö : BZ. No. 230 : 1-2 U’ILA WA NO FA’OMASI
o
1 U’ila wa no fa’omasi, zi falukhado khö-U,Yesu.
Heẅa’ae tenga sinangea, na dali gamuatagu.
Me no aefado ba wönu, andrö mangaluludo khö-U,
moroi sibai ba dödögu.

2 Ya’odo niha si lö sökhi, ba no omasi’Ö Yesu.

Horögu fefu Öbè aefa, Öbohounido Eheha-U.
Börö wemöna-Mö, Yesu, zanga’aro’ö tödögu,
ba wogamö saẅatögu.
4 FOMBASO TAROMA LI LOWALANGI (AF)
S.A : Datafondrondrongo daroma Li Lowalangi, tehalö moroi ba zura HOSEA
5:15-6:6
5:1 ufulido ba nahiagu. Ba fozu dania, ba aboto ba dödöra ba laʼalui
5 wamaigigu yaʼira; na tosasa ira, ba humulu dödöra khögu.
6:1 Talabu, tafuli ita khö Yehowa; ifuli sa ifadöhö zokhoda, me no
amaedola isasawi ita, idaludaluni zokhoda andrö, me no ifesokho
ita!
6:2 Ha mato dua wongi, ba iʼorifi ita, ba mahemolu ö, ba ifuli iʼabeʼeʼö
 BANUA NIHA KERISO PROTESTAN (BNKP)
JEMAAT YOHANES
RESORT 10
Jln. Saonigeho No. 33 Kel. Pasar Telukdalam, Kec. Telukdalam, Kab. Nias Selatan
IBADAH KE 3

ita, enaʼö auri ita rorogöfönia.

6:3 Akha aboto ba dödöda, ba enaʼö na taforege wangalui faʼaboto
ba dödöda Yehowa, — möi ia khöda, si ndruhundruhu timba
waʼaduhu waʼamoluo, enaʼö itörö ita, timba deu, timba deu sarā,
si basöi tanö.”
6:4 He uwisa khömi yaʼami mado Geferayi? Hadia nilaugu khömi,
yaʼami mado Yuda? Me no hulö lawuo ba zanguhulö wongi
waʼomasimi andrö, me no hulö namo mbanua, salio sibai taya.
6:5 Ba me no si manö, ba lö tola lö ufabagoʼö ira ba zamaʼeleʼö
andrö, ba lö tola lö ububunu ira taroma ligu andrö, ba nifaʼeleʼö
wanguhukugu, si mane faʼatumbu luo.
6:6 Faʼomasi sa zomasido, ba tenga sumange nitaba; faʼaboto ba
dödöra Lowalangi zomasido ba tenga sumange nitunu!

S.A : Si manö daroma li Lowalangi, da tatema’ö faoma sinunö moroi ba . . . .

Sat : Manunö: BZ. No. 020 : 1 MISUNOSUNO ZO’AYA
o
1 Misunosuno Zo’aya, mibè zumange-Nia.
Mi’ebua'ö döi-Nia, sotöi banua-Nia.
Me no I kaoni göi ami, afu mitema wa’auri khö Yesu, Sangorifi.

5 FANGANDRÖ FANGEFA HORÖ

S.A : Ya’ami ira talifusö,
Na taẅa’ö lö horöda, ba talimo ita, ba si duhu lö’ö ba dödöda. Na
ta’ombakha’ö horöda, ba lö faröi Ia, ba no satulö Ia, fa I’efa’ö khöda
horö andrö, Ihaogö ita, awö wa Iheta fefu zi lö atulö. Andrö da möi ita
föna Lowalangi si fao fangidengide’ö ba wangombakha horöda,
(Muzizio ita fefu)
Mangandrö ita…
He Yehowa Lowalangima, si lö ambö fa’abölö, ba si no fahöna fa’omasi.
Mafaduhu’ö wa tenga sinangea ndra’aga tanö föna-Mö, me no fahöna
horö si no mafalua i’otarai iraono ndra’aga, he ba wehedema, era’era
dödöma, awö gamuatama si lö faudu ba daroma Li-Mö. Andrö möiga
khö-U ba wangandrö fa’ahakhö dödö-U, ena’ö Ö’efa’ö khöma horöma
andrö si no mafalua, irege sohahau tödö ndra’aga wanohugö fekolima
ba zi so fönama si faudu ba zomasi Ndra’ugö. Hakhösi dödö-U khöma
Ama, ba be’e aefa khöma horöma andrö ma’afefu. Yaduhu.
Sat : Manunö: BZ. No. 224 : 1 NA UBINI’Ö HORÖGU KHÖ YESU
o
1 Na ubini’ö horögu khö Yesu,
Ba lö usöndra zahono dödögu
U’ombakha’ö ngawalö horögu,
 BANUA NIHA KERISO PROTESTAN (BNKP)
JEMAAT YOHANES
RESORT 10
Jln. Saonigeho No. 33 Kel. Pasar Telukdalam, Kec. Telukdalam, Kab. Nias Selatan
IBADAH KE 3

Molala dödö

TURIA FANGEFA HORÖ

S.A : “Utayaigö golalöẅamö, si mane lawuo, awö horöu, si mane sau. Tema
fuli’ö khö-Gu, me no U’orifi ndra’ugö” (Yesaya 44:22)
LAKHÖMI KHÖ LOWALANGI SI YAẄA….

Sat : Manunö : BZ. No 450 :1 BA FA’ATULÖ BA GULIDANÖ

o
1 Ba fa’atulö ba gulidanö
ba niha ni’omasi’ö andrö.
(Mudadao Zato)
6 FOMBASO TAROMA LI LOWALANGI (AB)
Da tafondrondrongo daroma Li Lowalangi, tehalö moroi ba zura GALATIA 3:1-
14
1 He yaʼami, banua Galatia, si lö tödötödö! Ha niha zolau elemunia
khömi, khömi, si no mubeʼe famaedo Yesu Keriso, ba duduma hörö,
famaedo Yesu Keriso niforöfa?
2 Ha daʼö nisofugu khömi: Hadia, moroi ba woloʼö oroisa, wa no
mitema mege Geheha, ba ma moroi ba duria wamati andrö?
3 Hadia, si manö waʼambö tö lö andrö khömi? Ba Geheha mibörötaigö
no, ba hadia, ba nösi niha wozu khömi dania?
4 Hadia, ha waʼoyaʼoya zi no itörö ami, hadia, zayazaya gölö? Si
ndruhu zayazaya gölö taẅaʼö?
5 Ba samaʼema khömi Eheha andrö, sangaʼasogö khömi faʼabölö,
hadia, moroi ba woloʼö oroisa, wa ilau daʼö, ba ma moroi ba duria
wamati andrö?
6 Si mane Aberahamo, ”mamati ia khö Lowalangi, ba tebeʼe faʼatulö
dödönia”.
7 Ba aboto saʼae ba dödömi: ha niha zi otarai wamati, daʼö maʼuwu
Gaberahamo.
8 Ba me no tohöna oroma ba zura, wa moroi ba wamati andrö atulö
niha baero, iẅaʼö Lowalangi, andrö tehönagö teʼombakhaʼö khö
Gaberahamo duria somuso dödö, imane Lowalangi: ”Moroi ba khöu
tefahowuʼö dania fefu soi ba guli danö”
9 Tobali awö Gaberahamo, samati andrö, tefahowuʼö zi otarai wamati
andrö.
10 Ha waʼato sa zi otarai woloʼö oroisa, ba no tohare khöra wangelifi.
Noa sa so ba zura: Niʼelifi dozi si lö manörö fefu, hadia ia, zi so ba
zura goroisa andrö, ba woloʼö yaʼia.
11 Ba no oroma, wa samösa lö satulö iẅaʼö Lowalangi, ba goroisa
andrö, imane: ”Moroi ba wamati auri dania zatulö andrö.”
 BANUA NIHA KERISO PROTESTAN (BNKP)
JEMAAT YOHANES
RESORT 10
Jln. Saonigeho No. 33 Kel. Pasar Telukdalam, Kec. Telukdalam, Kab. Nias Selatan
IBADAH KE 3

12 Ba tenga moroi ba wamati goroisa andrö, imane: ”Ha niha zi no

moloʼö, daʼö zauri ba daʼö.”
13 No ihöli ita Keriso, ba wangelifi andrö, ba goroisa andrö, me no
tobali niʼelifi ia, salahida, me no so ba zura: ”Niʼelifi dozi nitaẅi ba
döla geu,”
14 Enaʼö falukha niha baero howuhowu andrö khö Gaberahamo, ba
khö Keriso Yesu, enaʼö tatema gamabuʼula li andrö, Eheha andrö,
moroi ba wamati.

S.A : Ya’ahowu zamondrongo taroma li Lowalangi ba same’e ba dödö. (Luka

11:28)
Sat : Yaduhu!
o

7 FAMALUA HALÖWÖ NI’AMONI’Ö FAMAYAGÖ IDANÖ (na so)

8 FASÖMBATA
SA : Iada’e tebe’e khöda ginötö ba wolohe fasömbatada khö Lowalangi.
Ta’osamuzaigö wame’e, he fasömbata si föföna, ba si manö göi zi
mendrua awö zi medölu ba ame’ela nifosasi. Ba si föföna ua da
tafondrondrongo Li Lowalangi me imane:
Ba da’ö niẅa’ögu : Na so zangatalisi tanömö, ba lö oya’oya ibasi, ba na
so zi lö alimagö tanömö, ba oya göi ibasi dania. Ba balazi dödö
zamösana; böi abu dödö, ba tenga niforege: si no aoha gölö fame’e,
da’ö sa zomasi lowalangi (II Kor.9:6-7).
Tafa’ema wasömbata khö Lowalangi, manunö ita moroi ba
Mbuku Zinunö numero :

Sat : Manunö : BZ. No. 377 MANGANDRÖ BA MOHALÖẄÖ

o
1 Mangandrö ba mohalöẅö tanö zinanö ba danö.
Oigö dödö wangehaogö ofösi bè wangatabö.

2 Duhu oya zagafökhö, ba wohalöẅö ba danö.

Lö sa möi fangareu dödö, me so sa khamötö dödö.

3 Ama, ina, talifusö, tafalulu fohalöẅö.

Sökhi zi ha sara tödö, mofozu lala halöẅö.

4 Falalilali ginötö, si bongi ba si ma’ökhö.

So moteu so göi molökhö, oi amatöröẅa Zokhö.

5 Oi mobosi wohalöẅö, so wananö so wolofö.

 BANUA NIHA KERISO PROTESTAN (BNKP)
JEMAAT YOHANES
RESORT 10
Jln. Saonigeho No. 33 Kel. Pasar Telukdalam, Kec. Telukdalam, Kab. Nias Selatan
IBADAH KE 3

Tatou’ö ba danga Zokhö, ena’ö Ifahowu’ö.

S.A : Da tafasao wasömbatada andre khö Lowalangi, manunö ita moroi ba
Mbuku Zinunö Numero 261 YA’E ZUMANGE
(Muzizio Zato)
Sat : Manunö : BZ. No. 261:1- 6 YA'E ZUMANGE
o
FANGANDRÖ FAMASAO FASÖMBATA
S.F : Mangandrö ita: “. . . . . . . . . . . . . . . . . . . .“
(Mudadao Zato)

9 KOOR / VOCAL GROUP

S.A : Da tafaogö dödöda ba wanuno Lowalangi faoma sinunö ni’olohesi: Koor
ba Vocal Group
1. ……….
2. ………
10 MANUNÖ
S.A : Da tafa’anö dödöda wamondrondrongo taroma Li Lowalangi, manunö ita
moroi ba Mbuku Zinunö numero:
Sat : Manunö : BZ. No. 163 : UHONOGÖ SIBAI DÖDÖGU
o

11 HUHUO SEBUA
S.H. : Ya irorogö dödömi, awö gera’erami fa’ohahau dödö andrö, khö
Lowalangi, sabölö moroi ba gera’era niha fefu, ba khö Keriso Yesu.
Mangandrö ita . . . . . . . . . . . . . . Yaduhu!
Fombaso taroma li Lowalangi, MATAIO 9:18-26
18 Me iẅaʼö khöra daʼö, ba hiza zalaẅa, si möi yomo, mangalulu
khönia, imane: No mate mege nonogu alawe, ba ae tufa ia
tangau, ba auri ia.
19 Ba maoso Yesu, iʼoʼö, awö nifahaönia.
20 Ba hiza ndra alawe, sendro talu, no mewelendrua fakhe saʼae;
iʼondrasi Yesu moroi furi, ibabaya gahe mbarunia;
21 imane sa dödönia: He ha barunia ubabaya, ba döhö wökhögu.
22 Ba ibaliʼö ia Yesu, iʼila ba imane: Böi ataʼufi, onogu; no iʼorifi
ndraʼugö famatimö andrö. Ba abeʼe ndra alawe andrö, iʼotarai
daʼö sibai.
23 Ba me irugi nomo zalaẅa no mege Yesu, me iʼila zolau sigu, awö
niha sato, si faguagua, ba imane:
24 Miheta ami, tenga sa si mate nono alawe andrö, si mörö. Ba
laʼigiʼigiʼö ia.
25 Ba me no tefofanö baero niha sato, ba möi ia si bakha, iraʼu
danga, ba maoso nono alawe andrö.
 BANUA NIHA KERISO PROTESTAN (BNKP)
JEMAAT YOHANES
RESORT 10
Jln. Saonigeho No. 33 Kel. Pasar Telukdalam, Kec. Telukdalam, Kab. Nias Selatan
IBADAH KE 3

26 Ba humöngö duria daʼö ba danö andrö, maʼasagörö.

 Famotokhi taroma li Lowalangi

 Sinanö ba MATAIO 9 : 22a
dödö:
 “Ba ibaliʼö ia Yesu, iʼila ba imane: Böi ataʼufi,
onogu; no iʼorifi ndraʼugö famatimö”

 Fangandrö fangaro’ö huhuo.

Sat : Manunö : BZ. No. 156 : 1 HE SO’AYA BÖI BULÖ’Ö
o

12 TUHO WAMATI
S.A : Meno tarongo daroma li Lowalangi, ba da tafaogö li da wamaduhu’ö
famatida ya’ita niha Keriso föna Lowalangi, (muzizio ita fefu)
S.A. : Ya’o mamati khö Lowalangi Ama……………….
+
Sat
o
(Mudadao Zato)
13 ANGOMBAKHATA BA MBANUA NIHA KERISO
S.A : Da tafondrondrongo gangombakhata : nifae’ma moroi ba majelis jemaat

14 MANUNÖ
S.A : Manunö ita moroi ba Mbuku Zinunö numero : 256 : 1 YESU
SO’AYA ZONDROROGÖ
1 Yesu So’aya zondrorogö, ya’ugö ba döröẅamö.
I rege wangawuli-mö, Yesu So’aya zondrorogö.
Reff: Ba wanörö ulidanö, ha Ye-su we’ew’e dödö
Ba wanörö ulidanö, Yesu So’aya zondrorogö

15 FANGANDRÖ SALAHI + FAMATENGE + HOWUHOWU

Fangandrö Salahi
S.H : Muzizio ita fefu, mangandrö ita….
Fangandrö Zo’aya……….
S.H
+
: He Ama khöma …………..Yaduhu!
SA
TO
Famatenge ba Howuhowu:
S.H : Mifuli ami ba mifaduhu’ö Keriso andrö ba wa’aurimi sero ma’ökhö ba
. mitema howuhowu Lowalangi:
 BANUA NIHA KERISO PROTESTAN (BNKP)
JEMAAT YOHANES
RESORT 10
Jln. Saonigeho No. 33 Kel. Pasar Telukdalam, Kec. Telukdalam, Kab. Nias Selatan
IBADAH KE 3

 Ya mufahowu’ö ami (ita) Lowalangi, Ya murorogö ami(ita)

 Ya mufohaga mbawa-Nia khömi (khöda), ba ya mu’ebua’ö dödö-
Nia khömi (khöda)
 Ya mufalemba hörö-Nia khömi (khöda), ba Ya mube’e wa’ohahau
dödö khömi (khöda) fefu, Yaduhu

SA : Manunö : BZ 456 : 1 FA’EBUA DÖDÖ YESU KERISO

TO
1 Fa’ebua dödö Yesu Keriso.
Fa’omasi Nama, awö Geheha Ni’amoni’ö.
Ya so ba khöda, ya so khöda fefu.

S.H : Ya’ahowu!!!
Sat : Ya’ahowu!!!
o