TATA IBADAH SYUKUR ULANG TAHUN KE-66 GEREJA PROTESTAN DI SULAWESI

TENGGARA (GEPSULTRA) 10 FEBRUARI 2023

Menggunakan Bahasa Moronene
(Mompake Gau Nto Moronene)

1. Persiapan (Pompasadia’a)
PANGGILAN BERIBADAH (Peboboino nta mesambahea)
L1 : Mireree’o Apu peraluwu wita’ea.
Misambahea hai Apu ronga sanaa, mimpera’iako hai ra’indo himinto’orio Apu Alla iramo
dapoko dadi kita, umatino ronga lunu pinakanino, mimpewisomo tealo pinewambado ronga
melagu montarimakasih, laro uluando ronga kahendepa. Montarimakasi hai ira reree’o
neendo, Apu koie kolaroo pompehawado dungku samengka-mengkauno, ronga
kopololarondo dada’iaa (Mzm. 100: 1-5).
Jama’a aku mo’ita kato pentade, Tomeree’o neendo hai ( Jemaat Berdiri )
KJ 454:1-2 “Indahnya saat yang teduh/DIEMO WOTU MOICO”
1. Diemo wotu moico Mera'iako Apungku
Kutompa'o amalangku Kai motende larongku
Kudindaso mpinehawa Morodoomo larongku
Mehawa akumo nde'e Larono wotu moico

2. Diemo wotu moico Koa'ano mohende'a

Taperano moko'au Amalangku kai peronga
Peramiano mewota dakaimo mempesomba
Mohende wotu moico Mera'iako Apungku

L1 : “Mimohende miano da’ari nirurukimiu ronga datinenamiu okuda hai laro uluamiu, ehepo
komemowohiako damoico hai raha mpesombaaMiu damewota” (Mzm. 65:5)
J : “Aku sadia montarimakasi hai Apu laronto’ungku Akumo ntatuluraa niweweuMiu
datinekangkaako, aku mohende nangkua comiu, reree’o neemiu hai montoehano” (Mzm. 9:1-2)
L1 : Jama’a leu katomereree’o Apu hai lagudo ragam PKJ 2 “Mulia-Mulia Namanya/ Wolia Wolia
Neeno”
1. Wolia wolia neeno, dawolia i Yesus da nisomba
wolia pomparentano, barakati'o jema'a reree'o
reree'o sombahira Apuu Yesus
Iaamo da Mokoleno dawawaiho
wolia wolia neeno, peloanto damewota da’ owose (2x)
2. TAHBISAN DAN SALAM
PF : Petampu’uno die sambahe’anto tehinano ko nomo polu onoo Garega Protestan hai Sulawesi
Tenggara meronga neeno Apu Alla ronga neeno Apu Yesus Kristus ronga Penaa Mewota.
J : Amin.
PF : Pontitirono ronga pololarono Apu Alla tamanto tendenomo Apu Yesus Kristus da
merongakomiu.
J : Amin…Amin…Amin.

Jama’a melagu hai ragam KJ 242:1 “Muliakan Allah Bapa/ Poko’owose’o Apu”
1. Poko’owose’o Apu ronga anameado, Ronga penaa mewota lilimboicomiu
Haleluya reree’o samengka-mengkauno
2. Poko’owose’o Apu da tewali peloa, Dungku kato perapio suruga da mewota
Haleluya reree’o Apu Yesus kuasa
3. Poko’owose’o Apu, mokoleno Garega, Mokoleno pera suku, mimpoko’owose’o
Haleluyah reree’o mokole dawolia. (Jemaat duduk/ Jama’a totoro)
3. PENGAKUAN DOSA DAN PEMBERITAAN ANUGERAH ALLAH (Mangaku dosa & nileleakono
pompeehawano Apu Alla)
PF : Kanadiemo haratiano Apu Alla damewota, Alla Israel,: “kimi mpoboli’i ronga mimpo’ia mengio
dakomiu ntapinoko salama larompo’iaha montundu ronga perasaea hai kamokorando” (Yesaya
30:15)

Katomeleu hai Apu wawaa tesalato hai ira; kato amala ………………
Luwu miano da’akui’o kasalahano, hai ra’ino Apu, moita tepulosi’a dosa, ko’ira dahira
ntamo’awa pe’ampunia:
“Koira luwundo, owose okidi dahira ntato’oriaku kanamo koie haratiano Apu, dahaku nta
ampunio kasalahando ronga kolumpe luwu kasalahando.” (Yesaya 31:34b)
J : Jama’a melagu ragam KJ 237:1-2 “Roh Kudus Tetap Teguh/ Penaa Da Mewota”
1. Penaa damewota, motisu’o miano.
Damasusa miwawaa, tobosio sukara
Ref: Imani damodengke rongee peboboi.
Mileu nunu’aku hai wonua sanaa.
3. Kai dungku perano karasai dunia
Hai suruga kawasa teburio neento
Ref: Tona ari niloa penaa damewota.
Mileu nunu’aku hai wonua sanaa.
4. VOCAL GROUP/PS: ………………
PF : Pelayanan Firman Allah (nileleakoano haratiano Apu Alla)
 Doa pembacaan Alkitab (Amala pobasaa haratiano Apu Alla)
O Tamamami da kopololaro, kahiomo kuasano Sangkoleomiu da polinyaasio pelaroamami
ronga pekirimami kako pompodea, paha’o ronga weweuho dapo’ehemiu, Mingkoharatiamo,
Apua, kona sadiamo nta modedeakomiu.
Meronga neeno Apu Yesu Karasitu, da ari motisukami amala meronga-ronga (Doa Bapa kami)
DOA BAPA KAMI
Tamamami da hai suruga, tereree’omo neemiu, kahiomo kai leu pomparentaamiu ronga
po’ehemiu da dadi, hai wita’ea kana-kana hai suruga. Poweekami kinaamami die oleo kai
koa. Ampuniakami’o dosamami kana-kana hico po’ampuni miano da salakicami. Osie
moturusicami kako sinoba-soba Sawali bintanicami perano da mosa’o. Kana’umpe
comiumo da momparenta, da kuasa ronga da owose dungku samengka-mengkauno. Amin.
 Pembacaan Alkitab/ Renungan/ Refleksi (Pobasaa haratiano Apu Alla)
5. PENGAKUAN IMAN RASULI (Sahadano Karasitee)
PENGAKUAN IMAN RASULI
Kuparasaeaho Apu Ala da kuasa’ea, da’ari weweuho langi ronga wita. Kuparasaeaho Apunto
Yesus Karasitu, Anamea nte’iahano Apu Ala, da’ari dibanta’ako penaa mewota, ronga
pinokohinano waipode i Maria. Da’ari pinakasea daano momparenta i Pontius Pilatus,
nibasiropa mate ronga kinoburu, ronga metiihako hai wonuando miano mate. Sawali oleo
ko’otolu kai pewangu mbule mebinta hai wonuando miano mate, moleka hai suruga, totoro hai
muanando Apu Ala, Ama da kuasa’ea. Na’icomo nta pebintaano kai leu
mokomentoda’akondo’o nta inawano miano ntora ronga da memate. Kuparasaeaho Penaa
Mewota, Garega da mewota hai upuo wita’ea, Boboto’ano miano Mparasaea, Pe’ampuniano
sinalaki, Pewanguano wotolu, ronga Tora ngkaidaaha. Amim.

6. DOA SYUKUR DAN SYAFAAT (Amala montarimakasih)

7. PERSEMBAHAN (Pedoromaa)
L2 : Satoda’apo mowawa pesombanto hai Apu mimpodedeaho haratiano Apu, tewali pontitia kato
mpowawa pesomba ronga pelaroa da mohende: “Tee-teeasa miano kahiomo kai pompowehi
nunu’o poeheno larono, osie bata-bata atawa tepakisaa, kanaumpe Apu Alla lolaroo miano
da mohende mompoweehi” (2 Kor 9:7)
J : Aku to’ori comiu dasadia to’orio pelaroa dapo’ehemiu nangkuamo kakowawaa die hai raimiu
L2 : DOA BEBAS (amala lalesa)
 Hidaa niwawa pedoromaa kato reree’ira lagudo mebinta hai Kj 337: 1- dst
Kj. 337:1-dst “Ndokapo ona kato mohende (Betapa kita tidak bersyukur)”
1. Ndokapo ona kato mohende, tona kokampo momapu hawano
Tahi molue wita molombi, pera lueno podo molombi
Reff :
Koie luwu pololarono, yo Apu Alla da makuasa
Koie luwu pololarono, yo Apu Alla da makuasa
2. Mohende aku die dumondo, niwincahino mata oleo
Luwu kadadi podo mohende, kanapo bunga podo tewole (Ref… )
3. Wita molombi langi molinyaa, meduluaku kamohende’a
Dompa moico hai mpelaroa, yo kampomami dakobaraka (Ref… )

Nibasaano sambutan mebinta ketua sinode Gepsultra

8. PENGUTUSAN & BERKAT (MIMPOHULEMO TARIMAA & BARAKATI)

PF : Garega kana bangka hai tahi dapinometako wawaiho tealo wiwintahi tepole, comiu
damomee, namida’a pantamiu simbau asampohedono Apu me’aluto’uo, Apumo dasadia
tewali pesuri, meronga-ronga leu kato maju sadia maju mimpetota’osi, pinokeahako
mponohanto koie suruga meronga kristus, yo mokoleno garega.
J : cami sadia tarimaa tugasimiu Apu Yesus mokoleno garega
J : Jama’a melagu Kj 376: 1-2 (Jemaat Berdiri/ Jama’a Mentade )
Kj. 376:1-2 Kununu komiu Apu (Ikut dikau saja Tuhan)
1. Kununu komiu Apu, dahano pongkonaa
Dahangkumo nta lalesa, nangkua pololaro
Reff: Mokea nunu komiu, pinoko tena-tena
Hai comiu Apu Yesus dahangku nta sanaa
2. Ki’itai marasai, nangkua dandimiu
Mau kuasa rondomaa, kunangio itai.
Reff: Mokea nunu komiu, pinoko tena-tena
Hai comiu Apu Yesus dahangku nta sanaa
Berkat (Barakati):
Pf : mintarimaamo barakatino Apu:
Apu Alla barakati comiu ronga olumi comiu; Apu Alla Wincahia komiu’o wotoluno ronga
moweekomiu pelaroando; Apu Alla molilihei comiu ronga mowekomiu mapuhino.
J : A….min…A….min A….min A….min A…min ( Melagu’ako/ dinyanyikan)
L2: Jama’a melagu ragam Kj 424: 1-2 “Yesus da mokeahako (Yesus menginginkan daku)”
1. Yesus da mokeahaako, koniwincaakono
Hai hapamo dahangku, kuweweuhomo
Reff: Niwinca, niwinca die parentaano Yesus
Niwinca, niwinca koniwincangkaida’a
2. Yesus da mokeahaako, mobantu miano
Ko’ampadea to’u ronga simbauno
Reff: Niwinca, niwinca die parentaano Yesus
Niwinca, niwinca koniwincangkaida’a

(Ibadah Syukur Ulang Tahun ke-66 GEPSULTRA, Selesai)