TONORAN KAMENOMBAN ALLO MINGGU

Minggu, 6 Februari 2022

(Sitetena Tonnoran Kemenomban Ma’penpissan, Stola Maido)

MA’PASAKKA’ (bendan)
PL Lendu’ mamali’ki’ sola nasang sipulung menomba lan banuanna
Puang Matua, sangkutu’ banne ma’bare-barean umpudi sanganNa.
ta kanassai kumua tae’na la umpasisarakki’ pa’kamaseanna Puang
Matua. Tontong ta patongan kumua, Penaa Masallo’ tu
umpamisa’ki’,. Ia duka mo tu la tontong umpamatoto’ki’
unnannung kadanna Puang lan misa’ panglisuan kada “ Pana’tai tu
pa’porayanna”. Lan unnanga’i tu kamamasean sia kamala’biranNa
Puang, maikomi ta pakendek pa’pudi-pudian: “Tangpada ia
mala’bi’na”.
”Pudimi Tu Puang”(NKB 3:1,3)
Pudimi tu Puang, sundun kinaan Na;
ungkamasei lino lan kapi’tu kan,
Na urung ussorong Anak Tungga’Na
’nnangkaran to lino sia Nala’bak mo.
Refr. Pudi mi, pudi mi! E mintu’ tolino
sende ko, sende ko ‘rrangi gamaranNa.
Tammui mi tu Puang ilan Anak Na,
ta pudi mi Puang dio na maseNa.
Tumba kapuanna kakinaanNa;
kupomatana tu diona AnakNa.
Dako’ nang la sende tu penaanta,
sitammu Puang Yesu i lan suruga. Refr
SAMARA BISARA
PF Iatu pa’tunduan umpotete sangan-Na Puang, tu mangka umpadadi
langi’ sola lino
J Amin.
PASSALAMA’
PF Pa'kamasean sia kamarampasan dio mai Puang Matua ambe'ta, sia
dio mai Puang Yesu Kristu urrondongkomi.
J Sia urrondong dukako.
TUARA’ MANGAKU DOSA NA KADA KAMASOKANAN (Ma’dokko)
 PF Mai komi situru' kamadiongan penaa ta tu'tun dio tingayoNa
Puang Matua ta akui tu mintu' kasalan sia kapatodotintinganta tu
pura ta pogau', la unnolai baenan kadanta, penggauranta anta
ma'kada kumua : kami te pembudakan umpa'di' penaamMi Puang.
Menombakan totemo, menani, ma'dokko umperangi kadamMi, sia
ussorong pemala'ki, apa nenne' tu penaangki mambela dio mai
kaleMi. Kikatongananni tu mai pepasan-pepasanMi apa tu'tuan tu
tangmelona dio pentiroMi umponnoi pa'tangaran sia penaangki.
J Ada'ikan Puang, tu manda' tongan lako kaleMi.

”Lan Pi’tukna Te Maparri’ku” (PKJ 46:1)

Lan pi’tukna te maparri’ku angku sae O Puangku
Mentama arrang maseroMi ku pellambi’Komi
Diomai mabanda’na pa’di’ku ku mentama kakuasamMi;
Sisola parri’ku kusae, O Yesu Puangku
T Lako kamu sola nasang tu mangka mangaku dosa, perangi Kada
Kamasokanan nakua: Iamotu mangka urrampanangki’ dio mai
kuasa kamalillinan sia umpalengka’ki tama parentaNa Anak
pa’kaboro’Na, tete dio Kalena anta appa’ kadila’bakan, iamotu
kadipa’deianna mintu’ kasalan. (Kolose 1:13-14)
”Salaku Dipagarri’” (NK 38:1-3)
Salaku dipagarri’ lan manna raraNa Yesu.
Mole sia matoto’mo’ lan manna raraNa Yesu.
Refr. O, raraNa Puangku, umbasei salaku!
Dipamaseromo’ lan manna raraNa Yesu.
PATURONA KATUOAN BA’RU (Ma’dokko)
PF Ta Perangi tu paturona katuoan ba’ru tu nakua: Mangka to
kurangimi tu kadanNa Puang Nakua mindara tu la Kusua?
Mindara tu laku posambungan puduk?mebalimo’ kukua:
inde , na’ suamo’."(Yesaya 6:8)
BAENAN PA’PUDIAN - Pa’pudian 138:1-8
PANGIMBO UMBASA SURA’ MADATU
UMBASA SURA’ MADATU
L-1 Yesaya 6:1-8- (Panglisuan Pa’nannungan)
L-2 1 Korintus 15:1-11
 J Menani“Hosiana” (KJ 473b)
PF Lukas 5:1-11 (Bendan)

K Menani ”KadamMi Tu Kutoe Manda’”(PKJ 255)

KadamMi tu kutoe manda’, la ma sussa la ma ta na.
Katuoan tu kutingayo, nang natoena’ limanNa Puang.
Kena rimpi’na’ tu petoba, angku randukmo sumarro,
KadamMi tu kutoe manda’, naongannina’ pani’Mi.
KadamMi, Puang, kutoe manda’. Ta’demo kamagiangangku!
Kemarussa’i penaangku tu’tun lakona’ ka le Mi,
KadamMi tu kutoe manda’, na porapa’ penaangku.
ULLESANG KADA PUANG (MA’DOKKO)
RAPA’ MA’NANNUNGAN
SAMBAYANG AMBE’KI DAO SURUGA
USSORONG PENOMBA
PL Penoloanni lako Puang Matua tu pa’kurresumangasan, sia
palesso’i tu mintu’ pangallonammu lako Puang patodoranna..
(Pa’pudian 50:14)

”E Tama’kurre Sumanga’” (NK 291)

1. E, tama’kurre sumanga’ diona masokanNa Puang!
Refr: Kamakaritutuan-Na inang tontong masae lako.
2. Langi’ lino Napadadi umpapayan ku-a-sanNa. Refr...
3. Nalendokan tu taunNana-appa’ kamarampasan. Refr...
4. Tontongki’ Nakilala-i lan mintu’ kamassusanta. Refr....

KAREBANNA KOMBONGAN
PANGIMBO SAMALELE
“Kusuako”(PKJ 182:1-2)
Kusuako male titanan sa’bi, makaritutu lan pa’kamayan
Moi mu di telle sia buda russa’na, kusuako mendadi sa’ bingKu
Kusuako launbimbin tobangke, launtudui tuto sumarro
Nalambi’ sussa sia parri’na lino . Kusuako umpengkaolai Na’

PANGRAMPAN
 PF Malemokomi, sia patonganni tu Puang Matua kumua lu dio manna
mai kaleNa nanii bu'tu tu pa'tunduan sundun, iamo to sissare lako
komi Puang Matua lan katuoammi. Palulakoi Puang Matua tu
penammi, belanna lu dio manna mai Puang Matua tu pa'tunduan
sundun ammi tarima pa'passakke:

PASSAKKE
PFAnna Puang Matuamora ungkamaseiki’ sia umbura’ki’ lindo
masakke, sia umpaarrangiki’ rupanNa.
J Amin
“Inang Puang unato’ tengkaku” (PKJ 131:1,2)
Inang Puang unato’tengkaku sia umbungka’ lalan kuolai
Podoku massorongan tangka’tu massambayang
Puang umbungka’lalan kuolai
.
Inang Puang unato’ tengkaku sia umbungka’ lalan kuolai
Kekudakai oloNa, malillin memmasiang
Puang umbungka’ lalan kuolai