PENGUCAPAN SYUKUR PANEN/TAHUNAN

GEREJA TORAJA JEMAAT KALINTIONG

( CABKEB SION SALU SARRE)
SABTU , 04 NOVEMBER 2023

SIPULUNG MENOMBA
1. Ma’pasakka’

Menani: Indeko, E Sangmane ( Do=E)

Indeko, E sangmane, indeko ta menani.

Indeko, E sangbara’, indeko ta pudi Puang.

Reff
Ta pudipudi Puangta, tu Puang masokan.
Puang To mekarimmanni tontong sae lakona.

O indo’, O ambe’ku, E siulu’ sola nasang.

Ta pakendek pa’pudian langngan Puang Kapenomban.

2. Tianten “ Pa’pudian 65” Do=A (Bendan)

PL Latidukun tama te bamba kurrean sumanga’ tu Sura’ Madatu
Latianten luntara’ makaraengna Puang Matua tama te pangrantean
manik.
Endekko-endekko e toma’pudi. Tiangka’ko-tiangka’ko e to masallo.

Lan Sion kendek pa’pudian umpakaraya Puang

to la ‘mpalesso’ samayanna la ‘mpemalai’Komi
Mintu’na tu pengkamoyana tontong Miperangi
Sang mairisan banne Puang umpenombai Komi.

Kamumo ‘mpetayanni padang, Mitontong ‘ndaranai

amMi pasakka’i tu mintu’na ‘mbeloi te pangleon.
Na saba’ pangkalo’Na Pu-ang ‘rrumpe-i padang lao,
ombo’mi tu tallu bulinna la napotu-o tau.

Pu-ang ‘mpakendek tu burana pentaunan i-ate

mintu’na tu lalanNa Puang ‘mpa-endek malunak.
Silelemo padang na-illi’ ri-unna silunan;
sangmaru-asammo tanete, maballo belona.
3. Samara Bisara
PF Iatu pa’tunduanta lan sanganna Puang tu mangka umpadadi langi sola
lino.
J 4 . 3 | 2 . 1 . |
A ..min A..min

4. Passalama’
PF Narampaoi morokomi kamaturu-turuan sia kamarampasan dio mai Puang
Matua Ambe’ta sia Puang Yesus Kristus Juru Salama’ta, lan panganta’na
Puang Penaa Masallo.
J Sia lu lako duka kalemi.
5. Pa’pudi-pudian (Pa’pudian 125) (Ma’dokko)
PL Iatu mintu' to umposande' PUANG, sitinti buntu Sion,
J tang tibendon, sangadinna bantang sae lakona.
PL Susi mintu' buntu untikui Yerusalem, susi dukamoto tu PUANG
ungkulambu taunNa,
J randuk totemo landa' sae lakona.
PL Belanna iatu tekken kapayunganna mintu' to tang mekaaluk tae' anna la
masae lako dio lu to' kataananna mintu' to malambu',
J kumua da anna kaka'i to malambu' tu kakadakean.
PL O PUANG, sangapaoi amMi patiroi melo tu mintu' to melo penaanna,
J sia lako to ma'bulo lollong.
PL Apa mintu' to sepang lako lalan kelokna, la Naroto'i nasang PUANG
sibaa mintu' to umpogau' kakadakean.
J Sangapaoi anna rampoi kamarampasan to tu Israel!
S Nanian Kombongan (Kidung Jemaat) 337 (D=do)

Nang pato’ki’ ma’kurre sumanga’ tondokta su gi’ sia malompo;

kalua’ tasikna, bantang buntun-na, maluna padang lombok tanete.

Reff (Semua)
Iate mintu’ na pa’kamaseanNa Puang Mala’ bi’ tu Makuasa.
Iate mintu’ na pa’kamaseanNa Puang Mala’ bi’ tu Makuasa.

(Muane)
Mellong tu tibangka’na masiang pandila-dila napanta’ allo,
natindok oninna manuk-manuk, sia busarungngu’na bunga-bunga.
 (Baine)
Padang maluna, langi’maserrong, sita’pa rupa marorrong tongan;
lendu’ melona, mepamanaman, bendan matoto’ pa’padanganta.

6. Tuara’ Mangaku Dosa na Kareba Kamasokanan

Puang E! Puang E! Puang E!
Puang Matua kipatongan Tallu sangbua bannang
Kitete manikki komi kurrean sumanga’ ilan te allo totemo
Ki eran balannikki komi polean paraya,
ilan te kulla’ tomarassan!
Angki parannu paiman sende pakaduan dio olomi!

Apa mempala’ patomalikan dio olo mala’bi’Mi ilan kapentuarasan,

Angki mangole tanda tinaran ma’sossoran rengnge’.
Kumua nenne’kan umbali-bali parenta-Mi
Untodo tinting basseMi
PF
Inang manassa to madosa sia to kasalankan.
Lako kalemi O Puang e…. Kamase-i kan O Puang,
Jemaat: Reff
3 . .5 6 6 5 . 5 3 5 6 5 5..
Ka-rim-ma - ni - ka ma-sei - kan Puang

PF Ullendu’i pa’tangaran sia pa’ianaangki

Lako kalemi O Puang e…. Kamase-i kan O Puang Reff
Jemaat: Reff
3 . .5 6 6 5 . 5 3 5 6 5 5..

Ka-rim-ma - ni - ka ma-sei - kan Puang

PF Ombo’ duka lan buangan kada sia penggauaranki

Lako kalemi O Puang e…. Kamase-i kan O Puang Reff

Jemaat: Reff
3 . .5 6 6 5 . 5 3 5 6 5 5..

Ka-rim-ma - ni - ka ma-sei - kan Puang

 PF Iatu Puang sumpu mamase sia sa’pala buda, kalando pesuka’ sia kapua
kamasokananNa. Tae’ anNa tontong bang unggagaiki’, sia tae’ Nala
tontong bang sengke. Tae’ anNa gau’ki’ sitinaya tu mai kasalanta, sia
tae’ anNa pakkanniki sitinaya tu mai gau’ kadaketa. Belanna susi
sikalangka’na langi’ anna lino, susi dukamoto tu kapuana
kamasokananNa lako mintu’ to ungkataku’I. Pada sikambelanna matallo
anna matampu’, pada duka mambelannna to Nanii Puang umpatoyangi
dio mai kaleta tu salata. Susi misa’ ambe’ unnala mase anakna, susi
dukamoto tu Puang unnala mase mintu’ to ungkataku’I (Mazmur 103:8-11)
J Menani: ”Memangan Tongan Masena – Ajaib benar anugerah NK 40

Memangngan tongan mase-Na tu umba’ruina’!

Topa’demo’, tosanggang mo’ Nakarimmannimo’.

Tongku suma’ding, rossomo’, totemo payamo’!

Kurre, kurre, tilendokmo’ tete mamase-Na.

Pangallu’-Na nang matoto’, kadan-Na kurannuan, ,

Puangmo kupobalulang tontong sae lakona.

USSEARAN KADA PUANG

7. Pangimbo Umbasa Sura’ Madatu – Doa pembacaan Alkitab
8. Umbasa Sura’ Madatu Ullesang Kada Puang
9. Rapa’ Ma’nannungan
10. Sambayang: Ambe’ki Dao Suruga

TIMANG PAKKANNA KOMBONGAN

11. Pangakuan Kapatonganan

T+K Pengakuan Iman Rasuli (Bahasa Indonesia)
(Bendan)
Menani Tiranda Lan Lino Na Dao Langi’ PM 144 (Do= D)

Ti randa lan lino na dao la ngi’, tu Sanga tang pada tongan maelona;
umben kabattaran lako tobo’yo’, ‘mpasu lerannun na angga topusa
Sanga Yesu nang mala’ bi’. E min da tang launtandai Pela’bak?

Sielle’ tu Yesu digente’ Puang ma’sanga mala’bi’ tae’ ‘ndoanni

 tu mangka umpassan pa’di’ kamatean ‘Mpabu’tu katuoan,
kasalamaran
sanga Yesu nang mala’bi’ e minda tang la untandai Pela’bak ?
Den pissan na mintu’ bangsa rupa tau nang la menomba lako Puang
Yesu
Malaeka’ suruga ra’ban menani sisola to lino umpudi Puang
Yesu, Yesu Puang mala’bi’, dipangke’ sae lako Sanga Pela’bak!

12. Ussorong Penomba

PL La ussorongki’ pemala’ta dio olona Puang, tanda tasikna kurrean
sumanga’ta belanna mamaseNa Puang. Pa’barang-barangan tu ta sorong,
apa iatu ma’kalolokanna pemala’ iamo tu katuoanta, tu ladipemalaran dio
olona Puang, la na pokaluangan parentaNa.

Susi tu kadanna Puang Yesu: Bangunanni tu matammi, tiromi tu mintu'

bela'; belanna matasak nasangmo totemo, pepareannamo. Na iatu to
mepare unnalamo sarona, sia urrampun bura padang tama katuoan
tontong sae lakona, kumua anna pada-pada parannu, la to mangambo', la
to mepare. (Yoh 4:35-36)
J Menani Tangiara Kasugiran (E=Do)

Tangiara kasugiran , kamawatangan ta sattuan ,

Tangiara belanna kamalamburanta na pourung anta salama’.
Ref.
Mamase le mamase-Na ri Puangta, Puang Yesu,
mamase le mamase- Na ri Puangta, Napagarri’ tu kasalanta.

Tangiara pamenganta, kamaloloanta ta sattuan,

tangiara belanna pa’bo’yo’-bo’yo’ta na pourung anta salama’

Tangiara kapaissanan, sia sarota ta sattuan

tangiara belanna pa’poraianta na pourung anta salama’.

13. Akta Khusus ( Sidi, Pemberkatan Nikah, dan Baptis)

14. Pangimbo Samalele (Doa Syafaat)

PANGRAMPAN NA PASSAKKE
15. Pangrampan (Bendan)
 PF Potambeke’ko sambu’mu, arra’i dodo aakmu. Osokki rakka’ sangpulomu
situang kapatonganan. Anna kendek allo kendek passakke, endek minggu
ombo’ parayammu. Sampe oi bulan tiboton oi rongko’. Rampo oi
pentaunan, mela’tek oki’ sola nasang.

Apa.... palulakoi Puang tu pa’inaammu. Patu’tun langanni Yesu Pela’bak

tu kamamalirammu. Sedanko rannummu lan kakinaanna Penaa Masallo.

16. Mangando Passakke : “Ongannina’ - Lingkupiku”

Ongangannina, maseMi Puang

Taranakna kamala’biranmi
Ke tu’bai tu bara’na lino
Mi-angka’na angku matoto’
Belanna kamuMo Puangku.
Masemi ku pomatana.

17. Pa’passakke

PF Na PUANG mora umpamasakkekomi sia ungkatirinnaikomi; Na

PUANG mora umpaarrangikomi lindoNa sia ungkaturu-turuikomi; Na
PUANG mora umpatiroangkomi lindo masokanNa sia umpasiriakomi
kamarampasan.
J Amin
18. Nanian Kurre Sumanga’ “Sundun rongko’ku - Kuberbahagia” NK 392

Sundun rongko’ku kumanappa’: Yesu tang leluk kupo Puangmo!

Napopa’mana’, Nala’bakna’, Natampa ba’ ru PenaanNa.

Refrein:
Sende ba’tengku kumenani umpudi Yesu sae lakona.
Sende ba’tengku kumenani umpudi Yesu sae lakona.

Batang kaleku kusorongan, i-lan Pu-angku rapa’ penaangku.

Tontong untayan kasuleanNa, Napakabu’ina’ karongkosan.

Selamat Beribadah Tuhan Memberkati

 TATA IBADAH
PENGUCAPAN SYUKUR TAHUNAN
GEREJA TORAJA JEMAAT KALINTIONG
CABANG KEBAKTIAN SION SALU SARRE

SABTU, 4 NOVEMBER 2023

 Selamat Datang
&
Selamat Beribadah