Tonoran Kamenomban

Pa’pakatana Lako Rapunna Alm. Benyamin D. Rapang (Nenekna Revan)

Rayan, 1 November 2021
****************************************************
S La umpudina' PUANG tu umpatuduna', pissanmi to napatiangka'na'
sukaran inaangku ke mabongi.
Kel Dio bang lindoku tu PUANG kusa'ding; belanna dio kananku tu Puang,
iamoto anna tae' angku la tilende'. Iamoto anna parannu penaangku sia
sende paiman deatangku, sia iatu batang kaleku la torro marampa'!
Lk Belanna tae' Mila unneloranni tu sumanga'ku tama lino to mate,
Pr sia tae' Mieloranni tu to Mipakaboro' unnisungi inan tang merambu.
“Lan Pi’tukna Te Maparri’ku” (PKJ 46: 1-2) do=G
Lan pi’tukna te maparri’ku, angku sae O Puangku,
Mentama arrang masero-Mi, kupellambi’-Komi.
Dio mai mabanda’na pa’di’ku kumentama kakuasam-Mi;
Sisola parri’ku ‘kusae, OYesu, Puangku.
Lan pa’dikna kabongkoangku, angku sae O Puangku.
La ummana’ kasugiram-Mi kupellambi’-Komi.
Dio mai inan kamatunangku kumellindung diong pea’ta’-Mi.
Sisola parri’ku kusae, O Yesu Puangku.
Samaya Kamarampasan
T Iate Kamenomban ………………...
K Amin.
T ……………………………tu penaammi.
K Tontong dukakomi Narondong Kuasa KamarampasanNa.
Pa’pudian 27: 7-10, 14
S Perangiina', o PUANG, ke metambana', katuru-turuina' sia pebaliina'.
Bn Penaangku unturu'i tu kadamMi, kumua: Daka'Na mipellindoiNa'.
Mn La kudaka'Komi, KupellindoiKomi, o PUANG.
S Da Mibunianna' tu lindoMi, sia da Misualei tu taumMi napobua'
kasengkeamMi.
Kel Kamumo tu kupopatunduan; da Mitibena' sia da Mitampena', o Puang Matua,
oto'na kasalamarangku. Belanna natampemo' indo' ambe'ku, apa PUANG
untarimana'.
T Peagimi tu PUANG, melo ke batta'ko, sia kalebu penaammu. Sia peagimi tu
PUANG.

Inang Kamu Ku Popuang (NKB 184: 1 & 3) do=F

 Inang Kamu kupoPuang, tae’mo tuladuanna;
Lan lolangan katuoangku, tontongKo mi ’rrondongna’.
Lanmo’ kaleMi Puang, lanmo’ kaleMi Puang.
Lan lolangan katuoangku, tontongKomi ’rrondongna’.
Anta’na’ la ullendu’ i bayo-bayo kamatean;
Kumentama katuoan la ussisolangKomi.
Lanmo’ kaleMi Puang, lanmo’ kaleMi Puang.
Kumentama katuoan la ussisolangKomi.
Sukaran Aluk-Na Puang Matua
Pa’pudian 119: 77 do=F
Inang Mitiro kamandasangku lendokanmo’ lan mai kamasussangku
Pa ‘nnannungna’ sukaran AlukMi. Iate kaleku Misanda tonganni
La’bakmo’ dio mai lima ualingku amMi patuona’ ‘nturu’ pangallu’Mi.
Unnannung KadanNa Puang Matua
Penomba
Nang Sundun Rongko’ku (NKB 197) do=G
Nang sundun rongko’ku iake Yesu Puangku,
parannu penaangku tu kamarampasangku.
Moi tu’ba tu bara’, moi tigega’ tu lino,
nang tae’mo ku magiang ke Yesumo Puangku.
Ref: Manassa mo, nang sundun rongko’ku (3x)
ke inang Yesu tongan mo tu kupo Puang.
Moi tae’ kuampui tu sa’buran eanan,
nang tae’ kumagiang, ba’tu ma’nuku nuku.
Belanna kutandai Yesumo tu Puangku.
tu mintu’ sara’ku tae’ra la torro sala. Ref:

Pangimbo Samalele
“Moi Maparri’ Bu’tu” (PM 135) do=C
Moi maparri’ bu’tu, pengkilalai da’mu ka’tu rannu dioren tu Puang.
Da’mu ranggang matande Puang, ke bu’tu masiang mudipasende.
Bombangna lino la dipa’dei. Nakatirinnaiko Topatunduan.
Tontong den tu Pu-ang, patonganni! Sombo mamaseNa ke melambi’ oi
moi maparri’ bonnong penaammu,
pa’tunduanNa Pu-ang, nang madao-anpa
moi apa dadi, lan te lino, Ambe’ku tang leluk, tontong dioren!

Pa’passakke
T ……………………
K Amin