Liturgi Gereja Toraja Mamasa, terjemahan Bahasa Mamasa

REPISANNA KAPEMALASAN ALLO MINGGU

MINGGU KATALLUNNA
( Pemala’ ummoyong basa Mamasa )
Penanian dipake : NKB anna PKJ

1. Kada Pa’tette La Memala':

Majelis : Kupelau la ke’de’ kia’ pada-pada anta umpudi sanganNa Puang
ummolai penanian:
Penanian Pampudian : PKJ. 8 : 1 & 3 “ TUNGKA’I BA’BA
MALEKE”
1. Tungka’i ba’ba maleke angku tama banuamMu
Angku malara masannang, lamattan penawangku
Kuparandan lindoMu illan arrang masokan
3. Attungku mengngolo matin, Museroi kaleku,
Anna mala sambayangku kendek matin oloMu.
Angka’I penawangku lambi’ lako oloMu.
2. Su’bakanna Kapemalasan
Pel. Fir. : Iate kapemalasanne kenamala tipalao manappa illalan sanganNa
Puang Allata’alla Ambe’, anna Anak, anna Penawa Masero.

3. Salam
Pel. Fir. : Anna Dewata mora ungkurapa’koa’!
Jemaat : Anna kurapa’ko duka’!
(ma’loko)
4. Parenta Dewata
Penatua : Kupelau la ke’de’ki pada-pada anta perangngi parenta diona
pa’kamase, annu iamo parenta illalan salu katuoanta, dio tingngayona
Dewata anna lako padanta ma’rupa tau: Mat.22:37-40; battu, Roma
12:9-21; Roma 13:8-14; 1 Kor 13:1-13 (dipile mesa, mala diita illalan mai
Buku Masero Pa’dandi Bakaru).
 Penanian : NKB. 17 : 1 & 2 “MAMASE TONGAN PUANGKU”
1. Mamase tongan Puangku tae’ dengan sitintinna;
Naraka mala nabaenan, bintoen mala nalambi’.
Mamase tongan Puangku, anakNa lumalin, sae
umpeang to pusa, anna panampunni.

1
Liturgi Gereja Toraja Mamasa, terjemahan Bahasa Mamasa
Reff Mamase tongan Puangku, tae’ sitintinna;
montong tanan o matande, na angka’
umma’Na
2. Maka’ torromo te attu, pangka’ lino pa’de duka’,
moi to kadake gau’, mambela anna raunmo,
sapo tontong MamaseNa, matoto’ matande.
Annu rongko’na tolino, napentoe umma’na.

(ma’loko)

5. Pa’patoka La Urrangngi Batta Kada Dewata

 Sambayang la umbaca Buku Masero
 Umbaca Buku Masero
 Ullelean Batta Kada Dewata
 Mengkarippi tau saturan
 Penanian : NKB. 116 : 1 & 2 “BENNA UMMANDA’I”
1. Benna ummanda’i batta kada Puang anna matutu unturu’i.
marumbo tuona nakala’ pangngarrang mesa kappa’mi
dewatanna.
Reff. Oreanni toei kadanna: tuomu illan Yesus
lamasannang tongan.
2. Kalimbayo pattang tarru’ napa’dean arrang petawa lindona
Puang, mentu’ kamareasa lamadommi’ pa’de lako to
mengnganti matoto’.

6. Pangngakuan Kapaimanan Nicea (ke’de’)

Kuorean mesa Puang Allata’alla,
Ambe’ to ma’kuasa, to ungkombong langi’ anna lino,
Angganna kawananna tenni membuninna.
Anna lako mesa Dewata, Yesus Kristus,
Anak Tungga’Na Puang Allata’alla, to didadian dio mai Ambe’, inde anna
ta’pa dengan attue,
Puang Allata’alla lu dio mai Puang Allata’alla, masiang lu dio mai
masiang, Puang Allata’alla massang dio mai Puang Allata’alla massang,
dikeanakan, tangngia panggaraga; sitinti Ambe’, tete dio kaleNa dingei
unggaraga mentu’na angga maritik,

2
Liturgi Gereja Toraja Mamasa, terjemahan Bahasa Mamasa
to mangka sollo’ yao mai suruga lako kita ma’tanda to lino annu’ la
napasalama’ki’,
anna mendadi batang kale, tete dio Kristus dio mai anak dara Maria,
anna mentolino;
ditoke’ lako kayu pantokesan ura’na kita, attunna kaparentaanna Pontius
Pilatus,
ummolai parri’, anna mane dipeliang; tuo sule anna allo katallunna,
situru’ issinna mentu’ sura’, anna kendek langngan suruga;
ummokko dio tandai kananNa Ambe’,
anna la sae sule sola kamatandean
la umpabambanni sangka’ to tuo anna mate;
kaparentaanNa tae’ dengan katampakanna.
Kuorean Penawa Masero,
to mendadi Puang anna to mepatuo
to lu dio mai Puang Matua Ambe’, anna Anak
dipenombai anna dipakasalle
to mangka ma’kada umpotete pira-pira nabi.
Kuorean dengan mesa kombongan masero,
anna sangngulele, anna situru’ pepa’guruanna mentu’ Rasul.
Kuorean dengan mesa pantedokan sanda maero lakagarrisanna
kasalaan.
Kutayan dengan katuoanna sule to mate
anna katuoan illan attu la sae.. AMIN
(ma’loko)
7. Sambayang Pelambe
Pel. Fir. : Anta pada-pada ma’sambayang…………………………………………
(Iate sambayange dibubung sambayang AMBEKI)
‘Ambeki yao suruga,
dipomasero sangammu.
Paombo'mi kaparentaammu,
anna dituru' pa'kuammu
illalan lino susi yao suruga.
Beengkan nande la siruanna kiande allo temo.
Ammu garri'iangkan kasalaangki,
susi kami unggarri'imo to kasalaan lako kaleki.

3
Liturgi Gereja Toraja Mamasa, terjemahan Bahasa Mamasa
Dau pabeaikan disudi la umpogau' kasalaan,
sapo la mupasikambelakan kakuasaanna kakadakean.
Annu Ikomo to ummampui kaparentaan, kakuasaan, anna kamatandean sae
lako-lakona. Amin.

8. Umpa’petandoan Bua Pemala’

 Kada Dewata diona Pa’petandoan
Syamas: Mentu’ko siulu’, maimokoa’ anta ma’petando langngan oloNa
Dewata, sirapan pa’kurrusan sumanga’, dipasiolaan
ungkilalai Kada Dewata nakua:
“Sorongan asanni angganna tawa sapulona ewanammu
tama banuanna Puang, anna malara dengan nande
tirempun illalan banuangKu, ammu sudiNa, KadanNa
Puang, ammu itai angku tungkai’iangko ma’apa’-sapa’na
langi’, angku barrangkanangko tamba’ tiluppi’-luppi’”
(Maleakhi 3:10) battu:
Roma 12:1; 2 Kor.9:6-7; 2 Kor.9:7-8; 2 Kor 8:11-14;
 Pa’petando Ma’rupa Pa’baran-baranan: Lelang (maka’ buda, mala
dipawindi ke mangkami kapemalasan)
 Pa’petando Ma’rupa To Menani: PS, VG, Solo, dll (ke denganni)
 Pa’petando Ma’rupa Doi’
Syamas: Marassanni dirempun pa’petando, la menaniki’ umpakasalle Puang
Matua, ummoyong penanian:
Penanian Pa’petando : PKJ. 146 : 1 - 3 “SORONGNGI
PEMALA’MU”
1. Sorongngi pemala’mu illan banua Puang,
La maringngan penawa tae’ko la boyo’,
SorongngI pemala’mu sola kadoresan.
Reff Sorongngi pemala’mu, ura’ kadoresammu
Sorongngi pemala’mu, kurru’ sumanga’
2. Pa’tamba’Na Dewata tae’ la sitinti mentu’ angga maritik
Illan te lino. Pa’kamase lantukNa mangka mutarima
3. Sorongngi katuoammu la napake Puang, anna mala
kawanan kamatandeanNa. Anna kamasakkean
natandoiko Puang

 Umpa’sambayangan Bua Pemala’:

Syamas: Ta pada-pada ke’de’ anta ma’sambayang :
4
Liturgi Gereja Toraja Mamasa, terjemahan Bahasa Mamasa
O Puang, Ikomo to ummampui langi’ anna lino sola angganna issinna
saekan malimuntu’ dio tingngayoMu umpa’petandoan pa’kurrusan
sumanga’ki matin oloMu. Kenamala iate pa’petandoki matin la
Mutarima anna la Mupomasero anna malara dipake umpakalua’
parentaMu, annu iate uma’ petauamMue masalosso’ penawanna
ma’petando matin. Tamba’kan duka’ o Puang, anna malara mentu’na
pelombung pudukMu la urrepi’ manappa iate buah pemala’e lu lako
kaparentaanMu. Garri’mi mentu’na kasalaangki ammu tarima te
sambayangkie, umpotete sanganNa Yesus Pesulangki. Amin.
Penanian : NKB. 133 : 1 & 3 “KURRU’ SUMANGA’ O PUANG”
1. Kurru’ sumanga’, o Puang, mentu’na pa’tamba’Mu,
mutandoina’ kagannasan, ura’ pa’kamaseMu. Mupatika
pengkarangan, moi malamma kaleku, mutungka’i pa’kamase
dio mai solaku.
3. Kurru’ sumanga’, o Puang mubenna’ sa’do’doran ummolai
kamesaan, menden tamba’ Dewata. Mubenna’ kamatoroan
untammui parri’ lino matoto’ kaparannuangku, lambi’ sae
lakona.
(ma’loko)

9. Pira-Pira Kareba Dipalanda’ Lako To Ma’kombong……………..

10. Pa’pakainga’ battu Pa’pakari’di’ (ke’de’)
 Penanian Pa’tette
Pel. Fir. : Ta pada-pada menani:
Penanian : NKB. 188 : 1 & 2 “PENTEKKAKU”
1. Pentekkaku naparunduk Dewata, lima mamaseNa untettena’.
Maliling tama bombanga te lino montong matannang
penawangku.
Reff : Pentekkaku naparunduk Dewata, napalulangnganna’
malangka’na pissan attu la sorena’ lu lako banuanNa
Ambe yao Suruga.
2. Attunna pangngoreanku malamma, anna lapusamo
penono’ku, kuparandan Puangku to mesulang, madappi’ lu
lako kaleku.

11. Pa’tamba’
12. Penanian Pambubung
Penanian : NKB. 189 : 1 – 2 “TOEI LIMANGKU”
1. Morai tarru’na la urreke’Ko, unturu’ Puang, tae’ laboyo’; kela murepi’
katuoangku, tae’na’ laselang tontong lingkaku.
5
Liturgi Gereja Toraja Mamasa, terjemahan Bahasa Mamasa
Reff : O, Pesulang toei limangku, pa’tetteMu kuparallui, la
mubenganna’ kuasamMu, o Puang Yesus toei limangku.
2. Malillimmi lalan la kuolai, sapo’ masiang dio penawangku; marru
masussa illan te lino, kasikalinoan yao suruga.