AGENDRE MIGU TRINITATIS

Minggu, 03 September 2023

1. FANGOWAI BA FOGAONI

(Tedöni dorosi, möi ndra sohalöwö bakha ba gosali, ba lahalö wangahono dödö banua niha
Keriso ba wangondrasi ba ba wasumangeta khö Lowalangi).

Fangowai :
SA Ya’ami banua Zo’aya, Ya somuso tödö ba sowuawua tödö ami ba we’amöi
föna Keriso ma’ökhö andre, ma’owai ami fefu,
Ya’ahowu.
SATO Ya’ahowu.
SA Ya faofao khomi Lowalangi
SATO
Ya fao khöu Geheha-Nia.
Fogaoni :
SA Da ta’owuawua’ö dödöda wangondrasi Yehowa, da ta’omusoi’ö dödöda ba
wamalua fasumangeta khö Lowalangida. Tasuno Ia, manunö ita moroi ba
Mbuku Zinunö numero 25

2. He Yesu, he Yesu, he Yesu, sangöhöli ya‟aga ba horö.

Do-Mö höli, lö aefa ba dana khö-Mö, wanunonuno töi-Mö
Töi si lö famaedo, nisuno irugi zi lö aetu, Haleluya, Haleluya.

3. FANGA’ARO’Ö WA’OWULO (VOTUM)

SA : Da tahonogö dödöda ba wariawösa, ba ba wa hasambua khö Lowalangi, (muzizio
zato)
No owulo ita ba da’e, ba döi Lowalangi Ama, ba ba döi Nono-Nia Yesu Keriso,
ba ba döi Geheha Ni’amoni’ö. Fangorifida ha ba döi Yehowa si no momböi
banua si yaẅa awö danö.

SATO : YADUHU

SA : Ba u’ila Zo’aya, sidadao ba dadaoma sebua, si no alawa: anõnõ gosali ahe

mbaru-Nia. Serafi fõna-Nia, õnõ gafi zamõsa. Dua mbalubalu mbawa ba dua
mbalubalu gahe ba dua ba wehombo. Ba faoma lamanemane we’ao khõ nawõra:
Ni’amoni’õ, Ni’amoni’õ, Ni’amoni’õ Yehowa ngahõnõ andrõ; no anõnõ
lakhõmi-Nia guli danõ ma’asagõrõ. (Yesaya 6:1b, 2-3)
HALELUYA....
1
 SATO : Manunö: BZ. numero: 452

SA : Mangandrö ita:
He Yehowa Lowalangi Ama, Ono ba Eheha Ni’amoni’ö. Möiga mangalulu ba
wangandrö saohagölö me no Örorogö, Ö’orifi, ba Öbohouniga fa’omasi-Mö
andrö. Ma’andrö khö-U, tohugö wa’ebua dödö-U khöma, rorogöga ba ngawalö
de’ala, efa’öga ba wanandraigö, rara dödö ba ngawalö gabula dödö, tundreheni
fa böi alau ndra’aga. Fatöröga ba zomasi Ndra’ugö irugi gamozua, fa makhamö
nahia ba zi so Ya’ugö. Si lö mo’aetufa nisuno ba nifolakhömi Ndra’ugö, awö
Zo’aya ya’aga Yesu Keriso ba Eheha Ni’amoni’ö. Yaduhu.
(mudadao zato)
4. MANUNÖ moroi ba Mbuku Zinuno numero 193, ba teowuloi persembahan aksi dana pembangunan

2. Hiza, Yesu, sangefa‟ö, fefu ngawalö zala.

Da tatehe, ya Muhaogö, gera‟era dödöda.

3. Andrö wa no möi ba khöda, Nono Lowalangida.

Ba tobali Ono Niha, simane göi ya‟ita.

4. Falalini gera‟era, ba röi lala sabila.

Ta‟ondrasi Zangefa‟ö, ba tasöndra wangefa

5. FOMBASO TAROMA LI LOWALANGI (AF)

SA : Da tafondrondrongo daroma Li Lowalangi, tehalö moroi ba zura II Moze 20 : 1 - 17
1. Ba iwaʼö daroma li andrö fefu Yehowa, imane:
2. Yaʼodo Yehowa Lowalangiu, si no mangeheta yaʼugö ba danö Miserayi andrö, ba zi no
möi sawuyu ami.
3. Böi so khömö Lowalangi tánö böʼö, baero ndraʼo.
4. Böi fazökhi khöu nadu, ba he famaedo hadia ia, he si so si yawa ba mbanua, ba he si so si
tou ba guli danö, ba he si so ba nidanö, barö danö.
5. Böi angalulu khönia ba böi fosumange ia, me no Lowalangi solohu ndraʼo, yaʼodo andre,
Yehowa, Lowalangiu, sanguhuku horö ndra ama ba ndraono ba ba maʼuwu mitou, khöra
si fatiu tödö khögu,
6. ba si hakhösi tödö sangomasiʼö yaʼo ba soloʼö oroisagu; irugi hönö ngaʼötö.
7. Böi tötöi döi Lowalangiu Yehowa ba waya; löʼö sa zi lö ihuku Yehowa zanötöi töinia ba
waya.
8. Ameʼegö tödö luo wolombase andrö, ba weʼamoniʼö yaʼia.
9. Önö ngaluo mohalöwö ndraʼugö ba öhalö halöwöu fefu.
10. Ba ero fitu bongi, ba luo wolombase khö Lowalangiu Yehowa; böi babaya hadia ia
halöwö ba daʼö, he yaʼugö, ba he onou matua, ba he onou alawe, ba he sangai halöwö
khöu ira matua ba he sangai halöwö khöu ira alawe, ba he uriföu, ba he si fatewu khöu ba
mbanuami bakha.
11. Önö ngaluo sa mege khö Yehowa, ba wamazökhi banua si yawa, awö danö, awö nasi,
awö nösira fefu; ba ba luo si fitu, ba no molombase ia. Andrö wa no ifahawuʼö luo si fitu

2
 andrö Yehowa, ba no iʼamoniʼö.
12. Fosumange namau, awö ninau, enaʼö anau nosou ba danö, nibeʼe Lowalangiu Yehowa
khöu.
13. Böi angeʼe.
14. Böi ohorö.
15. Böi anagö.
16. Böi böbögö khö nawöu zi lö duhu.
17. Böi isö nomo nawöu. Böi isö woʼomo nawöu ba he sangai halöwö khönia ira matua, ba he
sangai halöwö khönia ira alawe, ba he öröbaonia, ba he kudonia, ba he hadia ia, fefu,
nibayabaya nawöu.
Si manö daroma Li Lowalangi, da tatema’ö faoma sinunö: BZ.Numero 20:1.

SATO :

6. FANGANDRÖ FANGEFA HORÖ

SA : Ya’ami ira talifusö,
Na tawa’ö lö horöda, ba talimo ita, ba si duhu lö’ö ba dödöda. Na ta’ombakha’ö
horöda, ba lõ faröi Ia, ba no satulö Ia, fa I’efa’ö khöda horö andrö, Ihaogö ita,
awö wa Iheta fefu zi lö atulö. Andrö da möi ita föna Lowalangi si fao
fangidengide’ö ba wangombakha horöda, (muzizio ita fefu).
Mangandrö ita:
He Yehowa Lowalangi, si lõ ambõ fa’abõlõ, ba si no fahõna fa’omasi.
Mafaduhu’ö wa tenga sinangea ndra’aga tanö föna-Mö, me no fahöna horö si no
mafalua i’otarai iraono ndra’aga, he ba wehedema, era’era dödöma, awö
gamuatama si lö faudu ba daroma Li-Mö. Andrö möiga khö-U ba wangandrö
fa’ahakhö dodo-U, ena’ö Ö’efa’ö khöma horöma andrö, si no mafalua, irege
sohahau tödö ndra’aga wanohugö fekolima ba zi so fönama si faudu ba zomasi
Ndra’ugö. Hakhösi dödö-U khöma Ama, ba be’e aefa khöma horöma andrö
ma’afefu, Yaduhu.
SATO : Manunö: Buku Zinunö. Numero 224 : 1

3
 SA : Turia Wangefa horö: “Utayaigõ golalõwamõ, si mane lawuo, awõ horõu, si
mane sau. Tema fuli’õ khõ-Gu, me no U’orifi ndra’ugõ” (Yesaya 44:22).

LAKHÖMI KHÖ LOWALANGI SI YAŴA .....

SATO : Manunõ BZ. No 450

(mudadao zato)

7. FOMBASO TAROMA LI LOWALANGI (AB)

SA : Da tafondrondrongo daroma Li Lowalangi, tehalö moroi ba zura Yohane 15 :
9 - 17
9. Si mane faʼomasi Nama ndraʼo, si manö göi waʼomasigu ami. Miʼiagö
waʼomasigu andrö.
10. Na miʼoʼö goroisagu, ba daʼö miʼiagö waʼomasigu, si mane foloʼögu
oroisa Namagu, be uʼiagö waʼomasinia.
11. Daʼö niwaʼögu khömi, enaʼö so ba dödömi waʼomuso dödö andrö khögu,
ba enaʼö aʼoi so waʼomuso dödömi.
12. Daʼö goroisagu, enaʼö faoma miʼomasiʼö nawömi, si mane faʼomasigu
ami.
13. Fondrege waʼebua wangomasiʼö awö, na ibelegö nosonia niha föna zi
fahuwu khönia.
14. Si no fahuwu khögu ami, na miʼoʼö hadia niwaʼögu khömi.
15. Löʼö saʼae ubeʼe töimi genoni, enoni, ba lö iʼila, hadia nifazökhi zokhö
yaʼia; ba no ubeʼe töimi zi fahuwu, noa sa uʼombakhaʼö khömi fefu
nirongogu khö Namagu.
16. Tenga yaʼami zanuyu yaʼo, yaʼo sa zanutuyu yaʼami, ba no ufataro ami,
enaʼö möi ami mowua, ba enaʼö lö tebulö mbuami, enaʼö ibeʼe khömi
Ama hadia niʼandrömi khönia ba döigu.
17. Daʼö goroisagu khömi, enaʼö faoma miʼomasiʼö nawömi.
Ya’ahowu zamondrongo taroma li Lowalangi ba same’e ba dõdõ. (Luka
11:28).

SA+
SATO : YADUHU

5. FASÖMBATA
SA : Iada’e tebe’e khöda ginötö ba wolohe fasömbatada khö Lowalangi.
Ta’osamuzaigö wame’e, he fasömbata si föföna, ba si manö göi zi mendrua
awö zi medölu. Ba si öföna ua da tafondrondrongo Li Lowalangi me imane:
 Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so
zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi
abu dõdõ, ba tenga niforege; si no aoha gõlõ fame’e, da’õ sa zomasi
4
 Lowalangi. (II Kor.9:6-7).

SA : Tafa’ema wasömbata khö Lowalangi, ba manunö ita moroi ba Mbuku Zinunö

numero: 263

2. Tuho goroisa Zo‟aya, ba daroma li-Nia.

Da ta‟omasi‟ö Ia, he göi awöda niha.
Da ta‟oigö dödöda, ta‟o‟ö, tafalua.

3. No göi dumaduma khöda, wa‟omasi Zo‟aya.

Lö Ibe‟e ba‟aba‟a, fefu ngawalö zala.
Fa‟omasi Zo‟aya, duhu tebai nisu‟a.

4. Da fao ita ba wangandrö, wangalulu khö-Nia.

Ta‟andrö Geheha-Nia, sangabölö ya‟ita.
Ya sanau ölö ita, wamati khö Zo‟aya.

5. Fa‟omasi wangoroma, na hasara dödöda.

Fa‟omasida nawöda, böi tebulö he ara.
Ya böi olifu ita, wa‟omasi Zo‟aya.

---------------------fangowuloi/fama’ema fasömbata-----------------

(Na no awai la’owuloi/lafa’ema wasömbata, ba owulo tanö furi zangowuloi

fasömbata, lafendrongagö wolohe föna fasömbata, ba la’o’õ gofanõwa note
zinunõ (irama lagu). Fatua lö möi ira wolohe föna, ba imane Sangai Agendre:)

“Da tafasao wasömbatada andre föna Lowalangi, ........muzizio ita

fefu............Manunõ ita moroi ba Mbuku Zinunõ numero 261)

5
 2. Ya’e zumange fasömbata ma be’e soroi ba dödöma.
Reff :Ma’andrö khö-U ....
3. Ya’e zumange fasömbata buala si’otarai Nama.
Reff :Ma’andrö khö-U ....
4. Ya’e zumange fasömbata, boto, noso, ba fa’aurima
Reff :Ma’andrö khö-U ....
5. Ya’e zumange fasömbata, lö irugi zomasi dödö-U.
Reff :Ma’andrö khö-U ....
6. Ya’e zumange fasömbata, ma’aohasi gölö Zo’aya.
Reff :Ma’andrö khö-U ....
FANGA : (Fangandrõ nidönia’ö fasamösa zangowuloi fasömbata, aefada’õ ba lafa’ema ba danga
NDRÕ zangai huhuo, itema’õ sangai huhuo awena itou’õ ba dete meza. Ba na so wasõmbata si
sambua ni’ofulu, owasa wanaru ma owasa wamasi, btn ba itema’õ sangai huhuo si fao
taroma Li Lowalangi si faudu ba wasõmbata ni’owuloi andrõ).

6. KOOR/VOKAL GROUP
SA : Da tafaogö dödöda ba wanuno Lowalangi faoma Sinunö ni’olohesi: Koor
ba Vokal Group.
a. …..
b. ......
c. …..

7. MANUNÖ
: Da tafa’anö dödöda wamondrongo taroma Li Lowalangi, manunö ita moroi ba Mbuku
Zinunö numero 163.

UHONOGÕ SIBAI DÕDÕGU

Uhonogõ sibai dõdõgu, Ba wamondrondrongo li-Mõ Yesu.
Mangalulu ndra'odo fõna-U ba gametahõ-Mõ iada'a.
Obayoini eheha-U Yesu, dozigõ mbanua samati khõ-U.
Ubokai dõdõgu khõu Yesu,nahia daromali-U.
Taromali-Mõ lõ fa'atebulõ, menewi, ma'õkhõ,
Ba si'ogõtõ'õ, lõ sa mamalõ.
Taromali-Mõ simõi fangabõlõ,
Utema'õ soroi ba dõdõ, tolo ba wolo'õ

8. HUHUO SEBUA
SH : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi,
sabõlõ moroi ba gera’era niha fefu, ba khõ Keriso Yesu. Mangandrö
ita......Yaduhu.
a. Fombaso taroma Li Lowalangi II Korindo 8 : 1 - 7

1. Ba löʼö sa mabiniʼö khömi, yaʼami ira talifusö, waʼebua dödö

Lowalangi andrö, niʼoromaʼönia ba mbanua (niha Keriso), ba
Makedonia misa.
2. No oya wanandraigö, faʼafökhö, ba no fahöna göi waʼomuso dödö, no
numana sibai ira, ba no abölö waʼahakhö dödöra, lualua.
3. Ndrege zi tola ira, lö ubiniʼö, italuʼi na i zi tola, faʼaoha gölöra.
4. No laforege wangandrö khöma, enaʼö matehe khöra, awö göi ira ba
wanolo niʼamoniʼö andrö.
5. Ba tenga ha nidönadönama andrö, botora lalulu, khö Zoʼaya ua, ba
khöma dania, me no omasi Lowalangi.

6
 6. Tobali mafarou dödö Dito andrö, enaʼö ifalua göi nifobörönia, ba
dolotolo andrö, ba khömi göi.
7. Ba me no fahöna khömi fefu hadia ia, he famati, ba he famahaö andrö,
ba he faʼaboto ba dödö, ba he ngawalö waʼowölöʼölö fefu, ba he
faʼomasimi ndraʼaga, ba enaʼö aʼoi göi so khömi dolotolo andrö.

b. Fanuriaigö
c. Nitanö ba dödö II Korindro 8 : 7b
“ba enaʼö aʼoi göi so khömi dolotolo andrö.”

“Demikian juga hendaknya kamu kaya dalam pelayanan

kasih.”
SATO : Manunö : BZ. Numero 154: 1 ba ma zui Numero 156:1

9. TUHO WAMATI
SA : Me no tarongo daroma Li Lowalangi, ba da tafaogö lida wamaduhu’ö
famatida ya’ita niha Keriso föna Lowalangi, muzizio ita fefu........ endronga
lida:
SA +  Ya’o mamati khö Lowalangi Ama si lö ambö fa’abölö, somböi banua si
SATO yaẅa awö danö.
 Ya’o mamati khö Yesu Keriso, So’aya ya’ita, Ono Lowalangi si ha samösa,
nitema nina-Nia Maria khö Geheha Ni’amoni’ö, ono nono alawe Ia, no
manaögö huku Ia, barö mbawa Fondrio Filato, teforöfa Ia, mate, ba lako’o.
No möi Ia ba mbanua niha tou, no maoso Ia moroi ba ngai zimate me no
irugi tölu ngaluo. No manahae Ia, möi ba zorugo, dumadao ba gambölö
Lowalangi Ama si lö ambö fa’abölö. I’otarai da’ö mangawuli Ia dania ba
wanguhuku niha sauri, awö zi no mate.
:  Ya’o mamati khö Geheha Ni’amoni’ö, ba ufati ha sambua mbanua
ni’amoni’ö, fefu niha Keriso, fa’awösa niha ni’amoni’ö, ba fangefa horö,
ba femaoso mboto zimate, ba fa’auri silöaetu. Yaduhu.
(mudadao zato)
10. ANGOMBAKHATA BA MBANUA NIHA KERISO
SA : Da tafondrondrongo gangombakhata: .....

7
11. MANUNÖ:
SA : Manunö ita moroi ba Mbuku Zinunö Numere 150

2. Ha ba li-Mö döhöga, ha ba li-Mö auriga.

Me fangoroma zala, ba wanöndra fangefa.

12. FANGANDRÖ SALAHI + FAMATENGE + HOWUHOWU

SH : Sumindro ita fefu, mangandrö ita: ..... (tetohugö): Ba döi Zo’aya ya’aga Yesu
Keriso, si no mamahaö ya’aga ba wangandrö mamane:
SH+ : He Ama khöma si so ba zorugo, ya te’amoni’ö döi-U. Ya tobali banua-U fefu
SATO niha, ya itörö zomasi Ndra’ugö, hulö ba zorugo, ya si manö göi ba gulidanö.
Öma sirugi ma’ökhö be’e khöma ma’ökhö andre. Ba efa’ö khöma horöma, si
mane fangefa’öma sala ba zi so sala khöma. Böi ohe ndra’aga ba wanandraigö,
efa’öga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awö
lakhömi, irugi zi lö aetu. Yaduhu.

SH : FAMATENGE + HOWUHOWU:

Mi’angawuli sifao fa’ohahau dödö, yatobali ami sura Keriso, samaduhu’ö

Ya’ia ba lala wa’aurimi sero ma’ökhö, ba mitema (tatema) howuhowu
Lowalangi:
 Ya mufahowu’ö ami/ita Lowalangi, Ya murorogö ami/ita
 Ya mufohaga mbawa-Nia khömi/khöda, Ya mu’ebua’ö dödö-Nia
khömi/khöda
 Ya mufalemba hörö-Nia khömi/khöda, Ya mube’e wa’ohahau dödö khömi/
khöda fefu. Yaduhu.
SATO : Sinunö Buku Zinunö Numero 463

8
 2. Tefangelama zamati, so gafökha si lö sökhi.
Afunia tefabali, faröi niha ba wamati.
Hare fondrege zi sõkhi, rõfa Yesu fangorifi.
Da'õ zinema zamati, Ni be Lowalangi

SH : Ya’ahowu
SATO : Ya’ahowu