Nama : Yufita Wilhelmina Mendrofa

Sem/Jur : X/Teologi
Mata Kuliah : Homiletika 2
Dosen Pengampu : Pdt.Gustav Gabriel Harefa,M.Th

Yakobo 1:22–25
Tuho: fa’auri Satulõ Molo’õ Oroisa
1. FAMOBÕRÕ
Sura Yakobo andre nisura sa enoni Lowalangi ba enoni Yesu
Keriso nitandrõsaigõ ia ba zifelendrua tua ba zi no mozaewe ba zi
sagὂrὂ ulidanὂ (fah. Yak. 1 : 1). Ba zurania andre, faoma
amaedola ibe‟e ba wanuturu lala ba menemene sanandrὂsa ba
wo‟amuata ba buabua Niha Keriso. Moroi ba wamaha‟ὂ Keriso
ibotokhi duho wamaha‟ὂ simane fa‟akayo ba fa‟anumana, fanandraigὂ,
amuata si sὂkhi, fanaha tὂdὂ, famati ba buabua, fehede salua baeha,
fa‟atuatua, fasosota, folau faya, fa‟ebolodὂdὂ ba fangandrὂ. Hana wa
niha Keriso lὂ tola lὂ‟ὂ auri ia molo‟ὂ oroisa Zo‟aya? Haniha
zame‟e su‟asu‟a ba da‟ὂ ena‟ὂ ta‟okhὂgὂ wa‟auri satulὂ? Ya‟ia da‟ὂ
Taroma Li Lowalangi. Fefu hadia ia tola tewu‟a, ba hiza DaromaLi
Lowalangi andrὂ lὂ tebulὂbulὂ gὂtὂgὂtὂ wa‟ara. Fa‟auri satulὂ
molo‟ὂ oroisa Lowalangi, modanedane ba Daroma Li Lowalangi,
i‟otarai ba gamubu‟la li sifὂfὂna irugi ba gamabu‟ula li sibohou. Me
fefu nὂsi zura DaromaLi Lowalangi andrὂ ba notobali lohelohe wa‟auri
niha samati ba wofanὂi lala wa‟aurira bongi ba ma‟ὂkhὂ. Imane ba zura
2 Timoteo 3 : 16 “Fefu nõsi zura andrõ, ba Eheha Lowalangi zame’e ba
dõdõ niha, ba moguna ia, ba wamahaõ, ba ba wangotu’õ ba ba
wanga’azõkhi, ba ba wamamaha ba wa’atulõ dõdõ”. He wa‟ae
simanὂ no iwa‟ὂ ba Zura Ni‟amoni‟ὂ, ba mbὂrὂ huhuo ba daromaLi
Lowalangi nibasoda ma‟ὂkhὂ andre, ifaduhu‟ὂ
 awena tola alua wa‟auri satulὂ andre, ya‟ia na no murongo DaromaLi
Lowalangi ba i‟o‟ὂ ma ifalua ia ba lala wa‟aurinia bongi ba
ma‟ὂkhὂ zamὂsana. He no so wa‟aboto ba dὂdὂ, he na no mu‟ila, he
na no murongo, ba lὂ eluaha da‟ὂ fefu na lὂ hadὂi folo‟ὂ, lawa‟ὂ ba
khὂda ha manὂ fangeta gesuanὂ, bὂi zilὂ‟ὂ manὂ, andrὂ lawa‟ὂ dania
imane : iwa‟ὂ fehede sa ba i‟o‟ὂ buabuania.

2. Fangosisi’õ Nõsi Daroma Li

Tobali Solo’õ Taromali / Menjadi Pelaku Firman (ayat
22)Famondrondrongo, fehede ba famalua (mendengar, berkata - kata
dan berbuat), tὂlu mbalὂ ia andre ba no fabὂ‟ὂbὂ‟ὂ ba hiza nofakhai
manὂ sa ira mamatohu. Famondrondrongo ya‟ia da‟ὂ itema‟ὂ hadia
ia nifa‟ema khὂnia (menerima informasi yang disampaikan). Fehede
ya‟ia da‟ὂ itema hadia ia nifa‟ema khὂnia ba itohugὂ ibagisi
wama‟ema ba niha bὂ‟ὂ (menerima informasi yang disampaikan
kepadanya lalu dilanjutkan disampaikan kepada orang lain). Famalua ba
ya‟ia da‟ὂ i‟o‟ὂ ma ifalua zi no irongo ma zi no lafa‟ema khὂnia. Ero
luo Migu ba so gὂi ginὂtὂ tanὂ bὂ‟ὂ ὂsa, ba asese lafa‟ema ba
tarongo Daroma Li Lowalangi andre, ba ta‟andrὂ ena‟ὂ hadia
nirongoda ma nifa‟ema khὂda, ba tetanὂ ia bakha ba dὂdὂda, simane
zinunὂ “No Mafondrondrongo Li- U”. Omasi Lowalangi, na TaromaLi
Lowangi andrὂ nirongoda, ba tola monahia ia bakha ba dὂdὂna irege
tola tafalua ia ba lala wa‟auri sero ma‟ὂkhὂ. No ibe‟e maedomaedo
Yesu Keriso, he‟iwisa niha ba wanema‟ὂ taromaLi andrὂ, hulὂ simane
zamazaewe tanὂmὂ (fah. Matai‟o 13: 1:23). Afu tola
tatema‟ὂ Daroma li andrὂ ma monahia ba bakha ba dὂdὂda,
so dombua zinangea tafa‟anὂ :
Sifὂfὂna, dataheta heta fefu hadia ia da‟unὂ ma hadia ia zi lὂ sὂkhi
bakha ba dὂdὂda. Na tὂdὂda andre, da‟ὂ zi so fa‟afὂkhὂ dὂdὂ, fayawasa,
fatiusa, btn, ba tebai itema‟ὂ daromaLi andrὂ, i‟ohe niha ba wa‟abe‟e
dὂdὂ ma fatandro, no igohegohe khὂnia dὂdὂnia ba zi so ya‟ia mege,
he na irongo daromaLi andrὂ ba ifulifuli ia ba gamuatania si lὂ
sὂkhi andrὂ. Iwa‟ὂ tὂdὂnia wa‟ὂwa‟ὂ manὂ ia ba da‟ὂ halὂwὂu, si lὂ
eluaha da‟ὂ fefu.
Sidua, Tatema‟ὂ daroma li andrὂ sifao fangidengide‟ὂ. Tὂdὂ
sangidengide‟ὂ tola mὂi ba wamaha‟ὂ. Eluahania tatehegὂ Lowalangi
samatὂrὂ tὂdὂda andre, irege monahia daromaLi andrὂ.
Andrὂ iwa‟ὂ Yakobo na so niha ha samondrongo taromaLi manὂ ia, ba
na lὂ i‟o‟õ ba no amaedola sifalimo ia, no ilimo ia samὂsa. Moguna
khὂda sa nifotὂi wamondrondrongo taromaLi andrὂ sitobali famobὂrὂ.
Roma 10 : 17, imane “Tobali moroi ba duria wamati andrõ, ba turia
andrõ, ba moroi ba daromaLi Keriso / Jadi iman timbul dari
pendengaran, dan pendengaran firman Kristus”. Duhu, moroi ba
wamondrondrongo taromaLi andrὂ te‟asogὂ wa‟aboto ba dὂdὂ awὂ
fa‟afaduhu dὂdὂ ba hadia ba nirongo andrὂ, mendrua manὂ ba wamalua
ya‟ia. Hadia ni‟o‟ὂnia ma ifalua niha na lὂ hadὂi nirongonia? Asese
gὂi niha lawai manὂ tobὂnὂ ya‟i na no mufondrondrongo daromaLi
Lowalangi andrὂ, irege lὂ tola i‟o‟õ niha ba lala wa‟aurinia bongi ba
ma‟ὂkhὂ. Andrὂ wa lὂ tobὂnὂ na ha famondrongo ma nὂ. Ba na lὂ i‟o‟õ
taroma Li andrὂ ba zi no tarongo, ba no takaohasi daromaLi andrὂ, na
sindruhunia sinangea mufatohu wamalua
ya‟ia. Duma - dumania, na so niha zaboto ba dὂdὂnia wa managὂ
andrὂ fasala tanὂ fὂna Lowalangi, ba hiza hasambalὂ ifalua he
wa‟ae aboto ba dὂdὂnia wa horὂ da‟ὂ, ba no sifalimo ia, no ilimo ia
samὂsa.

 Na ha samondrongo manõ hulõ samaigi ya’ia ba zõrõmi

(ayati 23 – 24)
Na awena maoso niha ba nahia wemὂrὂ ma zui fatua lὂ mofanὂ
heza mὂi ia, nifalua ya‟ia da‟ὂ ifaigi ia ba zὂrὂmi. Hana wamufaigi
ba zὂrὂmi? Ba wamaigi zikhalada awὂ hadia ia nifakeda (penampilan)
fatua lὂ mofanὂ ita baero heza tasawa, hadia fagὂna ba malὂ‟ὂ.
Hadia so zinangea ta‟ehaogὂ ba mbotoda andre fabὂi ma‟igi niha
khὂda. Andrὂ sὂrὂmi andrὂ moguna sibai ba wa‟aurida ba wangoroma,
ba ba wangehaogὂ mbotoda na so zi lὂ mo‟adu ma si lὂ fagὂna. Hewisa
mena‟ὂ na lὂ hadὂi simane sὂrὂmi andrὂ? Ni‟ilada ya‟ia da‟ὂ fefu
zi lὂ baga ma si lὂ sὂkhi ba wa‟auri nawὂda niha (yang kita lihat
kejorokan dan keburukan orang lain). Ba mendrua manὂ fefu hadia
ia zita‟unὂ ma si lὂ sὂkhi ba mbotoda andre ba lὂ tola ta‟ila na lὂ
hadὂi sὂrὂmi andre. Simanὂ gὂi ba daromaLi Lowalangi nibasoda
andre, ifatunὂ Yakobo wa taromaLi Lowalangi andrὂ hulὂ zὂrὂmi,
samaigi ba sangehao wa‟aurida ena‟ὂ oroma zita‟unὂ andrὂ ba ta‟ila
ta‟ehaogὂ ia mangawuli. Hulὂ zi manὂ gὂi daromaLi
Lowalangi andrὂ. Na tema‟ὂ zὂrὂmi andrὂ ba si manὂ gὂi daroma
Li Lowalangi andrὂ, me no oi oroma sa‟ae ba tola taheta fefu na so
zita‟unὂ ma si lὂ sὂkhi ba wa‟aurida andre. Hiza ba niha si lὂ mame‟e
ba dὂdὂnia Daroma Li Lowalangi andre, iwa‟ὂ Yakobo andre, hulὂ
niha samaigi ya‟ia ba zὂrὂmi, ba zi lὂ ara ba no olifu ia zikhalania
mege. lὂ moguna sibai
khὂnia zὂrὂmi andrὂ. simanὂ gὂi daromaLi Lowalangi, niha si lὂ mame‟e
ba dὂdὂnia ba no fagὂlὂ-gὂlὂ ira niha samaigi ya‟ia ba zὂrὂmi, ba zi lὂ ara
sibai ba no olifu ma taya hadia ia Daroma Li si no irongo no mege, si lὂ
molau rὂrὂnia bὂrὂ gondrὂrὂwa dὂdὂ sero ma‟ὂkhὂ irege olifu ia hadia ia
zi no irongo.

Falukha Wa’omusodõdõ ba zolo’õ ya’ia (ayati 25)

Na so zanguma‟ὂ wa mamati ia ba na lὂ tobali solo‟ὂ ia ba daromaLi
Lowalangi andrὂ, ba no sokaohasi buala fa‟ebua dὂdὂ Zo‟aya ia. Andrὂ ba
zurania andre Yakobo, ifuli ifasugi khὂda, na so niha sowolὂ‟ὂlὂ ba
wangalui fa‟aboto ba dὂdὂ ba daromaLi Lowalangi andre, awὂ wa lὂ
farὂi ba wolo‟ὂ ya‟ia, ba da‟ὂ zifalukha wa‟omuso dὂdὂ. Sinangea aboto
ba dὂdὂda ba ayati 25 andre, ifatunὂ Yakobo wa tenga ba wamaha‟ὂ
fangorifi niwa‟ὂnia andre ba da‟a (bukan ajaran keselamatan), tenga gὂi wa
bὂrὂ buabuania niha wa te‟orifi gὂi ia, hiza‟i niha si no manema fangorifi
andrὂ lὂ tola lὂ‟ὂ so khὂnia wa‟arodὂdὂ ba wa lὂ farὂi ba wangalui
fa‟aboto ba dὂdὂ ba daromaLi Lowalangi awὂ ba wolo‟ὂ ya‟ia. Ba da‟e ba
wehede Yakobo andre moguna nifotὂi “manehegὂ awὂ si lὂ tebulὂ”, ba no
fagὂlὂ geluahara wa tenga ha samondrongo manὂ ia, eluahania faoma so
khὂra wangodὂdὂgὂ ba wamalua ya‟ia.

3. Angerõnua
1. Tekaoni ita ba wangaurifagὂ taromaLi andrὂ, tafongae‟u zi no tatema ba
tarongo andrὂ na fao folo‟ὂ ma famalua ya‟ia ba lala wa‟auri bongi
ma‟ὂkhὂ. Wa fa‟auri satulὂ andrὂ molo‟ὂ oroisa Zo‟aya, ba Zura
Ni‟amoni‟ὂ no izaraini ba wangombakha khὂda si tobali
loheloheda ba wanὂrὂ ba wekoli andre ba gulidanὂ sifaudu ba zomasi
Lowalangi.
2. Fa‟uri satulὂ sodanedane moroi ba daromaLi Lowalangi, ibe‟e khὂda
wa‟aboto ba dὂdὂ, ba wofanὂi fa‟auri andre tenga molo‟ὂ wa‟aboto ba
dὂdὂda samὂsa ma ba zomasimasi ita. Kolose 3 : 23 “Hadia ia
nifazõkhimi, ba moroi ba dõdõ milau ia, hulõ na khõ Zo’aya”.