SERMON PARHALADO HKBP RESORT PARAPAT

JUMAT, 01 SEPTEMBER 2023

XIV DUNG TRINITATIS

01. Marende BE No. 309 : 1- 2.

02. Epistel : Hesekiel 33: 7-11
03. Marende BE No. 25 : 1 - 2
Tangiang
Turpuk Jamita : Mateus 18: 15 – 20
Hatorangan:

DIHALOMOHON JAHOWA DO HAMUMULAK NI PARJAHAT

Patujolo.
Huria na hinaholongan ni Tuhanta Jesus Kristus! Barita na uli sinurat ni si
Mateus, masuk tu horong ni Injil Sinoptik. Sian opat Injil Sinoptik adong be do
parasinganna hombar tu sipareahanna be, hombar tu “situasi pendengar”, latar
belakang budaya dohot parngoluon di partingkian i. Asa ndang ulaon na mura laho
mangalapati na piningkiran ni panurat ni sada buku. Ia sangkap ni si Mateus
manurathon buku on, i ma manaringoti parngoluon ni halak na porsea na ingkon
togu di haporseaonna i tu Debata Jahowa na mangolu di bagasan habonaranNa.
Angkup ni i, si Mateus naeng pabotohon ngolu ni halak na porsea ingkon do sada
di bagasan parsaoran tu Debata. Na maniop gomos haporseaonna sahat tu ujung ni
parngoluon di portibi on. Jala naeng ma panjaha buku Mateus on boi mangarahon
angka donganna tu haporseaon na mangolu di bagasan Tuhan Jesus jala
manjadihon sude gabe sisean ni Jesus di portibi on, songon tahi ni Jesus na ro tu

ResortParapat@PS
portibi on laho mangalului dohot paluahon angka jolma na mago di dosana. (bnd.
Mateus 28:19-20).

Hatorangan

Turpuk on manaringoti ruhut paminsangon tu angka dongan na madabu tu

bagasan dosa. Ringkot do mandulo jala mangajari angka dongan na mangulahon
dosa. Ai adong do jolma naung mangulahon dosa jala gabe hasomalan i di
ngoluna. Denggan do molo adong donganta na olo paingothon jala mangajari di
angka ulaon na marhadomuan tu ngolu ni hakristenon. Molo ndang boi sada halak
paingothon donganna, boi do diarahon angka dongan na asing jala boi dohot na
sahuria asa boi lam denggan ngoluna. Asa boi dihatindanghon naung adong
dongan jala sian huria na maminsang angka na mangulahon dosa jala angka na jat
i. Pangajarion taringot tu Ruhut paminsangon sasintongna nunga patar di ngolu
hakristenon lumobi ma di ragam ni angka dosa isarana: manangko, mangalangkup,
mamunu jala lan angka na asing. Ingkon rade do hita mangarahon manang
paingothon angka donganta di hasalaan manang dosana, asa jumpang hamubaon ni
roha di adopan ni Debata.

Hahonaan Ni Turpuk

Topik ni Minggunta i ma: “Dihalomohon Jahowa do Hamumulak ni

parjahat”, taboto do nian i, hampir sude do halak Kristen mamboto ai ndang na
dihalomohon Jahowa madabu jolma tu bagasan dosa jala marulaon na jat. Alai,
jotjot do ndang taantusi, na lilu do hita manang daong. Baliksa tahe, gabe hita do
jotjotan manguhumi halak na asing sian dirinta sandiri. Tarlumobi, marhitehite
Tondi Parbadia gabe ditogutogu do laho mananda diri dohot pangalahonta di
adopan ni Debata. Diajari jala diurupi Tondi i do hita asa mangolu hombar tu lomo
ResortParapat@PS
ni roha ni Debata laho mangulahon hataNa i. Molo songon naung dao parsaoranta
sian Debata, alani dipaingot do hita asa ro mandapothon asi ni roha ni Debata. So
tung lilu hita di tongatonga ni portibi on. Sai tongtong ma sihol rohanta marsaor
dohot pajumpang dohot Debata marhite parsaoranta tu Ibana. Dipangido Debata
asa sai tadapothon Ibana. Asa taruli hita di pasupasu dohot hangoluan sogot na
salelengnilelengna. Songon na tarsurat i : "Songon sintongna mangolu Ahu ninna
Tuhan Jahowa, tung na so lomo do rohangKu mida hamatean ni halak parjahat i,
so ingkon mida hamumulak ni parjahat i tumadinghon dalanna i nian, asa
mangolu ibana” (Hes 33:11). Antong, sai tu Debata ma tongtong tapasahat
ngolunta. Amen

05. Marende BE No. 758 : 1

Tangiang panutup
06. Marende 316 : 1

ResortParapat@PS