SERMON DISTRIK XXIX DELI SERDANG

MINGGU III DUNG TRINITATIS 03 JULI

2022
TOPIK: MANGULAHON NA DENGGAN TU SALUHUT HALAK
BERBUAT BAIK KEPADA SEMUA ORANG (GALATIA 6 : 1 –
10)

I. PATUJOLO
Jotjot do tabege pandohan mandok “ia i disabur halak, ido gotilonna” manang “hukum tabur tuai itu
nyata”. Somalna didok songoni ala jut ni roha mida sasahalak na nirajumanna mangulahon na jat tu ibana.
Marhite pandohan i naeng dohononna, jaloon ni na mambaen na jat i do na jat. Dang apala sala pandohan
sisongoni alai sasintongna ingkon manat do hita mandok i. Tutu tarsurat do pandohani diturpukta sadarion di
ayat 7 “unang hamu lilu, ndang olo Debata leaan, ai ia i disabur halak, i do gotilonna”. Alai molo tajaha
denggan jala taparrohahon konteks ni turpuk ima ayat 10, unokna dang apala uhuman tu halak na
mangulahon na jat. Antong, dia do unokna? Ima na tasigati di turpuk jamita minggu on.

II. HATORANGAN
Molo tabege hata patik, olo do pintor laho rohanta tu patik na sampulu i, sintong do i alai tontu dang holan i.
Ai godang nari patik siulahonon na tarsurat di Padan na Robi. Alani di Matius 22:36 ro do siboto patik
manungkun tu Tuhan Jesus songon on: “Gurunami, dia do patik raya sian angka patik i?”.
Sian sungkunsungkun i dapot hita ma pangantusion na godang do patik. Dialusi Tuhan Jesus ma di ayat 37-
39, “Sihaholonganmu do Tuhan Debatam sian nasa ateatem, sian nasa hosam dohot dirim. Patik na dua
on do mangkangkam nasa patik dohot hata ni panurirang. Unok ni sude patik mangihuthon Tuhan Jesus ima
manghaholongi Debata dohot manghaholongi dongan jolma. Ima patik ni Kristus, jala ima na sinurathon ni si
Paulus di ayat 2 nang pe marhita pandohan na asing. Paulus merumuskan ulang dengan kata katanya
sendiri. Marsiurupan ma hamu mamorsan angka na dokdok i, ima dalan mangaradoti patik ni Kristus,
lapatanna; hataridaan manghaholongi Debata tahaholongi ma donganta jolma. Hataridaan manghaholongi
dongan jolma, taurupi ma dongan mamorsan na dokdok. Songon halak na porsea hita, rade do hita
mangurupi dongan? Molo tutu do siihuthon Jesus hita, ingkon rade do hita mangurupi dongan di sitaononna.
Mauliate ma di Debata, marhite huriaNa (HKBP) diloas hita marsiurupan marhite na patupa ulaon diakoni
sosial tingkat hatopan, distrik, resort, nang huria. Dang ala ni godangna, alai sasintongna nunga parsidohot
hita mamorsan na dokdok marhite pelean manang gugu toktok ripe tu ulaon diakonia. Alani i, tahaburjuhon
ma pasahathon pelean tu diakoni sosial alai unang ma tutu holan marhite huria. Ringkot do tapatupa nang di
ngolunta si ganup ari na masiurupan.
Molo tadok nangkin ia hataridaan ni na manghaholongi Debata dohot dongan jolma ima mangurupi dongan
di sitaononna, sasintongna adong dope na umbidang sian i, ima mangulahon na denggan tu saluhut halak.
Mangulahon na denggan ndanda holan tu na marsitaonon alai dohot do nang tu na so marsitaonon, ndada
holan tu dongan alai dohot do tu na so tinanda. Dipangido hita asa manghaholongi tanpa batas, umbahen
didok di ayat 10 on “tu saluhut tu na so Kristen. Songon holong ni roha Kristus na so marimbar,
songon i ma nang holong ni rohanta. Boi do dohononta, ai tarsurat do di ayat 10b “alai gumodang
ma tu donganta sahaporseaon”, tutu, alai dang na mandok asa gabe taulahon na jat tu na so
sahaporseaon. Na naeng dohonon ni ayat 10b on pasti do jumolo pinatuduhon holong tu na jumonok, tu
na jumotjot jumpang. Dang mungkin jumolo binahen na denggan tu na dao sian tu na jonok. Dang diorai
1
mangulahon na denggan tu na so sahuria nang so saugamo ai didok di ayat 10a: taulahon ma na denggan di
saluhut halak. Pangantusion, sisongon on do talapati pandohan di ayat 6b: “ai ia disabur halak, i do
gotilonna”. Ondolanna ndada di

2
panguhumion, alai disosososo mangulahon na denggan. Molo taulahon na jat, dapot hita ma na jat. Alani
unang taulahon na jat. Molo taulahon na denggan dapot hita ma na denggan. Molo taingot on, lam marsitutu
ma hita manabur di bagasan tondi marhite ulaon na denggan, marhite na marsiurupan di angka na dokdok
asa manggotil hita di hangoluan sisalelengnilelengna (ayat 8). Molo taingot “hukum tabur tuai”, mabiar ma
hita manabur dibasgasan daging marhite na mangulahon na jat, marhite na manambai hadokdokon ni
dongan asa unang manggotil di hamagoan. Alani, so manguhumi dongan, baliksa tapangke ma i mangonjar
hita tongtong mangulahon na denggan.

III. PANIMPULI
Dang na maralo turpuk on tu pangajarion sola gratia (holan asi ni roha) dohot sola fide (holan haporseaon).
Dang tarula hita mambahen na denggan tu saluhut halak molo sian hadirionta, alani ingkon pangidoonta do
gogo sian Debata, inghon nionjar ni haporseaon do asa tarula hita i. Nang pe dang singkop pangulahononta
alai pasingkopon ni Debata do i marhite mudar ni Tuhan Jesus, ido umbahen di na mangulahon na denggan
hita ingkon dohononta do “hu ula na denggan ala naung jumolo do hujalo na denggan sian
Debata.” Alai dang salah tutu molo gabe manghirim hita dapot hita na denggan. Antong hombar tu ayat 10
jala na gabe topik ni minggunta: taulahon ma na denggan tu saluhut halak. (Pdt. Elpinaria Siahaan –
Pendeta Resort) Sukamandi

BAHAN EPITEL TU MINGGU III DUNG TRINITATIS

PSALMEN 66: 1-9

1. PATUJOLO
Ia bukku Psalmen bindu 66 on i ma joujou pamujion tu saluhut pangisi ni tano on asa marende mandok
mauliate, marolopolop manghalashon denggan basa ni Jahowa. Laos digoari do turpuk on Ende sian si
David, ala ibana do na patomutomuhonsa. Asa saluhut na tinompa ni Debata mamuji Debata jala
pasangap goarNa. Asa sandok bangso mamuji dohot mandok maulite tu Debata marningot sude
pambahenanNa na songkal i. Diparmudu Debata do bangsoNa jala disarihon sandok ngolu ni na
tinompaNa.
2. HATORANGAN NI TURPUK
Ay.1-3. Mangarahon sude jolma asa mamuji Debata, tangkas do diarahon parpsalmen dison asa sandok
nasa na tinompa marolopolop tu Debata. Boasa diarahon ibana sandok tano on mamuji Debata? Ala
mansai bagas do panandaon ni si David di Debata Jahowa i do umbahen tangkas dipatorang ibana
taringot tu hasongkalon dohot angka pambahenan ni Debata. Dipangkilalahon si David do pambahenan
ni Debata tu tongatonga ni bangso Israel: “Ditingki peristiwa Paskah, hamumulak ni bangso i sian
Misir”. Nda tung so marendeende bangso i mamuji pasangap Debata marningot halongangan bolon na
pinatupaNa marhite na paruarhon nasida sian tano parhatobanan Misir. Dipatuduhon si David do dison
paboa Debata i ma Debata na songkal ima Debata na marhagogoon Allah yang Maha Dasyat yang
memilki kekuatan besar.
Ay.4-6. Dung dipaboa parpsalmen on panandaonna dohot pujipujianna tu Debata, dijou jala di betabeta
manang dihara ibana ma muse saluhut halak di sandok tano on asa manongtong ma mamuji Debata. I
do umbahen didok ibana “Ro be ma hamu marnida angka pambahenan ni Debata”. Ai luhut
do diaturhon Debata nasa na ringkot dingolu ni jolma, tung na songkal do pangarajaionNa di Manisia.
Marhite peristiwa hamumulak ni bangso i sian Misir dirajumi si David ma tung na balga ma tutu
3
 pambahenan ni Debata, boi malua jala tolhas bangso i manaripari Laut Rara, mamolus parhorsihan,
manaripari batang aek Jordan. Tung so tuk gogo ni jolma i laho paluahon dirina, tung so tarbahen ni
bangso i do boi malua nasida laho manaripari batang aek i, alai tarbahen ni Debata do paluahon nasida.
Ay.7-9. Diondihon Debata do bangsoNa sian angka bangso parbegu jala ingkon tunduk tu toru ni patNa
do sude angka na mangalo Ibana. Ai matua Ibana do mangarajai marhitehite hagogoonNa i, ditatap
ibaNa do bangsoNa asa unang dipanginjang panggunturi dirina ( agar pemberontak tidak dapat
meninggikan diri ). Ndada holan humordit sambing angka musu dibahen Debata , alai nunga dilonongkon
Debata angka musu diida angka bangsoNa. Marlas ni roha ma bangso i ai malua nasida sian tangan ni
musu jala didongani Debata nasida. Tama situtu ingkon pujion nasida Debata siala saluhut
pambahenanNa na balga i. I do asa diulahi parpsalmen on muse mandok tu angka bangso na di tano on,
asa di puji nasida ma Debata, ai Debata do silehon ngolu tu angka na tinompaNa. Jala na so tupa
loasonNa totta tarsulandit angka na manjou goar ni Tuhan i.
3. PANIMPULI
1) Tapuji jala taolophon ma Debata diragam ni ulaonta dohot angka na masa na tabolus, taingot ma tuk
do huasoNa paluahon hita. jala sai na donganan ni Debata do hita.
2) Mansai godang na denggan na binahen ni Debata tu hita, patut do baritahononta i dibagasan roha
mauliate dohot pamujion di goarNa. Asa ndada holan tu dirinta hita mandok mamuji Debata alai tama
do hita mangarahon sandok bagasta nang halak na asing laho mamuji Debata.
3) Marhagogoon do Tuhanta i mangalo musu na naneng mangago ngolu ni angka na niasianNa,
tapapos ma rohanta dipandonganion ni Debata. Amen (Bvr. Rinata br. Nababan, S.Mis – Ramunia)

SERMON HKBP DISTRIK XXIX DELI SERDANG

No: 94/D-XXIX/DS/WSD/VI/2022
Selasa, 28 Juni 2022

1. SERMON DISTRIK
Selasa, 05 Juli 2022: DI KANTOR DISTRIK Pukul 10.00 wib. Penyaji Bahan Sermon disampaikan Koordinator
Sermon.

2. KONVENT DISTRIK
Selasa, 12 Juli 2022: DI HKBP RESORT GALANG Pukul 10.00 wib. Penyaji Bahan Sermon, Pengkhotbah,
Liturgis dan pembuat acara Ibadah disampaikan Koordinator Sermon.

3. INFORMASI KEGIATAN DISTRIK :

2.1. Minggu, 26 Juni 2022: Telah berjalan dengan baik Acara Pisah Sambut Bibelvrouw HKBP Resort Galang
dari Bvr. Risma Siagian kepada Bvr. Herdiana br. Sinaga.
2.2. Kamis, 30 Juni 2022. Pkl. 10.00 wib di HKBP Simpang Penara: Verifikasi se-Resort Simpang Penara.
(surat telah di share)
2.3. Jumat, 1 Juli 2022: Badan Audit Distrik mengaudit Keuangan Distrik. (surat Penugasan sudah di share).
2.4. Sabtu, 2 Juli 2022. Pkl. 10.00 wib: Verifikasi uji Kelayakan untuk menjadi Huria Na Gok Pos Parmingguon
Eksaudi. ( Surat Pemberitahuan ke Panres Hebron dan Surat Penugasan sudah di share)
2.5. Minggu, 3 Juli 2022: Ibadah Pisah Sambut Pendeta HKBP Resort Simpang Penara.
2.6. Rabu, 6 Juli 2022: Rapat MPSD. Topik: Evaluasi Pelayanan Praeses/Program Distrik (Undangan sudah
di share).

4
 2.7. Rabu, 13 Juli 2022. Pkl. 10.00 wib: Verifikasi se-Resort Ramunia. Tim Verifikasi: Pdt. Freddin Bancin,
MTh, Pdt. Wissel Siregar, MTh (MPSD) dan St. LM.Panjaitan,SE. (MPSD), Sekdis dan Bendis (surat
Penugasan menyusul)
2.8. Minggu, 17 Juli 2022: Ibadah Pisah Sambut Pendeta HKBP Resort Ramunia oleh Praeses dan Sekdis
2.9. Minggu, 17 Juli 2022 Pisah Sambut Pdt. Boyntri Sitohang, MTh ke Pdt Riwansi Nainggolan, STh di HKBP
Adolina oleh Pdt. Freddin Bancin, MTh (Surat Penugasan menyusul)
2.10. Minggu, 24 Juli 2022 Pesta Puncak Tahun Kesehatian di HKBP Res. Galang
2.11. Minggu, 31 Juli 2022 Paborhathon Pdt. Ramses Siahaan di HKBP Binjai Amplas
4. Kunjungan Pastoral dari Distrik yang masih dibicarakan jadwalnya:
1. Limau Mungkur Resort Tanjung Morawa (Minggu, 10 Juli 2022)
2. Bangun Purba Resort Galang
3. Pulo Hali Resort Galang
4. Pematang panjang Resort Perbaungan
5. Sri Mulya (Parm) Resort Sukamandi
Dengan catatan: yang belum ada tanggalnya akan dibicarakan dengan Pendeta resort masing-masing agar
disesuaikan jadwal. Dan setiap kunjungan selesai ibadah ada Pertemuan Pastoral Parhalado atau bersama
jemaat sesuai kebutuhan.
5. Informasi Gereja yang belum menyetor gerakan Rp. 5000., untuk Dana Pensiun HKBP
1. HKBP Res. Tanjung Morawa
2. HKBP Res. Lubuk Pakam
3. HKBP Res. Sukamandi
4. HKBP Res. Pasar Melintang
5. HKBP Res. Hebron
6. Informasi Resort yang menyetor Kolekte Amplop I dari tanggal 21 Juni s/d 27 Juni 2022
No Kollekte Amplop I
1 Hebron

7. Mohon kepada Bapak/Ibu Pendeta Resort supaya menyetorkan uang Take and Lest ke Bendis untuk kegiatan
Naposo HKBP Pusat yang ke P. Sibandang yang sudah didahuli oleh Distrik:
Informasi Resort yang belum membayar: Res. Tanjung Morawa, Res. Tanjung Morawa Kota, Res. Pasar
Melintang, Res. Simpang Penara, Res, Pagar Jati, Res. Moria BSP, Res. Martoba
8. Hari ini Selasa, 28 Juni 2022: Rekaman Renungan Distrik XXIX Deli Serdang sudah bisa langsung rekaman
disela-sela Sermon Distrik sesuai sesuai dengan jadwal/Roster yang telah di share ke Group.
9. Undangan PPD mengikuti Pemberdayaan (pelatihan Kepemimpinan, Ekonomi Kreatif /UMKM) :
Utusan dari Distrik Deli Serdang sesuai surat undangan: Ketua PPD & Sekretaris PPD diberangkatkan dari Distrik
biaya registrasi dibantu dari Resort keberangkatannya : Resort Galang dan Resort Tanjung Morawa (surat telah
dilayangkan), Tanggal kegiatan : Selasa-Jumat, 28 Juni s/d 1 juli 2022 di Gedung Raja Pontas Tarutung.
Terimakasih untuk Resort yang membantu keberangkatan utusan ini dari asal gerejanya.
10. Perkenalan dan perpisahan para Pelayan Penuh Waktu HKBP Distrik XXIX Deli Serdang
11. Informasi dari Kabid Koinonia, Marturia, Diakonia, TLP, Dapen Bisa diinformasikan melalui WA group.

Praeses Distrik XXIX Deli Serdang

Pdt. Horas YM. Purba M.Th

5
6