Partangiangan Huria HKBP Resort Sirau, Kamis114 Juni 2020

Tapatupa ma di Bagasta be, mulai jam 20.00 WIB (Jam 8 bodari)

1. Marende BE. No. 115: 1 – 2 : “Tuhan Debata”

1. Tuhan Debata Sai ramoti ma daging dohot tondinami
I do pangidoannami Sai pahipas be Hami on sude
2. Jesus Ho tutu Raja na burju Sai palua tondinami
Sian pardosaonnami Pasupasu be Hami on sude.

2. Tangiang Pamuhai

3. Epistel : Lukas 12 : 13 - 21
12:13
Seorang dari orang banyak itu berkata kepada Yesus: "Guru, katakanlah
kepada saudaraku supaya ia berbagi warisan dengan aku."
12:14
Tetapi Yesus berkata kepadanya: "Saudara, siapakah yang telah
mengangkat Aku menjadi hakim atau pengantara atas kamu?"
12:15
Kata-Nya lagi kepada mereka: "Berjaga-jagalah dan waspadalah
terhadap segala ketamakan, sebab walaupun seorang berlimpah-limpah
hartanya, hidupnya tidaklah tergantung dari pada kekayaannya itu."
12:16
Kemudian Ia mengatakan kepada mereka suatu perumpamaan, kata-
Nya: "Ada seorang kaya, tanahnya berlimpah-limpah hasilnya.
12:17
Ia bertanya dalam hatinya: Apakah yang harus aku perbuat, sebab aku
tidak mempunyai tempat di mana aku dapat menyimpan hasil tanahku.
12:18
Lalu katanya: Inilah yang akan aku perbuat; aku akan merombak
lumbung-lumbungku dan aku akan mendirikan yang lebih besar dan aku
akan menyimpan di dalamnya segala gandum dan barang-barangku.
12:19
Sesudah itu aku akan berkata kepada jiwaku: Jiwaku, ada padamu
banyak barang, tertimbun untuk bertahun-tahun lamanya; beristirahatlah,
makanlah, minumlah dan bersenang-senanglah!
12:20
Tetapi firman Allah kepadanya: Hai engkau orang bodoh, pada malam ini
juga jiwamu akan diambil dari padamu, dan apa yang telah kausediakan,
untuk siapakah itu nanti?
12:21
Demikianlah jadinya dengan orang yang mengumpulkan harta bagi
dirinya sendiri, jikalau ia tidak kaya di hadapan Allah."

4. Marende BE. No. 113: 1 - 2 : “Ale Tuhan, Amanami”

1. Debata Sitolusada Ama, Anak, Tondi i.
Nunga montok nasa bada Na paholang tondingki
Sian hangoluan i Na rade di surgo i
Ai naung sesa do dosangku Sian asi ni rohaMu.
 2. Sai ingani ma rohangku Sai parbadiai ma au,
Asa tong tutu hatangku Unang be margabus au
Sasude na roa pe Tanggal sian au muse;
Ho dipuji o Tuhanku Hata dohot pambaenanku.

5. Jamita : Poda 22 : 22 - 29
(Jolo dibahen tangiang laho manangihon hata ni Debata, dung i dijahahon ma
turpuk jamita dohot hatoranganna)
22:22
Unang tung pupusi halak na parir, ala parir ibana, jala unang tung
pajepol halak na dangol hian di paruhuman.
22:23
Ai Jahowa do marluluhon parkaronasida, jala Ibana mamutusi hosa ni
angka na mamutusi nasida.
22:24
Unang maraleale ho tu halak parmuruk, jala unang parrosurosu baoa
parpiripiri.
22:25
Asa unang diguruhon ho angka pangalahona, jala manaon jorgong di
hosam.
22:26
Unang pasaorsaor ho tu halak angka na marjanji, pola masijalangan,
angka na manaoni utang ni halak sileban.
22:27
Molo so adong pineopmi bahen garar, boasa tagonan toltolon ni halak
lage podomanmi?
22:28
Unang tung paorot talutuk sian na robi, angka na binahen ni ompum
dope.
22:29
Molo diida ho baoa na manjugulhon ulaonna, tarbahensa ma tindang
marhalado di jolo ni angka raja, ndengkon ibana tindang di jolo ni halak
angka na lea.

PASIDING MA HAMONGKUSON
Huria ni Tuhanta, adong do hata pande bisuk na mandok molo naeng denggan
ho jala denggan parsaoranmu maradophon donganmu jolma, parrohahon jala
ulahon ma angka poda na dibaritahon di buku Poda. Mansai sesuai do pandohan i tu
pangarimpunan isi ni buku Poda na mangondolhon taringot tu “pangajarion nang
panogunoguon tu habisuhon ni hajolmaon dohot tu panghaposion di hata ni
Debata,” lapatanna asa marojahan habisuhon ni jolma i tu hata ni Debata lumobi di
pangalaho, bangko, pambahenan, tindakan manang sikap ro di saluhut
panggulmiton ngolu ni jolma siganup ari. I do na mambahen gabe jotjot dikutip
halak Kristen hata poda sian Buku Poda on laho paingothon donganna nang
paingothon dirina sandiri di ganup parsaoranna tu dongan jolma nang tu Debata.
Mansai sintong do sikap on, jala mansai ampit situtu do tutu sahat tu nuaeng angka
na poda na disurathon di buku Poda on. Angka poda na adong di buku Poda diputiki
do i sian angka parngoluan ni hajolmaon dohot sian hubungan manang relasi jolma
tu jolma. Ala ni ringkotna do angka poda i hangoluhonon ni bangso ni Debata
umbahen dipapungu angka poda i jala dibukuhon asa boi jahaon jala auhononton.
Songon poda manang hata sipaingot tu hapantunon marpangalaho di jolma do
ondolan ni Buku Poda on. Jala sian buku Poda on, pangajarion ni raja Salomo tingki
di ngoluna gabe dipaboa ma tu halak Israel nang di hita pe sadarion, i ma: Naparjolo,
dipaingot raja Salomo do hita asa gabe halak parholong roha tu angka na parir
ngoluna. Masa do di tingki i, halak na gogo mamupusi (memeras) halak na parir,
manggosagosa halak na parir, alai ala pogos nasida gabe ndang boi nasida mangalo.
Sude na i holan ala ndang adong rasa puas di ngolu ni jolma na gogo i. Sai tong
merasa hurangan umbahen holan na mamupusi halak na parir ngoluna. Dibahen i di
dipaingot hita na Debata do marluluhon parkaro nasida, jala Debata do mamutusi
hosa ni angka na mamutusi angka na parir i. Taida tung mansai tegas do hata ni
Debata membela parkaro angka na parir ngoluna, singotsingot na mansai koras
doon tu sude halak asa manghaholongi angka donganna na parir. Napaduahon,
naeng ma malo hita mamillit dongan. Unang olo maraleale tu angka parmuruk,
dohot parrimas manang parpiripiri. Siala boi do gabe terpengaruh hita gabe
parmuruk jala gabe tabahen jorgong di hosanta molo olo hita mardongan tu halak
na songon i. Dibahen i, ingkon marbisuk do hita mamillit aleale, unang maraleale tu
halak parmuruk, ala godang harugian na gabe ingkon tatanggung. Napatoluhon,
didok hata ni Debata naeng ma hita gabe halak na jujur, molo marjanji hita naeng ma
tagohi janjinta manang tu ise pe. Angka halak na manggohi padan manang janji na
naung disepakati, i ma halak na satia jala haposan di hata nang di pambahenan pe.
Napaopathon, diondolhon hata ni Debata asa unang tapaorot talutuk sian na robi. Na
manangko tano ni halak do hita molo tapaorot talutuk manang pembatas ni tano
naung tinotophon. Lapatanna, hamongkuson di arta portibi on boi do gabe
mambahen jolma olo manangko di angka arta na so milikna. Alani dipaingot Debata
marhite buku Poda on asa tapatuduhon tu angka dongannta, ndang jolma na
mongkus hita di angka arta portibion. Naparpudi, ingkon naeng ma tajugulhon
mangula ulaonta. Halak na malo mamangke talenta na dipasahat ni Debata tu ibana
jala dipahembang huhut boi dipertanggungjawabhon tu Debata, tung halak sisongon
i na dapotan pasupasu Debata. Marhite talenta na tapahembang i, gabe boi do
tapasangap Debata marhite angka talenta i jala jolma na asing pe gabe boi mananda
hasangapon ni Debata marhite talenta na adong di hita.
Marhite sude angka Poda na manaringoti songon dia hita manghangoluhon
angka parngoluonnta asa saurdot tu lomo ni roha ni Debata, boi ma tabereng sude
angka Poda i na boi do pataruhon hita asa mardalan denggan sude angka
parngoluonta. Dao sian angka permasalahan hidup, dao sian angka pardonganan na
boi parohon angka hansit ni roha, dohot lan na asing. Dibahen i tung mansai porlu
situtu do hita manulingkiti nunga sahat didia hita memahami huhut mangulahon
Poda na naung dilean Debata di hita, ala sude Poda i tung na parohon angka na
denggan do i tu hita laho mangula di ganup angka parngoluanta. AMEN.
6. Marende No: 248: 1 : “Saleleng Ho di Tano on”
1. Saleleng ho di tano on Patigor ma roham
Paingotingot ma tongtong Nidok ni Debatam

4. Bolongkon sian rohami Luhut na so ture

Alai na sian Tuhan i Ramoti ma sude.

7. Tangiang Pangondianon

8. Marende No: 792: 1 - 2 : “Pasupasu Hami o Tuhan” (Pelean)

1. Pasu-pasu hami o, Tuhan sai usehon dameMi,

Sai ampehon tanganMi Tuhan,
Lehon tu au gogoMi di portibion
Baen ma au Tuhan habaoran ni las ni roha
Tu na marsak i tu na dangol i gabe pangapuli i.
Pasu-pasu hami O Tuhan ………

2. Diportibion, baen ma au Tuhan,

Monang maralohon dosa dibahen gogoMi,
Talu musu I sibolis pangago i.
Pasu-pasu hami O Tuhan ………

9. Tangiang Ale Amanami – Amen 3x