PARHALADOON HATA NI DEBATA

Di tingki Hari Minggu Kitab Suci Nasional 2022,

Tahun C/II, Minggu, 4 September 2022:
Ari Minggu Nasomal XXIII
___________________________________________

“Hobas Laho Manumpak

Panjouon Gabe Malim Dohot
Biarawan/Ti”
Hatorangan
Mangihuthon Penanggalan Liturgi, Minggu, 4
September 2022 ima Ari Minggu Nasomal XXIII digoari
do i gabe Ari Minggu Kitab Suci Nasional. Sadarion ma
dibungka Bulan Kitab Suci Nasional. Bulan Kitab Suci
Nasional sandiri ima bulan September. Partording ni
ulaon parhaloon hata ni Debata tong do mangihuthon
songon na somal, alai adong tambahan: adong
dipatupa ulaon pentakhtaan Buku Nabadia jala adong
na diganti isinya ima: Hata Patujolo, Tangiang
Pamungkaan, Tangiang Hatopan, dohot Tangiang
Parujungan. Na mangihut muse dipangido asa ende
pamungka dohot ende panutup dipillit ma na hombar
tu tema. Partordingna songon na di toru on ma.

1
 PAMUNGKAAN

1. Uduran dohot Ende Pamungkaan

BETK No. 594 (Porsea Ahu on) manang BETK No.
580 (Sai Martua Do Sude) manang ende na asing na
hombar.

Di tingki Ari Minggu Kitab Suci Nasional, uduran ni

angka parhobas songon on ma dibahen:
a. Parhobas siboan lilin na galak jala di tongatonga ni
nasida ma siboan silang.
b. Lektor 1 ima na mamboan Evangeliarum.
c. Lektor 2 ima na mamboan Buku Nabadia. Denggan
nian molo Buku Nabadia na dipangke edisi mimbar.
d. Dongan (pangurupi) ni partogi.
e. Partogi.

Tingki mardalan uduran i, jongjong ma sude ruas

huhut mangendehon ende pamungka. Dung sahat di
jolo ni langgatan, dihormati uduran partogi dohot
parhobas ma langgatan. Evangeliarum dibahen ma di
ginjang ni langgatan. Buku Nabadia dibahen di
inganan pentakhtaan naung diparade di sekitar
langgatan manang di inganan na asing alai di sekitar
pengimaman dope. Dung i ditopot nasida ma
ingananna be.

2. Tanda Silang

3. Hata Huhuasi

2
4. Hata Patujolo

Hamu ale angka dongan na hinaholongan di bagasan

goar ni Tuhanta Jesus Kristus. Sadarion on, tapatupa
do ulaon pamungkaan ni Bulan Kitab Suci Nasional
taon 2022. Bulan September nunga ditontuhon Huria
Katolik na adong di Indonesia i gabe Bulan Kitab Suci
Nasional manang somal dipajempek gabe BKSN.
Dibagasan bulan on diarahon do hita, ganup
marsada-sada manang marhite punguan, asa lam
pajonokhon diri tu hata ni Debata na tarsurat di
bagasan Buku Nabadia, marhite manjaha,
pabagasbagashon, huhut mangarimangrimangisa.

Tema BKSN taon 2022 di Keuskupan Agung Medan

ima Hobas laho manumpak panjouon gabe malim
dohot biarawan/ti. Tema on ditontuhon saguru tu
Fokus Pastoral Keuskupan Agung Medan, ima
Keluarga mual ni panjouon. Dihalohomon Debata do
asa sasude na adong di portibi on denggan. Asa
saluhutna tongtong denggan, ingkon ihuthonon ni
nasa jolma do lomo ni roha ni Debata. Asa tongtong
taihuthon hata ni Debata, ingkon adong do na sai
tongtong mambaritahon lomo ni roha ni Debata. Sada
sian pigapiga kelompok na sai tongtong
mambaritahon hata ni Debata ima malim dohot
biarawan/ti. Naeng ma nian lam torop bilangan ni
malim dohot biarawan/ti. Alani i ingkon tausahahon
do asa panjouon i lam tubu jala maherbang di
bagasan roha ni angka dakdanak. Na mangihut muse,

3
ingkon lam diparngoluhon angka malim dohot
biarawan/ti do panjouon ni nasida. Tu angka na so
tarjou gabe malim dohot biarawan/ti, ingkon hobas
do laho manumpak manang mendukung panjouon
gabe malim dohot biarawan/ti.

Asa sahat tu tujuan on, saleleng bulan September on

naeng rimangrimanganta ma hata ni Tuhan na dienet
sian Buku Nabadia di bagasan parpunguan: di
lingkungan manang lunggu, di kelompok singkola
minggu, di punguan ni OMK, di singkola, dohot di
ganup komunitas pastoran, biara manang religius.

5. Manghilalahon haroro ni Tuhan

6. Tangiang Panolsolion

7. Ale Tuhan

8. Hamuliaon

9. Tangiang Pamungka

P Martangiang ma hita. (hohom satongkin)

Ale Debata parhuaso na manontong, mandok
mauliate do hami tu Ho ala dijou Ho do angka
naposoM laho manghobasi huriaMi, tarlumobi ma
angka malim dohot biarawan/ti. Marhite nasida
gabe lam tangkas do hami mananda Ho ale Tuhan
dohot angka na hinalomohon ni rohaM jala

4
 mangkorhon di i tu hamajuon ni huriaM.
Pargogoi ma ganup jolma naung mamelehon
dirina laho manghobasi huriaMi. Suanhon ma
boni ni panjouon di bagasan roha ni ruasnami jala
pargogoi ma hami asa anggiat tongtong hobas
hami laho manumpak panjouon gabe malim
dohot biarawan/ti. Tangiangnami on hupasahat
hami tu Ho marhite Tuhannami Jesus Kristus,
AnakMi, na Mangolu jala Marhuaso raphon Ho
dibagasan hasadaon dohot Tondi Porbadia,
Debata saleleng ni lelengna.
R Amen.

MANANGIHON HATA NI TUHAN

10. Panjahaon Parjolo: Keb 9:13-18

11. Psalmen Hatopan: Ps 90:3-4, 5-6, 12-13, 14, 17

12. Panjahaon Paduahon: Plm 9b-10, 12-17

13. Panomunomuon Barita Nauli

14. Panjahaon Barita Nauli: Luk 14:25-33

15. Homili (Jamita)

5
 MANJANGHON HATA NI TUHAN

16. Manghatindangkon Haporseaon

17. Tangiang Pujipujian

18. Tangiang Hatopan

P Hamu, ale angka dongan na hinaholongan, di

adopan ni Tuhan na tahaporseai jala na gabe mual
ni panghirimonta, dibagasan serep ni roha
tapasahat angka tangiang pangidoanta.

D Tatangiangkon ma Huria ni Debata.

Sai anggiat ma saluhutna jolma na mangihuthon
Kristus tutu situtu mamparngoluhon
haporseaonna di bagasan ngolu siapari.
Martangiang ma hita…
R Tangihon ma Tuhan tangiangnami.

D Tatangiangkon ma partogi ni Hurianta.

Sai anggiat ma angka partogi ni huria
manguluhon huria i dohot denggan, dibagasan
hasabaron dohot holong. Martangiang ma hita…
R Tangihon ma Tuhan tangiangnami.

D Tatangiangkon ma ganup jolma na tarjou

gabe malim dohot biarawan/ti.
Sai anggiat ma ganup jolma na tarjou gabe malim
dohot biarawan/ti tongtong hot di panjouon ni

6
 nasida jala pataridahon holong na sian Kristus i tu
sude jolma. Martangiang ma hita…
R Tangihon ma Tuhan tangiangnami.

D Tatangiangkon ma hita na pungu di son.

Sai anggiat ma hita na pungu di son lam hobas
laho manumpak panjouon ni malim dohot
biarawan/ti. Martangiang ma hita…
R Tangihon ma Tuhan tangiangnami.

P On ma tangiang na hupasahat hami tu Ho ale

Tuhan. Jalo ma tangiangnami on na hupasahat
hami tu Ho marhite Kristus Tuhannami.
R Amen.

19. Tangiang Parsaoran tu Kristus na mangolu di

Huria.

20. Tangiang Amanami.

PAUJUNGHON DOHOT PABORHATHON

21. Tangiang Parujungan.

22. Tingting.

23. Pasahathon Silua.

BETK No. 590 (Na Husombahon)
Manang ende na asing na hombar.

7
24. Tona ni Hata Ni Debata.

25. Mangido Pasupasu.

26. Paborhathon

27. Ende Parujungan

BETK No. 601 (Martua Ma Hita)
Manang ende na asing na hombar.

NOTE:
Yang perlu perhatikan adalah bagian:
1. Perarakan (Uduran)
2. Kata Pengantar (Hata Patujolo)
3. Doa Pembuka (Tangiang Pamungka)
4. Doa Umat (Tangiang Hatopan)
5. Doa Penutup (Tangiang Parujungan)