KALAMAZAN

DII KOPOINVAGUVAN DANDI

DO SAKRAMENTUM DO
PISASAVAAN

1
 II SAMBAYANG NGAAVI’ KOPOINTUTUNAN

HOZOU KOSUANGAN:

KOTOBIAN-KOPIVOSIAN

Faado: Id dii ngaan di Tama’, om di Tanak om di

Spiritu Tobitua.
Tuhun: Amen.

Faado: Ii grasia di Tuhan Jesus Kristus dotokou om

ii koginavaan di Kinoingan om ii kopiisaan di
Spiritu Tobitua miampai no diozu saviavi’.
Tuhun: Om miampai sunduvan nu.

Faado: Oi tobpinai ngaavi, kanou mangakun do

douso ngaavi dotokou om kopopotounda
nodii dotokou-sondii di mamalamai dii
mistirium tobitua.

Saviavi: Mangakun zou doid Kinoingan tavakas om

doid diozu, oi tobpinai ku ngaavi kusai om
tondu, tu nokopomidouso zou kozo, id
pomusaavan ngaavi ku om id boos ngaavi
ku, id nunu ii noimaan ku om nunu ii au
2
 ku naangazan do mimang, maza no do
hasa ku, maza no do hasa ku, maza no do
hasa ku tagazo kozo; iti no poogi do
mokiinsian zou di Mary ii obitua
pointihombus-Haahangai, saviavi dii Tasab
om Sangti ngaavi, om diozu, tobpinai
ngaavi ku kusai om tondu, do
sumambayang montok dogo doid di Tuhan
Kinoingan dotokou.
Faado: Kikosianan nodaa doid dotokou i Kinoingan
tavakas, momohiong do douso ngaavi
dotokou, om mogovit dotokou doid koposizon
selajul.

Faado: Tuhan, kosianai no.

Tuhun: Tuhan, kosianai no.
Faado: Kristus, kosianai no.
Tuhun: Kristus, kosianai no.
Faado: Tuhan, kosianai no.
Tuhun: Tuhan, kosianai no.

II KOBONTUGAN
Kobontugan doid di Kinoingan id dii takavas-kozo,
om pibabasan doid tuhun ngaavi’ tangavasi’
kogiiginovoo’ do id tana’. Mangazou zikoi diau,
monongku-au-giigina’ zikoi diau, sumamba zikoi
diau, mambantug zikoi diau, manaak zikoi diau do
koponongkotohuadan ngaavi’ montok kobontugan
nu tagazo, Tuhan Kinoingan, Laja’ poinsurga, oi
Kinoingan, Tama’ tavakas.

Tuhan Jesus Kristus, Tanak Naanak Tontoisoon

Tuhan Kinoingan, Doumba’ di Kinoingan, Tanak di
Tama’, mongidu’ ko dii douso ngaavi’ di
3
pomogunan, kosianai do id dagai; mongidu’ ko dii
douso ngaavi’ di pomogunan, toimoo’ o sambayang
za; pino’iikau ko do id dii avanaan di Tama’,
kosianai do id dagai.

Tu’ iziiziau no ii Iso’ Tobitua, iziiziau no i Tuhan,

iziiziau no i Takavas Kozo, Jesus Kristus, miampai
di Spiritu Tobitua, id dii kobontugan di Kinoingan
ii Tama’. Amen.
II SAMBAYANG-TONIIBO-KOPONIMPUUNAN

Faado: Kanou sumambayang,

Oi Kinoingan, ii id kinopomongunan di tinaau’
tuhun huminizab do kusai om tondu’ nopo
nga’ apatut do iso’, kopiamung, sumambayang
zikoi, id dii kopikagasan do piginavaan au-
miho-pitongkizadon iti suupu ngaavi’ nu ii
maan-dodizo-do-iso’ id dii batos do Pisasavaan,
mooi do, tu’ dodizon nu do ouhi’ o piginavaan
dioho’, dumadi nodaa izioho’, maza’ do grasia
nu, do sasi’ ngaavi’ doid koginavaan dii-sondii’.

Maza’ di Tuhan Jesus Kristus za, Tanak nu, ii

mamaamasi om momolinta’ miampai diau id
dii kopiisaan di Spiritu Tobitua, iso’ Kinoingan,
montok sohiihinaid aiso kopupuson.
Tuhun:Amen.

(Miikau)

II LITURGU DII BOOS

PAMBASAAN KOISO’
PAMBASAAN MANTAD DII BUUK DO KINOTIMPUUNAN
2:18-24

4
Minoboos i Tuhan Kinoingan, “Au’ avasi’ iti do apatut
do soosonguhun iho’ kusai. Taadaan Ku mai’ isido do
mananakadai.” Dadi’ mantad dii tana’ nuug di Tuhan
Kinoingan o saviavi’ dii suang-tahun tongosizau om
saviavi’ ii tombohog do tavan. Iti ngaavi’ no ii novit
Disido doid dii kusai do mintong do nunu o
pomungaan mai’ disido dioho’; toiso-iso’ do mogovit dii
ngaan ii pomungaan mai’ dii kusai dii. Minanaak ii
kusai do ngaan ngaavi’ doid saviavi’ dii sapi’, saviavi’
dii tombohog do tavan om saviavi’ dii suang-tahun
tongosizau. Nga’ aiso mananakadai kosudong montok
kusai do no-ium montok disido. Dadi’ pobohongo’ no
di Tuhan Kinoingan do minodop ii kusai. Om namot
do poingodop isido, nanu Disido o iso’ dii kagang
ngaavi’ dau’ om hopoto’ no ii do tonsi. Tinoodo di
Tuhan Kinoingan doid tondu’ ii kagang nanu Disido
mantad dii kusai, om novit zosido doid dii kusai.
Minoboos ii kusai:

“Iti no do ahaid-podii om tuhang mantad tuhang

ngaavi’ ku, om tonsi’ mantad tonsi’ ku! Iti nopo
nga’ maan pungaanai do tondu’, tu’ nanu’ iti
mantad kusai.”

Iti no do nookuo o kusai tu’ tumongkizad di ama’ om

di ina’ dau’ om papaamung dau-sondii’ doid sinavaan
dau’, om dumadi izioho’ do iso’ tinan.

II BOOS DI TUHAN
KOTOHUADAN DOID DI KINOINGAN

HOZOU-KAPAAZAAN PONIMBA

SISIMBA: ANGASANANG NO II MIMANG DO NUNU

II PONUUAN DI TUHAN
5
1. Asanang no ii tuhun ii oonok di Tuhan, Ii
ounsikou id ponuu’ ngaavi’ Dau’, Tanak kusai
ngaavi’ dau’ avakas mai’ do id tana’; Ii tanak
ngaavi’ dii pointunud nopo nga’ abalakan. (S.)

2. Pinuavangan ngaavi’ om sinima’ nopo nga’ id

hamin dau’; kotuhidan dau’ poinggiot sohiihinaid.
Tanavau isido id dii totuvong montok dii
pointunud: otohuod isido, obinsianan om otuhid.
(S.)

3. Ii koginavaan di Tuhan nopo nga’ au-opupusan,

poonjulon Disido o ahal ngaavi’ Dau miampaiu
kapantangan. Ii tuhun totuhid nopo nga’ au’
insan miisigo: oondom mai’ isido sohiihinaid. (S.)

4. Aiso koosi disido do abal talaat; miampai ginavo

poinggiot humansan isido id di Tuhan. Miampai
ginavo pointatap au’ mai’ oosizan isido; kokito
mai’ isido dii kootuan di gagut ngaavi’ dau’. (S.)

PAMBASAAN KODUVO
PAMBASAAN MANTAD DII SUAT KOISO’ DI SANGTI
PETER 3:1-9

Sinavaan ngaavi’ nopo nga’ apatut obingimozo’ doid

sansavo ngaavi’dioho’. Dadi’, nung kivaa vookon kusai
ii au’ po nokoimozo’ dii boos, kokito daa izioho’
dioho-sondii’ do nahantoi, miampai-aiso boos oboos,
maza’ dii lahan koozuvo’ do sinavaan ngaavi’ dioho’, do
ontok kokito izioho’ do songkuo inuhi’ om koimaan-
poingimatu dioho’. Kada’ panambasaan montok
pokiikitanan: manandai do tobuk diozu,
6
mononggohong do gohong ngaavi’ amas om
manambasaan do basaan tongogingo; saviavi’ iti do
apatut id-suang, id ginavo do tuhun, au-mimang-
buntung: ii pananaandak do kodoodouvo tosuau om
tohuduk – iti no ii nunu ii tapagon-hoogo id dii tokito
di Kinoingan. Ino no haid ii ingkuo ii tondu’ tongobitua
di tinuu’-i’ do minanambasaan dioho-sondii’ do
ataandak-kozo – huminansan izioho’ id Kinoingan om
ohuud om obingimozo’ doid sansavo ngaavi’ dioho’;
miaga di Sarah, ii obingimozo’ doid di Abraham, om
minomungaan disido do tuan dosido. Tanak ngaavi’
kou dosido do baino, do sahaahaid noopo naku diozu
do mogiigizon do pogiigizon tangavasi’ om au’ umaha’
doid koo-osi’ om katangaban.

Ingkaa ponogi’, do sansavo ngaavi’ nopo nga’ mositi’

tomoimo’ monundun do sinavaan ngaavi’ dioho’
miampai kopogobian do id koposizon dioho’ ngoduvo,
mamantang do tondu’ sabaagi songuhun ii, sundung
do kouvang tomuumungkang dati’ zosido, sompi
tumungkus doid dii koposizon do grasia. Popotood
mai’ iti do nunu-noopo do mantad mikot id dii lahan
do sambayang ngaavi’ diozu.

II BOOS DI TUHAN
KOTOHUADAN DOID DI KINOINGAN

KAPAABALAN DII ABAL-TAVASI’ (Mingkakat)

Alleluia, Alleluia!
Aiso i’ tongosonguhun nokokiikito di Kinoingan;
nga’ mogigii-ginavo tokou nopo
nga’ mizon i Kinoingan id dotokou
om koginavaan Dau’ ogonop mai’ id dotokou.
7
Alleluia, Alleluia!

PAMBASAAN ABAL-TAVASI’
Faado : I Tuhan miampai diozu.
Tuhun : Om miampai sunduvan nu.

Faado : PAMBASAAN MANTAD DII ABAL-TAVASI’

TOBITUA SINUAT DI MARK (10:6-9)
Tuhun : Kobontugan doid diau, oi Tuhan.

Minoboos i Jesus, “Mantad dii tinimpuunon do

kinopomongunan minonoodo i Kinoingan do kusai
om tondu’. Iti no do nokuo o kusai tu’ mositi’
tumongkizad di ama’ om di ina’, om ii duvo
dumadi do iso’ tinan. Okon nodii ko’ duvo izioho’,
okon, nga’ iso’ tinan. Dadi’ ingkaa dii bo, nunu ii
piniiso’ di Kinoingan, mositi’ au’ pitongkizadon do
tuhun.”

II ABAL-TAVASI’ DI TUHAN.
KAAZAAN DOID DIAU, OI TUHAN ZA JESUS KRISTUS.

KOPONGIA-AN/HOMILY (Miikau)

KOPOINVAGUVAN DO DANDI PISASAVAAN

Faado: N…, asaga ko nangku do mongivagu om

popoimagon do maganu di N…, sabaagi do
savo nu?
Sansavo: Asaga

Faado: N…, asaga ko nangku do mongivagu om

popoimagon do maganu di N…, sabaagi do
sansavo nu?
8
Savo: Asaga

Faado: Abalakatan no daa do Kinoingan o

pisasavaan diozu om nogi kohominan diozu
id ngaan di Tama, om di Tanak om di Spiritu
Tobitua.
Tuhun: Amen.

BALAKAT DO SINSING

Oi Kinoingan, balakatai no () zo N…, om N…, doid

piginavaan dioho ngoduvo. Adadi no daa sinsing diti
do koponong-kotanda do piupusan dioho ngoduvo om
popoondom no daa iti do piginavaan dioho do
sogiigisom.
Pokionuon za iti maza di Kristus Tuhan za.

Tuhan: Amen.

PIAHANAN DO SINSING

Sansavo: N…, toimoo no sinsing diti do ponong-

kotanda do koginavaan ku totopot. Id ngaan
di Tama, om di Tanak om di Spiritu Tobitua.

Savo: N…, toimoo no sinsing diti do ponong-

kotanda do koginavaan ku totopot. Id ngaan
di Tama, om di Tanak om di Spiritu Tobitua.

9
II SAMBAYANG KOPOKIINSIANAN (Mingkakat)

Faado : Kanou sumambayang doid di Kinoingan ii

Tama’ ii pinoposompuu’ dii N…, om dii N…,
id Sakramen do Pisasavaan:

Buuan : Do i N.… om N..., ii baino kopoinvagu do

dandi do pisasavaan tobitua, onuan do
kasanangan totopot do Kristian.
Sumambayang tokou doid di Tuhan.
Tuhun : Oi Tuhan, kinongoo’ o sambayang za.

Buuan : Do gumazo izioho’ id piginavaan om pilotian

do tiso’ om tiso’.
Sumambayang tokou doid di Tuhan.
Tuhun : Oi Tuhan, kinongoo’ o sambayang za.

Buuan : Do ii paganakan ii tinuidong dioho’ adadi no

daa do poomitanan poimpasi do koginavaan
do Kristian kumaa’ doid sungkad-tukad
ngaavi’ dioho’.
Sumambayang tokou doid di Tuhan.
Tuhun : Oi Tuhan, kinongoo’ o sambayang za.

Buuan : Do saviavi’ tokou ii pointimung doiti’

tumihombus do osompuu miampai dioho’
maza’ do piombohutan om sambayang.
Sumambayang tokou doid di Tuhan.
Tuhun : Oi Tuhan, kinongoo’ o sambayang za.

Faado: Oi Kinoingan, ii ontodonon do saviavi’

koginavaan, sakadazo’ no zo N… om N… do
monuidong do iso’ paganakan Kristian
totopot.
Tuhun: Amen.

10
 II LITURGI DII OIKARISTIA
(Mogovit ngaavi’ titaak muzu doid dii vavazaan-sumuang dii Panambazangan do
montok dii kopoombitan dii Titaak ngaavi’.)

Hozou-kapaazaan id-timpu’ dii kopoombitan dii titaak

ngaavi’:

KAPAGAHAPAN DOID SAMBAYANG (Mingkakat)

Faado : Imang sambayang, oi tobpinai ngaavi’ (kusai

om tondu’), do kohubukan ku om diozu
ngaavi’ otoimo nodaa doid di Kinoingan, i
Tama’ tavakas.

Tuhun : Toimoon nodaa di Tuhan ii kohubukan do

id hongon nu montok dii kaazaan om
kobontugan dii ngaan dau’, montok
kovosian dotokou om dii kovosian do
saviavi’ Eklizia tobitua dau’.

SAMBAYANG DO ID DII TITAAK NGAAVI’

Faado : Toimoo’, sumambayang zikoi, oi Tuhan, ii

taak taakon do id dii kaantakan diti
kopikagasan dii kagos tobitua do Pisasavaan,
om, tu’ kovosian nu o ontodonon diti,
popotunud nodaa do kobuubuzuo’ diti ii
sinima-kaganapan nu.
Maza’ di Kristus, Tuhan za.
Saviavi’: Amen.

II SAMBAYANG OIKARISTIA
11
Faado : I Tuhan miampai diozu.
Tuhun : Om miampai sunduvan nu.
Faado : Poinsavato’ o ginavo ngaavi’ diozu.
Tuhun : Poinsavaton za iti ngaavi’ doid di Tuhan.
Faado : Kanou manaak do koponongkotohuodan
ngaavi’ doid di
Tuhan Kinoingan dotokou.
Tuhun : Kotunud om otuhid no iti.
Faado : Totootopot do kotunud om otuhid iti, kalaja’
za om kopomasizan za, tomoimo om id-
nombo-noopo do manaak diau do
koponongkotohuadan ngaavi’ oi Tuhan,
Tama’ tobitua, Kinoingan tavakas-kozo om
aiso-kopupuson.
Tu’ notoodo nu ii batos do pisasavaan
sabaagi poku’ toomis do pihumaagan om
kagos au-miho-oputu do pibabasan, mooi do
ii niniting om piginavaan kiasil do
kopisasavaan tobitua tumompuan nodaa do
popogumu’ dii tanak ngaavi’ gompizon nu
sabaagi do diau sondii’.
Maza’ do taak-tosima’ om grasia nu, oi
Tuhan, pongozon nu ii koimazaan diti
nuugan duvo-mihapau: do, namot dii
kohodion do tanak ngaavi’ o mogovit do
kovonusan doid dii pomogunan, kohodion
koinvagu dioho’ do id Kopodsuan nopo nga’
manaak do kogumuon doid di Eklizia, maza’
di Kristus Tuhan za.
Maza’ disido, miampai dii tasab ngaavi’ om
saviavi’ dii Sangti, humozou zikoi dii hozou-

12
 kapaazaan do kaazaan nu, miaga do aiso
kopupuson mangazou zikoi:

Saviavi’: Obitua, Obitua, Obitua i Tuhan Kinoingan

do kokuasaan-ngaavi-surga. Tavan om
tana’ noponu’ do kobontugan nu. Kaazaan
id dii takavas-kozo. Aazou isido ii mikot id
dii ngaan di Tuhan. Kaazaan id dii
takavas-kozo.
(Sumingkotud)

Faado : Otootopot obitua ko, oi Tuhan, ii tovud do

saviavi’ kobituahan. Iti-no poogi, dodizo’ no
do obitua, iti taak ngaavi’, sumambayang
zikoi, maza’ do poposondot di Spiritu nu doid
diti ngaavi’ miaga bohobou-umatu’, mooi do
adadi daa iti ngaavi’ do montok dagai dii
Tinan om () Zaa’ di Tuhan Jesus Kristus
dotokou.

Ontok dii timpu’ do nimaan potobuso’ isido

om nasaga-kozo do suminuang doid
koundasaan dau, minaganu isido do louti
om, minanaak do koponongkotohuadan
ngaavi’, minangakib dii, om pinapataak dii
doid di mokiki’ia’ ngaavi’ dau’, moos-boos:

ONUO’ ITI, SAVIAVI’ KOU, OM PANGAKAN

NO DITI, TU’ ITI NO II TINAN KU, II
PATAAKON MAI’ MONTOK DIOZU.

Id lahan miaga dii, ontok nopongo ii makan-

minsosodop, nanu disido ii sasavan om,
insan po do minanaak do
13
 koponongkotohuadan ngaavi’, pinataak
disido ii doid di mokiki’ia’ ngaavi’ dau’, moos-
boos:

ONUO’ ITI, SAVIAVI’ KOU, OM PONGINUM

NO MANTAD DITI, TU’ ITI NO II SASAVAN
DII ZAA’ KU, II ZAA’ DII BATOS
KAVAVAGU OM AISO-KOPUPUSON, II
POTUNGUON MAI’ MONTOK DIOZU OM
MONTOK TOGUMU’ MONTOK DII
KOPOHIONGAN DO DOUSO NGAAVI’.
MAAI NO ITI DO ID KAANDAMAN DOGO’.

(Mingkakat)
Faado : Ii mistirium do kotumbazaan.
Tuhun : Papaabal zikoi do Kinapatazon nu, oi
Tuhan, om papatahang do Kinotungagan
nu gisom mikot ko vagu’.

II SAMBAYANG KAANDAMAN

Faado : Iti-no-poogi’, do maso zikoi mamalamai dii

kaandaman dii Kinapatazon om
Kinotungagan dau’, pataakon za diau, oi
Tuhan, ii Louti do koposizon om ii Sasavan
do kopomosizan, manaak do
koponongkotohuodan ngaavi’ do nigitan zikoi
diau do kapadan do id dumbangan nu om
monompuan doid diau.

II KAPAMAHAAVAN DI SPIRITU TOBITUA

14
Faado : Ohuduk kozo izikoi do sumambayang do,
maagi do dii Tinan om Zaa’ di Kristus,
otimung zikoi no daa doid iso’ maza’ di
Spiritu Tobitua.

KOPOKIINSIANAN MONTOK DI EKLIZIA

Faado : Ondomo’, oi Tuhan, i Eklizia nu, pointongkop

id-pototongkop di pomogunan, om ovito’ no
zosido doid dii koponuan do tohuod-sakadai,
songovian miampai N... Pope dagai om N...
Bishop dagai om saviavi’ dii faado ngaavi’.

Kobinsoou, ponogi’, oi Tuhan di N…. om N…..

ii noovit nu doid tadau pisasavaan dioho’,
mooi do maza’ do grasia nu tumindooi nodaa
izioho’ id sompi miginavo om id pibabasan.

KOPOKIINSIANAN MONTOK DII NAPATAI

Faado : Ondomo nogi’ ii tobpinai ngaavi’ dagai kusai

om tondu’ ii nongokoodop id dii kahansanan
dii kotungagan, om saviavi’ ii napatai id
kosian nu: toimoo’ no izioho’ doid dii ninavau
do voos nu.

ID KOPIOMUNGAN MIAMPAI DII SANGTI NGAAVI’

15
Faado : Kosianai dagai saviavi’, sumambayang zikoi,
do miampai di Haahangai Tobitua Mary, Tina’
di Kinoingan, Sangti Joseph savo dosido,
miampai dii Apostol tongobitua, om saviavi’ ii
Sangti ii nokopopounsikou diau id-
poo’ompus dii umulan ngaavi’, kaanu zikoi
nodaa dii kovosian do dumadi do sompi-
tumungkus ngaavi’ doid koposizon selajul,
om mangazou om mambantug diau maza’ di
Tanak nu, Jesus Kristus.

II DOXOLOGY (KOPONGAZAAN)

Faado : Maza’ disido, om miampai disido, om id

disido,
oi Kinoingan, Tama’ tavakas,
id dii kopiisaan di Spiritu Tobitua,
saviavi’ kobontugan om kapantangan nga’
diau no,
montok sohiihinaid aiso kopupuson.
Tuhun : Amen.

II SAMBAYANG KOSOMBUTAN

II SAMBAYANG DI TUHAN
Faado : Do id dii ponuu’ di Mamamasi om no’uug
maza’ do kopongia’an poingkinoingan,
katama’ zikoi do moboos:

Saviavi’: Tama za’, ii id surga, obitua no o ngaan

nu; mikot o kopomolintaan nu, hizab nu
oimaan do id tana’ miaga do ingkaa no ii
do id surga. Taako’ dagai do tadau diti o
16
 louti za tasaasangadau, om pohiongo’ zikoi
do hasa’ ngaavi’ dagai, miaga dagai do
popohiong dii sontob momuhasa’ humavan
dagai; om kada’ zikoi ovito’ doid
koimbaazatan, nga’ pagabaso’ zikoi no
mantad talaat.

BALAKAT DO KOPOIMAGANAN DO PISASAVAAN

Faado: Tuhan Kinoingan om minamangun, sambaon

om pantangon dagai o ngaan Nu. Mantad
kinotimpuunan minamangun ko do kusai om
tondu, do kaamung no daa izioho doid
kopiisaan do koposizon om piginavaan.
Balakatai no kopiisaan di N…, om di N…, do
popokito no daa izioho do kopiisaan di
Kristus om Eklizia dau. Id timpu do
kounsikaan om nogi tosusa do koposizon
dioho, do ii Ziau no manampasi do kopiisaan
dioho. Invoguvai no pidondian pisasavaan
dioho om onuai no izioho do koginavaan nu
om pavakaso no pionitan do pibabasan
dioho, do miampai do tanak ngaavi dioho do
umunsikou no daa zioho tomoimo do titaak
do balakat Nu.

Tuhun: Amen.

II TANDA’ DO PIBABASAN

Faado : Ii pibabasan di Tuhan miampai diozu tomoimo.

Tuhun : Om miampai sunduvan nu.

17
Faado : Kanou mogitaataak dii tanda’ do pibabasan.

KOPONGOKIBAN DII HOSTIA

Faado : Iti kopihangatan dii Tinan om Zaa’ di Tuhan
Jesus Kristus za mogovit nodaa do koposizon
doid dagai (dotokou) ii monoimo diti.
Tuhun : Oi Doumba’ di Kinoingan, mongidu’ ko di
douso ngaavi’ di pomogunan, kosianai
dagai.
Oi Doumba’ di Kinoingan, mongidu’ ko di
douso ngaavi’ di pomogunan, kosianai
dagai.
Oi Doumba’ di Kinoingan, mongidu’ ko di
douso ngaavi’ di pomogunan, onuai zikoi
do pibabasan.
(Sumingkotud)

Faado : Intangai ii Doumba’ di Kinoingan, intangai

isido ii mongidu’ dii douso ngaavi’ di
pomogunan. Obitua no ii sontob ohoou doid
dii makan-minsosodop di Doumba’.

Tuhun : Oi Tuhan, au’ zou mipadan do apatut ko

sumuang sumusut dii taap ku, nga’ booson
noopo ii boos om ohingasan mai’ i
koduuduvo ku.

HOZOU NGAAVI’ KOSOMBUTAN

Maso ii faado om ii tuhun ngaavi’ monoimo do kosombutan, iso’
hozou (ngaavi’) kavasa’ hozoon id-timpu’ om opongo Kosambutan.

18
SAMBAYANG OPONGO KOSOMBUTAN
(Mingkakat)
Faado : Kanau sumambayang.
Maza’ dii kuasa’ diti kohubukan, oi Tuhan,
mikouvang miampai do kaanangan
tobingginavo nu do nunu ii id kaganapan-
tosima’ nu do notoodo nu, mooi do
mamadadi do iso’ ginavo id piginavaan o
sontob dii nokopiamung no id diti
kopiomungan tobitua nogonop miampai dii
iso’ Louti om iso’ Sasavan. Maza’ di Kristus
Tuhan za.

Tuhun : Amen.

BALAKAT KOOVIAN
Faado : I Tuhan miampai diozu.
Tuhun : Om miampai sunduvan nu.
Faado: Om ii Kinoingan tavakas-kozo mambalakat
nodaa do saviavi’ kou, ii notimung doiti’, i
Tama’, om i Tanak, () om i Spiritu Tobitua.
Tuhun: Amen

II KOPOINSUDAN
Faado: Buzu kou no, nopongo no iti Misa’.
Tuhun: Kotohuadan doid di Kinoingan.

19