Saya sedang berbagi 'JAMITA MINGGU XXII DUNG TRINITATIS
05112023' dengan Anda
JAMITA MINGGU XXII DUNG TRINITATIS, 05112023 PODA 3:9-10 TOPIK : PASANGAP MA JAHOWA MARHITE HAMORAON DOHOT DAGINGMU (MULIAKANLAH TUHAN DENGAN HARTA DAN TUBUHMU) Hamoraon dohot dagingta on, silehonlehon ni Debata do i. Adalah pemberian Tuhan. On ma didok di 5 Musa 8:17-18: Asa unang dohononmu di bagasan roham: Gogongku sandiri dohot huaso ni tanganku mangomo di ahu hamoraon on. Ingkon paingotingoton ni roham tahe Jahowa, Debatam, ai Ibana do na mangalehon gogo tu ho mangomo angka arta i, asa pahothon padanna naung niuarihonna tu angka ompum, songon na andar sadarion. Jala di Poda 3:16 : Di tanganna siamun do ganjang ni umur, jala di hambirangna do hamoraon dohot hamuliaon. Pinomat na dua ayat i cukup do menegaskan tu hita paboa haroro ni hamoraon i, ima Debata. Tontu na gabe perenungan di hita saonari, na jotjot do hamoraon i dibahen jolma laho paburnangburnang dirina. Diboto ibana do paboa hamoraon i sian Debata, alai gabe disalah-gunakan jala disalah-artikan. Laos songon i do nang taringot tu daging. Ndada songon na sinoarahon ni minggunta sadari on be: Pasangap ma Jahowa marhite hamoraon dohot dagingmu. Atik boha do gabe sebalikna, gabe marlea Debata dibahen hamoraon dohot dagingna! Ndang pola palobihu ra molo tadok: NDANG SAOTIK NA GABE MADABU TU DOSA ALANI HAMORAON. Ndang saotik na gabe sega alani hamoraon. Ndang saotik na gabe lupa di Tuhan i ala ni hamoraonna. Atik pe ndang parsoadaonta, torop do sian hita on justru semakin mendekat kepada Tuhan karena berkat kekayaan yang diterimanya. Gabe lam unduk tu Debata alani hamoraon na jinalona. Lam serep rohana. Lam burju ibana marsilehonlehon. Jala on do nian na niigil ni Tuhan i sian hita sude. Alai sahalinari, ndang palobihu, molo tadok adong do na gabe marginjang ni roha dung mamora ibana. Angir langit di anggo. Jala bau tano di anggo. Sibolis i pe diboto do mambahen madabu jolma i tu ginjang ni roha jala manghalupahon Tuhanna. Barita mardongan poda ma jo pinasahat tu hita. Di sada tingki, marsangkap ma si bolis laho mambahen sasahalak sian na burju hian marsilehonlehon gabe sahalak na holit (yang tadinya murah hati untuk dijadikan kikir). Sian na berserah hian gabe sahalak na serakah jala na mura murukmuruk. Dungi dipungka sibolis on ma mangalului jolma songon na dirohana i. Laho ma rohana tu petani na tongon mangula di haumana. On ma target, ninna roha ni sibolis on. Hubahen nama ibana lam marpogos. Songon langkah pertama patulushon sangkapna i, dibuat sibolis on ma tugo ni pangula i, ima na binoanna tu hauma i. Pas annon laho mangan arian ibana, pasti ma lulululu di tugona i. Jala dung songoni, pasti ma ibana murukmuruk jala mengutuk. Dungi langkah kedua, ingkon hubahen gagal panen ibana. Ima di roha ni sibolis on. Ndang leleng tutu dibahen sibolis ma songoni. Dibuat ma tugo ni pangula i. Pas laho mangan arian ibana, diida ma ndang disi be indahanna i. Adong mambuat. Sanga do ibana muruk di bagasan rohana. “Kurang ajar do jolma on, ninna ibana di bagasan rohana. Nga iba na loja, male muse, laos adong muse na manangko indahanhu. Hamamagona i. Nga suda be. Sai ima dipandok ibana huhut marhata metmet. Nga iba na pogos, na laos adong muse do huroha na umpogos sian iba. Toe ma, na ringkot ma ra i di ibana umbahen dibuat. Selamat makan ma kawan, ninna pangula i ma sai songon na merelakan tugona i dibuat halak.” Jala dikemudian hari gagal do panenna. Alai nang pe songoni, ndang gabe mandele parhauma i. Malah gabe didok do dirohana: MUNGKIN NDANG REJEKIKKU DOPE SAONARI. Ima didok ibana. Dung dibereng sibolis i songon i tegar ni amanta pangula i ala na magoi tugona, dohot na gagal i panenna, gabe pusing ma sibolis i. Didok ibana ma dibagasan rohana: Gagal rencana! Nirimpu do nangkin gabe murukmuruk ibana. Nirimpu do gabe manolonnolon ibana. Nirimpu do gabe lalaen ibana. Nirimpu do gabe mandele ibana. On, baliksa gabe manarihon do. Gabe bersyukur do. Gagal, gagal! Sai ninna sibolis i ma. Laho ma sibolis on mandapothon donganna sibolis. Dipaboa ma pengalamanna i. Diparengkeli dongan sibolis i ma ibana. Didok donganna i ma tu ibana: “Salah do ho kawan. Ndang songoni carana mambahen jolma asa gabe murukmuruk. Ndang songoni carana asa gabe serakah jala marginjang ni roha. Ndang buatonmu indahanna i. NDANG KEGAGALAN BAHENON.” Ninna angka donganna i ma tu ibana, sai songon na mangalehon saran. Gampang, berikan dia sukses. Berikan dia kaya! Ndang marpogos bahenon! Ima saran ni donganna i. Dung songoni, sai hira na mandapot saran na jitu sibolis on, laho ma ibana patupa songon na nidok ni donganna i. Dibahen ma gabe na niula ni parhauma on. Ketika kawan-kawannya gagal panen, ia malah melimpah panen. Gok ma sopona. Na pogos hian ibana, dang leleng mamintor mamora ma. Ala songoni keadaan di luatna i, godang ma na maminjam tu ibana. Godang ma na marutang tu ibana. Dilehon ibana do, alai dohot catatan ingkon hatop dipaulak. Alai ala leleng do ndang hasea na niula di luat i, jala holan ibana do na boi menikmati hasil panen, mulai ma lomolomona manghatai tu jolma i. Sipata ndang alang be rohana mandok angka hata na so suman i. Pokokna nunga ditoru ni huaso na be sude. Singkat cerita, ginjang ma rohana. Nga lupa ibana, paboa na hea ibana ndang mangan. Jala hea ibana marpogos. Dibereng sibolis ma sian na dao pangalaho ni parhauma i. Tutu ma, nunga muba be ibana. Ndang na ujui be ibana. Na olo mengiklaskan tugona ditangko halak. Didapothon sibolis on ma muse donganna sibolis i. Didok ma tu angka donganna i: TOHO DO USULMUNA I. Ninna ibana, sai songon na merasa berhasil rupani di rencanana i. Hamu angka dongan! Barita mardongan poda ma i. Sada pesan na naeng dohononna tu hita. Toho do pasupasu ni Debata do hamoraon. Alai hati-hati, kekayaan manang hamoraon, molo ndang diboto mengelola jala molo ndang tangkas diboto mameangkon i, boi doi gabe manghorhon dosa tu ibana. Gabe ancaman hamoraonna i tu dirina. Paro lea tu dirina Taingot do cerita rakayat, ima barita ni si Malinkundang. Anggo tingki marpogos ibana, tarbarita do ninna jolma na burju. Alai dung mamora ibana, omakna pe gabe diparsoada. Ai maila ibana didok tubu ni na pogos. Molo di Bibel i, adong do cerita na sarupa tusi? Adong! Taingot do cerita ni si Ananias dohot Safira (Ulaon 5:1-11). Ananias dan Safira telah menjadi korban dari ambisi terhadap harta. Kecintaan mereka akan uang (harta) membuat mereka tidak bersedia membayar separuh harga. Bahkan berani membohongi Tuhannya. Manggabusi Tondi i. Alani, tajamothon ma pangalaho sisongoni. Hamu angka dongan! Yesus jelas-jelas tidak mengajarkan agar kita membuang, menafikan atau membenci harta dan kekayaan. Pasupasu ni Debata do i na ingkon hamauliatehononta jala na ingkon dimanfaatkan. Harta dan kekayaan harus dipakai untuk memberkati. “Manang ise na mardenggan basa tu na pogos, ndang tagamon hurangan, alai manang ise na papitpit matana, godang bura manginona tu ibana.” Siapa memberi kepada orang miskin tak akan berkekurangan, tetapi orang yang menutup matanya akan sangat dikutiki (Poda 28:27). Dos doi songon hepeng, molo ndang boi dikendalikan, balik do gabe hepeng i na mengendalikan ibana. Taingot ma kekristenan sama sekali tidak anti uang atau kekayaan. Alai unang lupa, uang dan kekayaan adalah “alat” bukan tujuan. Kekristenan sungguh sangat menghargai uang dan kekayaan. Oleh karena itu harus dikelola dengan baik. Boha carana? Ya, dengan mengontrol gaya hidup kita. Hidup yang sederhana! Tidak berarti harus hidup miskin. Asa taboto angka amang dohot hamu angka inanami, jolma di zaman na modern on, na serba konsumtif on, orang sengaja dibuat MERASA KURANG. Hira sude do iklan di TV i taida mambahen SUPAYA KITA TIDAK MERASA CUKUP DENGAN APA YANG KITA MILIKI SEKARANG. Serba kurang ma sude. Misalnya, sehat saja tidak cukup, kalau masih GP (Gede Perut, Gede Paha, gede- gede yang lain…). Punya wajah cantik tidak cukup, kalau kulitnya masih belum putih seperti bengkoang. Seolah-olah hanya orang yang berkulit putih saja yang diberkati Tuhan. Akhirna, sude ma berusaha bontar. Dan orang yang selalu merasa kurang, akan semakin tergantung kepada uang dan harta. Sebab uang dan harta dianggap sebagai kunci untuk memenuhi apa yang kurang tadi. Alani angka amang dohot hamu inanami! Jamot ma hita, asa unang adong na mardebatahon arta nang hamoraon i. Alai dipangke ma i pasangaphon Debata. Ima marhite na patupa pangurupion tu angka na manghaporluhon pangurupion i. Berdonasi. Dungi, rade ma menopang angka pelayanan di huria. Laos songoni ma nang dagingnta on, tabahen ma laho pasangaphon Debata. Tajamothon ma sian na tau parohon dosa dohot na mangaleai Debata sitompa dagingta i. Amen