LITURGI MINGGU PESTA INANG GKPS LUBANG BUAYA MINGGU 05

MARET 2023

1.Sadari on aima Minggu pesta inang GKPS sekaligus pardingatan 65 tahun

pardong ni seksi inang i GKPS. Halani ni ai patut do hita mamuji pakon
martarima kasih hubani Tuhan irik mangindo panramotion Ni banta laho
mandalani ari ari ta. Tontu ganupan do hita marmalas ni uhur, tarlobih inang
huria GKPS halani ibere kesempatan dihut mangidangi i pohon anggur ni Tuhan.
Humbani mungkahni do Seksi inang GKPS dihut aktif bani kegiatan ni huria,
tarlobih mangarahkon na si inang ase lambin manandai Jesus Sipaluah, marhitei
na sir sir roh mandihuti partumpuan si sahali saminggu i gareja atap i rumah ni
anggota huria. Sir sir do homa inang GKPS manisei na boritan, mangapohi na
holsohan ronsi mangadonghon pelatihan keterampilan untuk naboru. Arap uhur
marhitei minggu Inang sadari on, lambin satonggo do hita ganup, ase ipargogohi
Tuhan ganup inang i huria on boi marhapentaran, marhaporsayaon, janah totap
marpangunsandean bani Tuhan na manghorhon hadoharon pakon hadearon i
tongah tongah ni rumah tangga, keluarga ampa huria ronsi masyarakat.

2..Tarima kasih ma Tuhan domma 65 tahun hajongjongan ni seksi inang i GKPS.

Domma matua anjaha matoras ma hape seksi inang. Mangelek hanami hubamu
Tuhan sai lambin tambahi Ham ma pambotoh nami, ajari Ham ma hanami tong
tong marguru bani podah ampa ajaran ni Kristus, ase jonam marurat janah marbuah
pangarusion namni pasal Kristus Sipaluah. Patorsa Ham ma pangidangion nami
itongah ni rumah tangga, hubani Bapa, hubani Niombah pakon bani Keluarga
besar, ase dear mardalan rumah tangga nami bei, gabe jumpahan malas ni uhur na
hun Bamu hanami. Patalup Ham ma homa pangidangion ni inang i huria Mu, ase
lambin tambah pagori ni huria na mananda pakon mangahapkon idop ni uhur,
pasu pasu ampa panramotion Mu, bani goluh nami marsada sada. Paingat Ham ma
hanami, ase lambin isaksihon hanami habanggalon Mu marhitei buah ni horja
nami ibagas na martarima kasih mamuji pasangaphon Ham.
 3. Pesta minggu inang on, sekaligus do homa sebagai pardingatan Hari
Perempuan Internasional tahun 2023 on, na mangusung tema “Embrace
Equity “ na mangaraphon ase dalahi pakon naboru i dunia on riap
marsitoguan, memperjuanghon kesetaraan hajongjongon ni, ase memiliki
kesempatan na sarupa boi aktif marperan bani bidang ilmu pengetahuan,
sosial, budaya, politik, olah raga pakon teknologi. Bani kenyataanni buei do
naboru i dunia on mendapot kesulitan pakon hambatan laho berperan bani
bagei bidang pembangunan halani odoh odoh ni keluarga, kebiasaan ni
masyarakat pakon adat istiadat na lang mendukung. Gati do homa jumpah
halani hurang pambotohni naboru, gabe lang dihut sebagai pengambil
keputusan ibagas rumah tangga, keluarga pakon masyarakat. Tahun on
ibahen do warna hatirongga /Ungu gabe panrahut na patuduhkon kekuatan,
kekuasaan, keadilan, dan martabat na ondos bani dalahi pakon naboru.
Sebagai inang GKPS iahapkon hanami do idop ni uhur pakon holong ni
Tuhan na padihutkon hanami bani humpulan ni na porsaya, janah pataluphon
hanami dihut mangidangi itongah tongah ni huria, keluarga pakon
masyarakat. Satonggo ma hita, ganup inang GKPS sirsir marsidungdungan
ronsi marsianjuan pakon Bapa sonai age Niombah laho mandompakhon
hagoluhan ibagas haporsayaon, pangarapan ampa holong na humbani Tuhan.

4. Tongon bani panorang on,riap marmalas ni uhur do hita mamuji Tuhan, ai

pasu pasuNi do na manggoki goluhta. Banggal do paruntolonta menghadapi
pandemik Covid 19 na melanda ganup Negara i dunia on, terkhusus ma banta
i Jakarta on. Buei dohangaluton pakon hasunsahan panghorhon ni Covid 19
on. lang pitah kesehatan na maseda, tapi dihut do galek perekonomian,
berubah metoda parsikolahan, berubah tata laksana hubungan sonai age
kegiatan maribadah. Tapi nuan marmalas ni uhur do hita halani domma gabe
endemic Covid 19, janah domma ilopusi hita ganup hamaholon in age pe das
bani panorang on dong pe pengaruhni, tapi tenger do uhurta ipamonang
Tuhan do hita mandompakhon bagei bagei ni hangaluton in.
5.Ahu pe malas do uhurhu ,bani pesta minggu inang on, halani dihut ahu
idilo Tuhan bani humpulan ni halak na porsaya. Husuanhon do ibagas
uhurhu, maningon huhorjahon do ganup tugas ampa tanggung jawab
na ondos bangku, andohar iparmaloi Tuhan ahu, margoluh na pansing,
pandei maruhur janah totap marpangguruan bani hata ni Tuhan. Siap
sogod do hutonggohon keluargaku, hu haringgashon do mangajari
niombah pasal hata ni Naibata, ase tong tong marhabiaran bani Tuhan,
anjaha hu elekhon do bani Tuhan ipasorap Tonduy Napansing bani
keluarga nami ase gok pangarusion ampa pambotoh hanami pasal ajaran
ampa harosuh ni Tuhan bani na mandalani ari ari. Sai holong ma atei ni
Tuhan totap iramoti janah i iring iring goluh nami gabe boi pataridahkon
buah ni pamilihon ni Tuhan marhitei pangabak pakon, pambahenan na
madear.

6. Bani panorang on ahu pe malas do uhurhu, halani huahapkon

panramotion ni Tuhan bani goluh nami. Haganupan na adong bannami
aima pasu pasu humbani Tuhan. Talenta na ibere Tuhan bangku hubahen
ma laho pasangaphon Tuhan, hu pasir sir do diringku laho manaksihon
hata pakon pambahenan ni Tuhan bani ganup na porsaya Bani. Andohar
marhitei goluhku pakon pangidangionku lambin buei na mamuji
pasangaphon goran ni Tuhan, Parsaoran nami inang pe lambin roh
jenges ni, sir sir hanami marsianjuan bani na hurang, marsijaloan bani na
lepak, perduli bani hasoman; toruh maruhur janah totap
marsihaholongan ase gabe pasu pasu na sari goluh ni ganup inang. Hita
haganupan pe, sir sir ma gabe sibalosi ajar ni Tuhan, ibagas biak na
madear, ase jumpahan haluahon hita janah lambin tarbarita ampa
tarmulia goranni Tuhan ta.
7. Domma ipilih Naibata hita gabe saksi ni Kristus, jadi maningon ma talar
harajaon ni Tuhan bani pargoluhanta. Ase Holong ampa Hasintongan
tong tong ma parsinokok hita, janah isurathon bani atei ateita. Patoguh
hita ma uhur ampa haporsayaon ta, ase tong tong mangajamahon Tuhan
bani na mandalani goluh ari ari. Pongkut ma martonggo janah totap
marlajar hata ni Tuhan, ase gabe martambah panandaionta pasal Tuhan
pakon harosuhNi. Ulang iparsoya soya hita sibere bere ni Tuhan,
pangkei ma hita mamakei panorang, marparlahou na talup janah sir sir
mangambilankon ambilan na madear bani ganup panorang. Tong tong
martarima kasih bani pambahenan ni Tuhan, janah ulang lupa padashon
galangan banggal ni uhur na laho pararathon hata ni Tuhan. Andohar
marhitei goluhta, lambin buei halak na mananda idop ni uhur pakon
holong ni Tuhan.

8. Marhitei ibadah ta sadari on sai lambin Ipaahapkon Tuhan ma banta

bahasa na sada do naboru pakon dalahi i lobei lonei ni Tuhan. Elek name
paruhuri Ham ma hanami, ase sauhur sapanriah ampa sapangahapan
hanami laho mangarahkon huria, sir sir marsitungkolan pakon
marsipatoguhan ampa marsipardiateian mandompakhon pargoluhan ni
huria sonai age goluh parumah tangga on nami bei. Sondangi janah
pabayu Ham ma uhur nami ase totap mangarap janah marhatengeran
pitah hu bamu, janah pargogohi Ham ma hanami patalarhon harosuh ni
uhur Mu bani parsaoran nami . Patotap Ham ma haporsayaon nami,
halani domma ipadihut Ham hanami gabe parrupei bani hagoluhan
sisadokah ni dokah ni. Sai tambahi Ham ma hauhuron na hum Bamu
ibagas hadirion nami ase boi hanami manaluhon hisap hisap ni daging
nami, janah totap mangakuhon Ham do simada hanami
 9 Diatei tupa ma bamu Tuhan na mambere panorang na jenges on, boi
hanami marhasadaon Bapa, Inang pakon Namaposo, i gareja Humbani
bulat ni uhur nami ipadas hanami ma , na sir sir do hanami pakeon mu
gabe juak juak Mu, laho mangidangi Ham, pakon pasaudkon Harosuh
Mu idunia on, age sipata jumpah paruntolon pakon hamaholon laho
mandalanhon pandiloon Mu in. Mangelek hanami ase parmaloi Ham ma
hanami totap setia mambalosi Ham sadokah goluh nami. Lambin
patoguh Ham ma haporsayaon nami, tambahi Ham hapentaron nami
laho manimbangi na madear atap na masamabor, bahen Ham ma hanami
gabe panjaliran ni pasu pasu Mu i tongah tongah ni keluarga, huria sonai
age bani masyarakat nami ase lambin taridah buah ni haporsayaon nami.

10.
Ajak rekan kerja Anda untuk mengenakan pakaian atau pita ungu di
Hari Perempuan Internasional. Ungu engenakan warna universal Hari
Perempuan Internasional adalah cara sederhana namun efektif untuk
menunjukkan dukungan, dan hal ini juga akan memberikan
kesempatan bagus untuk berfoto! Anda dapat mengambil foto atau
video tim dan mempostingnya ke halaman media sosial bisnis. 

Menjadi spontan itu sangat menyenangkan! Cerita media sosial

adalah cara yang bagus untuk memberikan pandangan di balik layar
kepada para pengikut Anda tentang cara perusahaan Anda
merayakan Hari Perempuan Internasional. Cerita Facebook atau
Cerita Instagram Anda dapat disertai dengan keterangan yang penuh
perhatian dan penghargaan. Jangan lupa menambahkan #IWD2023
dan #EmbraceEquity pada Cerita Anda. 

8 Maret adalah hari yang tepat untuk meningkatkan kesadaran terhadap bias sekitar
perempuan dan merayakan capaian mereka. Tema Hari Perempuan Internasional 2023 adalah
#EmbraceEquity .Feb 14, 2023
Dunia yang terbebas dari bias, stereotip  dan diskriminasi. 

- Dunia yang beragam, adil dan inklusif. 

- Dunia di mana perbedaan dihargai dan dirayakan. 

. ***