LITURGI MINGGU PESTA INANG GKPS LUBANG BUAYA 2021

1.Sadari on aima Minggu pesta inang GKPS sekaligus pardingatan bani na domma
63 tahun seksi inang adong i GKPS. Marmalas ni uhur do hita ganupan, tarlobih
inang huria GKPS halani ibere kesempatan dihut mangidangi i pohon anggur ni
Tuhan. Humbani mungkahni do Seksi inang GKPS dihut aktif bani kegiatan ni
huria, tarlobih mangarahkon na si inang ase sir sir roh mandihuti partumpuan si
sahali saminggu i gareja atap i rumah ni anggota huria. Sir sir do homa inang
GKPS manisei na boritan, mangapohi na holsohan ronsi mangadonghon pelatihan
keterampilan untuk naboru. Arap uhur marhitei minggu Inang sadari on, lambin
satonggo do hita ganup, ase ipargogohi Tuhan ganup inang i huria on boi
marhapentaran, marhaporsayaon, janah totap marpangunsandean bani Tuhan na
manghorhon hadoharon pakon hadearon i tongah tongah ni rumah tangga,
keluarga ampa huria ronsi masyarakat.

2.Pesta minggu inang on, sekaligus do homa sebagai pardingatan Hari Perempuan
Internasional tahun 2021 on, na marfokus bani tema “ Choose to Challenge” na
mangaraphon ase ganup naboru mamilih untuk memperjuanghon hajongjongon ni
ase memiliki kesempatan boi aktif marperan bani bidang ilmu pengetahuan, sosial,
budaya, politik, olah raga pakon teknologi. Bani kenyataanni buei do naboru i
dunia on mendapot kesulitan pakon hambatan laho berperan bani bagei bidang
pembangunan halani odoh odoh ni keluarga, kebiasaan ni masyarakat pakon adat
istiadat na lang mendukung. Gati do homa jumpah halani hurang pambotohni
naboru, gabe lang dihut sebagai pengambil keputusan ibagas rumah tangga,
keluarga pakon masyarakat. Sebagai inang GKPS iahapkon hanami do idop pakon
holong ni Tuhan na padihutkon hanami bani humpulan ni na porsaya, janah
pataluphon hanami dihut mangidangi itongah tongah ni huria, keluarga pakon
masyarakat. Satonggo ma hita ganup Inang, Bapa, Dalahi pakon Naboru ase
iramoti janah ipardimata Tuhan naboru i dunia sehingga boi berkarya sesuai talenta
pakon bidang ni bei. Secara khusus inang GKPS ase sirsir marsidungdungan
ronsi marsianjuan pakon Bapa sonai age Niombah laho mandompakhon
hagoluhan ibagas haporsayaon, pangarapan ampa holong na humbani Tuhan.
3. Tongon bani panorang on,riap marmalas ni uhur do hita mamuji Tuhan, ai pasu
pasuNi do na manggoki goluhta, janah idop ni uhur Ni do na mambahen
manggoluh hita sonai age hurianta das bani panorang on. Secara khusus bani
panorang on ibagas paruntolon do hita, halani pandemik Covid 19 na melanda
ganup Negara i dunia on, termasuk hita Indonesia. Gati do gobir hita, halani lang
sai ibotoh hita tanda tanda ni na hona virus ai hita, niombah ta, kelurganta atap
hasomanta, na manghorhon pusok ni uhur homa banta. Sobalikon ni ai,
mangihutkon aturan protokol kesehatan ningon rajin ma hita mencuci tangan,
memakai masker, menjaga jarak janah menjauhi kerumunan pakon mengurangi
pardalanan/ mobilitas na mambahen hurang marsaor pakon keluarga age hasoman.
Kegiatan maribadah pe lang bei songon na somal idalanhon, komunikasi pakon
hubungan marhasadaon pe ibahen ma marhitei alat /media teknologi . Sebenarni
anggo itulimati hita, pardalanan ni goluhta domma homa buei idalani hita
hamaholon, permasalahan, tantangan pakon parnaboriton bahkan pusok ni uhur
tapi ganupan ai boi do ilopusi hita halani holong janah bastu ni Tuhan bani
pargoluhonta. Ase onjolhon hita ma bani dirinta, songon hata ni Apostel Paulus “
Haganupan do tarhorjahon ahu, marhiteihon ni Ia na mampargogohi ahu “ Ase
mandompakhon pandemic Covid 19 on, sonai age haganup paruntolon ni goluhta
totap ma hita martenger ni uhur pakon maronjolan janah marpangunsandean pitah
bani Tuhanta Jesus Kristus.

4.Ahu pe malas do uhurhu,halani gogoh na ibere Tuhan bangku boi do hudalanhon

tugas sebagai inang i tongah tongah ni rumahtangga nami, malas do uhurhu
manghobashan na porlu bani keluarga, age maningon girah sogod ahu puho, anjaha
lang marnasalosei horja ku das bani golap ari. Husuanhon do ibagas uhurhu,
maningon huhorjahon do ganup tugas ampa tanggung jawab na ondos bangku,
andohar iparmaloi Tuhan ahu, margoluh na pansing, pandei maruhur janah totap
marpangguruan bani hata ni Tuhan. Siap sogod do hutonggohon keluargaku, hu
haringgashon do mangajari niombah pasal hata ni Naibata, ase tong tong
marhabiaran bani Tuhan, anjaha hu elekhon do bani Tuhan ipasorap Tonduy
Napansing bannami ase gok pangarusion ampa pambotoh hanami pasal ajaran
ampa harosuh ni Tuhan. Sai holong ma atei ni Tuhan totap iramoti janah i iring
iring goluh nami gabe boi pataridahkon buah ni pamilihon ni Tuhan marhitei
pangabak pakon,pambahenan na madear.
5.Bani panorang on ahu pe malas do uhurhu, halani huahapkon panramotion ni
Tuhan bani goluh nami. Haganupan na adong bannami aima pasu pasu humbani
Tuhan. Talenta na ibere Tuhan bangku hubahen ma laho pasangaphon Tuhan, hu
pasir sir do diringku laho manaksihon hata pakon pambahenan ni Tuhan bani
ganup na porsaya Bani. Andohar marhitei goluhku pakon pangidangionku lambin
buei na mamuji pasangaphon goran ni Tuhan, Parsaoran nami inang pe lambin roh
jenges ni, sir sir hanami marsianjuan bani na hurang, marsijaloan bani na lepak, ,
perduli bani hasoman; toruh maruhur janah totap marsihaholongan ase gabe pasu
pasu na sari goluh ni ganup inang. Hita haganupan pe, sir sir ma gabe sibalosi ajar
ni Tuhan, ibagas biak na madear, ase jumpahan haluahon hita janah lambin
tarbarita ampa tarmulia goranni Tuhan ta.

6.Domma ipilih Naibata hita gabe saksi ni Kristus, jadi maningon ma talar
harajaon ni Tuhan bani pargoluhanta. Ase Holong ampa Hasintongan tong tong ma
parsinokok hita, janah isurathon bani atei ateita. Patoguh hita ma uhur ampa
haporsayaon ta, ase tong tong mangajamahon Tuhan bani na mandalani goluh ari
ari. Pongkut ma martonggo janah totap marlajar hata ni Tuhan, ase gabe
martambah panandaionta pasal Tuhan pakon harosuhNi. Ulang iparsoya soya hita
sibere bere ni Tuhan, pangkei ma hita mamakei panorang, marparlahou na talup
janah sir sir mangambilankon ambilan na madear bani ganup panorang. Tong tong
martarima kasih bani pambahenan ni Tuhan, janah ulang lupa padashon galangan
banggal ni uhur na laho pararathon hata ni Tuhan. Andohar marhitei goluhta,
lambin buei halak na mananda idop ni uhur pakon holong ni Tuhan. Riap ma hita
mambobai huria in ase tong tong martenger ni uhur bani Tuhan janah gabe paridop
ni uhur bani halak na marsitaronon, na musil ampa na hona odoh odoh.
7. Tarima kasih ma Tuhan domma 63 tahun hajongjongan ni seksi inang i
GKPS.domma matua anjaha matoras ma hape seksi inang. Mangelek hanami
hubamu Tuhan sai lambin tambahi Ham ma pambotoh nami, ajari Ham ma hanami
tong tong marguru bani podah ampa ajaran ni Kristus, ase jonam marurat janah
marbuah pangarusion namni pasal Kristus Sipaluah. Patorsa Ham ma
pangidangion nami hubani Bapa, bani Niombah pakon bani Keluarga, ase dear
mardalan rumah tangga nami bei, gabe jumpahan malas ni uhur na hun Bamu
hanami. Patalup Ham ma homa pangidangion ni inang i huria Mu, ase lambin
tambah pagori ni huria na mananda pakon mangahapkon idop ni uhur, pasu pasu
ampa panramotion Mu, bani goluh nami marsada sada. Paingat Ham ma hanami,
ase lambin isaksihon hanami habanggalon Mu marhitei buah ni horja nami ibagas
na martarima kasih mamuji pasangaphon Ham.

8. Marhitei ibadah ta sadari on sai lambin paahapkon Ham ma bannami bahasa na

sada do naboru pakon dalahi i lobei lonei Mu Tuhan. Paruhuri Ham ma hanami .
ase sauhur sapanriah ampa sapangahapan hanami laho mangarahkon huria, sir sir
marsitungkolan pakon marsipatoguhan ampa marsipardiateian mandompakhon
pargoluhan ni huria sonai age goluh parumah tangga on nami bei. Sondangi janah
pabayu Ham ma uhur nami ase totap mangarap janah marhatengeran pitah hu
bamu, janah pargogohi Ham ma hanami patalarhon harosuh ni uhur Mu bani
parsaoran nami . Patotap Ham ma haporsayaon nami, halani domma ipadihut Ham
hanami gabe parrupei bani hagoluhan sisadokah ni dokah ni. Sai tambahi Ham ma
hauhuron na hum Bamu ibagas hadirion nami ase boi hanami manaluhon hisap
hisap ni daging nami. Buhai Ham ma uhur pakon pingkiran nami ase tong tong
mangajamhon Ham bani goluh name. Amen