Jahowa debata ama nami salelengna, amani Tuhan Yesus Tuhan nami.

Mauliate
ma amang natong-tong dope diparmahan jala diramoti hodo hami marhitehite
hatami, hodo Tuhan debata nami mual hangoluan nami siganupari. Dipasat ho
dope ragamni akka pasu-pasumi dihami sadarion marhite-hite akka parngoluan
ganupari. Mauliate ma Tuhan dipataru ho hami sian bagas hamibe tu bagas
mon laho marsaor ma hami sama hami dohot laho marsahor dohot ho ale
jahowa debata nami naeng ma hami mamuji goar mi dohot mabege hatami
marhite-hite akka ende puji-pujian dohot jamita na ni pasahatni naposo mi
amang pendeta H. Sitorus parsahalai jala pasu-pasuma naposomi.
Nunga hubege hami ting-ting akka namasa di minggu on dohot namasa
dibagasan minggu naeng ro. Di namartangiang ma hami di sude akka program
dohot sude akka rencana ni huria I, pargogoima sude akka panita pesta gotilon
dohot hari ulang tahun ni huria mi asa mardalan ulaon ni dohot dengan natoho
tulomo ni roham. Di akka partangiangan wijk tung pe marhite hite zoom virtual
dang makurangi asi dohot holongmi, asa lam turinggasna ruas mi madohoti
partangiangan wijk asa dohot nasida manada harjaon mi. Ale Tuhan
martangiang ma hami disude akka sermon ganup kategorial dinamasa
dibagasan minggu naro pargogoima akka sintuami, hobasi ma pimpinan huria
mi ima amang pendeta nami natolu lehon gogo dohot parsahalai laho
maguluhon huriami asalam denggan pelayanan nasida.
Ale Tuhan nami di namartangiang hami tu akka naposo ni huriami laho mabuka
parsaripeon ma nasida pasu-pasuma disude rencana ni keluargai asa mardalan
ma denggan, suang songoni disadarion dipatupa huriami do pandidion nabadia
tu poso-poso ni huria i, pasu-pasu ma akka poso-poso i nang dohot akka na
toras na namaboan tu adopan mu. Tuhan nami nabadia doho jala parasiroha,
asi ma roham asa lehon ma akka sirokkap ni tondi tu akka boru dohot anak ni
huriami naso marsohotan dope asa lomoni Tuhan napatuduhon dirokkapni
tondi nasida, suang songoni tu akka ruas na dibagasan parsahiton na dirawat di
jabu manang dirawat di RS urasi ma akka sahit sian daging nabe jala pasu-pasu
ma sude di akka pengobation na sida asa lam tu hipasna nasida. Ale Tuhan
apulima keluarga silaen namarsitaonon ala nunga dialap ho sada ama sian
tonga-tonga nasida, sailehon tondimi tu nasida asa hot haporseaon na laho
maniop Tuhan Yesus sipangolu. Atong jumolo sesama sude akka dosa
pangalaosion nami dihatam, mansai godang do ari-ari nami makorhon dosa,
alai pos do rohanami diho ale Tuhan nabegeonmu do sude tangiang nami.
Pasu-pasu ma hami huriam napungu dison. Marhite-hite goar ni anakmu Tuhan
Yesus Kristus hupasahat hami tangiang nami on. Amen.