ACARA IBADAH SYUKURAN PEMBUKAAN

“APOTIK GALUNG”
(Kel. D. Hutagalung/ Br. Siahaan)
&
PRAKTEK DOKTER RISMA SITORUS
Sabtu, 18 November 2023

U : Uluan H : Huria S = Sude

01. Marende Huria BE. No. 188 : 1 + 5 “Jahowa Siparmahan Au”

1. Jahowa Siparmahan au, ndang hurang manang aha. Ai nasa jea dipadao do sian
dorbianNa. Tongon dibaen na lomak i, lao pangoluhon tondingki, dibaen asi
rohaNa.
5. Tongtong do denggan ni basaM jambarhu di ngolungku. Tongon do asi ni rohaM
mangihut di langkangku. Dung i dung suda bohalhi, sai ingananhu jabuMi,
saleleng ni lelengna.

02. MAMUNGKA USAHA

Pengguntingan pita (Ny. Hutagalung br. Siahaan)
U. : Hupungka hami ma usaha on, Marhitehite Goar ni Debata Ama, dohot Goar ni
AnakNa Tuhan Jesus Kristus, dohot Goar ni Tondi Parbadia, na tumompa langit
dohot tano on. Amen!
S : Horas ma hamu keluarga na mandalahon usaha on. Gabe haroroan ni Las ni
roha, Pasupasu, nang olopolop ma usaha muna on tu hamu nang tu humaliang.
Amen. Horas... Horas... Horas...

II. ACARA IBADAH

1) Marende Huria BE. No. 565 : 1 + 4 “Las Rohangku Lao Mamuji”
1. Las rohangku lao mamuji Debata Parholong i. Songon bunga na mangerbang di
na binsar ari i. Arsak, dosa, haporsuhon mago dibaen asiMi. Las ni roha na
manongtong lehon di au Tuhanhi.
4. Rap ma hita mangendehon sangap di GoarNa i. Tapangiar soaranta lao mamuji
Tuhan i. Sun do holong ni rohaNa na so marnamontok i. I do pasadahon hita
salelenglelengna i.
2) VOTUM – INTROITUS – TANGIANG PAMUHAI
U : Marhite-hite goar ni Debata Ama, dohot goar ni AnakNa Tuhan Jesus Kristus dohot
goar ni Tondi Porbadia na tumompa langit dohot tano on. Amen. Halomohon Jahowa,
jadi lehononna ma tu ho na pinangido ni roham.
H : Asi ma roham ale Debata di hami na pungu dison, sai urupi ma hami patupahon
lomo ni rohaM!
 U : Parangehon hamu ma na tama di Tuhan i, marguru ma hamu tu sandok lomo ni
rohana, marparbuehon parbue marhitehite saluhut ulaon na denggan.
H : Taoloi jala tapasangap ma Jahowa marhitehite las ni roha, ro be ma hita tu jolona
marhite olopolop.
U : Hajongjongkon ma uhum dohot hatigoran, ai i do di halomohon Debata sian ngolum.
Haleluya! Martangiang ma hita: Ale Tuhan Debata parasi roha na sumurung,
Amanami marhitehite Tuhan Jesus Kristus. Na mandok mauliate do hami tu Ho, ala
dipaihutihut Ho do ngolunami, sian angka tingki naung salpu sahat tu tikkion. Jala
diramoti, jala dipasahat Ho do dipasupasu na godang di keluarga ni ama nami D.
Hutagalung, inang br. Siahaan di pardalanan ni ngolu nasida. Sian pasu pasu Mi,
naeng pungkaon nasida ma Usaha di tonga ni luat on, ima Apotik Galung dohot
Praktek Dr. Risma Sitorus. Antong Ho ma ale Tuhan namasu masu usaha nasida, asa
gabe dalan pasangaphon Ho nang gabe habaoran ni PasupasuM usaha on tu nasida
nang tu humaliang nasida. Bahen ma usaha nasida on gabe parhiteanMu mangalehon
Hamalumon tu angka na namarsahit, asa marolopolop nang humaliangna
manghilalahon hajongjongan ni usaha nasida on.
H : Asi ma roham Tuhan , Sai suanhon ma hataM tu rohanami saluhutna, asa tung
porsea hami tarpatupa Ho do angka halongangan di pardalan ni ngolunami ganup
marsadasada. Lehon ma di hami hapistaran dohot habisuhon, tamba ni angka
pandaraman dohot gabe na niula, sinur na pinahan, asa gabe pasupasu ngolunami tu
angka na humaliang hami dohot tu sude halak na pajumpang dohot hami.
U : Loas ma hami pasangaphon Ho marhite angka silehonlehononMu na godangi jala
sai pargogoi ma hami gabe hapataran ni harajaonMu di portibion, ala ni AnakMu
Tuhan Jesus Kristus Tuhan nami. Amen.
Marende BE. No. 691 : 1 – 2 “Hupasahat Ma Tu Jesus”
1. Hupasahat ma tu Jesus saluhutna ngolungki, roha nang pambahenanku saluhutna
tingkingki.
Reff : Hupasahat ma tu Jesus saluhutna diringki, hupasahat ma tu Jesus
saluhutna ngolungki
2. Pangkeonku ma tanganku, mangula lomoNa i, langka nang simanjojakku
mangihuthon Tuhanki.
Reff : Hupasahat ma tu Jesus saluhutna diringki, hupasahat ma tu Jesus
saluhutna ngolungki
3) Manjaha Turpuk
U : Tabege ma jolo hata ni Debata di hita, di ulaon las ni roha sadarion ima na tarsurat di
Psalmen 112:1-9 Martua ma baoa na manghabiari Jahowa, na lomo roha situtu di
angka patikna! sangap ma pinompar na i sogot di tano on , dapotan pasupasu ma
sundut ni angka partigor sogot.
 H : Hamoraon marlobilobi di bagasan jabuna, jala hot do hatigoranna i ro di saleleng ni
lelengna. Sai binsar do di partigor i hatiuron di haholomon, sian Ibana pardenggan
basa, parasi roha jala na bonar.
U : Mardohar baoa na asi roha dohot na pasalihonsa, tarondolhonsa ma angka hatana di
paruhuman .Ndang tagamon humordit ibana salelenglelengna, marbarita
salelenglelengna do partigor i.
H : Ndang tagamon mabiar ibana binahen ni barita hinamago, nalom do rohana
marhaposan tu Jahowa..
U : Marsitiopan do rohana, ndang mabiar ibana, paima idaonna pamaloson tu angka alona
i. Manaburi ibana, mangalehon tu angka na pogos, hot do hatigoran na I ro di saleleng
ni lelengna, timbul ma tanduk na sogot di bagasan hamuliaon. Martua do na
tumangihon hata ni Debata jala na umpeopsa.
U+H : Amen.

4) Marende BE. No. 28 : 1 “Hata Ni Jahowa”

Hata ni Jahowa Sipadame jolma, hangoluan i. Halalas ni roha Siapui roha, ni na
marsak i. Gogo ni Debatangki paluahon na porsea, sian nasa jea.

5) JAMITA

6) Marende BE. 672 : 2 “Tung Godang Situtu”

Ai lambok do soara ni Tuhanta i, ro ma ho las ma nang rohami, sai taingot
tongtong Hata ni Tuhan i, mangarahon jolma tu Tuhan i.
Reff : Sai patupa ma i alani Tuhan i so mangkirim balos na tu ho.
Debata do marnida na niulami manang na adong parbue ni i.
7) TANGIANG PANGONDIANON
8) Marende BE. NO. 467 : 1 – 3 “Asi Ni RohaM Hupuji”
(Pasahathon Pelean)
1. Asi ni rohaM hupuji ala Ho manobus au. Dipaias Ho rohangku, gabe soranganMu
au. IngananMu rohanami, TondiMi manggohi i. Pangke dohot ngolunami gabe
ula-ulaMi.
2. Sai ramoti ma rohangku, asa boi gohanMu au. Sai mabaor ma pasupasu nang
marhite sian au. IngananMu rohanami, TondiMi manggohi i. Pangke dohot
ngolunami gabe ula-ulaMi.
3. Naeng huhatindanghon hami hagogoonMi tongtong. Paluahon na mardosa, nang
parjahat na bolong. IngananMu rohanami, TondiMi manggohi i. Pangke dohot
ngolunami gabe ula-ulaMi.

9) TANGIANG PARSURUON TU NGOLU SIGANUP ARI

U. : Ale Tuhan, parasi roha na sumurung. Mauliate ma rohanami tu Ho, ala godang
ni asi dohot holong ni rohaM. Diurupi Ho do keluarga ni dogannami on pajongjong
usaha ditonga ni luat name on. Ndang tagamon so godang halojaon, parungkilon,
dohot holso-holso ni roha nasida papungupungu sinamot na ringkot tu laho
paulihon usaha on. PasupasuM do i ale Tuhan, jala hupuji hami ma GoarMu alani
saluhutna i.
S : I ma tutu ale Tuhan. Di Ho ma pujipujian nami ari on ro di salelenglelengna.
U : Di naung dimulai nasida usaha on sadari on, hupasahat jala hupagomgomhon hami
ma tu Ho saluhut namandalanhon usaha on rap dohot keleuarga nasida. Bahen ma
usaaha on gabe Parhiteanmu mangalehon Hamalumon tu ganup parubat na ro tu
inganan on. Asa marolopolop nang saluhut hami mananda denggan nibasam marhite
hahipason na ro sian Ho marhite usaha on. Ramoti nang pardalanan ni ngolu name
dibagasan Jesus Kristus Tuhan nami.
S : Amen.
P : Tangiang Ale Amanami + Pasupasu + Amen...Amen...Amen...

III. RAMAH TAMAH

“SELAMAT DAN SUKSES”

PEMBUKAAN APOTIK GALUNG
&
PRAKTEK Dr. RISMA SITORUS

TUHANTA MA NA MAMASUMASU
HORAS...