LITURGI INA

Prolog: Ndang jumpang be pangoloion dohot

haunduhon di jolma na parjolo I maradophon Debata,
nunga dilaosi be patik I, jala tarela jolma I tu pangela ni
sibolis pangago i.

Liturgi Ina
LITURGI no 1: Sai manumpak ma ho Ale Jahowa ai
nunga lam moru angka na daulat marroha i lam otik do
manisia na burju marroha na so hasea i do dihatai be
dohot dongan na marbibir na landit jala mardua roha
nasida manghatai.

Liturgi Ina
LITURGI no 2: Saluhut do manisia sumurut tung sange
do nasida marroha mago ndang adong sibahen na
denggan nanggo sahalak.

Liturgi Ina
LITURGI no 3: Dibagasan jolma manghuling
pangalosion tu parjahat i, ndang marhabiaran tu Debata
be roha ni jolma jala jumotjotan do manisia di ela-ela
simalolongna di na laho mangulahon angka na jahat.

Liturgi Ina
LITURGI no 4: Getegete dohot pangisahion do hata-
hata ni pamangan na nunga mansadi ibana mamingkiri
mangulahon na denggan, getegete nama di pingkiri di
atas podoman na i dalan naso ture i nama di topot,
ndang be dihabiasonhon ho na jat i.
Liturgi Ina
LITURGI no 5: Ninna na oto i do dibagasan rohana
ndang adong Debata, jahat jala sogir do nasida
marpangalahohon hajahaton ndang adong si ulahon na
denggan.

Liturgi Ina
LITURGI no 6: Parrimas do Debata na mangulahon
hajahaton ni amana tu angka anak na rodi sundut
patoluhon dohot paopathon angka na sogo rohana di
ibana nda songon i nanidok ni umpasa "dangka ni tada-
tada manjamba tu bona na, hasalaan ni amana
mangonai tu anakna".

Liturgi Ina
LITURGI no 7: Landit porhot songon gota ni hapea
hansit ngongot naung sangap gabe marlea. Songoni do
nang hita nunga ditompa Debata do hita tumiru
rupana,alai gabe marlea do Ibana ai sai didadati hita
mangulahon angka dosa jala sega ma rupa ni Debata
na adong hian di hita.

Liturgi Ina
LITURGI no 8: Tung mansai las do rohanta molo
sangap ni roha songgop tu hita alai jotjotan do hita
marlosok ni roha mamuji Debata marhitehite
parmingguon di na laho marsaor dohot dongan
sahaporseaon.
Liturgi Ina
LITURGI no 9: Diparngoluon si apari sai tapangke do
angka tingki mangulahon angka na jat jala tahaporseai
do angka gogo ni portibion jala sai tarpodom do hita di
haportibion molo ro sahit na renge gabe ta tundalhon do
Debata jala mangido hamamalum ni sahit sian angka
rupa-rupa ni portibion.

Liturgi Ina
LITURGI no 10, Hamoraon, hagabeon dohot
hasangapon i do napinarsinta ni halak batak, toho tutu
na mamora do luhut halak batak alai tung mansai
godang do angka HOTEL ni batak. HOTEL ima hosom,
teal dohot late nda hinorhon ni dosa saluhutna i?