MAMONGOTI MASA PANSIUN Di HKBP PABATU Minggu, 15 Maret 2020
I. PABORHATHON SINTUA MAMONGOTI MASA PANSIUN:
01. Marende No. 15 : 1 “Aut na saribu hali ganda” (ro ma na pensiun tu jolo rap dohot keluarga) Aut na saribu hali ganda saringar ni soarangki, naeng nasa gogo bahenonku mamuji Debatantai. Paboa las ni rohangki hinorhon ni pambaenNa i. Pdt : Hamu dongan sahuria na pungu di bagas joro on, nuaeng jongjong do ditongatonganta ima Amanta St. PARLINDUNGAN HUTAPEA. Nunga digohi tingki pangulaon nasida di hurianta. Na mansohot ma nasida nuaeng sian haparhaladoon di huria i. Alani i tama do pasahatonta hamauliateon ni rohanta tu Tuhanta na mandongani jala margogoihon, huhut napatauhon nasida saleleng on mangulahon haparhaladoon i. Angkup ni une do pasahatonta mauliate nang tu nasida naung manghalojahon, jala mangharonsothon mangulahon ulaon di hurianta. Alani i paborhatonta ma nasida nuaeng laho pensiun. Hamu dongan nami St. PARLINDUNGAN HUTAPEA. hombar tu Aturan dohot Peraturan ni HKBP, nunga digohi hamu panjouon na sahat tu hamu marhobas di huria i. Na mandok mauliate do huria on tu Tuhanta na patauhon hamu marhobas hombar tu tohonan na sahat tu hamu. Nunga digohi hamu pangoloionmuna marhite panghobasion tohonan Sintua. Dipasahat hamu do napinangido ni hata ni Tuhanta na mandok:”Saat ula Tohonanmi”. Na tama do hamauliatehonon ni hurianta siala pangulaonmuna na saleleng on di Tuhanta, anggiat parbue ni na hinobasanmuna na saleleng on di jolo ni Tuhanta gabe pelean na hushus jala mamboan pasu-pasu tu hagaganda ni na porsea dohot hatotogu ni haporseaon di angka na hinobasanmuna . Alani i; jongjong ma hita sahuriaon martangiang tu Tuhanta (Jongjong ruas): Ale Debatanami, na gok asi dohot holong ni roha, ro do hami tu adopanMu laho pasahathon hamauliateon ni rohanami siala pangurupionMu di naposoM on saleleng diparar Ho manghobasi huriaM. Nunga sahat diula ulaon ha-Sintuaon na pinasahatMi: Sai baen ma ramos parbue ni panghobasion nasida di ruas ni HuriaM tu hangoluan salelengna. Nang naposoM pe sai asi ma rohaM ramoti ma nasida, lam ramoti ma nasida dung mamungka pensiun sian panghobasionna songon sahalak Sintua. Molo tung dijalo pensiun sian ha-Sintuaon, sai ramoti jala patogu ma pos ni rohanasida tu Ho. Palas ma roha nasida tongtong, pahipas ma pamatangna laho mandai hinauli ni tingki pensiun songon jolma na marpanghilalaan, marroha jala na martondi hombar tu lomo ni rohaM. Togutogu jala ramoti ma nasida di angka ariari ni hatuatuaonna asa tongtong manaili tu Ho, ai sian Ho do haroroan ni hadameon, las dohot sonang ni roha di bagasan Tondi Parbadia. Pasupasu ma nang keluarga dohot sisolhot nasida, asa rap mangolophon jala manghamauliatehon pasupasu najinalo nasida sian Ho. Angkup ni i marpamuati ma rohaM di nasa hagaleon dohot hahurangan ni dongannami on di nasa pangulaon dohot panghobasionna na sailaon, sesai ma i ala ni holong ni rohaM. Pinuji ma Ho ale Tuhan Jesus ro di saleleng ni lelengna. Amen. 02. Manjaha SK Pandita Resort taringot tu Sintua Pensiun 03. Paborhathon na pensiun (dijalang Pdt ma Sintua na pensiun): Ale naposo ni Debata, St. PARLINDUNGAN HUTAPEA, mardongan pos ni roha di Debata Ama dohot AnakNa Tuhan Jesus Kristus dohot Tondi Porbadia, hupaborhat hami ma hamu laho pensiun sian Sintua. Dipasu pasu Tuhanta Jesus Raja Ni Huria ima panghobasionmuna na saleleng on, jala diramoti ma hamu di angka ariari di ngolumuna jala diparrohai hamu mandai hinauli ni tingki pensiun di angka ariari sidalananmuna dope tu tingki na ro on. Amen. 04. Mandok Hata: 1. Na Pansiun/Keluarga 2. Sian ruas 3. Parhalado Huria & Ressort 05. Pasahat Cinderamata 1. Sian Huria 06. Marende BE. No. 190 : 3 “Las rohangku situtu” (laos jongjong ma saluhutna) Las rohangku situtu, ai parjambar au tutu. Di na denggan sasudena, pinarbaga ni Debata. Di sude na burju i mangihuthon Jesus i. 07. Tangiang Pelean – Ale Amanami – Panutup/Pasupasu 08. Amen – Amen – Amen