ACARA LEPAS SIDI/MALUA SIAN PANGKANGKUNGI

PANGANTUSION TU ULAON MANOPOT HAPORSEAON

(LEPAS SIDI / MALUA SIAN PANGKANGKUNGI)
Maret 25, 2012 by Joni Sianturi (A. Anton)-Punguan Simatupang
Di dalam masyarakat atau gereja KristenProtestan ritus inisiasi disebut
sidi (sempurna atau sahbahasa Indonesia) atau malua (lepasbahasa
Batak), yaitu ketika seseorang berdiri di hadapan jemaat dan melafalkan
pengakuannya terhadap doktrin gereja tentang Allah, Kristus Yesus, Roh
Kudus, Gereja, Kebangkitan Daging atau Orang Mati dan Hidup Yang Kekal.
Seseorang dapat dikatakan Lepas Sidi apabila ia telah menjalani
Katekisasi.
Dari Wikipedia bahasa Indonesia, ensiklopedia bebas, Katekisasi adalah
masa sebelum seorang umat Kristiani atau Katolik menerima baptisan.
Pada masa ini, seorang umat mendapat bimbingan-bimbingan yang
mendasar mengenai Kekristenan oleh pemimpin agamanya (biasanya
seorang Pendeta atau Pastor). Lamanya seorang umat menjalani masa ini
tergantung pada peraturan gereja dimana ia berkatekisasi.
Biasanya sebelum berangkat ke Gereja untuk lepas sidi Katekisan
berdoa bersama orang tua dan selanjutnya berangkat bersama ke gereja
untuk pelepasan sidi.
Dung sidung sian gareja, di patupa natorasna do ulaon sipalas
roha
ni
na
sidi
i.
Sabotulna ndang apala masuk adat i.
Asa ummura antusanta binahen majolo songon simulasi (kondisi ideal/
seharusnya) contoh skenario di keluarga nami, misalna Lepas Sidi
(malua) ma anak niba si Anton Reza Sianturi dan Rosita Naomi
Sianturi, pinabotohon tu Hula-hula i Sibuea, Tulang Sihombing
Lumban Toruan dohot Tulang Siahaan, ala aktif do hami di punguan,
hu undang hami Punguan Simatupang, Boru dohot Bere/Ibebere,
Punguan Raja Sibuea, Boru, Bere/Ibebere, dohot Dongan Sahuta.
Ala ulaon las ni roha do on, dumenggan ma jumolo dipukka dohot
partangiangan (ibadah singkat). Dung sidung partangiangan singkat jala
pungu hundul sude angka tutur udutan ma tu ulaon namangihut.
Haroan Mangan di Jabu
Dung hira ro sude angka najinou diatur ma parhundul. Hundul ma di
juluan Anton Reza Sianturi dan Rosita Naomi Sianturi rap dohot
hami natorasna. Hami hasuhuton rap dohot Dongan Sabutuha
marsiadopan ma dohot dohot Hula-hula i Raja Sibuea rap dohot Tulang
Sihombing Lumban Toruan dan Tulang Siahaan.
Dongan tubu Punguan Simatupang, Boru dohot Bere/Ibebere hundul
ma di siamun ni hasuhuton, molo tung so siat boima di hambirang alai
dialap hata ma naung di siamun ni hasuhuton ma i.

Paidua ni Suhut (A. Rotama)

Loloan namarlas ni roha, di hita namarhaha maranggi ra ianggo sian hita
dang adong be sipaimaon ate ?
Songon i ma nang di hamu Tulangnami Sihombing Lumban Toruan dohot
Tulang Siahaan, Hula-hula nami Sibuea dohot uduranna Punguan Raja
Sipaettua, beha Rajanami nga boi mulaanta ? Manang adong dope
sipaimaonta ?.
(Molo dialusi horong ni Tulang + Hula-hula nauli mandapotima angka na
so
sahat
dope),
boi ma udutanni paidua ni suhut.
Di ari nauli bulan nadenggan apala di sadari on, anak nami
beremu/pahompu/beremu
si Anton Reza Sianturi dohot si Rosita
Naomi Sianturi nasogot nunga manghatindanghon haporseoan ibana di
jolo ni Tuhanta suang songoni nang di joloni angka ruas ni Tuhanta.
Mauliate ma tutu di Tuhanta siala nunga malua anak nami sian
pangkangkungi anggiat ma antong gabe ruas namangolu ibana jala
parsidohot laho papatarhon harajaon ni Tuhanta.
Songon si palas ni rohana hupatupa hami ma uloan on.
Raja nami, ala naeng mulaanta ma ulaon on tarsongon on ma konsep
siang
hami:
Molo tung adong na naeng sipasahathon mu songon si palas ni rohani
beremu/pahompu/bere mu, ba parjoloma di pasahat Raja i Hula-hula nami,
laos ima annon songon dalanna hami pasahathon songon tanda ni las ni
roha nami tu hamu Hula-hula nami. Boa roha mu Rajanami, tiroi hamu
hami.
Catatan: Ala si Anton Sianturi dan Rosita Sianturi do pusat ni ulaon,
biasana parjolo do Hula-hula mangupa ibana, baru pe borhat hami
natorasna rap dohot si Anton Sianturi dan Rosita Sianturi pasahathon
tudu-tudu ni sipanganon.
Mangupa Na Malua
Dengke do upa-upa i jala Nantulang ni namalua i ma mangupahon. Hundul
ma Nantulangna i songon namarsinggang mameakkhon dengke pangupa i
tu jolo ni berena, di tiop topi ni inganan ni dengke i jala di dok ma hatana:
Martua sanga berengkon malua sian pangkangkungi, manjalo tohap jala
arta na umbalga sian nasa arta, i ma pasu-pasu dohot hata ni Debata, asa
tiur sude dalan baluson muna, ai didok do : MataMi do sulusulu ni pathu
jala
hatiuran
di
dalanhu.
Sian las ni rohanami huboan hami do dison Dengke Sahat asa anggiat ma
antong sahat tu ho sude pasu-pasu ni Tuhanta; Dengke Saur do on huhut,
asa anggiat saur maulibulung berengku tumpahan ni Amanta Debata;
Dengke Sitio-tio do i huhut asa anggiat sai tio sude parngoluanmuna, jala
dapot sude napinarsinta ni roham. Jadi sahat ma bere na uli sahat ma
nadenggan di ho. Botima. Laos di uduti ma dohot na
Pasahat Ulos Holong tu Bere na lepas sidi :

On pe di ho bere Anton Sianturi dan Rosita Sianturi, sai tangiang ma

bahen landasan ni ngolum hipas ma ho jala di dongani Tuhanta nang di
parsingkolaonmu gabe anak nabisuk ho sihalomoan ni donganmu
tarlumobi gabe si jungjung baringin di natorasmu lae dohot ito.
Jala tu ibana pe antong dohonon nami ma:
Tubu tambisu di dolok ni Sipoholon;
Sai gabe anak na bisuk ma ho bere, anak sipatujoloan
Naung sampulu sada jumadi sampulu dua;
Sai siboan sangap maho jala siboan tua.
Ni patikhon ma inna hujur di topi ni tapian
Manang tudia pe ho mangalangka sai tong-tong ma di ramoti Tuhan.
Botima da, laos di uloshon ma ulos holong i tu si Anton Sianturi dan Rosita
Sianturi.
Di jomput Tulangna ma parbue pir
Parjolo dijompot ma parbue tu simanjujungna laos didok pir ma tondiku,
Dungi di jomputma tolu hali tu simanjujung ni si Anton Sianturi dan Rosita
Sianturi laos di dok
Pirma tondi ni bere ku, dijomput muse tu simanjujung ni laena dohot
ibotona loas di dok
Pirma tondi ni lae ku doho iboto ku pairing-iring sude bere dohot ibebere
ku.
Molo tung adong dope sian horong ni Tulang nalaho pasahathon dekke
laos mangihut ma i. Jala laos disi ma Tulang langsung pasahat ulos holong
(parompa). Tarhira dos ma angka hatana, ba paling angka umpasa i di
ganti tu parbinotoanna dohot namangonjar di rohana.
Catatan: Anggo di ulaon songon holan Tulang tangkas do na pasahat
ulos. Dang pola sai sahat tu tantena manang inang tuana songoni nang
tulang
naung
humolang.
Dung sae na pasahat ulos holong, pintor mulak ma nasida tu hundulanna
be.
Suhut (keluarga Sianturi) pasahat tudu-tudu ni sipanganon
Dung sidung na pasahat dengke dohot ulos, borhat ma Anton Sianturi dan
Rosita Sianturi dohot natorasna (suhut) pasahat tudu-tudu ni sipanganon
na marsaudara tu hula-hula. Biasana jolo gorahonon do tu nasida manang
naung rade nasida. Somalna ala ro do Tulang Sihombing Lumban Toruan
dohot Siahaan jumolo suhut mangalap hata tu nasida jala didokma :
Di hamu Tulang nami Sihombing Lumban Toruan dohot Tulang
rorobot nami Siahaan, santabi Tulang molo tung tu Hula-hula Sibuea pe
apala di ombason hasahatan ni tudu-tudu ni sipanganan namarsaudara,
pos rohamu Tulang sogot haduan sai adong do tikki nauli pasahathon
nami tu hamu tudu-tudu ni sipanganon, ate Tulang ? (Biasa di alusi oleh
bere pasahat hamu ma tu anggi parhundul nami).
Hata di napasahathon tudu-tudu ni si panganon songon on ma:
Di hamu hula-hulanami, dison hupasahat hami tu hamu tudu-tudu ni
sipanganon di pesta ni pahompu/bere mu siAnton Reza Sianturi dan
Rosita Naomi Sianturi siala naung malua ibana sian pangkangkungi.

Ia tudu-tudu sipanganon on songon dalan pasangaphon hamu Rajanami

siala las ni roha nami. Molo tung songon on pe na boi hupasahat hami las
ma rohamu. Botima!
Marsipanganon
Tangiang marsipanganon sian hasuhuton (parsinabung) Dai sira ni
sipanganon :
Sitiktik marsigompa, golang-golang pangarahutna Otik so sadia pe
napinatupa ni hasuhuton, sai godangma pinasuna. Marjomuk ma hita.
Marbagi Parjambaron
Dung sidung marsipanganon sungkunon ni hula-hula Sibuea do boa do
partording ni tudu-tudu sipanganon naung di pasahat tu nasida.
Taringot tu parjambaron, sai jumolo do suhut (parsinabung) paranak
parsangaphon hula-hulana didok, Ba nunga hupasahat hami tu hamu
Rajanami, hamu ma namangaturhon. Namangulahon ma hami.
Molo songon i, pintor olo do sipata didok hula-hula manang tulang i
songon on: Sidapot solup ma hami. Diboto hami, diantusi hamu ruhutruhut ni parjambaron.
Biasana tingki marsipanganon boi ma seatan ni boru (Hasibuan/Simbolon)
ate-ate, jantung, usus dohot aliang-aliang.
Catatan : Nauli jala nadenggan ma saluhutna i. Dipature ma jambar i jala
dipasahat tu angka tutur: jambar ni hula-hula, tulang, pariban, songon i tu
boru, dongan sahuta nang jambar ni dongan tubu.
Parjambaron ulaon na sesuai Garis Besar Ruhut Paradaton (buku
PARSIBONA, 2004 hal 368 +373) sbb:
1. Namarngingi parsiamun : Hula-hula
2. Namarngingi parhambirang : Tulang
3. Osang parsiamun : Pariban (boruni hula-hula)
4. Osang parhambirang : Sude boru
5. Somba-somba : Angka Tulang dohot Hula-Hula
6. Soit : Sihal-sihal (termasuk dongan sahuta)
7. Ihur-ihur : Hasuhoton(suhut dohot dongan tubu)
Boi do molo tu hula-hula pintor di pasahat namarngingi sambariba, osang
sambariba, satonga somba-somba, dos ni roha do i.
Catatan: Jotjot ni parrohahon didok Hula-hula nga pature hamu ma di
dapur , suang songoni suhut pintor di suru boruna paturehon di dapur.
(sipata bingung ma boru songon dia bahenononna parbagianna). Aturanna
ingkon tangkas do bagion i di jolo ni hula-hula, paling tidak
patangkashononton
tu
Hula-hula
parjambaron
na
berlaku.
Jadi dohonon ni parsinabung ma, mauliate ma di Raja i, alai rajanami ia
parjambaron na somal hupadalan hami di hutanami Sianturi songonon
do.. (di dok ma songon naung ni surat di ginjang).

Dung sidung marbagi parjambaron udutan ma muse dohot

marhata
sigabe
gabe
Biasana hira dos panghataion manang marhata sigabe-gabe di ulaon
tardidi dohot angka ulaon naasing na di jabu (misal Pasahat Ulos Mula
Gabe, Malua sian pangkangkungi/Sidi)
Sesuai skenario, ala adong do dongan tubu (Punguan Simatupang,
Boru dohot Bere/Ibebere ) dohot dongan sahuta, suang songoni hami
hasuhuton torop so piga Pomparan Ompu i Simatupang, jadi songonon ma
partordingna:
Jolo mardos roha ma jolo Hahadoli Togatorop dohot Anggidoli Siburian
dohot dongan sahuta ise na gabe panise. Biasana molo di ulaon sisongon
on dongan tubu do panise jala molo di Simatupang haha Doli do
hasuhuton, jadi Togatorop ma nagabe Panise. Dung i mardos roha ma sian
horong ni Togatorop ise nagabe Panise, misal di dos ni roha nasida
Hahadoli A. Halason (J. Togatorop) ma na gabe panise.
Disisi lain hasuhuton pe nunga marsiaturan ise na mangalusi sungkunsungkun ni dongan tubu, misalna nga dos roha nami Hahadoli paidua ni
suhut ma na gabe pangalusi.
Dongan Tubu Panise (Pane= Ama Halason/J.Togatorop)
Dihamu hasuhuton nami anggidoli, mangkatai ma hita suhut nami.
Paidua ni Suhut (A. Rotama)
Nauli, ima tutu hahadoli.
Dongan Tubu Panise (Pane = Ama Halason/J.Togatorop)
Asa serser inna mula ni tortor, sise inna mula ni hata. Gonghon inna
sipaimaon,
jou-jou siadopan, Di gonghon dohot jou-jou tu hami dongan
tubu mu, nunga marnatampak hami. Bangkona doi anggidoli, olo so binot
ba siseon ma antong, jadi namanise ma hami nuaeng :
Asa jolo ni nang-nang inna asa ni nung-nung. Jolo ni pangan inna asa
sinungkun
Nunga butong hami mangan indahan na las, sagat marlompan juhut jala
minum aek sitio-tio, suang songoni dohot tuak tangkasan na tinahuanmu
Dia ma unokna, dia ma laklakna Dia ma nidokna, dia ma hatana. Tangkas
ma dipaboa hasuhuton.
Paidua ni Suhut (A. Rotama)
Ima tutu hahadoli, taringot sintuhu ni indahas nalas dohot juhut naso
sadia i suang songoni aek sitio-tio, Panggabean Parhorasan do Hahadoli.
Dongan Tubu Panise (Pane = Ama Halason/J.Togatorop)
Mauliate ma da di Amanta Debata Pardenggan Basa i, ianggo Panggabean
Parhorasan
do hape, asa donohonon nami ma :
Bagot namarhalto ma inna na niagatan di robean. Horas ma hami
namanghon tu tambana ma di hamu namangalean Alai anggidoli sai
marangkup do nauli mardongan inna nadenggan. Siangkupna songon
nahundul,
sidonganna
songon
na
mardalan
Tangkas ma di paboa anggidoli.
Paidua ni Suhut (A. Rotama)
Ima tutu hahadoli, taringot di sungkun-sungkun ni hahadoli tangkas ma
antong paboaon siangkup ni nauli siangkupni nadenggan. Ia partording ni

ulaonta di sadari on ima alana nasogot nunga manghatindanghon

haporseaon anakta si Anton Reza Sianturi dan Rosita Naomi
Sianturi, jadi songon sipalas ni rohana hupatupa hami ma ulaon songon
dalan mangido tangiang dohot pasu-pasu tu Amanta Debata Pardenggan
Basa i asa tong-tong di iring- iring jala di ramoti ibana jala gabe ruas
namangolu ibana di tonga-tonga ni huria i. Ia hata sipaingot tu ibana
natarsurat di Surat Malua na ima(laos di jahahon ma songon na
tarsurat di Surat Maluai, jala boi dipatangkas 2 X ).
Dongan Tubu Panise (Pane = Ama Halason/J.Togatorop)
Ba ido hape partording ni ulaonta sadari on.
Maliate ma tutu ta pasahat tu Amanta Pardenggan Basa i, hami pe sian
Hahadolimuna tung mansai las do antong roha nami umbegesa i. Ai nunga
manghatindanghon haporseaon anakta si Anton Reza Sianturi dan
Rosita Naomi Sianturi, tangiang nami antong sai dipargogo i Tuhanta
ma ibana jala parsidohot ibana papatarhon barita nauli i.
Marhata Sipaingot Tu Namalua
(Di dompakhon ma bohi na tu dongan tubu na asing dohot dongan
sahuta).
Di hita na marhaha maranggi, borunami, suang songoni nang dongan
sahuta nami , tarlumobi ma di hamu Tulang nami Sihombing Lumban
Toruan dohot Siahaan, Hula-hula nami Sibuea, nunga tangkas rap
umbegesa hita partording ni ulaonta di sadarion on, jala na tong-tong
dope nasida mangido tangiang sian hita naung ro mangadopi ulaon on,
asa marsiaturan mahita ra indok rohangku songonon ma partordingna :
1. Mandok hata ma dongan sahundulan nami Raja ni Dongan Sahuta
2. Mandok hata ma Borunami, dohot Bere/Ibebere
3. Mandok hata ma Hita namardongan tubu (marsiaturan ma nasida)
4. Dung sidung namardongan tubu, pasahathon nami ma partingkian tu
Tulang nami Sihombing Lumban Toruan dohot Siahaan, jala hamu ma
Tulang namangaturhon uduranmu.
5. Dung sidung Tulang nami Sihombing Lumban Toruan dohot Siahaan,
pasahathon nami ma partingkian tu Raja i Raja Sibuea laos hamu ma
namangaturhon dohot uduranmu, jala hamu ma Raja nami na laos pa
ampuhon tu hasuhuton.
6. Mangampu hasuhuton
Boa di hita namardongan tubu suang songoni nang dongan sahuta
tarlumobi Tulang Sihombing Lumban Toruan dohot Tulang Siahaan dohot
Raja i Hula-hula Sibuea nga denggan i didok rohamu ? (Biasana dialusi
nga na denggan i).
Urutan No 1 s/d 3 mandok hata, dungi dipasahat Panise ma partingkian
tu
No
4
+5.
Catatan: Dang jadi pangampu Dongan Sahuta, ai Raja do nasida jala
na niontang do nasida. Artina digonghon pe nasida asa dohot do
martangiang tu Amanta Debata asa di pasu-pasu hami hasuhuton.

Dung ris horong ni hula-hula mandok hata biasana di paampuhonma tu

hasuhuton, dohononna ma: Nunga liat hami pasahat hata nauli hata
nadenggan, asa ampu hamu martonga ni jabu.
Pintor alusan ni
Paidua ni Suhut (Ama Rotama)
Mauliate ma tutu Raja nami, Aek marjullak-jullak sian tonga-tonga ni batu
Jullak-jullak na i bahenon tu tabu-tabu laho boanon tu jabu Hata sipaingot
hata pasu-pasu marhite tangiangmu namanghaholongi hami Tarlumobi ma
i sian Tulang dohot Hula-hula nami ampuon nami ma antong martonga ni
jabu, botima.
Songon i ma nang di hita, ala tingkina nama hita mangampu hata nauli
hata nadenggan naung dipasahat tu hita, asa mangarade ma hita.
Pasahat Pasituak Natonggi
Di angginiba Amani Anton Sianturi dan Rosita Sianturi dohot inang boru
Sibuea dohot anakniba Anton Sianturi dan Rosita Sianturi andorang
so mangampu hita asa borhat ma hamu Pasahat Pasituak Natonggi ni
Hula-hulanta dohot Tulangta.
Gomos jalang hula-hulanta.
Catatan : Somalna hira sude do horong ni hula-hula dapotan, alai
martingkat (gumodang ma tu na sumolhot) dibahen suhut hepeng
pasituak natonggi i. I ma songon ganti ni dekke dohot ulos nabinahen
nasida.
Hasuhoton Mangampu
Dung sidung pasahat pasituak natonggi udutan ma pangampuion
Catatan: Molo taida philosofi ni na mangampu, intina na laho
mangoloi, mangunduk huhut manjalo sude angka hata pasu-pasu
dohot angka hata na uli, jala mandok mauliate tu sude tutur naro
suang songoni angka nadenggan naung pinasahat nasida. Jadi
taingot ma dison manurut hatorangan na di ginjang i, sitongka ni
na unang do hape mamasu masu iba tingki mangampu, jala
tongka pasingothon jala podaan parbagas (suhut tangkas)
diloloan natorop. Molo naeng adong sidohonon (si pasingot)
annon ma nung mulak tutur manang haduan ni titi ma ari.
Urutan Pangampuion
parjolo ma boru. Jong-jong ma sude boru suhut (marsiaturan ma nasida)
paidua ni suhut (namarhaha maranggi pomparan Toga Simatupang)
Suhut sihabolonan (J. Sianturi/A. Anton) alai parjoloma inanta soripada boru
Sibuea
Mangampu Suhut sihabolonan
Jongjong ma namalua i dohot natorasna laho mangampu, parpudi
namalua i mangampu. Denggan do ajaran hian ibana taringot tu pajojor ni
sijouhononna.
Contoh: hata mangampu sian Amani Anton.
Tama do antong hita mandok mauliate tu Amanta pardenggan basa i na
tong-tong mangiring-iring hita saluhutna sian na mamuhai hita boi tiur jala
denggan mardalan ulaonta on sahat tu na naeng pasimpulon ta. Suang
songoni nang di sude pasu-pasu naung pinasahatna tu hita ganup

marsada-sada, tarlumobi ma i di anakni Anton Reza Sianturi dan

Rosita Naomi Sianturi.
Dihamu Haha Anggi, Borunami suang songoni nang Raja ni Dongan
Sahuta, mauliate ma hupasahat hami di harentaon ni roha mu mangadopi
gonghon dohot jou-jou nami, suang songoni di pambaenan mu
nadennggan, sai Tuhanta ma nambalos sude na i, asa songon nidok ni
umpasa ma dohonon:
Tampulan Sibaganding di Dolok ni Pangringan
Horas ma hita namarhaha marsipairing-iringan.
Tu hamu Tulang nami dohot Raja i Hula-hula nami,
Mauliate di sude nauli nadenggan naung pinasahat mu tu hami
ianakkonmu.
Tangkas do hu pangkilalahon hami burjumu marboru
Dipasahat hamu dengke simudur-udur, Dengke Sitio-tio, Dengke sahat
Dipasahat hamu ulos si ganjang rambu, Ulos Holong tu Beremuna /
Pahompu/bere muna.
Anggiat ma antong asi roha ni Tuhanta sahat ma tu hami pamoruonmu
tarlumobi ma i
Di pahompu/bere mu si Anton Reza Sianturi dan Rosita Naomi
Sianturi songon pasu-pasu naung pinasahatmu
marhite tangiang dohot elek-elek tu Tuhanta Jesus Kristus.
Molong tung mardomu sirang pe hita pe annon sian bagas on, tangiang
nami di hamu Tulang dohot Hula-hulanami sai di dongani Tuhanta ma
hamu sahat tu bagasmu ganup marsada-sada.
Tarsingot tu Hata nauli hata nadenggan dohot sipaingot naung pinasahat
mu Abing ma i antong di abingan nami, Tuat dia abara nami, Jala hot ma i
antong di simanjujung nami, Asa songon ni dok ni umpasa ma antong
dohonon nami:
Naung sampulupitu ma juma ni sampulu ualu,
hata pasu-pasu, hata nauli nadenggan napinasahatmu na i
hu ampu hami ma i antong martonga ni jabu.
Jadi anaha, nunga tung mansai godang hata sipaingot dohot hata nauli
hata nadenggan marhite pasu-pasu dohot tangiang naung pinasahat ni
angka na manghaholongi hita, ampu ma poang :
Anton Reza Sianturi dan Rosita Naomi Sianturi mangampu
dohononnama :
Hamu amang, inang, angka amang tua, amanguda, angka daompung,
angka tulang dohot nantulang, angka amang boru dohot namboru, angka
dongan sabutuha rodi sude namangkaholongi hami, Mauliate godang ma
hudok tu hamu sude di angka hata poda dohot sipaingot na sian Hata ni
Tuhanta i, songoni nang pambahenan muna tarlumobi angka pasu-pasu
muna marhite tangiang.
Anggiatma dipargogoi Tuhanta ahu mangulahon songon naung
pinodahonmuna i tu ahu. Hu ulahi mandok mauliate ma di hamu. Botima.
Dungi di tutup hula-hula ma ulaon i dohot tangiang, alai jumolo marende.

Pinadomuni (dirangkum oleh) : J. Sianturi (A. Anton )

Referensi & Daftar Pustaka :
1. Jambar Hata, T.M Sihombing, CV Tulus Jaya
2. Dalihan Natolu Nilai Budaya Suku Batak, Drs. DJ Gultom
Rajamarpodang,CV Armada Medan
3. St.D.P.Hutagalung/Br.
Simorangkir
(O.
ni
Salomo) http://www.rajaparhata.com
4. Seri
Diskusi
Injil
&
Adat,
Pdt
Daniel
Taruli
Asi
Harahap; http://rumametmet.com
5. Literatur lain dohot panuturion ni natua-tua
Diposkan 22nd March 2012 oleh Joni Sianturi

Penelusuran yang terkait dengan cd adat batak

adat batak toba
adat istiadat batak toba
upacara adat batak
mp3 lagu batak adat batak blog
upacara pernikahan adat batak
adat batak mandailing
adat batak toba memasuki rumah baru
pakaian adat batak toba