AWIG KEDISAN

OM AWIGNAMASTU NAMA SIDIEM

Nian pitegesin Agama tata pakraman, sane patut tedun sane madesa muang makrama wiadin mebanjar
sang menak punika :
1. Nihan tingkahing awig awig ring desa muang ring banjar kedisan, nista madya mautama, sane patut
nguwubang, wiadin sabe patut tedun madesa karma muang mebanjar, inggih yaning triwangsa wiadin
wisuda madrebe rabi asiki minekadi prami wiadin penawing patut okane pinih duure nguwubang.
Madesa karma muang mebanjar. Inggih yaning meduwe oka 1 (siki), yen sampun ngalap rabi patut iaji,
wiadin I guru nguwubang. Wawu I oka patut ngentosin banjar I guru wiadin iajine. Yaning medrebe oka
langkungan ken 1 (siki) luwir ipun 1,2,3, miwah pesatusan terus ipun. Sami lanang2 inggih kasuwen
suwen okane sane pinih duwure ngalap rabi pinih riin, punika patut nguwubang mekrame, I aji wiadin
kang ari ari sami, patut mabanjar a siki. Pungkuran yaning kang ari ari ngalap rabi malih, patut mabanjar
kalih, tatiga starusne ka saterus ipun. Yaning paling alit pinih riin ngalap rabi, tan wenang ngwubang I aji
wiadin I guru muwah sentanane sami patut mebanjar tetiga, asapunika saterus ipun. Inggih yaning
langkungan ring asiki madrebe rabi, sami sami prami, okane pramine sane ambile sane pinih dumunan,
punika patut nguwubang mabanjar nanging yane lanang. Inggih yaning medrebe rabi kekalih wenang
kambil riinan pramine kaambil pungkuran taler okane prami e marep, patut nguwubang I aji, sameton
muang kang ari ari nanging yaning lanang.

2. Sang sudra,

Ingih nanging sang sudra madrebe kurenan a siki, tuur sampun mapianak akuweh patut pianak ipun
pinih alite wenang nnguwubang, nabanjar. Nanging yaning muani. Ainggih yaning madrebe pianak a siki,
kasuwen suwen yan sampun pianak madrebe somah wenang irerame nguwubang. Patut mabanjar a siki,
Inggih kapungkur ipun yaning sampun padem, I rerame wawu ipun pianak ngentos mebanjar.Inggih
yaning maduwe pianak langkungan a siki, kekalih, tatiga, papat, kalmia, wiadin saterus terus ipun,
kadadosan sane pinih cerike pinih riin madrebe somah, patut punika nguwubang. Nyaman nyaman ipun
sami muang I rerame patut mebanjar asiki, Inggih yaning pinih kelihe riinan madrebe somah, patut
mabanjar kekalih, tatiga, papat, sapunika saterur terusan, tuur amopog sapatute. Inggih yaning anak
sudra madrebe kurenan langkungan kin asiki, luwir ipun kakalih, tatiga, papat, wiadin saterus terus ipun
tuur sami madrebe pianak, patut kurenan sane ambil ipun pinih riinan patut nguwubang, wenang
mebanjar asiki yaning muani, muah yan ane sinaluh ntunggil nista madya mautama, yan makurenan
ngasanga lantas mesakapan, patut tedun mebanjar dikesangane. MaLIH YAN ANE MAKURENAN sabanen
Kasanga, wuusan Kesangane masakapan patut rauh Kesangane malih apisan tedun mebanjar. Tan
wenang ngerereh tempo malih ngawanan kadi arep.

3. Yan penyarce ulesin jagat, sane wenang tedun mebanjar wiadin sane wenang merarian mebanjar kadi
inucap ring sapuniki luwir ipun :

- Sane mawaste ulesin jagat pamuluan, pangele, pangempi, pangarep, paniritianin nyemput,
tapunan, nyade, makerambean, pangantenan, laluputan,balu, nguwubang, ngundulan, tiangsatumpen,
balu paniri, paniri alit, pade marep, nyeburin, ngempi, tatagungan, punika sami mawasta Ulesin jagat
luwir kadi inucap sor puniki, tegesin pamuluan=jatma tanpa karang tanpa carik, tan pa bapa, tan pa
meme, tan pa somah, tan pa pianak, tan pa nyama, tan pa adi, punika kawastanan jatma pamuluan
wenang jatma punika mangde wenten anak ngundulan. Yan wenten anak ngundulan, mawastu ipun
madungan sang kadudungin yan tan sadu ring kelihan banjar, wenang denda aji gung arta limang atus
keteng.Yan sadu wenang ngeraksa tigang sasih, yan langkung ring tigang sasih wenang malih tiwakan
danda limang atus keteng, tur anutin pasadok teges ipun : Yan langkung ring tigang sasih tan ana
nyadokan, malih kadanda sapunika saterus terus ipun. Sang nyadokan polih olih- olihan selai keteng,
nanging yan wenang pamuluan punika sane patut ngundulan, inggih ipun misan mindon ping tiga, ping
pat, nanging uluan purus. Yan tan wenten uluan purus, wenang sakeng sadu. Inggih yan tan arep
panyamaan pacing ngundulang. Sane patut ngundulang panyaman ipun keni danda 35.00 keteng
mungguing pamuluan punika sajeroning asasih mustri wenten anak ngundulan mangda sampun jada
punika sapera kelihanbanjar ngerampasin mangda manyuturutan indike kadi ring ajeng. Inggih yan tan I
kelihan banjar rati ngerampasin, wenang tiwakin danda panukuh karma. Nian pitegesin pangele
mungguing sang menak muang teges tegesin pangampel kadi ring sor puniki, pangele teges ipun : Inggih
yaning wenten tri wangsa muang wisuda madrebe oka limang diri, sami lanang lanang inggih kasuwen
suwen ngalap rabi pinih duwure, wenang sane pinih duwure nguwubang kang ari ari sami patut mabnjar
a siki. Kang ari ari sami punika, mawaste pangele. Inggih yaning kasuwen suwen kang ari ari punika sane
mewaste pangele, raris ngalap rabi punika mawaste pangampel nanging yan kantun dipamedalan
wenang tedun medesa karma banjar. Inggih kapungkur ipun yaning pangampel punika malih ngarabin
kesah sakeng pamedalan, mangkin wusan mawaste pangampel, mangkin mewaste pada marep. Nian
tegesin pangele muang pengampel mungguing sang sudra kadi inucap ring sor puniki, pangele teges
ipun: inggih yaning wenten sang sudra maduwe pianak lalima diri sami muani muani inggih kasuen suen
sane pinih cerike dumunan madrebe kurenan, wenang sane pinih cerike nguwubang nyaman nyaman
ipun sami patut madesa karma banjar a siki. Ainggih kaye punika sami kawastanin pangele. Yaning
kasuen suen sang kaka punika sampun madrebe kurenan punika kawastanin Pangampel, nanging yening
kantun dipalekadan ipun wenang tedun madesa krama banjar. Inggih kapungkur ipun yaning pangampel
pada ngarabin,kesah sakeng palekadan nyane mangkin, wusan mewaste pengampel, mangkin
kawastanin pdamarep.

7. Marep Teges ipun : Mungguing sang tri wangsa, mungguing sang wisuda, marep teges ipun :
mungguing sang menak yan madue oka a siki wiadin langkungan, wenang okane sane pinih duwure
punika pewaste marep. Nanging yening okane prami, wenang nguwubang kang ari ari sami. Nanging
kang ari ari punika kantun mawaste pangele, yaning kan ari ari sampun mawaste pangampel, tan
wenang sang marep nguwubang I pangampel, apan sami tedun matatte karma desa lan banjar.

8. Tegesin Marep, mungguin sang sudra kadi ring sor punika, inggih nanging sang sudra meduwe piuanak
asiki wiadin langkungan, wenang pianak mipun sane pinih cerika punika mawaste marep. Nanging
yaning pianak kurenan ipun sane ambile dumunan, punika wenang nguwubang sang kaka sami, yening
sang kaka punika kantun mewaste punika pangele, yaning sang kaka punika mewaste pangampel tan
wenang nguwubang I pengampel, santukan sampun wenang pada tedun. Matat karma desa muang
banjar.
9. Nian tegesin paniri wiadin nyamput : Inggih yaning wenten anak medewek luh wiadin muani anom,
wiadin tua makarang luwir mecarik punika mawaste niri wiadin nyamput, wenang polih tempo tedun
matata krama desa muang mebanjar.

Kasengin mangda ipun ngerereh kurenan wiadin sentana. Inggih yang sampun tutug sengker kadi arep,
patut ngawit taun tedun metata karma desa muang banjar. Yan rikala odalan ring kahyangan tiga, paniri
punika wenang polih luput jejahitan, kewanten semalih yan panirian luh wenang ngayahang ayah luh
kewanten, muang yan paniri yan muaning kawentenan ri sedek patirtan ring kahyangan jagat, muang
rikala jagat ngampung patut ngayahan ngampung atabah wai. Inggih yan panirian alit taler kawastaning
tapukan. Mawinan asapunika apan dora pantes tiwakin karya, wenang karya nia katapuk antuk idesa
krama banjar.

10. Nian tegesin Balu,

Balu teges ipun : Jatmane sane sampun makuren kapungkur ipun paden sinalih tunggil sane kantun
punika kawastanin Balu.

11. Nian tegesin Tapukan

Inggih sane kawastanin Tapukan, yening wenten balu luh wiadin muani ngempu pianak sane patut
nguwuban kantun alit, punika kawastanin tapukan, Inggih yan kapungkur ipun yan sampun pianak ipun
nyukupin sikut, wenang tedun mekrama desa lan banjar. Kaping kalih yaning wenten adiri wiadin
nyamput kantun alit taler mewaste Tapukan. Inggih kapungkur ipun yan sampun nyukupin sikut, patut
tedun mekrama desa muang mebanjar. Naging yening padiri muani samalih ipun polih tempo tedun
kalih kasangan.Inggih yan sampun tutug sengker kadi arep, wawu patut tedun mekrama desa muang
mebanjar. Semalih tegesan panirian luh kantun alit wiadin bajang, wenang mararian medesa karma
muang mebanjar, sakewanten kari mebanjar patus kewale ya. Inggih kapungkur ipun yan sampun ipun
madrebe anak muani gumanti anggen ipun kurenan, wawu wenang tedun madesa karma muang banjar.
Nanging sang luh mawak muani sang muani mawak luh, mawinan asapunika sanatukan sang muani
punika kawastanin nyeburin, wenang sang luh nanggung sang nyeburin ring tata kraman. Mawinan
sesampune ika saantukan sang nyeburin tan wenang nguasayang padreben sang luh punika sane
wenang kakwasayang antuk sang nyeburin punika yan kapungkur ipun wenten kasugihan sakeng
pangule kayan sang nyeburin ring sang luh punika wawu sami sami kuasa. Mungguing padrebean
kewanten, kaping kalih sane mawaste nyeburin Inggih yaning wenten samua ni nyentanain kaumah sang
luh, taler kadi indike ring ajeng muah mungguing kapi teges ipun inggih kapungkur ipun sang nyeburin
tan wenang ngesahan sang luh punika ring pekarangan, apan ipun mawak muani.