HIKMAH IDUL FITRI

Kesederhanaan dan kasih sayang

OLEH USTADZ MUH. KAHARUDDIN,S.Pd.I,M.A
Khutbah disikapa pada hari jumat tanggal 15 Juni 2018

SINING UMMA SELLENG ARUANE NENNIYA MAKUNRAI,ANANA

NENNIYA TOMATOA ENGKAE MENENG HADERE.

Rilalenna iyaewe Essoe mancajiki Tau maupenna tau

maupee iyanaritu risininna tau puraE papolei ammala-
ammala madecenna iya madupa-rupangnge rilalenna
uleng Ramalang nasaba sadiani appalanna tajengngi
risuruga pammasena puang Allataalah. Enrengnge
macilakai nenniya manrasa-rasai temmaka-maka
iyanaritu tau dee napapolei amalanna rilalenna uleng
ramalang gangkanna pada madorakai ripuang
Allataalah nasadiatoni pacallangnge Tajengngi riranaka
pacalanna puang Allataalah.
Allahu Akabar, Allahu Akbar, Allahu Akbar,
walillahilhamde.
1
Labenni Uleng Ramalang narigau engkanna lao
mallaporo risese arajanna Puang allataalah. Rigau
engkanna tiwii koromai sininna rupa-rupanna ammala
Madecetta iya purae ripapole rilalenna uleng Ramalang
pada-padanna puasata, sempajang taraweta
appabukatta sumbangatta, sekke pittaratta, sekke
waramparatta kuaetopa koromai ammala-ammala
madeceng purae Ripapole. Engka manenni ripalettu
risese arajanna puang Allataalah.
Makumutoiro labenni uleng ramalang rigau
engkanna tiwii sininna pangkaukeng majanna tau
medorakae pada-padanna, tau Dee Napasilennerengngi
puasana narigau engkanna engkamui paulle.
Denajempangngiwi sekke pittaranna nenniya
denajempangngiwi sekke waram-paranna kuaetopa
siagae egana pelanggaran iyarega Dosa-dosa iya
napapolewe engkamanettoni lettu risese arajanna
puang Allataalah. Enrengnge tajengngi tau purae papole
rekkuaero Dosa nenniya adorakangnge.
2
 Uleng Ramalang labenniro rigau engkanna
nataroangekki siagae egana ampe-ampe madeceng.
Siagae egana koromai sifat-sifat ripoji, ampe-ampe
ripoji. Nasaba rilalenna uleng ramalang majeppu pada
engkaki sipakario rennu lao pada papolei pakasiangnge
ripuang Allataalah. Pada-padanna pada sipangessiki
manre subuh natopada mapuasa gangka narapinna
wettu appabukangnge. Enrengnge paimeng pada
sipakainra-inraki lao rimasigie papolei sempajang
Tarawe enrengngetopa sempaja parellue nasibawai
berejama. Iyamanenna rekkuaero temmaka Rajanna
nenniya loppona apalanna. Apalanna bawang
berejamae naseng nabitta :

Naiya sempajang berejamae maserro lebbi naiyya

sempajang matungkee nasaba dua pulo pitu pangka. 3
Iyaro berejama biasa. Iyamo narekko ramalangngi
majeppu menressiro apalanna gangkanna naratte iyaro
pangka sempajang sunnae padai laona sempajang
parellue. Sempajang parellue berlipat-lipai gangkanna
wedding mancaji wekkapituppulo derajat pituppulo
pangka pole risempajang biasae. Jaji iyatona
tomalebbikki uleng ramalang mancaji alebbireng
rikkeng idi ummanna nabitta muhammad saw. Narekko
ribandingkangngi umma-umma marioloe.

Narimakuannanaro parelluni ribekkeriwi sibawa

madeceng iyaro ammala-ammala purae ripapole.
Ajanarisolangngi paimeng. Sitinajani piara
madecengngi. Padato laona taneng-taneng tuoni sibawa
makessing elomani bawang ripiara madeceng matteru.
Ajanarisolangngi paimeng. Nasaba narampei puang
allatalah riakorangnge makedae.
4
Bettuanna : majeppu labai tau pacciengngi alena.
Terutamani rilalenna uleng Ramalang. Nasaba
kuni rilalenna uleng Ramalang deppa namapaccing taue
pole ridosae kira-kira kegapi melo mapaccing. Nasaba
rilalenna uleng ramalang narampei Nabitta Muhammad
saw. Rihaddesenna :

Niga tau mapuasangngi riuleng ramalang nakarena

teppe nenniya purennui pammasena puangnge
riadampengengtngi dosana pura maddioloe.
Naiyanae pada idi maladde rinawa-nawai idi tau
meteppee iyanaritu Dosata. Iyamua narekko namaseiki
puang Allataalah melalui ibadata naseng Nabitta
Muhammad saw. Riadampengeng manengngi Dosata iya
pura labee nasaba engkatta papolei ammala

5
madecengnge. Sebalenna naseng puang Allataalah
makedae :

Bettuanna nenniya rugiwi tau rotakiengngi alena .

Rimunri purana mapaccing rilalenna uleng
Ramalang naluru labe uleng ramalang napalabetoi
sempajangnge, leppei uleng ramalang naleppetoi
pakeng sempajanna gangkanna napakessingngi tarona
gangkanna de napapolei pakasiang iya naparentaiyange
puang Allataalah. Gangkanna narotakisi alena.
Narimakuannanaro engka narampe puang Allataalah
rilalenna akorangnge rimakedanna.

Bettuanna : aja mupada laona caritana seddie

patennung rimunri purana matennung makalepuni
6
seddi pakeang naluru alenamuto paimeng lukkai
solangngiwi iyaro tennung purae natennung.
Rilalenna uleng Ramalang idi tau
makasiwiangnge padai laona patennungnge. Iyaro
petennungnge tasilampa-tasilampa wennang napatama.
Denapaja natette tasilampa-tasilampa. Denamangngingi
gangkanna tepu. Makumutoiro idi mapamula uleng
ramalang ripamulai seddi puasa gangkanna esso madua
esso matellu denapaja tuli ripadepungeng-
ripadeppungeng puasaero. Ridojangeng mata
rilupureng watakale. Denatomatekko simata papole
iyaro pakasiyangnge. Ridojangeng mata sempajang
taraweta, seddi taseddi siwenni. Rilupuriang watakale
mapuasa seddi-taseddi sesso. Wenni-wenni denapaja
mateppang ricelengangnge tacedde-tacedde gangkanna
mancajini maega. Lettu ricappanna uleng ramalang.
Tegani apalanna puasata, apalanna taraweta, apalanna
bere jamatta, apalanna sumbangatta, dan lain
sebagainya. Jaji nalabenni uleng ramalang gangkanna
risolangngisi paimeng. 7
Dessinatoberibadah, bahkan wedding jaji iyaro purae
situlung-tulung wedding jaji purai uleng ramalang
sibokoreng-bokoressi sisalai keressi sereatinna,
peddiatinna, atakabborokenna nenniya kuaetopa
rilainnae. Jaji iyae makebettuangngi risolangngi asenna
amalatta. Nasaba pada-padanna iyae essoe Esso
aleppereng rirampe riseddie riwaya. Makedae : narekko
narattenni esso alleperengnge iyaro ponggawana iblis
riasengnge ipritung. Kera mabettang langii gangkanna
pada madepungeng manenni anggotana. Aga pada
makutanani riponggawana, makedae niga pateriki niga
manuki, naidippa pada rennei makedani ponggawana
sitongeng-tongenna detogaga manuka. Makutanasi ana
buana makedae magi pale namaja kerammu.makedai
punggawana iyaro iblis sitongenna iyaro pakerakka
nasaba sepuloki seddi ulenna magoda gangkanna iyaro
ana apona adam sakke rupanna napogau, engkani
botoe, engkani minungnge, masabu-sabue, engkani
mapangngaddie engkani iyaro magau bawangnge.
8
Sakke rupa napugau. Iyanaro wasselenna godaatta
selama sepulo seddi ulenna. Aga nasiulemmi bawang
makasiwiang beribadah ripuang Allataalah rilalenna
uleng ramalang
Sininna iyaro asahata sepulo seddi ulenna cappu
maneng riadampengeng manengngi ripuang Allataalah.
Iyanae naseng paterika. Jaji makedani anak gurunna
ammekonno bos. Narekko iyaro anak apona adam rupa
taue. Napacappui iyaro usahata siulemmi. Makuang-
kuangnge maelotokka pacappui apalanna ammalana
rilalenna uleng ramalang sesommi upacappu. Makedai
puanggawana pekogi caramu melo pacappui. Makedai
nomoro seddi melokka pasasai iyaro taue imaggi
ripalawangenna keluargana, bainena upassasai
tomatoanna sibawa ananna sibawa selesurenna.
Upasasai taue mabali bola, upassasai taue masule-
sureng lantarang maelo moloiwi esso alleperenge.
Biasaro narekko melonni aleppereng madupa-
rupang kebutuhangnge iya meloe ripake
rialleperengnge. Engkana melo melli waju, engkana
melo melli anre engkana melo pakessingngiwi 9
Engkana melo melli parabo, kadera, melli ranjang baru,
melli lemari antik, nasaba iyaro terbatas
kemampuangnge namegatoha kebutuhatta mabiasanitu
denna nariulle kendalikangngi alena taue gangkanna
pada sisala-sala. Wedding jaji iyaro lapong ambo maelo
pakesingngiwi cenna bolae sarekuammengngi taue
makessing naita. Naiyyakiyya makedai masiriki mitai
rilalengmpola. Agaro sepereiye macemme engkanitu
kaderae lalanni musti melliki saperei baru kadera baru,
boco baru, gangkanna pada sisala-sala. Iyatossiro
ananae makeda yang penting mabaju baruki, masulara
baruki. Masandale baruki. Engkato iyaro makeda yang
penting sadiai anrewe. Engka beppa engka burasa
engka manu, engka daging, jaji mekedai anak gurunna
iblis melokka pacappui ammalana nasaba upasisala-
salai. Narekko esso alleperengngi melokka keddengngi
nasaba tubu, elokka tuddui arona gangkanna mabonni
melokka pawajuiwi tape mabonni manre tape, mabonni
manre tape gangkanna denna naullei mita masiji. 100
Iyamitu koramalangngi naulle mita masigi. Iyamitu
koramalangngi taue mita masigi. Iyamua risaliwenna
ramalang denaullei mita masigi. Iiyamua risaliwenna
uleng ramalang denaullei mita masigi, lobbang masigie
iyanae naseng iblis melokka pacappui apalanna
napapolewe rilalenna uleng ramalang. Berpestai naseng
alena gangkanna engkana minum-minuman keras
minunni obat-obat terlarang, narkoba iyamanennaro
pengarunna iblis.
Narimakuannanaro iyaro riolo riwettunna nabitta
muhammad saw engka rirampe rilalenna akorangnge
makeda :

Pada natanaikotu muhammad ummammu makeda aga

maserro kessing ribalanca. Puadangngi muhammad
iyaro umammu makutanae terutamani narekko melo
allepereng makuang-kuangnge aga maserro kessing
rielli. Apakah kadera, baru, saprei baru, makedai
papebalinna pole ripuang Allataalah. 110
Iyatu maserro kessingnge ribalanca ripalao iyanaritu
assiadampeng-dampengenge iyanatu kaminang
makessing. Degaga gunana makessing kaderae narekko
sisala-salammi bawang. Aga gunana makessing anrewe
narekko engka tau macukka tappana. Engka tau
matamussu. Narekko engka tau keru tappana nasaba
denaterpenuhi kebutuhanna jaji narimakuannanaro iya
kaminang makessingnge iyanaritu assiadampeng-
dampengnge wedding jaji pale iyaro dosata ripuang
Allataalah pura nadampengenni puang allataalah.
Naiyyakiyya iyaro dosata pole ripadatta rupa tau
deppatu narekko taniyatoha idi siadampeng-
dampengeng. Makuniro ripahang pamulanna pole riayat
purae ribaca iyanaritu

Maduanna ripahatoi pole ripakutana makedae

aga maserro kessing ribalanca rielli. Siaga ribalanca
narekko tomaleppe pada-padanna makoang-
koangnge.iyapaga riaseng 120
makessing narekko mabalancaki doi madatu sebbu, doi
majuta. Papebalinna pole ripuang Allataalah makedae
Pedangngi muhammad makedae iyanatu kaminang
makessing ibalanca. Lebbi-lebbinna
pole rikebutuhan pokotta.bettuanna adae aja naiyyae
alleperengnge nasabari mabalanca taliwe-liwe
gangkanna persiapan untuk kebutuhan pokoe
napacappu. Pada-padanna idi pegawaiye aja naiyyaro
allepereng ripasadiangeng gangka mellini kadera sudut
mellini kulkas, mellini visidi sakke rupa gangkanna
ripabboroni gajie sitaun. Mapasadiani taseppulo
tadduappulo bal golla malani tasiaga kilo mantega
gangkanna mebbu beppa taliwe-liwe gangkanna narapi
matu ramalang toppaimeng deppa naleppe inreng
gollana inreng mantegana, iyamanennae denapojiwi
agamata. Jaji iyaro makessing ribalanca iyanaritu
lebinna kebutuhan pokoe denamagaga mabalancaki tapi
ajana iyaro kebutuhan pokotta ripacappu.

130
Pada laona rilalenna iyyaewe Esso allepperengnge
riwisudaki. Jaji pada engkaki sipasalama-salama
naripuada :

Salamakki nasaba lisukki paimeng mapaccing rimunri

purata marota nasaba sekke rupa dosata. Lisuni
mapaccing paimeng nasaba ripapolena agamana puang
Allataalah, agama fitrah agama mapaccing. Mapacinni
pole rinoda-noda iya madeppee rialeta. Makutoparo
paimeng lolongakki ucapan selamat
Atas kemenangan.nasaba iyatu narekko pura ripapole
ammalatta riuleng ramalang berarti kita telah selesai
berjihad. Padai laona poleki mammusu natopakala.
Iyanaro bali kaminang maloppoe iyanaritu bali engkae
rilalenna salimue. Bettuanna iyaro musu kaminang
maloppo iyanaritu engkae rilalenna watakalewe
Musunna hawa nafsue. Jaji iyaro
riwereng ucapan selamat iyanaritu tau purae papolei
140
pakasiwianna rilalenna uleng ramalang rigau engkanna
naulle bentengngi pengarunna hawa nafsuE.

Narimakuannanaro narekko maelokki runtui

apacingengnge nenniya kemenangangnge nesseriki
ripasalama-salama. Gangkanna mairiolo riwettu
Nabitta Muhammad saw. Narekko siruntui sahabat-
sahabanna napoada makeda
Tennapodo natarimai puang Allataalah pole rikkeng
sininna amalata nenniya sininna ammalamutu
mennang.

Mamuare iyaewe katobba riapangoloangnge pada

rikkeng maneng rilalenna iyaewe esso alleppereng
apitarasengnge napabbarakkai puang Allataalah
nasabari natopada natomatugengkeng papolei
pakasiwiangnge ripuang Allataalh natopada salama
rilino nenniya riaherat amin ya robba alamiin.

150
Pada engkaki pancajiwi pengalamatta rilalenna uleng
Ramalang modala loppo lao moloiwi pemilihan
gubernur dan wakil Gubernur di sulawesi selatan.
Saisaini pengalamatta rilalenna uleng ramalang
iyanaritu ritahangngi hawa nafsuE nenniya ribantui tau
macipie ritulungngi tau mapeddie. Jaji riwettu purata
mapuasa tentu dena naripapole gau pattompoe sussa
ripadatta umma selleng nenniya risininna rupa tauE.
Oncopasiha riwettu Elotta Pemilihan Gubernur dan
wakil Gubernur aja naribicara janna Balitta alarapanna
riwettu makampanyeta. Aja naripapole
penggelembungan suara riwettu mapileta. Ajato
nasitampu-tampu ati. Ayamanennaro narekko ripugaui
tentu papolei sussa. Narekko purani ritetapkan siapa
calon yang memperoleh suara terbanyak tappa
ripasalamanni bawang. Weddissa jaji engka hikmana
narekko tanya idi iyarega taniya tautta mancaji
Gubernur dan wakil Gubernur.
 Pada engkaki riwettu pemilihan Gubernur dan
wakil Gubernur dalam suasana tenang dan Damai
padatoha atennangenna atitta ri iyae Essa marajana
Umma sellengnge.

160