Khutbah jumat : hasil ibadah ramadhan

Sining tomatoa malebbikeng engkae hadere

Alhamdulillah ripakkulisi tanra pappujitta nenniya tanra asukkuruketta ri sese arajanna
puang allah taala rimunri purata pasilennerengi puasa riapperuluange pada lao rikkeng
maneng rilalenna uleng ramalang. Namamuare amala amala madecetta rilalenna uleng
ramalang natarima sokkui puang allah taala, napalleccu leccungeki appalanna nasabari
natopada engakaki maupe ri lino nenniya salama ri esso rimunri puang allah taala

Umma selleng malebbi

Nasipatona pada ridi maneng makkokoe rimunri purata pasilennerengi ibadah ramalange
ripammulasu siagae egana jamang jamang pakkalinoatta neniya jama jamang akheratta
nasibawai apaccingeng jiwa apaccingeng pikkirang neniya apaccingeng waramparang
rimunri purata pasilennerengi sekkena waramparatta nenniya sekke pittara ta
Naripominasai papole gau gau madecenge ri aleta makkotoparo ri tau lainge
" Wa ahsin kamaa ahsana llahu ilaik" Pada appedecekki padatoha appadecenna puang allah
taala pada riko

Umma selleng malebbi

Nasaba maddupa rupanna taue tentu sipatoi pada mappedecekki ritujunna anu si cocoe
aleta, naikiya sipato matoi tau lainge pogaui naikiya lebbi makessipiha narekko idi pogaui,
aga bettuanna yero adae makkedai nabitta saw "

bettuanna "naiya adelekenge makessingi naekiya masero kessingi narekko tomapparentae

adele, naiya alabonge makessingi naekiya masero kessingi narekko to sogie malabo, naiyya
anninie makessingi naekiya masero kessingi nareko to panritae mannini, naiyya
asabbbarakenge makessingi naekiya masero kessingi narekko pakere'e mappunai
asabbarakenge, naiyya tobae makessingi naekiya masero kessingi nareko kalloloe toba,
naiyya tanre sirie makessingi tapi de bangsa kessinna narekko makkunraie bolai sirie

Jaji narampengekki nabitta saw rilalenna haddesenna makkedae idi pada maddupa rupange
ritengngana masarakae engka to mapparenta engka to sogi engka to macca engka to kasi asi
engka kallolo engka makkunrai pada engka maneng tawana engka maneng bagianna iya
masero kessinge napapole sebagai kenang kenangan pole papole uleng ramalang uleng
mabbarakkae iya pura laloe
Nasaba tujuanna riakkedekeng puasa parellue rilaleng na uleng ramalang iyanaritu sarekko
ammengi to mancaji tau metau " La'allakum tattakun"

Umma selleng malebbi

Saisai akkasolangenna rupa taue rilebona tanae narekko de nariakkedekeng gau gau
rilalenna hadesse purae ri rampe lebbi riolo menurut onrotta. Iyanaritu onronna
tomapparentae adelee. Nasaba narekko tomapparenta adele tentu maccue manenni
wawanna nasaba maega tau makkacueriwi. Tassiseng mi mette naccuerini taue adanna.
Iyamua idi tau biasae namoni pekkogai bateta mappallebangengi makurang to taue
makkacueri
Nenniya de bangsa raja appalang napunnai tau makkeddekengengi adele'e nasaba urusanna
tau maegae, sisalai apppalanna narekko urusan rialetami padapadanna sempajange naiyya
apallanna iyatommi tau pogauengi. Naekiya narekko de nariakkedekeng adele'e terutama
ritomapparentae majeppu masolani rayae masolani wanuwae

Naiyya alabange akkoi rionronna to sugie, to sugie tosi musti paddibolai, nasaba namoni
pekkogai alabonna to kasi asie maittapa nainappa engka maddepungeng maega
sumbnaganna. Naikiya narekko to sugie malabo mabbere tassisemi mabbere tappa maega
maddeppungeng. Makkotoparo paimeng narekko maeloi ripabbinasa tasseddie kampong
iyanaritu narekko masekkei tau sugie mabbere sumbangan
Makkotoparo paimeng tawana tau panritae iyanaritu anninie, narekko de na mannini tau
panritae weddingi sisala pahang ummae, nasaba akkacuerenna tau maegae, jaji tau panritae
musti mannini'i
Makkotoparo riasabbarakenge musti nabolai tau kasi asie, nasaba narekko dee nasabbara
tau kasi asie weddingi kaita ita, naitai to sugie pake oto maelo to melli oto wedding jaji
kainreng inrengi kiri kanan jaji tau kasi asie parellui nabolai asabbarakenge,
Tobana kalloloe napadecengi wanuwae nasaba narekko de naissengi toba kalloloe
naturusiwi hawa nafsunna napogauni iya maeloe napogau iya nacinnaie degaga
atalingekeng oncopasiha makkasolang loppo ritenganna masyarakat'e
Gangkanna tawana makkunraie iyanaritu tanre sirie appunnana makkunraie, nasaba
narekko de namatanre sirina makkunraie matunai kamponge. Nasaba naiya makkunraie
allirinna wanuwae padatoha nasenge nabitta muhammad saw "assholatu imadu din,
annisau imadul balad'e * bettuanna naiyya sempajange allirinna agamae naiyya makkunrai
ye allirinnai wanuwae

Barakallahu lii walakum fil quranil adzim wanafani waiyyakum bima fihi minal ayati wazikril
hakim wataqabbala minni wa minkum tilawatahu innahu huwa samiul alim