Aassalamu ‘alaikum warahmatullah wabarakatuh

Assalenna Cakkele (Burung kakak tua) riala lambangna soppeng.

Engka naengka siwettu ri Soppeng natemmadeceng pakkalinoangnge,

nasaba’ pada maelo’i makka’i alena mancaji ajjuareng. Nennia pole toni timo
temmaka-makae ettana. De’na gaga wedding pole uwesesae. Akurangenni anre tau
Soppenge. Iyyae kajajaiangi nasaba’ pangkaukenna pa’banuae iyya de’
namakessing, de’e napojiwi Puang Alla ta’ala.
Engkana naengka seuwwa esso nasipulung matoa ennenge pulona
mappasidduppa ada. Bicarai pekkogi nawe’ding makessing pakkalinoangnge
paimeng nawe’ding pole uwesesae.
Mattengangiro mabbicara matua ennenge pulona maki nateppa engka
cakkelle’ silabine meccekkeng ri yase’na tau mabbicarae patiwi ase siule.
Tessiagai ittana nallutu’na cakkele’ ero, namakessing oninna sabanna marolli
maccue rialena. Momponi ri laleng pikkiri’na matua ennenge pulona makkedae
“cakkele’ ero najellokengngi laleng lao sapa’i tau maelo’e riakka mancaji
ajjuareng nassuroanni matua ennenge pulona lao maccueriwi cakkele’ro.
Lao tongenni tauwe maccueriwi cakkele’ero. Tegi-tegi naengkalinga moni,
kusiro lao passappae. Tessiagai ittana joppa, narapini tangasso napoleitoni lupu.
Aga nalleppanna mappesau nainappa natimpa’ bokonna maelo’ manre esso.
Iyanaro saba’na nariaseng onrongero Labokong.
Tessiagai ittana joppa naruntu’ni seddie dare’ temmaka loanna penno ase
maridi maneng, pada–pada ase natiwie cakkele’ nalellungngero. Naruntu’ni seddie
tau pa’dongina asewero, namakkutanana makkeda, “Tegi monro punana asewe?”
nappebalina makkeda, “de’to namabela pole rionrongewe”. Aga nalaona rionronna
tau punnae ase iyanaritu la temmamala. Narapini ri bola naonroiye punnana ase,
nabissaini ajena, natuppu a’dengeng, nalettoi appakappang natudang ritappere
maru’danie. Naruntu’ni seddie tau mappakeang tudang ri laleng mpola rite’dungi
rijoana.
Purai pada massimanni lao ri Soppeng, Ri wettu lettunana ri Soppeng.
Matteruni lao rimatoa ennenge pulona mappitangngi ase natiwie nennia
nacaritangngi tau naitae rilaonna. Nassedi’ngini matoa Bila, matoa Botto sibawa
matoa Ujung makkedae tau engkae ri Sekkanyili’ iyanaritu la temmamala iyya
makessingnge riakka mancaji ajjuareng. Aga napada samaturuni matoa ennenge
pulona maelo’ lao rionronna la temamamala, topunna ase . Aga napada nakkarenni
ale lao rionrongngero.
Lettu’na ri bolana la temamamala, topunna ase, nabissaini ajena, nainappa
natuppu a’deneng, nalettoi appakappang nalao tudang ri tappere maruddanie.
iyanaro punna ase riayeseng datu latemmama, namancaji toni rajana soppeng
Iyanaro assabarenna na cakkelle’ riala lambang ri Soppeng nasaba’ iya
pitakki laleng runtu ase riwettu temmadecenna pakkalinoangnge nennia riwettu
tempe’dinna pole uwesesae. nenniya punna ase tona riaseng datu la temmamala
nenniya raja na soppeng,
Wassalamu ‘alaikum warahmatullah wabarakatuh