NASKAH ANGNGARU

Ata karaeng
Tabe’ kipammoporang mama’
Ridallekang malabbiritta
Risa’ri karatuanta
Riempoang matinggita

Inakkemi anne karaeng

Lambar’ tatassallanna
Nakareppekangi sallang karaeng
Pangkulu’ ri barugayya
Nakatepokangi sallang karaeng
Pasorang attangnga parang

Inai-naimo sallang karaeng,

Tamappa’ tojengi tojenga,
amappiadaki adaka
Kusalagai siri’na,
Kuisara’ parallakkenna
Berangja kunipatebba’,
Pangkulu’ kunisoeyang

Ikatte anging karaeng,

Naikambe lekok kayu
Amirikko anging namarunang lekok kayu
Iya sani madidiyaji nurunang

Ikatte je’ne karaeng,

Naikambe matang mamanyu’
Solongko je’ne Namammanyu batang kayu
Iya sani sompo’ bonangpi kianyu

Ikatte jarung karaeng,

Naikambe bannang panjai’
Ta’leko jarung namminawang bannang panjai’
Iya sani lambusuppi nakontu tojeng

Makkanamamaki mae karaeng,

Naikambe mappajari
Mannyabbu mamaki mae karaeng,
Naikambe mappa’rupa

Punna sallang takammayya,

Aruku ri dallekanta’
Pangkai jerakku, Tinra bate onjokku
Pauwwang ana’ ri boko,
Pasang ana’ tanjari
Tumakkanayya karaeng
Natanarupai

Sikammajinne aruku ri dallekanta

Dasi nadasi na tarima pangngaruku
Salama’