ARU

Tabe’ karaeng……

Tabe’ Ki pammopporang mama,

ri dallekang la’biritta, ri empoang matinggita, ri sa’ri karatuanta.

Ikambe minne lambara’ tatassalana gowa.

Satuli-tuli kanangku, pangae’na lahere’ku.

Beranja ku nipate’ba, pangkulu ku nisoeang.

Inai-nai sallang tamampiadaki adaka

Tamampattojengi-tojenga

Kusalaga sirinna kuisara’ parallakkenna

I kau anging karaeng, na ikambe leko’ kayu.

Ammiri’ko anging, na marunang leko’ kayu.

I kau jarung karaeng, na ikambe bannang panjai’.

Anta’leko jarung na mamminawang bannang panjai’.

I kau je’ne karaeng, na ikambe batang mammanyu.

Assolongko je’ne, na mammanyu batang kayu.

Makkana mamaki mae karaeng, na ikambe ma’gaukang.

Mannyabu’ mamaki mae karaeng, na ikambe mappajari.

Punna sallang takammayya, aruku’ ri dallekanta.

Pangka jerakku tinra’ bate onjokku

Cakka lawara’ arengku nani sare dawa’ eja.

Pawwangi ri ana’ riboko, pasangi ri ana’ tanjari

Tumakkanayya nataena na pajjari

Sikamma minne aruku’ ri dallekanta.

Dasi nadasi naki para salama’