OOO...

Kaye tuweu bapoik ske jangi dipake

Bak kateu seluku adat jangi ngate..
 Tunggu tinggai di lamu lebauh,Rintaik-rintaik tandeu ndek
ujo,bating kanindau leh basoh pulo.jangi ditunggeu rupeu leh
tibo,Jangi di tantaik kinai lah dato,Sadeu taganau leh bakumpeu
pulo.
 Ileuk punakau sakateu mamauk,Ileuk neghiu sakateu rajo,Ileuk
undang karniu selukeu.
 oo leh bulok ayai di pebuliuh,Leh bulok kateu di mufakek.
Kamai atas namiu tuweu anek janto tuweu anek batine, ndek batuwaik
batanye ngusui kaye,apeu leh buleuh diseleu palaboi kaye.
Jadi mitu kaye tuweu bapoik ske jangi dipake..
Tinggai di pandau dari jaoih,gedo dului basue iyalah kaye tuweu
depatai uhau bekuase dali negiu
Kaye ibarek kayiu gedo di tengeh pado,Bati nyiu tempoik kamai
basandau,Ako tempoik kamai basile,Daun nyiu tempoik kamai
batedoih.Laleu tempoik batuwaik,Baleuk tempoik bebarito.
Ninik mamauk tuwe dari padeu ninek,Cedeuk lebuih mulye dari
padeu mamauk.
Anek janto taganui umauh,Dului tibo kaniyau lahui
Kamai ndek batuwaik batanye ngusui kaye,Kamai tuweu anek janto
ndek parne.Mane tumbiuk tente parniu kamai tuweu anek janto tuweu
anek batine padeu pagi/male ahui inoih.
OOO...Kaye tuweu datuk cepate
Kamai atas namiu tuweu anek janto tuweu anek batine leh baleuk
batuwaik batanye ngusui tuweu bapoik ske jangi dipake,Oleh tuweu
bapoik ske leh dituhe pule ngusui kaye tuweu datuk cepate.Memang
adat iteuh bajenjing naek batakeh turang,naek dengan jenji nyiu
tuhang dengan takeh nyiu pulo.Kite kimek padeu male ahui inoih
kaye tuweu datuk cepate ado duo batigo,Sapeu diantareu kaye yang
nimiu tuwuik tanyiu kamai tuweu anek janto tuweu anek batine padeu
male ahui inoih.
Jadi mitu kaye tuweu datuk cepate..
Bak kateu seluku adat jangi ngate..
 Sahalun suhauk seltuh bdeu Alam kince sakti batuwauh,Tigo dilui
empauk taneh rawo,tigo di muduik empauk taneh rawo.Kadatoih
sapuceuk Kabawoih saurek.Bajenjing naek batakeh turang Tanah
padat sendi kerajaan Hamparan besar Tanah Rawang..
Kamai ndek malayau menuju pulo,Mangimbauh menuju
tangke,manyumpang mek terase dilidoh,Manukauk
basakalau,Baparne batumbiuk tente.
Kamai ndek batuwaik batanye ngusui kaye,Mane tumbiuk tente
parniu kamai tuweu anek janto tuweu anek batine padeu pagi/male
ahui inoih.
OOO...Kaye ninik mamek yeu blimo..
Bak kateu seluku adat jangi ngate..
 Ninik mamauk badadeu lapau,bajenjai naek ke tuweu
depatai,Batakeh turang ke anek janto,Menuhuk ske ngi tigeu
takauh,Menuhuk adok dali neghiu..
 Salauh paok binase kayeu,Salauh imbeu binase adok.Mek taimbe
kaye dinamiu Tapanggai pule kaye diglo
 Idok saibok nasai di pare,Baimpik duo unggiuk nyiu tigo.Kite
kimek padeu pagi/male ahui inoih Kaye idok dudoik surau Kaye
ado duo batigo.
Kamai ndek batuwaik batanye ngusui kaye,Sapeu diantareu kaye yang
nimiu parniu kamai tuweu anek janto tuweu anek batine padeu
pagi/male ahui inoih..
Jadi mitu kaye tuweu riye..
Bak kateu seluku adat iteuh ngate..
Lah lame menyande rago,Ndek di buo kadali kota,Rupeu nyiu jatoih
kadali payeu.oo leh lame kamai parago naloik tumbiuk kate,Rupeu
nyiu jatoih ngusui kaye tuweu riye..
Umpu ne cundeuh kaluhauh,Mane kabuleuh menjadi nago,Parniu
kamai tuweu anek janto tuweu anek batine ndek katengauh,Kamai
nuhuk ado dengan lembago.
Kristie pgi nyiu duo,Sateu tauk,Kaduo balung.Kateu adat Kateu uhau
tuwe,iddok sie-sie kaye dipilaih,Habiuh pilaih siap pakoi..
Assalamualaiku wr.wb
OOO... Sarapek-rapek kite yang duddoik,Yang dipampo
lante,disungkuk atauk,dilingku dindung,kadatoih babumbung
selayang pirauk,kabawoih tiau baaluih sendai,Dudoik basentiu
lutangk,tegok basentiu bahiu,Dibawoih alau jangi malintau.Kcaik
kaye leh banamo,gedo kaye leh bagelo.
Dari samihauh ke kutu tuwe naloik puyeuh buranek mudo,uhau
buselau di kutu tebek.Sembauh ku angkauk padeu yang kuase,maeh
ku pintauk padeu yang tuwe,Berikut selau kepadeu kite yang
banyok..Kamai ndek parago sapateh duo..oo yang mane lah parageu
kamai tigo perkara kemane ngileu empauk ugo sampe kerawau,Segedi
bicara idok diparago Ibarek tebui di gungu musau idok sentau uju
dengan pangke...
Kamai ndek ngajiu dari alaih,ndek mambiloi pule dari esa...
Oo yang mane lah bilangan kamai..
 Alam kince neghui yang empeuh,yang di pangku adok,di bimbing
lembago,di sendi dengan agamo..
 Junjung khalifah tanah kristiya yang di tumbiuh oleh kanyahe tigo
baradeuk=
1. Kanyahe nyiu tumbeuh di hiang tinggai,nyiu bunamiu kanyaheu
AMBE,nyiu di hunui oleh uhau yang karamauk,bubajiu
besiu,batudu luyau,bertongkat si tombak lada,berpedang si cina
giri,Pande mungitu binto dilangaik,pande mumikek si buru liyau.
2. kanyahe nyiu tumbeuh di lubiuk sule,nyiu bunamiu kanyaheu
MANGKEK,nyiu dihunui si hulu balo,yang bersunguk
lentaik,bumateu mirauh,mumancing ikau pagiu ngi petau,pande
munenun si ahui ujo.
3. Kanyaheu BATUWAUH,nyiu tumbeuh dihalaman balai,Balai yang
staih,Gedung bagunjung duo,gunjung adok Gunjung srauk,Tempoik
batuwaik batanye si alam kince.
Bak kateu seluku adat jangi ngate..

Dusu dilui pinau sibato,Kutu telok mendapeu tunggau,

Kampu dilui nunggiu pintiu laweh dilui Pinteu bakuncai dengan
pirauk,
Lahuik kemaang nunggiuk pintiu laweh muduik nyiu bakuncai
dengan tembago,
Kampu dalo imam besar,Maliki aye imam melane,Kutiu beringi imam
burajo,Kutu die jalo tibento nyiu tasusang sitigeu jirung.

Kaye jangi jaoih leh kamai sereu,jangi dekok leh kamai

panggai,jangi pahek leh kamai imbe.Tegoik kaye leh kamai
pame,Dudiuk kaye leh kamai mulye pule.
Anek batine leh bakembang lapaik Babenting tikau,Bapiyiuk
gedo Batungkiu jaro
Sniteuh pule kamai tuweu anek janto,Idok pule ndek ngupek adok
Nyumbing lembago. Ngimbeu kaye neghiu ngi burajo,luwauk
bapanguleuh,Kampeu batuwe-tuwe,Umauh bataganau,Anek janto
talimbeu ilai Talimbeu mudeuk,Apik palingko,Jirang tetangge Dan
seluruh para undangan yang hadir padeu pagi/male ahui inoih.Mak
duo kateu salirang,Badetok manumuih pinau Pinau ditemuih di
ambuik sagiu nyiu,Sagedi wujud dan maksud kamai tuweu anek janto
Tuweu anek batine padeu pagi/male ahui inoih..
Adapun wujud dan maksud kamai padeu pagi/male ahui inoih=
YANG MANE SLAANGK SELAMIU INOIH,ANEK BATINE
TANGAIH ITEUH IDOK SUNYAI,AYUI MATE ITEUH IDOK
KEHANG,IBAREK TUNGKAUK ITEUH LEH
PATAUH,PAYEU ITEUH LEH TAKUCANGK,IBAREK SEHE
LEH KA ILE UMPU,IBAREK AYAU LEH KA ILE
INDIUK.BAK LAU TARBI MALAU IDOK SENTEU DAHE
YANG DI INGGEK.
BAK KATEU SELUKU ADAT ITEUH NGATE..
AMBANGK BAKUSANGK BAK SAHE TUPE
KAOI BATETOIH BAK SAHE TUME
YANG MANE TUWEU RAJEU KAMAI LEH DIJEMPUK SI
RAJEU PILAIH
TELAH BERPULANG KERAHMATULLAH..
 UNTEU IDOK DAPOK DI RAIH
 MALAU IDOK DAPOK DI TULOK
 ANYANGK IDOK DAPOK DI PINTOIH
 TABENO IDOK DAPOK DI SELE
NAMUN ADOK IDOK LEKAU DI PANEH,IDOK LAPEUK DI
UJO.
DALAM HAL INOIH LEH BA IYE-IYE DENGAN
KAKAUK,LEH BA IDOIK-IDOIK DENGAN ADEUK.NALOIK
KATEU DENGAN MUFAKEK,UNDANG DENGAN SELUKEU.
BAK KATE SELUKU ADAT ITEUH NGATE..
SADENTUNG BAK BESI,SATUKAUK BAK PAOK
JATUH LAH DINDING JADI PETI,JATUH LAH PASAK JADI
KILAT
ABIUH AHAI BUGANTIU AHAI,ABIUH MINGGIU
BUGANTIU MINGGIU,ABIUH BULO BUGANTIU BULO.
PANDANG TINGGAI LEH KAMAI LAYO,PANDANG
DEKOK LEH KAMAI TUKEK.KAMAI IBAREK SI UKEUK
LIPAU DALI BAPILUIH DI PILUIH PULE.RUPEU NYIU
KILEK CERMAI LEH KE MUKE,KILEK BALIYOI LEH KE
KAKAI.LEH DAPOK PULE KATEU DENGAN
SEBUOH,KADATOIH LEH SAPUCIUK BULOK,KABAWOIH
LEH SAUREK TUNGGAU,DULUI IDOK MALINTANG
TAPAUK,KANIYAU IDOK PULE NDEK NINJOIK
TUMBANGK.SIDUIK ADO AKAU DENGAN
MALINTAU,SIDUIK PULE BATAI DENGAN
MANINDAIH,IDOK PULE BASEMANGK
BASALAPADO,KAMAI NUHUK ALUR DENGAN
PATUT,MELETEK SESUATIU PADEU TEMPOIK NYIU
PULE,IKIU LEH IMBANG,KUKIUK LEH LANSANG,PARIUH
LEH TINGGAI PULE.
KAMAI ATAS NAMIU TUWEU ANEK JANTO TUWEU ANEK
BATINE MINTEK DINOBATKAN
BAPAK.........................................BIN........................................
MENJADI TUWEU RAJEU KAMAI. DENGAN
GELAR..............................................
SADEU ITEUH KAYE ( NINIK MAMEK YEU BLIMO).