BIODATA DIRI

NAMA : SORIMUDA
TTL : PARGARUTAN TONGA, 6 SEPTEMBER 1959

ALAMAT : PARGARUTAN TONGA
AGAMA : ISLAM
Komedi Tunggal / Lawak

 Lawakan tunggal atau komedi tunggal, adalah salah satu
genre lawakan yang pelawaknya membawakan lawakan
mereka di atas panggung seorang diri dengan cara
bermonolog mengenai sesuatu topik.
 Tanpa Basa-Basi!!!

Langsung Masuk Ke
Contoh!
 HARANI GOAR
On kejadian on tarjadi di hatiha hami marsiajar agama di sikolah sd di pargarutan. Di
poken nasalpu, guru agama nami manyuruh hami mangapil surah al fatihah di bagas nabe.
bia ni guru nami ?
di hamu sude daganakku, di ari sadari on madung rap hita parsiajari mambaca surah al –
Fatihah mulai sian bismillah sampe tu amiin. tapi bapak guru porcaya inda dope hamu botul –
botul apil di sasude nai, botul de torkis?, ho horas?, sehat dohot ho waras.
rap di alusi sude murid dohot rappak ; botul bapak!!
Jadi harani i, di pangido bapak tu hamu sude anso di apil di bagas, di bagasan sapoken on. Harana di poken
naro angkon bisa hamu mangalopaskon tu jolo sada – sada halak.
Siiiaappp bapak..
jadi dapot di arina, di suruh hami sada – sada tu jolo mangalopaskon surah al – fatihah. anggo dompak si torkis dabo lancar
dope mulai bismillah sahat tu amiin.
Tibo tu si waras, mardalan ma ia tu jolo. ia pe attong di pamalim ia parjonjong nia, tai agak mikim saotik. dimulai ia ma
mambaca bismillah sampe tu iya kana’bua waiya kanas ta’im amana lancar dohot denggan. topet boto hamu tu bacaan
ihdinassirothol mustaq’im, nada be mar nut – nat nut – nat ma. roma attong bapak guru di ajari ma, songon doda amang, si
waras pe attong di paunduk ia ulu nia, tai nada ra ia mangaluaskonna. sampe poga noli diajari guru bada ra ia
mangaluaskonna.
Bapak guru pe atting mur bikkas mada rohana, biado langa waras naso tobang be langa rohamu, sampe sapoken i ho
mangapilna
manetek mada ilu ni si waras
boh… ulang ulang ho tangis amang! nada maroban gulo – gulo bapak, ning bapak guru ma. bulus makkuling ma si waras
nangge naso dapot ada bapak
jadi biado anggo songoni ning bapak guru madah
borat urasa bapak mandokkon goar ni ayakku, haran goar ni ayakku bapak si mustaq’im
 Gulaen Haruting
Dompak di sada hatiha, adong mada bagusenai sian pulau jawa. pendek caritona, romada sada koum on
mamio au makkail tu bondar ni saba julu, koum on inda podo mangarti botul bahasa angkola, au pe bahaso
indonesia ku pe mar pasir – pasir dope.

Goar ni koum on si joko, molo au goarna si mara takkang

Joko : Takkang… yok kita mancing ke saba julu

Takkang : Boleh, betala. lagi pula di musim udan ini banyak di sana
ikan

Di na laho kehe hami di dokon ia ma tu au

Joko : Kamu la di muka takkang

hu alusi mattong
Takkang : Mana mungkin ku taro aku di muka mu
mikim si joko lalu makkuling
Joko : Maksud ku, kau di depan. kan aku gak tau jalan
hu alusi buse mattong
Takkang : Pertama lah joko, kaulah di depan supaya kau jangan
tertinggal dan lilu. nikku mada attong
 MARDALANAN TU HUTA NI TULANG
Hatiha opet au mardalan tu huta ni tulang tu sibio – bio boto hamu, di pio tulang i mada au mangurupi ibana palubung bondar tu saba. harana
di maso i topet baru habis sabion . tontu tibo ma masona giot mangalandak, saro – saro sannari goarna mamakkur parjolo.
Anggo sabotulna ro au tusi, nagiot mangelek boru tulang i do. hapengan boru tulang si sada – sada pe madung di oloi ia hata ni bayo na asing.
biama roha munu naso poning dohot matu ring – ring ulu niba. on ro buse dope jou – jou anso di urup i tulang i palubung bindar.
Parir madah, ma na dapot boru, upa pangurupi na manyabi dohot mardege pe mana di jagit. lambok lute boto hamu pamatang, tai bia baenon
molo dung guratan ni tangan songoni. songon pandokkon ni suar sair, nada boto hamu tarbaen tano manyili ditinggang udan.
Dung torang ari, habis mangan manyogot rap kehe ma hami dohot tulang songoni nantulang tu saba i. hu porsan ma pakkur dohot hu jing jing
ma tajak. molo tulang maroban sasabi dohot gupak. anggo nantulang maroban hadangan dohot ceret. lalu di sabaan di pukka ma markarejo, di
pajolo ma sian juluan. ima, sian pakkal ni bondar sanga pe sian baba ni tahalak. diligin bondar ama na sangat pot – pot, songoni tundila dohot
sobu – sobu magok di bondari. nada beda, hiang ro boto hamu hodok i.
Di hira – hira pukul sabolas i maradian mada tulang dohot nantulang na karejo i, rap juguk ma halai di ginjang gadu nadung di pasae i. au pe
attong hu sompatkon minum sian ceret na di oban ni nattulang i. dung sidung au minum ro mada nattulang manopotkon au, lalu ibana
makkuling tu au. ahama hata ni nattulang tu au, nattulang pakkulingna songon na ngu-ngu do.
Ooo…bere, muli jolo hamu tu huta, alap hamu jo sonok anso tumibu doma sidung karejonta on. au pe attong harani somba na namar mora on
jala leng harop – haropan anso dapot boru tulang i, nadabe torus hu olo on. satoru marlojong - lojong asok ma au mulak tu huta.
Lalu di huta hu pio ma boru tulang i,
Rumondang tuson be jolo nikku ma attong, ro boru tulang i mangalus ;boh, ahade nakkin naporlu abang?.n songon doda anggi boru ni tulang,
au di suruh nattulang mulak tu huta on, mangalap sonop, aropku na songon na malean halak tulang. jadi on pe, hobas majolo anso hu oban.
Tarsonggot attong si rumondan, harana di manyogoti madung di baen si rumondang do pisang dohot gadung ju;ur na di bolgng tu hadangan
ni inang ni ai. tapi ro ddi pikiran ni si rumondang, aropku baen na dohot i anak namboru nia i angkon sonop ma so pade pinup kopi na.
Roma si rumondang mando tu anak namboru na, paitte abang jolo anso hu pature.
Pendek carito, sidung sonop di hobas lalu hu oban ma tu saba. rupa na di saba halak tulang dohot nattulang pe mamulai galesong. ro tulang;
na leleng beretta na mangalap sodok i, betak naso di ida halai do si pajopan. ro pe attong nattulang, na huboto da, holan sonokn do alapon, lobi
sajom lelengna, betak ni ahua do halai di huta.
Na buragan lalu mada tu saba, sonopi i pe torus hu oban tu sopo, lalu hu jou tulang dohot nattulang anso maradian minum kopi. lalu di sopo i
marbutcilakan hu ida mata ni tulang, lalu ibana marsapa tu au; boh, didia de bere sodok na di alap munu ninna tu au. ro pe nattulang juo
mandok, olo sonokn di sulu di alapko di oban sonop.
Nada beda, sanag songon dia ila ni roha, tai bahatan sim ni roha. harana parbinegeanku pandok ni nattulang sonok (sonop), hapengan sodok
do rupa na, sidung na rap mar si panot – notan au dohot tulang ra martata be.
Rupana mangarti nattulang, butcut mardandi nattulang jala torus ia mulak tu huta maturepek – repek.
 
 MARSIAJAR KOMPUTER

Dompak hatiha au marsiajar mar komputer di sikolah dohot donganku . adong boto hamu
sada na sangat gitik di bagasan rohaku.
Didia mai, hatiha au mambaca gurat – guratan na adong di papan ni kibot nai adong sada
tulisan disi “enter”. jadi au attong inda huboto dope artina.
Husapai mada dongan si madduhin na adong di siamunku, sanga aha do arti ni “enter” i.
roma boto hamu alus nia, mandokkon arti ni “enter” i, patorang doi anso martakkas di ida, boti
maon. maksud mu nikku ma attong? tu si madduhin. di alusi ia buse ma attong. na binoto
hamu langa “senter”, na he senter guna patorang kon doi, onpe anggo hurang torang dope di
ida ho, onpe pisat ma enter i.
Rupa di hatiha na makkatai halak i, madung sian roha ni guru i mangida hami, bulus roma
ibu guru tu lambung nami mandokkon bahaso arti ni enter ondo.
Sidung na rap maila hami, harana sude dongan rap mampartatai hami.
 DAGANAK NA JUJUR
Dompak sada ari kehe mada au mandongani umakku giot marpaksin covid tu kantor kepala desa.
dung lalu hami di kantor kepala desa madung bahat halak disi. jadi harani au dohot umakku
jugukna dipudi doma.
Namarpaksin pe attong dimulaima, dipioma sada sada marudur margotti tu joloni bidan.
nada sadia leleng boto hamu muap bau mada dibagasan ruangan. roma ibu bidan i, marsapa, biade
dongan baen namanuba hamu di daraton, naadong de di hitaon namuttut dison, namuap joring bo.
jadi, ro au hujawab antong dohot sajujurna, umakku doi ibu bidan, topet buse gule nami nakkin
joring dohot kol ha……ha……. martata boto sude halak nabahat i.
Umak hapeng madung onduk sajo, madung maila,bulus ditarikma tanganku lalu dipio mulak.
dung lalu dibagas, digusari ma au, dibekbeki.
hujawab attong, tai pandokkon ni halak aya dohot umak molo giot manjadi anak na sholeh, inda tola
margabus, jadi nakkin attong hubege do umak namuttutti, astralia

Pala!? nung
lalu di bagas
 JA ULOK
Di hatiha jolo da anso diboto hamu, nasongon dope jeges ni dalan, motor taretong sada dope di hitaon,
kareta angin dope naadong dipargarutan on. jadi molo giot kehe iba tuhuta ni koum mardalan pat dope.
dalan nabolusen pe pot pot sun dope.
Topet mada di sada maso adong mada sada poso poso namulak martandang markusip sian sada huta.
Di hata namardalan ia di tonga padang, mapang boto hamu sada
ulok nagodang pas dijolo nia, tarsonggot bo ia attong, dosar ma tarottok
nia, sak muse roha nia.
Disirik ia tu siamun sanga adong hayu nabisa manjadi umban umban
sanga potuk potuk inda adong, disirik ia muse tu ambirang, topet boto
hamu adong. bulus dibuat ia hayu hayu nagiot mamotuk ulok i.
Hatiha giot di umbankon ia hayu tu ulok, makkuling botoho ulok. he
bayo ulang potuk baya ni tu bayo. heran attong bayo, lalu dialusima,
biasi inda tola hupotuk ho ning bayo tu ulokki.
Ro alus ni uloki, anso diboto haru ulok au, anggo sabotulna ulokan dope ho, on pe bolus dalan mu,
hubolus dalanku ni ulok i.
Ro dibagas roha ni bayo i marsapa, biasi baen di boto ulok i, na ulok pangalahokku.
 
 
 Selesai

Mauliate
“Sekian dan Terima Kasih”