TUNGGAL PANALUAN

Dinajoloi, adong ma sada halak na mangingani pat ni dolok

pusuk buhit ima na margoar datu arak pane. Dinasadari, tagaman
haroan ma tunggani boruna, alai tung mansai leleng do asa tubu
na di bortian, pola longang sude halak mamereng na masai. Masa
muse ma tingki I logo ni ari sirangga puri. Gabe ro ma sude
dongan na raja mambahen bada tu datu I, ala na di rimpu halahi
do tuan borunai na mambaen masa logo ni ari na so marsamari i.
tuani dang pola tiris mudar hinorhon ni bada i.
Dung salpu sadia leleng, tubu ma na di bortian, silinduat na
marporhas. sirang ma, tibu ma sirang inna angka dongan na
raja ma tu datu i. alai, dang di pekkon datu I hata nia angka
dongan nai. Hape, dung balga dakdanak na duai,di ida datu Arak
Pane ma na so toho be marpangalaho dakdanak i. Di boan ma
dakdanak i tu punsu di dolok pusuk buhit. Di pature ma disi sada
soposopo di nasida. Di tadinghon ma nasida disi dohot sada
panangga. Sai di tarui datu Arak Pane do sipanganon di nasida
siganup ari. Ianggo goar ni dakdanak boruborui si Tapi Omas Na
Uason do, jala goar ni dakdanak baoa I si Aji Donda Hatahuton do.
Di na sadari, mardalani ma si Tapi Omas tu tombak, di ida
ma di si sada hau Piupiutanggule na marparbue, di jangkit ma
hau I, hape laos lohot ibana di hau i. Sai tumatangis ma nasida di
hau i. Di bege si Aji Donda do tangis ni iboto nai,laho ma ibana tu
tombak. Dijangkit ibana ma hau I, hape laos dohot ibana lohot di
hau i. Sai tumatangis ma nasida di hau i. Marsak ma datu Arak
Pane mangida na masa i. Di jou ma saluhut datu na adong di luat
i. Di jou do datu Parmanuk Holing, datu Si Aji Bahir, datu Marangin
Bosi, datu Pingpong Niobungan, datu Boru Sibasopaet dohot sada
ulokna. Alai, laos dohot do angka datu i lohot di hau i.
Jut ma roha ni datu Arak Pane marnida na masa i, sai
tumatangis ma ibana di tombak i ale ompung mulajadi na bolon,
na boha nama bagianhu. Sada do boru dohot anakku, nunga lohot

be di hau i. Mapurpur nama au hape. Ale ompung.. urupi au na

joujou on. Di na tangis I datu Arak Pane, ro ma sada datu
mangurupi ibana, ima datu Parpansa Dinjang. Di suru ma datu
Arak Pane mamele nasa begu dohot sombaon na adong di luat i.
Di taba ma hau I gabe mago sude ulu na lohot di hau I hian. Di
dok ma tu datu Arak Pane,bola ma hau i, jala gana ma sada
tungkot sian i. di bahen datu Arak Pane ma tungkot I sian lima
baoa, dua boruboru, sada ulok dohot sada panangga. Di pattikhon
datu i ma tungkot I di jolo ni sopo. Manortor ma datu Parpansa
Dinjang, gabe siar ma nasa begun a lohot I hian tu ibana. Didok
begu i ma ale amang panggana, di bahen ho do au marmata
hape so marnida, marpinggol hape so marbinege, marbaba hape
so boi mangan. Buraan name nama ho. Di dok datu i ma unang
au burai hamu, raut I ma burai hamu. Alai ninna raut I ma
ndada au burai hamu, panggana I ma burai hamu did ok
panggana i ma muse dang au na marsala, datu Arak Pane do.
Di dok datu Arak Pane ma, ndada au buraan muna,diri
muna sandiri ma burai hamu, hamu do na madabu tu lombang na
purpur. Di alusi begu ma datu Arak Pane, antong pangke ma
hami gabe siparo udan molo porlu, sipaontok udan na
magodanghu. Silehon poda di uhum dohot pangarajaion.si ambat
tahi ni panangko.botima. dung salpu na masa i, gabe di boan
datu Arak Pane ma tungkot i manang tu dia ibana laho marulaon,
ai di ingot ibana do na di hau I nunga di gana ibana anak dohot
boru nai.
Songon i ma sahat na, songon hata ni umpasa na mandok:
Ramba na poso dope hami, ramba na poso naso tubuan lata
Angka na poso dope hami, angka na poso naso umboto hata
Molo tung adong hata manang pambahenan name na
humurang, unang ma ta boan I tu bagasan rohanta. Mauliate.