BIDANG PARADATON

PUNGUAN RAJA PANJAITAN, BORU & BERE SE KOTA BATAM-2021

DRAFT PARTURE NI PARADATON PANGOLIHON ANAK / PAMULI BORU

Ulaon pamuli boru manang pangolihon anak nunga jot-jot taadopi manang taulahon.
Adong do ruhut-ruhut, tahapan, proses ni angka ulaon di si. Molo nasomal adong dua
istilah di ulaon i ima: Alap Jual dohot Taruhon Jual. Alap jual (Sitombol)
namarlapatan ulaon pesta (unjuk) di pihak parboru. Pihak parboru ma na
manghobasi sude na hombar tu ulaon pesta. Taruhon jual lapatanna ulaon pesta di
pihak paranak jala namanghobasi angka na hombar tu ulaon i.
Ulaon alap jual manang taruhon jual saguru tu dos ni roha (kesepakatan) ni pihak
parboru dohot pihak paranak do i. Nian adong do deba parboru na so bersedia
pamulihon boruna molo so dialap jual. Hape sasintongna ulaon alap jual manang
taruhon jual sarupa manghorhon tu na denggan do i molo dipatupa sian dos ni roha.

Rumang dohot tahapan ni ulaon pamuli boru manang pangoli anak na somal
diulahon di tano parserahan on, tarlumobi di luat Kota Batam, hira songon on ma:
1. Hori-hori dinding & Marhusip (Khusus Keluarga)
2. Partumpolon
3. Patua hata (Marhana Sinamot) dohot Mangarangrangi Ulaon
4. Martonggo raja/Marria raja,
5. Sibuha-buhai,
6. Pamasu-masuon di Gareja
7. Ulaon unjuk
8. Paulak une/maningkir tangga.

I ma nasomal taida diulahon di Kota Batam sekitarna on. Taringot tu pangatusion di

tahapan ni ulaon pinatorang do di tulisan on. Alai songon naung taboto tangkas,
ulaon adat-paradaton ni hita Batak Toba, sifatna dinamis mangihut-ihut
perkembangan di zaman. Molo tung pe adong hata ni natua-tua na mandok:
Ompu raja di jolo martungkot sialagundi. Adat napinungka ni ompunta naparjolo
diihuthon jala dipaune-une angka na di pudi
 BIDANG PARADATON
PUNGUAN RAJA PANJAITAN, BORU & BERE SE KOTA BATAM-2021

Nuaeng sahat ma hita tu lapatan dohot pangantusion taringot tu rumang ni ulaon i.

A. MARHORI-HORI DINDING
Molo dung masitandaan jala masihaholongan si baoa dohot si boru, dipaboa ma i tu
angka natua-tuana. Disuru natua-natua ni paranak ma manang na piga halak boruna
manopot boru ni parboru songon na masitandaan, huhut manghata-hatai taringot tu
angka sangkap nasida. Di tingki on, olo na ma gabe langsung pihak paranak rap
dohot pamoruonna mandapothon pihak parboru.

Di ulaon marhori-hori dinding ndang mardalan do pe adat-paradaton. Alai somalna

diboan paranak do songon buah tangan nasida, i ma berupa lampet, kue manang
buah-buahan. Prinsipna hira masipasahatan pangidoan do paranak dohot parboru, i
ma taringot tu rumang ni ulaon, godang ni sinamot, godang ni ulos, godang ni
undangan, dohot angka na asing namarhaporluan tu nadua hasuhuton. Hira sian
panghataion na marhori-hori dingding on do dasar ni panghataion di ulaon na
mangihut. Lapatanna, angka dos ni roha ni hasuhuton do tarida di son. Jala molo
dung adong dos roha nasida, ditontuhon ma sada ari (tingki) asa ro paranak laho
patua hata dohot marhusip (mangarang-rangi).

B. PATUA HATA DOHOT MARHUSIP

Ala naung dos roha ni paranak dohot parboru, di ari naung ditontuhon, ro ma
paranak dohot manang piga uduranna (dongan tubuna, boru, bere) mandapothon
parboru. Diboan do di si sipanganon na marsaudara jala tangkas do i dipasahat
dohot dihatahon lapatanna tu parboru. Parboru pe dipatupa do dekke laho
sipasahatonna tu paranak. Di ulaon i, dijou parboru do manang piga dongan tubuna,
boru dohot berena, songon i dongan sahuta.

Dung sidung marsipanganon dipungka ma panghataion. Na parjolo, di sungkun

parboru ma taringot tu tudu-tudu ni sipanganon naung pinasahat ni paranak tu
nasida. Dialusi paranak ma, jala tangkas ma didok surung-surung ni parboru ma i.
Ditorushon ma muse panghataion, ima na masitariparan hata, lumobi di pangidoan ni
paranak di naro nasida patua hata. Molo dioloi jala digabehon parboru di napatua
hata i, pintor mangido jala mangelek ma muse paranak asa ditingkathon nian
panghataion tu marhusip mangarangrangi.
 BIDANG PARADATON
PUNGUAN RAJA PANJAITAN, BORU & BERE SE KOTA BATAM-2021

Molo dung dioloi jala digabehon parboru tu ulaon namarhusip, dilehon ma tingki
dohot kesempatan tu paranak laho patolhashon, manariashon angka sangkap
pangidoan nasida.

Parjolo, dipangido paranak ma bentuk ni ulaon (alap jual manang taruhon jual) dohot
ulaon sadari. Paduahon, ima taringot tu somba ni uhum, somba ni adat, sinamot ni
boru: Misalna, didok sahali mangelekhon, sahali manombahon, dalam bentuk
sinamot sitombol rambu pinudun dohot angka pangidoan na asing dope. Molo dung
singkop jala dapot dos ni roha di angka rumang ni ulaon i, digabehon parboru ma i.

Dung i muse dilehon parboru do kesempatan tu paranak laho pasahathon pangidoan

nasida, i ma taringot ulos herbang si jaloon nasida sian parboru muse di ulaon unjuk.
Taringot tu bilanganna, unang ma lobi nian sian 11 bulung.

Jadi molo dung denggan mardalan sude na i, mardalan ma muse ingot-ingot, ima
berupa hepeng sian paranak dohot parboru laho dibagi-bagihon tu angka tuturna na
ro di ulaon patua hata dohot marhusip i. Lapatanna, asa ingot nasida saluhutna di
angka rencana ni ulaon naung ditolopi nasida. Jala laos mangihut ma dipangido asa
ditanda nasida kedua calon pengantin. Calon pengantin baoa manjalangi pihak
parboru, calon pengantin boru manjalangi pihak paranak.
Hira-hira songon i ma rumangna dohot pangantusion tusi. Taringot tu ruhut ni
panghataion pinatupa do di buku on asa ummura muse ulahononta.

C. PARTUMPOLON/MARTUMPOL
Partumpolon (parpadanan) ulaon parhuriaon do on. Ndang apala pinatorang be on,
ala tangkas do taantusi hira-hira lapatan dohot tujuan ni partumpolon i. Naporlu
sipingkiranta ima taringot tu angka ise do na laho sigokhononta tu ulaon partumpolon
i.
Molo nasomal taida, sahat do tu horong ni angka hula-hula dohot tulang. Hape
somalna muse, dung sidung acara partumpolon di gareja pintor diuduti do tu ulaon
Martonggo Raja manang Marria Raja. Adong na deba laos di aula manang di gedung
dipatupa ulaon Martongo Raja manang Marria Raja, alai adong do na mangulahonsa
di bagas ni parboru manang paranak, saguru tu situasi dohot kondisi ni hasuhuton do
i.
 BIDANG PARADATON
PUNGUAN RAJA PANJAITAN, BORU & BERE SE KOTA BATAM-2021

Sungkun-sungkun tu hita, beha molo dung sidung partumpolon langsung dipatupa

ulaon Marhata Sinamot manang didok Pudun Saut. Alana di tingki i, nunga hira
lengkap undangan sian angka tutur, songoni sian horong ni hula-hula dohot tulang.
Alai margeser (berubah) ma muse ari (tingki) na Martonggo Raja manang Marria
Raja.

D. MARHATA SINAMOT
Marhata sinamot, i ma pertemuan resmi pihak Paranak tu Parboru nalaho manukkun
jala mangalehon patujolo ni Sinamot ni Boru Muli. Mamboan tudu-tudu ni
SIpanganon ma Paranak tu Parboru. Jala Naniontang ni Paranak ima Dongan Tubu,
Boru dohot Dongan Sahuta sian Paranak. Molo Parboru na laho manjalo haroroni
Paranak di bagas ni Parboru, didongani Dongan Tubu Parboru, Hula-hula ni Parboru
manang Tulang ni Boru Muli, Boru dohot Dongan Sahuta ni Parboru.

E. MARTONGGO RAJA & MARRIA RAJA

Molo didok martonggo raja manang marria raja, na marlapatan do i mangido
pangurupion, panuturion di angka na mardongan tubu, boru, bere, dongan sahuta,
molo marulaon pamulihon boru manang pangolihon anak. Disubut jala dibuat suhut
do roha ni angka tutur asa rade jala dohot nasida berpartisipasi di ulaon I hombar tu
ruhut-ruhut ni paradaton, jala hira di tingki on ma dibagihon (didistribusihon)
undangan tu angka tutur.

Dipatupa hasuhuton di si sipanganon. Jala molo tung adong pe dipatupa di si tudu-

tudu ni sipanganon hira jambar ni adopan (jambar bersama) do i. Di tingki on ma
sude dihatai angka persiapan ulaon, Raja Parhata, dohot angka na porlu di ulaon i
jala ise namangulahon (pembagian tugas).

Pinatorang ma jolo saotik taringot tu pangantusion martonggo raja dohot marria raja.
Molo di ulaon alap jual lapatanna ulaon di alaman ni parboru– pihak parboru ma na
mambahen Martonggo Raja, di paranak digoarima Marria raja. Sebalikna, molo di
pihak paranak ulaon (taruhon jual), dipamasa paranak ma ulaon Martonggo Raja,
jala parboru mambaen Marria Raja.
 BIDANG PARADATON
PUNGUAN RAJA PANJAITAN, BORU & BERE SE KOTA BATAM-2021

Sihataan Di Namartonggo Raja / Marria Raja (Contoh):

1. Undangan Sian Paranak hira-hira 800 jiwa, sian parboru 200 jiwa, muslim 200 jiwa jala
dipatupa ma na marmiak-miak 200 kg Daging, di luar ni Tudu2 sipanganon, borasna 6
karung @ 25 kg.
2. Uluan ni Huria dohot Gareja namamasu-masu
3. Perlengkapan masak na mananggung jawabi sian Dongan Sahuta/ Dongan Tubu
4. Namangalompa / pardangdang
5. Ikan mas 4 kg @ 3 ekor / kg
6. Pelaminan dohot musik Hasuhuton
7. Aqua Gelas 50 dus, aqua botol 4 dus
8. Kopi, teh manis, lappet 400 biji
9. Goar di meja (Protokol)
10. Pinggan Panukkunan (Parsinabung)
11. Parjambaron, Pinggan Parloppanan dohot Panandaion
12. Ember inganan ni tumpak, Goni, sakkalan, kantong palastik di ulaon I, boru ni Paranak
13. Boru parlopes, di tunjuk ma saat Martonggo Raja.
14. Undangan sipatupaon tu Paranak dohot Parboru sektor dohot pusat godangna 120 pcs
15. Olop-olop di ulaon I tu Dongan Sahuta.
16. Sipatupaon Ulaon Sadari (molo adong kesepakatan Ulaon Sadari)

F. SIBUHA-BUHAI

Ulaon sibuha-buhai ima naparjolo diulahon di manogot ni ari pesta (unjuk), baik di
ulaon alap jual manang taruhon jual. Jala tangkas do i dihatai/disepakati parboru
dohot paranak di tingki na marhusip. Ulaon adat do on jala tangkas do diboan
paranak sipanganon namarsaudara tu bagas ni Parboru. Songon i sian parboru
dipatupa do Dekke di si jala tangkas dihatahon dohot dipasahat tu paranak. Sibuha-
buhai dipatupa sogot manogot i andorang so borhat tu gareja jala mangido tangiang
tu Tuhanta asa tiur-tiur ulaon i, suang songon i do di angka na mamuhai partuturon
asa gabe jala horas-horas muse, songon hata ni natua-tua namandok:
Sinuan bulu sibahen nalas… Sinuan partuturon sibahen nagabe jala horas
 BIDANG PARADATON
PUNGUAN RAJA PANJAITAN, BORU & BERE SE KOTA BATAM-2021

Di ulaon sibuha-buhai on biasana suhut parboru mangalehon upa-upa tu boru dohot

calon helana, marhite sipanganon dohot dekke di ginjang ni pinggan pasu,
namarlapatan asa gabe sada uduran, sada pingkiran, sada keluarga na denggan
nasida, si sada roha di keluarga nasida muse, jala biasana inang ni boru muli do
pasahathon i.

G. ULAON UNJUK PANGOLI ANAK/ PAMULI BORU

G.1. PANGOLI ANAK – TARUHON JUAL

RISALAH PANGHATAION DI NAPASAHAT SINAMOT

Di Rumah Kel. Parboru
Ulaon Pangoli Anak
Kel. ...................................BATAM
NO JENIS KEGIATAN/ACARA PELAKSANAAN
A UNJUK :
1. Ari/Tanggal
1. Sabtu, 23 Nopember 2021
2. Inganan/Alamat
2. Di Alamanni Marga Panjaitan
3. Adat Siulahononhon HKBP Estomihi Bengkong
(Paranak Suhut Bolahan Amak)
3. Adat Batak Toba (Sidapot Solup
Parboru ) Adat Taruhon Jual

B SINAMOT,ULOS, PARJUHUT
1. Sinamot
a.Godangna 1. Rambu Pinudun
a.Rp 44.444.000
Asingni panggohi tu suhi ampang
naopat, panandaion (Detail di F)
b. Bohini Sinamot
b.Rp 38.000.000,-
(dipasahat di tingki namarhata sinamot)
2. Ulos Namarhadohoan 2. Ulos herbang 9 (Sia) bulung
(UlosHerbang) & ulos natinonun & 100 amplop ulos na tinonun sadari.
sadari.
3. Namarmiak-miak
 BIDANG PARADATON
PUNGUAN RAJA PANJAITAN, BORU & BERE SE KOTA BATAM-2021

3. Parjuhut
C ADAT& PEMBERKATAN

1. Adat, sidapot solup naro 1. Adat Batak Toba

2. Pukul 10.00 di HKBP Estomihi

2. Pemberkatan/Gereja Bengkong.

3. Resepsi 3. Gereja HKBP Batuaji Baru

D PATORTOR PARUMAEN & PROSESI Nunga ingkon dimulai pkl 11.45 WIB
TERIMA HULA2 1. Patortor Parumaen /Manjalo Tua
nigondang
1.Pukul 11.45 WIB
2. Paranak menunggu di pogu nialaman,
2.Posisi Paranak manjalo haroro nitulang di joloni meja parhundulanni
dan hula-hulana Paranak /di joloni panggung (simbol
nijabu)
E MANJALO HARORONI HORONG HULA- SUHUT BOLAHAN AMAK MANJALO
HULA dan TULANG HARORO NI SUHUT PARBORU,
( PARHUNDULAN DI ACARA) TULANG DOHOT HULA-HULA DI
POGU NI ALAMAN
1.Sahali manjalo /sahali manggorahon do
1. Pkl 12.15. Parmasukni Hula-hula ni Paranak /Suhut Bolahan Amak di
Paranak Silalahi tu alaman haroroni sude uduranni tulang dohot
horong hula-hulana (Di jolomaTulang )

2.Pkl. 12.30 .Manjalo haroro ni Parboru tu 2. Sahali manggorahon /manjalo

alaman.
3.Pkl 12.00 MARSIPANGANON.
a. Pasahat tudu-tuduni sipanganon
Suhut Paranak tu Suhut Parboru
b. Pasahat dengke suhut Parboru tu
haroroni Hula-hula ni Parboru rampak
dohot uduran nasida, horong Tulang
dohot sude hula-hula nisuhut Parboru.
3.Paling lambat 12.45
a. Songon hasomalan
b.Tatacara:
1.Holan dengkeni Suhut Parboru do
nadipasahat tujoloni Suhut Paranak
 BIDANG PARADATON
PUNGUAN RAJA PANJAITAN, BORU & BERE SE KOTA BATAM-2021

Suhut Paranak 2.Dengke ni Tulang dipasahat langsung

tuberena (diupahon) dung sahat
dengke suhut (sebelum
namarsipanganon
c. Paling lambat pukul 12.50
c. Marsipanganon (paling lambat pkl
12.50)
F GODANG NI UNDANGAN &
PARJUHUT,PARJAMBARAN
1.Undangan : 500 (1000 halak) 1. KomposisiUndangan:
a. Paranak 400 undangan ( 800 halak)
b. Tu Parboru 100 undangan (200
2.Parjuhut
halak)
3.Parjambaran / Pinggan Parloppanan
2.Namarmiak-miak
4.Marbagi jambar
3.Jambar mangihut
4.Jambar nunga boi dijouhon dung sahat
jambar tusuhut Paranak
1. Pinggan Parloppanan :
Ditikki Ulaon Parmanganon dipasahat ma denggan : Pinggan Bolak (6 piring) dohot Pinggan
Parloppanan tu Hasuhuton bolon, Hula-hula, Tulang, Tulang Rorobot, Bona Tulang, Hula-hula
Namarhaha anggi (Silitonga), Lembaga Adat Tuan Di Bangarna, Silitonga, Siagian, Sianipar
dohot Boruna. Pariban ni Hasuhuton.
Pinompar ni oppunami SIAN HASUHUTON : Ompu Raja David Panjaitan, Ompu Raja Musa
Panjaitan, Pu Sombaon, Gompar Manokkon, Gompar Sisiang, Panalubung II, Puccamuana,
Patugaja, Panalubung, Siharunjat, Rungguni Pohan, Santi Ulubalang, Boru dohot Bere.
Pengurus Pusat Raja Panjaitan Kota Batam, Wilayah Bengkong Nagoya, Wilayah Batu Aji
Lama, Wil Batu AJi Baru, Batu Aji Indah, Marina, Sekupang, Nongsa Batam Kota, Punggur-
Teluk Bakau.
MARTIBI Raja, Raja DOGOR, Raja SIPONOT, Raja SIJANGGUT, Ale-ale, Pangula ni Huria,
Parmusik, Anggi doli Manullang, Anggi doli Sibuea, Parpadanan Sinambela, dohot Boruna
Dongan Sahuta sian Batam Centre, Ale-ale.

2. Parjambaron :
Hasuhuton paranak : Jambar (Ulu Ni Dekke Mulak)
Hula-hula : Namarngingi / Parsanggulan (Menyesuaikan)
Tulang : Somba
Tulang Rorobot : Somba
Bona Tulang : Somba
Hula-hula Namarhaha anggi :Somba - Pohu
Ketua Umum Panjaitan, Wilayah Bengkong Nagoya ,Batam Centre, Wilayah Batu Aji Lama :
Soit
 BIDANG PARADATON
PUNGUAN RAJA PANJAITAN, BORU & BERE SE KOTA BATAM-2021

Boru : Osang/ Namarngingi Pangambirang

Pinompar ni oppunami sian Hasuhuton Bolon : Tanggo-tanggo Nabolon di pagelleng Ompu
Raja David Panjaitan, Ompu Raja Musa Panjaitan, Pu Sombaon, Gompar Manokkon, Gompar
Sisiang, Panalubung II, Puccamuana, Patugaja, Panalubung, Siharunjat, Rungguni Pohan,
Santi Ulubalang, Boru dohot Bere.
Pengurus Pusat Raja Panjaitan Kota Batam, Wilayah Bengkong Nagoya, Wilayah Batu Aji
Lama, Wil Batu AJi Baru, Batu Aji Indah, Marina, Sekupang, Nongsa Batam Kota, Punggur-
Teluk Bakau.
MARTIBI Raja, Raja DOGOR, Raja SIPONOT, Raja SIJANGGUT, Pariban ni Hasuhuton : Pohu
Ale-ale, Pangula ni Huria (Soit),, Parmusik (aliang), Anggi doli Manullang, Anggi doli Sibuea,
Parpadanan Sinambela, dohot Boruna
Dongan Sahuta sian Batam Centre, Ale-ale.

G PASAHAT TUMPAK Protokol Paranak Dung Sidung Tangiang Dung

Sidung Mangan
1. Mangido tingki Paranak laho manjalo
nanigokkon na pasahat tumpak
2. Pasahat tumpak ndang adong hata
apalagi mambaen acara lao
pasahathon tumpaki (marbeda do tu
napasahat ulos/ mangulosi)
H PASAHAT PANGGOHI SINAMOT & Suhut do napatandahon/ manggorahon
PANANDAION ise nanaeng tandaon i
1. Panggohi Sinamot Tu Suhi Ampang Na 1. Masing-masing/ marsada-sada
Opat

2. Panandaion Haha anggini Suhut 2. Marsuhu-suhu,

a. 9 hali manggorahon
b. Dibahen ma daftarni na 9 i.
3. Panandaion Tulang, hula-hula & na 3. Suhut do anggo napatandahon/
ginokkon ni Parboru manggorahon marsuhu-suhu, ndang
nasida na patandahon dirina (ndang
pola dilehon mik tunasida)
a. Tulang, 2 (dua) hali manggorahon)
b. Horong hula-hula (na marhaha
maranggi &anak manjae) 1 (sahali)
manggorahon tiap-tiap horong)
c. Tu naginokkonni Limbong
(sirambemanis) 200 amplop.
I TINTIN MARANGKUP TU TULANG ni PANGOLI
 BIDANG PARADATON
PUNGUAN RAJA PANJAITAN, BORU & BERE SE KOTA BATAM-2021

Rampak pasahathon Paranak dohot

Parboru
- Paranak menyediahon
- Parboru sesuai na taronjar
nirohana

J PASAHAT ULOS
a. PARBORU a. PARANAK
1. Ulos Pansamot 1. Kel. Natoras ni Pangoli
2. Ulos Hela & Mandar Hela 2. Namangoli
3. Ulos Pamarai 3. Bapa Tua / Bapa Uda
4. Ulos Sihunti Ampang 4. Namboru ni Namangoli
5. Ulos Simanggokkon 5. Hahani Namangoli
6. Ulos Todoan 1 6. Todoan 1
7. Ulos Todoan 2 7. Tododan 2
8. Ulos Todoan 3 8. Todoan 3
9. Ulos Todoan 4 / Parorot 9. Iboto ni Namangoli

b. Ulos Holong Sian Parboru b. PENGANTIN

c. Ulos Holong Sian Hula-hula & Tulang c. PENGANTIN
Sian Parboru
d. Ulos Holong Sian Tulang ni Paranak d. PENGANTIN
e. Ulos Holong Sian Hula-hula ni Paranak e. PENGANTIN
f. Ulos Pargomgom sian Hula-hula Ni f. PENGANTIN
Paranak
Catatan : Paranak dan Parboru nanaeng Mangalehon Olop-olop (Pasituak Natonggi) tu
Hula-hula dohot Tulang na masing-masing asa disesuaihon cara manombahon (dijalang
langsung dung sidung Mangulosi manang di Patortor)
K. HATA SIGABE-GABE DOHOT Parjolo ma Sian Hula-hula (Parboru) Laos
MANGOLOPHON Dipaampuhon ma tu Paranak.
Dipasahat ma Tu Paranak Laos
Mangampu
Dipasahat tu Dongan Sahuta (STM)
Paranak dohot Parboru Laho
Mangolophon Ulaon Unjuk
 BIDANG PARADATON
PUNGUAN RAJA PANJAITAN, BORU & BERE SE KOTA BATAM-2021

L ACARA PASKA UNJUK PAULAK UNE/ MANINGKIR TANGGA

1. Paulak Une & Maningkir tangga
1. Paulak Une/& ManingkirTangga ndang bagian ni unjuk, ala
semestinya baru diulahon beberapa
hari dung unjuk
2. Hasuhuton nadua ma namangatur
2. Pelaksanaan beha nasida mangulahon i.

Ndang diulahon acara na nidok na ulaon

sadari Manang Tergantung Kesepakatan
ni Paranak & Parboru
CATATAN:
Sebelum hari H, pajumpang ma nian parhatani PARANAK dohot parhatani PARBORU laho
memastikan pelaksanaan tehnis /detail Acara Adat Na Gok:
1. Tata cara pasahat panggohi ni sinamot & panandaion
2. Acara adat Batak Toba .
3. Ulos holong/jenisna

G.2. PANGOLI ANAK – ALAP JUAL (SITOMBOL)

Boi ma diihuthon konsep G.1.
Perbedaanna pada saat Masuk tu Alamanni Parboru, Rap Udur ma Parboru dohot
Paranak laho Mamasuki Pogu Alamanni Parboru. Laos disi ma masi tariparan Jual
dohot Somba ni Paranak tu Parboru nalaho Manogu Parumaen tu Joloni Paranak.

G.3. PAMULI BORU – TARUHON JUAL

Boi ma diihuthon konsep G.1.
Molo adong na berbeda sian konsepi sian Hasuhuton Paranak, Hasuhuton Parboru
ma namenyesuahon.

G.4. PAMULI BORU – ALAP JUAL

Boi ma diihuthon konsep gabungan G.1. dohot G.2. Alai Molo adong konsep na
berbeda sian konsepi sian Hasuhuton Parboru, Hasuhuton Paranak ma
namenyesuaihon.

H. PAULAK UNE DOHOT MANINGKIR TANGGA

 BIDANG PARADATON
PUNGUAN RAJA PANJAITAN, BORU & BERE SE KOTA BATAM-2021

Molo didok paulak une, ima nahombar tu ulaon sadari, jala mardalan do adat-
paradaton di son. Dipatupa paranak do sipanganon laho pasahatonna tu parboru.
Songon i sian parboru, dipatupa do dekke dohot boras sipir ni tondi sipasahaton-na
tu paranak. Ima boanon nasida tu bagas na be. Alai porlu do botoon jala ingotonta,
andorang so ulaon napaulak une, jolo mardalan do olop-olop dohot namarhata
sigabe-gabe.

Paulak une on ma hira pangujungi ni ulaon di ulaon unjuk nasomal dipatupa di tingki
on. Jala muse somal do diulaon on mardalan upa panaru didok, napinasahat ni
paranak tu boru ni parboru, suang songon i molo adong angka hepeng pasituak
natonggi sian paranak tu natua-tua ni parboru.
Na porlu sibotoon dohot siingoton di ulaon adat paradaton ulaon sadari i ma paulak
une manang maningkir tangga i ma:
1. Molo ulaon alap jual (ulaon di parboru) ulaon sadari digoari ma i paulak une,
2. Molo ulaon taruhon jual (ulaon di paranak) ulaon sadari digoari ma i maningkir
tangga.
*****************

Tertanda : Seksi Paradaton Paranak & Parboru

Sai didongani Asi dohot Holong ni Tuhantai ma Suhut Paranak
dohot Parboru jala dipasu-pasu ma Anak dohot Parumaen di
Parrumatanggaon nasida. Horas jala Gabe....@ April 2021
PUNGUAN RAJA PANJAITAN, BORU & BERE SE KOTA BATAM