TOKOH-TOKOH
1. MAMA 1
2. MAMA 2
3. DOSEN
4. GALUH
5. TIKTOKERS 1
6. TIKTOKERS 2
7. SHOFIA
8. BANCIR
9. LALA
10. LULU
11. AMAT
12. UDIN
INTRODUKSI
PANGGUNG GELAP. TERDENGAR SUARA PARA MAHASISWA-MAHASISWI
MASING-MASING MEMBICARAKAN KELUH KESAHNYA DALAM MENGHADAPI
BELAJAR DARING. SUARA-SUARA ITU TERUS MEMUNCAK HINGGA
BERKECAMUK.
BABAK I
LAMPU MENYALA. PEMAIN MUNCUL DARI BERBAGAI ARAH MENUJU
PANGGUNG. LALU BERNYAYI.
Gara-gara datangnya wabah pandemi
Timbul kuliahnya liwat hp
Ini nasib badiam di padalaman
Padalaman sanak ai padalaman
Mauk heh mauk, mauk hah mauk
Kapala paning tahiring-tahiring
1
Mauk heh mauk, mauk hah mauk
Kapala paning tahiring-hiring
GALUH
Penonton !!! parkanalakan ngaran ulun Aluh, ulun ini mahasiswi di POLSEK (Politekhnik
Kesehatan) jurusan keperawatan. Buhan pian sabarataan tahu haja kalu lantaran wayahini
musim cuvid jadi belajarnya unlin. Lantaran kampung ulun ni padalaman jadi raja ngalih
mancari sinyal. Nah babuhan pian adalah malihat sinyal ? hahh dimana-dimana? Ihhhh
buhan pian ni mun ada-ada mun kadada-kadada, jangan ma’ada-ada. Pian pang juri adalah
malihat? Paya juri ai, sombong banar salawas tuli, eh kada toh, bagaya. Ayujalah ulun
mancari sinyal dulu.
TIKTOKER 1
Sini, ayuja umpati aku
TIKTOKER 2
Aduuhhh, barapa kali aku sudah mamadahi minta itu katuhan, kada kalangit.
TIKTOKER 1
Ya allah kawalah ulun minta sinyal? Adalah sinyalnya di hp ikam?
TIKTOKERS 2
Kadada
TIKTOKER 1
Nah makanya, aja dah kasi umpati, 1,2,3
TIKOTERS 1 DAN 2
Langit kawalah ikam turunkan sinyal nang mantap. Aku kada handak di alfa tarus. kada
handak dimamai dosenku nang panyarikan. (suara petir mengelegar)
TIKTOKERS 2
Han kalu sudah kupadahai, napa tiya di sangiti tuhan (suara petir yang ketiga kali)
TIKTOKERS 1
Ampun ya Allah, ampun. ulun kada handak mati, ambil ja nyawa kawan ulun nang di higa ni.
TIKTOKERS 2
Purunya. (suara petir semakin nyaring)
TIKTOKERS 1
(suara notifikasi) Nahhh ada sinyalnya, makasih lang… eh makasih ya allah. Amun kayaitu
kita be toktokan ai dulu. Ikam umpat kada
2
TIKTOKERS 2
Kada, baapa aku bajugit-jugit kytu
TIKTOKERS 1
Paya (lagu dj lalala)
MAMA 1
Astagfirullahaladzhim siti (tiktokers 2), bapadah kasini mancari sinyal kuliah, sakalainya
bajujugitan. Medat banar jadi kanakan siapa nang di turut.
TIKTOKERS 1
Kada ma ai, si imah nang bejoget, ulun sadikit haja
MAMA 1
Sama haja. uyuhnya aku mancarikan duit gasan maungkusi kuliah, Mahir mandustai kuitan.
TIKTOKERS 1
Ulun kada mandustai ma ai, iya kalu mah?
TIKTOKERS 1
Inggih cil ai ulun nang mambawai
MAMA 1
Inggih-inggih, mun sawat katahuanku bajujugitan kytu pulang, paraya haja kuliah, baik
balaki haja lawan mahmud kada uyuh aku menduiti
TIKTOKERS 2
Indahh
MAMA 1
Makanya kuliah bujur-bujur nyaman jadi urang badahi.
KOOR
Inggih ma
GALUH
Hapuk liuy, kisah kekijilan pang.
TIKTOKERS 2
Nyawa nang kisah kabungasan
3
GALUH
Unda dasar bungas, na melihat lah pupur gincu nda merk wardaniah
TIKTOKERS 2
Wardah, huuu udik uyyy
GALUH
Maraha, nang panting bisi, daripada nyawa pupur basah gasan ka pahumaan
TIKTOKERS 2
Apa tadih !!!
TIKTOKERS 1
Hudah, mun ikam malawani, barti ikam sama ai lawan inya (miring)
GALUH
Sini maju, huuu syukur aku bungas.
MAMA 2
Nah sampai sini haja nak ai, sini biar mama ja nang mambawa jualan tu.
SHOFIA
Jangan ma ai, biar ulun antarkan jualan pian sampai ke pasar.
MAMA 2
Kadapapa nak ai, Biar mama haja nang mambawanya pulang. Ikam sampai sini haja, kalu
pina talambat, di pasar kadada sinyal, kasian ikam.
SHOFIA
Tapi pian kada kauyuhanlah mambawa surangan. Mun kada jualan itu jua ulun kawa kuliah.
MAMA 2
4
Lantaran itu jua mama hakun bajualan gasan manguliahan ikam, sakiranya ikam kaina kada
bagawi uyuh nang kaya mama ni. Ayuja nak ai, kawa ai mama, kuliah bujur-bujur anakku lah.
SHOFIA
Inggih ma.
BANCIR
Ma ini patisnya
MAMA 2
Makasih naklah
MAMA 2
Assalamualaikum
SHOFIA
Waalaikumussalam. Hati-hati ma di jalan.
SHOFIA DAN BANCIR DUDUK DI BANGKU PANJANG. TAK LAMA DARI LUAR
PANGGUNG TERDENGAR SUARA TERIAKAN KEGELISAHAN. AMAT MASUK
AMAT
Tugas,tugas, tugas, kadada habisnya, bila nang ini habis ada pulang nang itu, bila akur nang
itu ada pulang nang ini. Lamunya kaini haja balawasan pacangan satris. (melihat ke arah
shofia)
AMAT
5
Oh cintaku, sayangku. Oh ayang shofia lamun kadida pian ulun sudah lawas gila lantaran
tugas online nipang. Maka dari itu detik ini dan langit sebagai saksi ulun handak
menyampaikan cinta lawan pian.
AMAT TERKEJUT TERNYATA YANG DARI TADI DI SAMPINGNYA ADALAH
BANCIR.
AMAT
Lapas, lapas tanganku
BANCIR
Kanapa ka amat, pian kada handakkah lawan ulun nih
AMAT
Aku masih waras, lapas tanganku nah bancir
BANCIR
Ulun ni lain bancir, ulun ni binian, tapi satangah matang.
BANCIR
Ahhhh handak bakamihhh
AMAT
Pahhhh bau uyah wadi (sambil meciumi tanganya yang baru saja terkena bibir si bancir) ini
najisss mughalladah. Hiiiii (menyapunya)
SHOFIA
Kanapa ikam pahau kuciak
GALUH
Hiih kanapa
TIKTOKERS 1
Pina kehantuan
TIKTOKERS 2
Kehantuan jua ai pinanya
6
AMAT
Paling urang baulah konten salam dari binjai
BANCIR
Anu, itu di belakang tu, ada hantu 2 ikung, ganal banar, saikung belubang pipinya hirang,
saikungnya lagi sambil mamakan tulang, ihhhh tolongi ulun kaka amat
AMAT
Jangan baparak
SHOFIA
Siang-siang kayaini kadada hantu (berjalan menuju kearah batang pisang)
AMAT
Kamana ikam ayang shofia
SHOFIA
Mambuktiakan
AMAT
(suara dalam hati) amunya sawat shofia nang manunti, supan aku salaku lakian, lawan jua ini
kesempatan aku gasan menampaikan kejantanan aku. Ayang shofia jangan, biar kakanda haja
nang kasana, (dengan gagahnya amat beparak, tapi sebenarnya takut)
LULU
Darrrrrrrr
AMAT
Ampuni ulun, ulun rajin manabung, soleh, panyambahyang, jangan taguk ulun
LALA
Hahahaa baapa kami managuk ikam
LULU
Ikam nang beban kelurga ngintu, kalat
AMAT
Bah gadur nginikah
LULU
Apa tadih
7
LALA
Sudah ka jangan dilawani
LULU
Kalu ku jajak nih
LALA
Shofia
SHOFIA
Lala, lulu, buhan pian sudahlah manggawi tugas praktek mamasang empos semalam?
SHOFIA
Balum, ulun mandangani mama bajualan jadi kada sampat tagawi.
TIKTOKERS 1 DAN 2
Sama kami balum jua, pas tinggal sahari haja gin hanyar mangumpul.
GALUH
Kadanya tagawi pang mun haur bajugitan haja
TIKTOKERS 2
Padah ja haur bapupur ja
LULU
Sudah-sudah
AMAT
Mun aku balum jua, apang…
KOOR
Kada batakun
SHOFIA
Amun kaya itu, kaya apa esok kita manggawian sekira kawa saling bantu-mambantui
KOOR
Akur
8
AMAT
Akur
KOOR
Kada batakun
AMAT
Aja babuhan nyawa kaya itu lawan unda, kaina bila unda sukses awas mun pina menchat wa
unda, kecuali ayang shofia. Alapyu.
UDIN (masuk)
Napa tadih, waninya be ayang ayang lawan shofia. Shofia tu ampunku, ya kalu sayang,
masalah hutang kada usah di bayar asal ading hakun jadi bini kaka. (ingin menyentuh tangan
shofia)
AMAT
Jangan japai japai lawan ayang shofia mun kada handak tangan ikam ni ku pikah
UDIN
Ai waninya ikam lawan aku, sarahku ai handak apakah, ikam kawalah dulu membayari
hutang shofia.
AMAT
Mungkin aku lagi ini kada kawa mambayar, tapi pas aku sudah lulus kaina berapakah ku
bayari demi ayang shofia.
UDIN
Bacot
AMAT DAN UDIN BERKELAHI. JURUS ADU JURUS. PUKUL ADU PUKUL UDIN
SELALU KALAH.
AMAT
Jangan lagi nyawa mahauri ayang shofia mun kada handak sakit pada hari ini.
UDIN KELUAR.
SHOFIA
9
Kadapalah pian ka amat
AMAT
Kadapapa ayang shofia ai, asal pian ada gin ulun marasa paling sihat sedunian
SHOFIA
Inggih syukur ai
SHOFIA
Voice note dosen masuk
DOSEN
Assalamualaikum Mahasiswa/I sekalian. Sebentar lagi kita akan memasuki perkuliahan
melalui google meet. Link akan saya kirimi setelah voice note ini. Terimakasih.
DOSEN
Oiya maaf tadi saya lupa menyampaikan. Kumpulkan semua tugas tugas selama perkuliahan
daring, lalu rekap dan pada tanggal ………. Silahkan di kumpul ke kantor.
SEMUANYA TERKEJUT. ADA YANG SUDAH HILANG FILE NYA, ADA YANG
SUDAH GANTI HP, ADA YANG INILAH DAN ITULAH. SEMUANYA MERASA
SENANG DAN SEDIH SECARA BERSAMAAN. PARA MAHASISWA-MAHASISWI
MASING-MASING MEMBACAKAN BERITA GARA-GARA MENGHADAPI BELAJAR
DARING. SUARA-SUARA ITU TERUS MEMUNCAK HINGGA BERKECAMUK. DAN
Semua berita ini berangkat dari kehidupan nyata.
PERTUNJUKAN SELESAI
Bati-bati, 28 Oktober 2021
10