ULU JAMBAU

UANG LIMBAGO

ASSALAMU’ALAIKUM WR. WB.

IKO LOBOSUO BONAU BAK NYE UANG, SIANG SIANIK DI MUSIM PANE, SIBAK DAULU JO
PANGOLAN. CEWANG DI LANGIK CONDO KAN PANE, GABAK DI ULU TANDO KAN UJAN.

TAPI ……. SUNGGUO PUN BAITU, NAK DIANTAU JUO MAKO SAMPAI, DIULU JUO MAKO NYO
BAJAWEK.
SAMPAI DI TENGOK UJUONG JO PANGKAL, DI PANDANG PULO KI’I JO KANAN. DEK OLA PULO
UPO NAN TAMPAK, BUNYI NAN KADONGA’AN, UPO NAN TAMPAK, TOMPEK AYU NAN LA
TALOTAK BAUPO IDANGAN NAN LATASODIO. MUKOSUIK KAMI SA IMPUN POKOK MINTAK
DIJAWEK KAN AYU SOTO ROSOKI SAJAK DAI UJUONG SAMPAI KA PANGKAL. MUKOSUIK
SAMPAI BAITO PUN ABI SADETU LAH DAOLU KATO DISAMBAKAN DOKEK DATUOK.

JAWAB DATUOK
DATUOK SABOLA TOPI

SAMPAI DEK UANG LIMBAGO

PULANG KA AMBO OSO TIDO LE KAN BAJAWEK PANJANG, MALA DEK IMBAWAN BIASO
BASAWITI, TUMBUO DIKATO BIASO BAJAWAB. MUNGKIN KAN AMBO JAWAB SAPATA JO
DUO, BAGAI MAULANG KATO UANG LIMBAGO TADI.
TOMPEK AYU NYIE UANG LIMBAGO NAN LATALOTAK, BAUPO IDANGAN NAN LA TASODIO,
TIBO DI AYU MINTAK SAMO DIMINUM, TUMBUO DI NASI MINTA SAMO DI MAKAN.
DEK KATO UANG LIMBAGO MANUJU DOKEK AMBO SOANG, DEK AMBO INDAK PULO TA BUEK
SUDA TAMAKAN ABI AJO SOANG. DEK APO TU NYIE UANG LIMBAGO, DEK KAMI NAN SALI’IK
SABOLA TOPI, LAI PULO SOANG BODUO, KOK KOCIOK LAI PULO NAN GODANG, NAN GODANG
LAI PULO NAN TUO, KAMUDIOK AMBO NAK BAGALA, KAULAK AMBO NAK BAKAYUO,
SATONTANG TUJUAN MUKOSUIK UANG LIMBAGO. KATO AMBO GANTUONG SAETO TALI
DILANA SASAYAK AYU SAMANTAO AMBO MAAMBIOK IYO JO TIDO, ATE KAMI LAI SOANG
BODUO. MUKOSUIK SAMPAI BAITO PUN ABI SADETU LAH DAOLU KATA DISAMBAKAN DOKEK
UANG LIMBAGO.

JAWAB UANG LIMBAGO

SAMPAI DEK DATUOK…..

IKO BOSUO BONAU BAK NYIE UANG, BIOK – BIOK TOBANG KA SOMAK, TIBO DI SOMAK
MALAMPAWI PADI, SOJAK DI NINIOK SAMPAI KA MAMAK, NAN LUSUO BONOU NAN
DATUOK PAKAI SAMPAI KINI.
SUNGGUO PUN KATO AMBO MANUJU DOKEK DATUOK SOANG, DEK DANTUOK INDAK PULO
BABUEK SAKALI SUDA, TAMAKAN ABI JO SOANG. KOK NYO DATUOK OMPIONG PICAK, TOLAN
BULEK AJO. ONTA KAN DI ELO PULO DATUOK DEK SISAMO TONTANG ITU.
KINI KATO CIEK KAN DATUOK PADUO, KATO DUO KAN DI PATIGO. PATUIK PANDAI KAN DIBAI
PANDAI, PATUIK TAU KAN DIBAITAU. PIHAK AMBO, IKO LA BOSUO BONAU BAK NYIE UANG.

PINCALANG BALABUO DI MUAO

IYAK NYO MANYESAU DAI TOPI
ASAL KONDAK LAI KAN BULIO
LAMO LAMBEK KAN AMBO NANTI
MUKOSUIK SAMPAI BAITO PUN ABI SADETU LAH DAOLU KATO DISOMBAKAN DOKEK
DATUOK.
JAWAB DATUOK
SAMPAI DEK UANG LIMBAGO

SAMPAI DIDONGAU SAPANJANG PAMBILANGAN UANG LIMBAGO, CONDO KAN BALABUO

KEK NAN TONANG, KAN BANAUONG KEK NAN TODUO

PIHAK DI AMBO TUKINI, IKO BUKAN PULO UMA GODANG PANJANG BA SUYOK JALAN
JAWUO, BANYAK BALIKU KOK TALAMBEK. AMBO DATANG MINTAK DI NANTI, KOK NYO LUPO
MINTAK PULO DI INGEKKAN. YO BAJALAN AMBO DAOLU ……….

KI’I MA NGANAN
DATUOK SALI’IK NAN DI TOPI

ASSALAMU’ALAIKUM DOKEK DATUOK

IKO LABOSUO BONAU BAK NYIE UANG. LAMANYALISIO UNGGE KUA’AN, SOSOK SAMPAI KA
BALUKAU. NAK DIKATOKAN BABISIOK LAKADONGAU’AN, NAK DIKOTOKAN IMBAU NYO
LATALAMPAU.

CONDO TUKINI DEK OLA PULO ADO KATO NAN TA ANTAU DOKEK AMBO, DAI MANO TU TIBO
DAI UANG LIMBAGO KITO, TOMPEK AYU NYIE NAN LATA LOTAK BAUPO IDANGAN NAN
LATASODIO, TIBO DI AYU NYIE MINTAK SAMO DI MINUM, TUMBUO DINASI MINTAK PULO LE
SAMO – SAMO DIMAKAN. DEK KATO INYO MANUJU DOKEK AMBO,DEK AMBO INDAK PULO
TA OMPIONG PICAK, TATOLAN BULEK AJO SOANG. LOBIO – LOBIO DEK DATUOK LAI SODIO
YO. IKO TIO KATO NAN KAN KITO PATIMBANG PAJOJEKKAN. MUKOSUIK SAMPAI BAITO PUN
ABI SADETU LAH DAOLU KATO DISOMBAKAN DOKEK DATUOK.

JAWAB DATUOK NAN SAMO – SAMO DI TOPI.

SAMPAI DEK DATUOK

PULANG KA AMBO OSO TIDO LE KAN BAJAWEK PANJANG, MALA DEK IMBAUAN BIASO
BASAWITI, TUMBUO DIKATO BIASO BA JAWAB. SAPATA JO DUO SABAGAI MAULANG KATO
DATUOK, DEK OLA PULO KATO NAN TA ANTAU DOKEK DATUOK, DAI MANO TIBO DAI UANG
LIMBAGO KITO. TOMPEK AYU NYIE NAN LATALOTAK, BA UPO IDANGAN NAN LATASODIO.
TIBO DI AYU, MINTAK NYO SAMO DI MINUM, TUMBUO DI NASI NAK SAMO – SAMO DI
MAKAN, DEK DATUOK UANG NAN BIASO BA DUSUN BANAGOI, BA MAMAK, BA
KAMANAKAN, SAINGGO BAJAWEK PULO DOKEK AMBO. PIHAK DI AMBO TUMBUO BUEK NAN
CONDO IKO, IKO LABOSUO BONAU BAK NYIE UANG, DIMANO SABUIK BA UNGGUOK, DISITU
PULO API MANYALO, DIMANO PANDAPEK DATUOK, DISITU PULO AMBO BA IYO. SADETU
DULU KATO DI SOMBAKAN KEK DATUOK.

PULANG KATO KEK UANG LIMBAGO

ASSALAMU’ALAIKUM KEK UANG LIMBAGO

IKO LABOSUO BONAU BAK NYIE UWANG, LAGONTAI TOBANG LIMPAPE, TANDO A’I LAKAN
SONJO, DEK PAI AMBO TADI PAI BALOPE, PULANG AMBO TONTU MAMBO BAITO
SATONTANG TUJUAN JO MUKOSUIK UWANG LIMBAGO, KATO NAN AMBO GANTUONG
SAETO TALI NANDI LANA SASAYAK AYU. LA KAMI AMBIOK IYO JO TIDO ATE KAMI LAI SOANG
BA DUO KOK KODUOO LA BABO LAWAN BAIYO, NAN TUO LA BABO PULO LAWAN MUPOKEK.
NAN PATUIK TAU LA BABAI TAU, NAN PATUIK PANDAI LA BABAI PULO PANDAI, KINI LADAPEK
KATO SAPOKEK, LA BULIO KATO SABULEK. KOK BULEK LA BISA DI GELEKKAN, KOK NYO PICAK
LA BULIO PULO DI LAYANGKAN. SATONTANG TUJUAN MUKOSUIK UANG LIMBAGO, TIBO DI
AYU SAMO DI MINUM, TUMBUO DI NASI NAK SAMO – SAMO DIMAKAN, YO KAMI TEMO JO
ATI SUCI MUKO NAN JONIO….
JAWAB UWANG LIMBAGO.
SAMPAI DEK DATUOK

IKO LABOSUO BONAU BAK NYIE UWANG, KOMBANG DENAK KOMBANG DENAI, KOMBANG
LA BUNGO NAN SAKAKI OMPEK KOMBANG POTANG. CONDO TUKINI DATUOK JUO NAN
COPEK KAKI INGAN TANGAN, OLUN DI SUO DATUOK LAPAI’I OLUN DI IMBAU DATUOK LA
DATANG.

LA SONANG DALAM ATI, LA SUNYI DALAM KIKIO. LOBIO – LOBIO DEK DOA KITO NAN LA
SAMO – SAMO MUKOBUE.
IKO LA BOSUO BONAU BAK NYIE UWANG, MANDAKI KAKAMPUONG TATAK, MANDU’UN KA
KOTO LAMO, BABELOK JALAN KA SUBILA.
DEK IDANGAN NAN LATALOTAK, SAJAK DI UJUONG SAMPAI KA PANGKAL, MOLA KITO
MAKAN BA SAMO – SAMO DENGAN MEMBACA BISMILLAHIRROHMANIRROHIM.

BATANYO MINTAK PULANG.

ASSALAMU’ALAIKUM

IKO LA BOSUO BONAU BAK NYIE UWANG, DEK LALAMO DUDUOK LA LOPE PONEK. DEK LA
BANYAK KECEK – MANGECEK LA BANYAK PULO NAN TASOBUIK, SAMPAI DI TENGOK CONDO
TUKINI DEK KOJO NAN LA SALOSAI, KOK MAKAN JO MINUM NAN LA SUDA, KOK MINUM
LAMALOPEKAN AWI, MAKAN LA MANYAMPAI PULO DEK KAN KONYANG, SAMPAI DI TENGOK
PIHAK KAMI NAN SALI’IK NAN DI TOPI, SANAK DI ULAK NAK KA ULAK, SANAK MUDIOK NAK
KAMUDIOK. TAPI SUNGGUO PUN BAETU, DITUNTUIK NYATO DI PINTAK ABI DOKEK UWANG
LIMBAGO KOK OLA DAPEK IZIN DAI UANG LIMBAGO NAK BABALIOK LE KAMI KA UMA
MASIONG – MASIONG. YO SADETU LA DULU KATO DI SOMBAKAN KEK UWANG LIMBAGO.

JAWAB UWANG LIMBAGO

SAMPAI DEK DATUOK….

PULANG KEK AMBO OSO TIDO LE KAN BAJAWEK PANJANG, MALA TUKINI DEK IMBAWAN
BIASO BASAWITI, TUMBUO DI KATO BIASO BAJAWAB, MUNGKIN KAN AMBO JAWAB SAPATA
JO DUO SABAGAI MAULANG KATO DATUOK.
DEK LALAMO DUDUOK LA LOPE PONEK, LA BANYAK KECEK – MANGECEK, LA BANYAK PULO
NAN TABACO.
CONDO TUKINI KOK KOJO NYIE DATUOK NAN LA SALOSAI, KOK MAKAN JO MINUM NAN
LASUDA. AYU SATITIOK NAN DATUOK MINUM, NASI SAKOPAL NAN DATUOK MAKAN,
SAMPAI DITENGOK DI PIHAK DATUOK, SANAK DI ULAK NAK KA ULAK, SANAK DI MUDIOK NAK
KA MUDIOK. KINI NAN DATUOK TUNTUIK NYATO PINTO ABI DOKEK AMBO. NAK BABALIOK LE
DATUOK KA TOMPEK MASIONG – MASIONG, DEK AMBO TU KINI KOK NYO UWANG
LIMBAGO, YO TIO AMBO. OLEK UWANG NAN PUNYO, YO AMBO TANYOKAN KA DAPU DAOLU
TUOK.

UWANG LIMBAGO.
ASSALAMU’ALAIKUM KEK DATUOK

IKO LA BOSUO BONAU BAK NYIE UWANG, LA GONTAI TOBANG LIMPAPE TANDO A’I LA KAN
SONJO, DEK PAI AMBO PAI BALOPE, TONTU PULANG AMBO MAMBO BAITO. SATONTANG
KATO NAN AMBO GANTUONG SASAYAK AYU NAN DILANA SASAAT SAKUTIKO, LA AMBO
AMBIOK IYO JO TIDO, SAINGGO LA SAMPAI PULO AMBO KA DAPU PAI BATANYO. KINI LA
DAPEK KATO SAPOKEK, LABULIO IZIN JO BONAU, SATONTANG TUJUAN JO MUKOSUIK
DATUOK. SANAK DI ULAK NAK KA ULAK, SANAK DI MUDIOK NAK KA MUDIOK NAK BABALIOK
KATOMPEK MASIONG – MASIONG, YO DI LOPE JO ATI SUCI MUKO NAN JONIO. MUKOSUIK
SAMPAI BAITO PUN ABI SADETU LAH DAOLU KATO DISOMBAKAN DOKEK DATUOK.
JAWAB DATUOK NAN DI TOPI
SAMPAI DEK UWANG LIMBAGO

IKO LA BOSUO BONAU BAK NYIE UWANG, LASIANG TOANG BAK A’I, LA BASOAK SIAMANG JO
UNGKO, LASONANG DALAM ATI, LASUNYI DALAM KIKIO, DEK APO TU NYIE UANG LIMBAGO,
DEK IZIN NAN LA DAPEK BONAU NAN LA BULIO. KINI SABOLUN KAKI MALANGKA, TANGAN
MALAMBAI, IKO LABOSUO BAK NYIE UWANG TIKULUOK PANJANG BAJELO, PANGOLAN
LOMA DI TONGA, DUDUOK KAN MAMBUKAK SELO, TOGAK MANJOLANG UANG PUNYA
UMA..

JAWAB UWANG LIMBAGO

SAMPAI DEK DATUOK

IKO LABOSUO BONAU NYIE UWANG

KAMBIU SABATANG MIPI KULIK, TUMBUO DI ULAK LAMAN, DATANG DATUOK DATANG
BAJOPUIK PULANG KAMI ANTAU JO PAMANDANGAN.
 BATANYO KA SIMPANG OMPEK

ASS…… KE UANG LIMBAGO

TUMBUO DI ANTAU NAN BA AJO, NAGO’I NAN BAPANGHULU KAMPUONG NAN BATUA, UMA
NAN BA TUNGGANAI

PANDANG JAWUO LA AMBO LAYANGKAN, BAK MALAYANG OLANG MANARI, PANDANG

DOKEK LA AMBO TUKIOKKAN BAK MANUKIOK SALIMANG MAKAN

MALA TUKINI UWANG LIMBAGO PULO NAN TENGGI TAMPAK JAWUO NANA DOKEK JOLANG
TASONGO, NAN TOGAK DI SIMPANG JALAN NAN DUDUOK PULO DI POWOU PANAMBANGAN
DATANG UNTUOK BATANYO PAI UNTUOK BABAITO

IKO LABOSUO BONAU BAK NYIE UWANG, KA TAPUONG BALADANG PADI, SI CE’EK
PANDAYUONG BIDUOK, KACIMPUONG PENENAN MANDI, KECEK MANGECEK PAKAIAN
DUDUOK. KINI NAN AMBO TUNTUIK NYATO PINTO ABI KEK UWANG LIMBAGO, KOK OLA
DAPEK IZIN JO BONAU DAI UWANG LIMBAGO, NAK MANGECEK – NGECEK AMBO SAPATA JO
DUO DOKEK NINIOK MAMAK NAN MANANTI.

SADETU DULU KATO DISOMBAKAN KEK UANG LIMBAGO. MAKOSUIK SAMPAI BAITO ABI

JAWAB UWANG LIMBAGO

SAMPAIK DEK DATUOK
PULANG KA AMBO OSO TIDO LE KAN BAJAWEK, MALA TUKINI DEK IMBAWAN, BIASO
BASAWITI. TUMBUO DI KATO BIASO JUO BA JAWAB, MUNGKIN KAN AMBO JAWAB SAPATA
JO DUO, SABAGAI MAULANG KILIN JO MANIKAM JOJAK. KA TAPUONG NYIE DATUOK
BALADANG PADI, SICE’EK PANDAYUONG BIDUOK, KACIMPUONG PANENAN MANDI, KECEK
MANGECEK PAKAIAN DUDUOK. CONDO IKO PULO NAN DATUOK TUNTUIK NYATO PINTO ABI
DOKEK AMBO, DEK AMBO TU KINI, DEK LAI PULO KOJO NAN KAN DIANSU, UNDIONG LAI KAN
DIPAKATOKAN, YO DI LOPE JO TUOK. MUKOSUIK SAMPAI BAITO ABI, SADETU KATO
DISOMBAKAN KEK DATUOK.

JAWAB DATUOK

SAMPAI DEK UANG LIMBAGO

DOLAI UANG LIMBAGO…………
LA SIANG TOANG NAN BA’AI, BASO’AK SIAMANG JEN UNGO, LASONANG DALAM ATI,
LASUNYI DALAM KIKIOO

DEK APO NYIE UANG LIMBAGO DEK IZIN NAN LA DAPEK, BONAU AMBO NAN LA BULIO
TAPI SABOLUM KECEK MANGECEK NANKAN AMBO MULAI, KAMANO AMBO KAN MANOPEK
DAOLU, KO NYO JAWUO MINTAK DITUNJUOKKAN DOKEK MANANTI KAKOK UANG LIMBAGO.
SADETU KATO DI SOMBAKAN KEK UANG LIMBAGO.

JAWAB UANG LIMBAGO

SAMPAI DEK DATUOK

SAMPAI DI DONGAU SAPANJANG PAMBILANGAN DATUOK CONDO MALOMPEK DATUOK NAK
BASITUMPU, MENYONCANG NAK BASINGKALAN PULO, NANA DATUOK TUNTUIK NYATO
PINTO ABI DEKEK AMBO. NAN MANO TUKINI GUNUONG TUMPUKAN UJAN, LUWA
KUMPULAN SAOK. DI APO BAITU, CONDO DEK DATUOK NAK JAN SALA BAYU UTANG, TIDO
LANSAI, SALA TUNGGU PIUTANG PULO TIDO MANEMO. DEK AMBO TUKINI JAWO LAI KAN
TATUNJUOK, DOKEK LAI PULO KAN TAKAKOKKAN. LOBIO – LOBIO DEK MAMAK SOKO LAI
SODIO, YO KASITU DATUOK SALANGKA SAMPAI SAIBAU BAJAWEK. SADETU KATO
DISOMBAKAN KEK DATUOK.

JAWAB DATUOK

SAMPAI DEK UWANG LIMBAGO

LA SIANG TOANG BAK A’I, LANYATO TOANG BAK BULAN. KINI JALAN NAN UANG LIMBAGO
AMBA NAN KAN AMBO TUIK, KAYU NAN UWANG LIMBAGO TOBANG NAN KAN AMBO TITI.
MOKASI BANYAK UWANG LIMBAGO. BAJALAN AMBO DA OLU.

MAMAK NAN DATANG KA MAMAK NAN MANANTI

ASSALAMU’ALAIKUM WR. WB…

IKO LA BOSUO BONAU BAK NYIE UWANG, LA DALAM BATANG KAMPAU DEK TANGKUJUO
MUDIOK BAIYONG DEK ANAK IKAN. BANAWUONG KEK NAN TODUO, BAUNDIONG KOTA
SAKETEK KITO DEK KITO NAN LA SUDA MAKAN, LOBIO – LOBIO DEK KOJO LAI KAN DIANSU,
UNDIONG LAI PULO KAN DIPAKATOKAN, UWANG DA OLU KATO NYO PANJANG KINI
DIAMBIOK KATO NAN PENDEK, PENDEK SAKADAR KAN PAGUNO, PAGUNO SIAPO TU NYIE
DATUOK, PAGUNO KITO NAN MAMPAGUNOKAN,.

SAMPAI DITENGOK UJUONG JO PANGKAL, DI PANDANG PULO KI’I JO KAKAN, DEK OLA PULO
TOGAK KITO NAN SAPUMBATANG, DUDUOK NAN SA AMPA’AN. ANTA’O MANO TUKINI,
ANTAO KAMI NAN DATANG JO NINIOK MAMAK NANA MANANTI, SAMPAI DITENGOK PIHAK
DI KAMI NAN DATANG, DEK LAI PULO BAUPO DOGAK NAN KAN DISOBUIK, BA’ANG TASO LAI
NAK KAN DIBINJIEK. MINKAN JADI PULO LA NYIE DATUOK SATO TAROGAK LALU DISOBUIK,
NAN TASO DIBINJEK AJO, DISIKO PULO BAYI TAGAMANG BANYAK BONAU TOMPEK
MANAKUIK, DEK APO TU NYIE DATUOK. SALAH LOMPEK PATA KAKI, KOK SALA TOBANG
BINASO PULO SAYOK, KINI DITUNTUIK PINTO ABI KEK DATUOK. KOK DAPEK IZIN JO BONAU
DAI DATUOK, MUNGKIN DOGAK NAN KAN DISOBUIK BA’ANG TASO LE KAN DIBINJEK.
MUKOSUIK SAMPAI BAETO PUN ABI, SADETU LADULU KATO AMBO SOMBAKAN KEK
DATUOK.

JAWAB DATUOK NAN MANANTI

SAMPAI DEK DATUOK….

PULONG KEK AMBO OSO TIDO LE KAN BAJAWEK PANJANG, MALA DEK IMBAWAN BIASO
BASAWITI, TUMBUO DI KATO BIASO BAJAWAB, MUNGKIN KAN AMBO JAWAB SAPATA JO
DUO SABAGAI MAULANG KILIN JO MANIKAM JOJAK, TOGA KITO NYIE DATUOK NAN OLA
SAPUMBATANG, DUDUOK KITO NAN SA AMPA’AN. ANTAO MANO LA TUKINI, IYOLA ANTAO
KAMI NAN MANANTI JO NINIOK MAMAK NAN DATANG.

SAMPAI DITENGOK DI PIHAK DATUOK NAN DATANG, DEK LAI PULO BAUPO DOGAK NAN KAN
DISOBUIK, BA’ANG TASO NAN KAN DIBINJEK, DEK KATO DATUOK MANUJU DOKEK AMBO,
DEK AMBO INDAK PULO TACONCANG PUTUI TAMAKAN AMBI SOANG, DEK APO TU NYIE
DATUOK. SAMPAI DITENGOK PIHAK KAMI SALI’IK SABOLA TOPI, DEK KAMI LAI PULO KOCIOK
BA NAN GODANG, GODANG LAI PULO NAN KATUO, KACIOK KAN DIBO LAWAN BA ANDAI –
ANDAI, GODANG KAN DIBO PULO LAWAN BAIYO, NANTUO KAN DIBO PULO LAWAN
MUPOKEK. SATONTANG TUJUAN JO MUKOSUIK DATUOK, KATO DIGANTUONG SAETO TALI DI
LANA SASAYAK AYU SAMANTAO. KAMI MA AMBIOK IYO JO TIDO ATE KAMI LAI SOANG
BADUO. YO SADETU DULU KATO DISOMBAKAN KEK DATUOK.
 JAWAB DATUOK NAN DATANG

SAMPAI DEK DATUOK

SAMPAI AMBO DONGOU SAPANJANG PAMBILANGAN DATUOK, SALAMO ANTAU NAN DITUIK
SALAMO NAGOI NAN DIUNI NAN LUSUO BONAU NAN DATUOK PAKAI, NAN PASAL JUO NAN
DATUOK TUIK,. SUNGGUO PUN KATO AMBO MANUJU DOKEK DATUOK, INDAK PULO BA
BUEK SAKALI SUDA. TAMAKAN ABI AJO SOANG. KOK NYO DATUOK OMPIONG PICAK TOLAN
BULEK AJO ANTA KAN DIELO PULO DATUOK DEK SISAMO SATONTANG ITU. KINI DEK
DATUOK UWANG BIASO BAKO’ONG BAKAMPUONG BADUSUN BANAGOI NAN BA MAMAK BA
KAMANAKAN, KA ULAK CONDO DATUOK KAN BAKANYUO, KA MUDIOK KAN BAGALA, PIHAK
DIAMBO IKO LABOSUO BONAU BAK PINCALANG BACALABUO DI MUAO, IYAKNYO SAMPAI
KASUBOANG. ASAL KONDAK LAI KAN BULIO LAMO LAMBEK KAN AMBO NANTI.

JAWAB SINGKAT DEK DATUO NAN DI TOPI

SAMPAI DEK DATUOK

CONDO TU KINI KAN BA NAWUONG KEK NAN TODUO, KAN BALABUO KEK NAN TONANG, IKO
BUKAN PULO DEK UMA PANJANG BASUYOK JALAN JAWUO BANYAK BALIKU INDAK. KOK
TALAMBEK AMBO DATANG, KEK DATUOK MINTAK AMBO DINANTIK, KOK TALUPO MINTAK
PULO AMBI DI INGEKKAN YO BAJALAN AMBO DA OLU TUOK.

KATO MUPOKEK NINIOK MAMAK NAN SAMO – SAMO SALI’IK DITOPI

ASS……. KEK DATUOK

IKO LABOSUO BONAU BAK NYIE UWANG, LA MANYALISIO UNGGE KUA’AN SOSOK NYO
SAMPAI KA BALUKAU. NAK DIKATOKAN BISIOK LAKADONGOUAN, NAK DIKATOKAN IMBAU
OSO LA TALAMPAU, CONDO TUKINI DEK OLA PULO ADO KATO NAN TA’ANTAU DOKEK AMBO,
DAI MANO TUKINI DAI NINIOK MAMAK NAN DATANG, DEK LAI PULO BAUPO DOGAK NAN
KAN DI SOBUIK, BA’ANG TASO NAN KAN DI BINJEK, DEK KATO INYO MANUJU DOKEK AMBO,
DEK AMBO INDAK PULO TACONCANG PUTUI, TAMAKAN ABI AJO SOANG