Badong to Pangala’
Badong Sa’dan
Maiko ta tannun bating, ta pana’ta’ rio-rio
Badong Umbating
tikuramban beluakna
nenne’ samandu-mandunna
kerangan umbongi-bongi
sokan-sokannamo ia
tu nene’ mendeatanna
todolo kapuanganna
unnamboran tinaranna
naamboran salarika
nasio’tantongan dikka’
denka tau tangna basa
tangna lulun barana’i
laditulakraka langi’
la dimanangngai rika
sokan-sokan ia nene’
tangmaga’ta’ todolota
Bating pa’pakilala
Umbamira sangtondokta
tomai sangbanuanta
ke’de’ko anta umbating
tapana’ta’ rio-rio
tangmadande’ko ka iko
tae’ka dollo riomu
lako te ambe’ masokan
ma’dadi salle kaboro’
keumpokadaki’ bating
untannun mario-rio
da’ta barrugai bating
da’ta lalan paningoi
Umbamira sangtondokta,
tomai sangbanuanta sang to’doan tarampakta
Ke’de’ko ta tannun bating, ta pana’ta’ rio-rio