Tutur Waringin Sungsang

 
 
 
 
 
 
Rate This

Ong awighnam āstu namā siddham.

Iki kawruhakna sang sewā tutur ring mārga, hana ti wiji ning Waringin manungsang, nga, ring pagantungan ing hati, mwang
pupusuḥ, hana ta otot sarambut putiḥ rūpa nira, anrus maring buku ning kukulungan, iki ring wit ing kukulungan, anrus
maring sor ring pakěkěsan ing kāma, ikā mūla ning dadi muliḥ ring jro ning sumsum, mingluluhur, trus maring balung, ingěr-
ingěr, mangungsi ring kayěhan kutu, anrus maring Madhya ning utěk, manuju ring usěhan, hana ta lawangan marěpat, ring
kiwā ring tngěn, ring uri ring arěp, kori mās, nga, sthāna ring sla ning hirung, mata maka kañcing, pipi maka jajněng, alis maka
mamunuḥ, lambe maka dadanga, gigi maka untu wākṣu, punika maka hawan Sanghyang Ātmanmu, malungguh ring pabahan,
katon batisnya manuměd bāhu, lpas saking pabahan, anuju taru latā, arupita, ambhudā, gagana, megha hima, sūrya, irikā
kanděg, pinarěk ing widyādharī sêwu, lpas saking rikā, anuju wulan, lintang, tāranggana, wuruḥ Hyang gagana, tang lintang
pamněḥ, maka dalanmu ring jro ning rasa, kapanggiḥ hana tang salaka, inungsi jro, lwirnya, simpěn ing Batur Kalawasan, maka
candra sāri, irikā pomahan masdaar satak, gunung api, suranaḍi surâlaya, irikā kang sarwa lěwiḥ, intěn ijo mantěn, kūṣya rāga,
masarwa mlětik, hana tatajuḥ makik, masěndi singhā, irikā kang ṡarīra malungguḥ ring padmâsana maṇik, pinarěk ing
widyādharī sêwu, ring uri Bhaṭāra Ṥūnya, ring arěp Bhaṭāra Koripan, ring kiwā Sanghyang Indra, ring tngěn Sūrya, tělas, sandhi
pāti, iko kṛtapāti, sirapan, ji, tlas.

Nihan tutur papinghitěn, kang cinarita dūk tan hana pṛthiwī, āpaḥ, teja, bāyu, ākāṡa. Hana ta Sanghyang Ataraṭa, gunaya putiḥ,
nga, tan pawak tan paṡarīra, kunang awak nira, sajawa pinara sanga, göng i dadi pṛthiwī, ṡocanya tngěn dadi sūrya, ṡocanya
kiwā dadi wulan, tungtung ing panon dadi lintang, kěḍepin panon dadi tāranggana, āmběkan ira dadi angin, ṡabda nira dadi
glěděg, bāyu nira dadi taya, hiḍěp nira dadi kḍep, kukus ing rāga dadi megha, we nira dadi truḥ-truḥ ning ākāṡa, kasirep ira
wngi, matangi nira dadi rahina, sira ira dadi pañca bhuwana, utěk ira dadi ṡūnya, jro ning utěk dadi gni, tan patalutuḥ, gunaya
putiḥ, muliḥ sakêng jro ning ṡūnya.

Maliḥ sira mayoga, lidah ira dadi mānuṣa, bungkah ing lidaḥ dadi gunung, pupusuḥ dadi ṡāstra mwang Ong, hati nira dadi agni,
limpa nira dadi sarwa māmběkan, ungsilan ira dadi latā, wtěng ira dadi taru latā kawah …..yyuwung sang ata utoma yoga, maliḥ
mayoga mtu ra sang mānuṣa ṡakti, mayoga sira sang mānuṣa ṡakti, mijil tang catur jadma, mwang watěk nawasanga, ikā maka
kañcing ring bhuwanâgung, těka ning bhuwanâlit.

Maliḥ sira sang mānuṣa ṡakti mayoga, dadi mijil Sanghyang Pañca Jāti, lwirnya, si Wali, si Alaḥ, Pangeran Sundari, agung
wirama. si Mukmin, si Wali kang anggawe ṡabda, camana kuning ṡabdanya, palungguhanya kuning ing ākāṡa, kuning
cumaranang rūpanya. Si Alaḥ nggawe āmběkan, dadu hning rūpa nira, dadu hning ṡabdanya, palungguhanya dadu ning ākāṡa,
Pangeran kang agawe tinghal, cměng ahning rūpa nira, cměng ṡabdanya, palungguhan ira cměng ing ākāṡa. Agung kang
anggawe pangrěngö, abāng cumaranang warṇa nira. Si Mukmin kang anggawe hurip putih ahning rūpa nira, ṡabda putih
ahning, palungguhan ira putiḥ ning ākāṡa.

Dadi ta maliḥ sang mānuṣa ṡakti mayoga, mtu hurip roro, lwirnya, Bhaṭāra Asmara, tka ning Bhaṭārī Smari, Ni Surasa, nga, rūpa
pīta ahning, tumibā sira maring wong istrī kakung, sajagat, bhuwana kabeḥ, istrī kakung paḍa katibān smara-smari, dadi ta
ahurip wong sajagat. Samangkana payoga nira mānuṣa ṡakti, prasama rumangsuk ing bhuwânalit, sowang-sowang,
palungguhan ira …… dadi Hyang Asmara mayoga, hana kawijilan ira jro ning angga, hana ngaran Ki Garmin, rūpanya kadi agni
mule, ONG ṡabdanya, magnaḥ jro ning Pṛtjiwī Jāti. Pṛthiwī Jāti, nga, Lěngkěr ing nābhi, bhūtaḥ rāja, mwang kāla rāja, añcangan
ira, Si Mukmin rūpa kadi maṇik bañu, āpaḥ ṡabdanya, magnaḥ di Tlaga dwaja, nga, luhur ing Pṛthiwī Jāti, bhūta kakawa mwaḥ
kāla dawā añcanganya. Yuḥ daram, rūpa kadi sūrya sāsana, Mang ṡabdanya, magnaḥ ring tuñjung putiḥ, luhur ing tlaga dwaja,
bhūta ari-ari, mwaḥ kāla bantinging añcanganya. Wusman, magnaḥ ring Waringin manungsang, rūpa putih ahning, Ang
paṡabdanya, sakacang göngnya. Asḍěk, mungguḥ ring Pañcuran mās, hirěng hning rūpanya, sajawa göngnya, Aḥ paṡabdanya.

Dadi ta Hyang Asmara Hyang Asmari, magnaḥ luhur ing Pañcuran mās, Bhaṭārī Asmari magnaḥ ring Gunung Sāri, ingaranan
Caṇḍi mās, ingapit miraḥ, rūpa pīta ahning rūpanya, sajawa pinara tiga göngnya, sāsana ṡabdanya. Bhaṭāra Asmara magnaḥ ring
Campaka rāja, haran meru ingapit maṇik, luhur ing gunung ikā. Bhaṭāra Asmara, pinge ahning rūpanya, kukuḥ paṡabdanya.
Ring luhur ing Campaka rāja, hana ta lawang maṇik, marěpat, nga, mārga kapingarěp, Ki Wali magnaḥ sakêng rikā. Mārga ring
kiwā, Pangeran magnaḥ sakêng rikā, mārga ring tngěn kang Agung magnaḥ sakêng rikā, mārga ring Madhya. Mukmin magnaḥ
sakêng rikā, amañca warṇa paṡabdanya. Gdong miraḥ pasimpěnanya luhur ing lawang marěpat, Watu hitěm mānuṣa
ṡakti magnaḥ sakêng rikā, ikā ingaran gdong wintěn, ingaranan ajñāna jāti, ibunta magnah irikā, sajro ning ajñāna jāti, ṡūnya,
nga, bapanta magnah irikā. Sajro ning ṡūnya, hning tan patalutuḥ, ikā ta pagnahan sang marāga dewek, kaliḥ gnaḥ sang marāga
dewek, ring luhur ing sūrya wulan lintang tāranggana, jro ning lěmah ingaranan Bhūmi sāri. Hana ta pinaka tngěran ring
palungguhan, Caṇḍi mās ingapit miraḥ, palungguhan ibunta, sajro ning caṇḍi mās, meru mās ingapit maṇik, palungguhan
bapanta, sajro ning meru gdong wintěn, palungguhan ing sěmbahta, mwang kakinta, sajro ning gdong wintěn, ṡūnya, hana yaṡa
maṇik, pagnahan ing kumpinta, sajro ning yaṡa maṇik, hning tan hana yaṡa, pagnahan buyut ira. Kunang yan sira hyun atinggal
saking dunya, dawutěn kabeḥ, para hyang-hyang ring angganta, kang sayuta dadiněn sawiji, simpěn ring jro ning ajñāna,
ambutul ring tlěng ing ṡiwadwāra, ya ta dadi muliḥ ring bapa ibu sor ing nābhi, mārgahakna ring wulu puhun, maliḥ maring
ibunta, luhur ing nābhi, muliḥ maring bapanta. Mangkana wkas inghulun madyus asisig akramas, alělěngö, dadi ta sira muliḥ,
haywa tan pahning-hning bwat upadrawa, de ning Sanghyang Aji, apan Sanghyang Dharma rahasya tměn.
Iki tutur sarasanani ṡarīra, kang pinangan de ning apuy, lwirnya, kulit gtiḥ, daging, sumurup ring paparu, birahim, nga, rūpa
kadi ratna sinangling, wawar ṡabdanya, galih otot, sumsum, sumurup ring limpa, rūpa kadi damar tan pakukus, Utar ṡabdanya
kuku rambut, wulu puhun, sumurup ring tungtung ing hati, Salahir, ba rūpa kadi sūrya wawu mijil, weda paṡabdanya, cipta
hiḍěp angěn, sumurup ring pagantungan ing hati, Sarabil, nga, rūpa kadi wulan pūrṇama, iwěr ṡabdanya, ikā panlasan ing rāḥ
pinangan de ning apuy.

Hana rāḥ tan pinangan de ning apuy, irunana karuhun, ṡabda, nga, sāsananya ring jro ning pupusuh, ya ingaranan bapa mwang
ibu, rūpa kadi antiga sanunggal, hyang rosa ring ning aruman, pangambung, nga, sāsananya ring āmběk, Yang, ya ingaranan
sěmbaḥ mwang kaki, rūpa kadi pādapa ratna, ire mangki katibi, patinggal, nga, ya ingaranan Canggaḥ, sāsananya ring jro ning
windusara, rūpa kadi sūrya salakṣa, hyanaka ṡīṣya, pangrěngö, nga, ya ingaranan kabuyutěn, sāsananya ri jro ning gungungan,
ring agni mule, rūpa kadi kumala intěn, wawahing hurip ¿ ¿Â sor ing utěk, satungtung ing kukulungan, i masaji, nga, paṡabda
ning hurip, hana rare cili, mañjing mtu acucupu maṇik, akakuñcung mās, agimbal ratna widure, acrening aku pañnci ring
ajñāna jāti, ikā ta mwan ing hurip sajagat kabeḥ, sanunggal-nunggal.

Maliḥ padma rāga padma rāgi, wtu ning bāyu, rūpa kadi parawos, SANG, kūṣyarāga, kūṣragi, wtu ning hṛdaya, rūpa kadi pādapa
sāri, wnang mala, wtu ning hiḍěp, rūpa kadi sandehabang, wiṡeṣa skari, wtu ning ṡabda, hala lāwan hayu, rūpa kadi sodama.
Jlěmātri, wtuhan ing angěn-angěn, rūpa kadi maṇik komala ulu, tambe mon sira māti, ikā kabeḥ paḍa muliḥ maring bhūmi sāri,
bhūmi sāri ikā, saluhur ing aptěng, sajro ning lěmaḥ, paḍa maněmbaḥ maring Pangeran tan paṡiwa, ikā ta Pangeran tan paṡiwa,
magnaḥ ring bhūmi sāri, harane Ki Gulug. Ki Wali anggawe ṡabda, rūpa ṡabda tungganganya, pati. Ki Alaḥ kang anggawe
āmběkan, rūpa ṡabda tungganganya dadu, Pangeran anggawe tinghal, rūpa ṡabda tungganganya, rakta, Kang Agung anggawe
pangrěngö, rūpa ṡabda tungganganya raka kṛṣṇa, I Mukmin, anggawe hurip, rūpa ṡabda tungganganya ṡweta, aṡaka maṇik alahit
maṇik, tinataḥ ganggo sinungsang, sūkṣma adi lěwiḥ ngaran ing yaṡa ikā, kang añcangan pañarikan, Bhagawān Mangku Sāri
ngaranya, kadi utusan, jabarahir, carakanya, Sang Subhali, mānuṣa ṡakti, kimantakā, Ki Katibis. Tělas.

Kaputusan Sanghyang Amangku Jagat.

Nihan tingkah ing asamādhi, mwang atapa abrata, pangiṣṭakna satata, isěp bāyunta, rahina, ping, 3, ring rātri, ping, 3, hiḍěp
nira angisěp, ma. kna tan kawdar, ONG bata amuṣṭi nama Ṥiwa ya, angunggahakěn tangan, ma, ANG UNG MANG, maka talkup
tangan, ma, ONG ONG Ṥri Ṥri saḥ paramâditya ya namaḥ swahā, Ong bhūr bhuwaḥ swaḥ ya namaḥ swahā, Ong Sanghyang Uki,
Sanghyang Nāga trusě puruṣa, aran Sanghyang Ruci muñcar, ma, Sanghyang Sūrya Candra, Sanghyang Ruci, Bhaṭāra Guru,
Sanghyang Canda Mayā, Sanghyang Sinuhun saking tawang, Sanghyang Kamūlan, mānuṣa nira anda nugraha, sukaha pukulun
anugrahi satata, saka tampuk, saka sanding, sing kasuhan, sing kasamabahan, mānuṣa nira amalaku panglukatan, pabrěsihan,
pañuddha malā, amalaku hurip, amalaku tuwuḥ, sukaha pukulun amṛta, sāri ning tapa, sāri ning pagawe, sāri ning wiṡeṣa,
mānuṣa nira angaturakna bhakti, Sanghyang Raṇa Kusuma, paran ing sěmbah, Ṥiwa bungkah ing sěmbaḥ, Sadāṡiwa Madhya
ning sěmbaḥ, Paramaṡiwa tungtung ing sěmbaḥ, kang aněmbaḥ Sanghyang Tunggal, kang kasěmbaḥ Sanghyang Dharma, Ong
Ṥri Mahādewa ya namaḥ, Ong namo gneya ya nama Ṥiwaya. Yan angaturakna pangabhakti ring tgal, Aṡuddha mala, nga,
angabhakti ring setra, Asadi pakpā, nga, angabhakti ring guwā, Ambañuwā, nga, angabhakti ring pinggir kali, Amrama Ṥiwa,
nga, ayoga arěp ing gungan, Asamādhi, nga, amūjā maring pamrajan. Iti tutur kaputusan mārga ning andada lěwiḥ, tan purun
ginawe bhaya, kêwuḥ, haywa surud ring ṣaḍripu, yan kêngguhâmigraha dahat, hiḍěpta bhuwana ring indra jala, hiḍěpta
wěngkuha denta, tlas.

Puput tinḍun de Cakraning Kṛṣṇa, ring rahina ; Anggara Pahing Sungsang, ṡaṡiḥ kaněm, iṡaka warṣa, 1936. Masěhi ; 09
Desember 2014.