MANTRA PENGRINGKES DASA AKSARA

1a/b | Om Awighnà pamastu namasidem.

Iwastu satàwayanya, pangaringkes dasaksara, kawruhakna pasuk wetunya, yan sira
wruha ring kalingan iki, tlas papa naraka bapabunta, tekang (sa)riranta, iki kamulaning
panulak satru, mwang sarwa wisesa, sami pada kasor denya, anghing haywa wera ring
wong lyan, apan dahating uttama aksara iki, rasamangkanak palanya, patemuning tastra
: Sa Ba Ta A I, dadi Ang, magenah ring udel, pan tastraning tastra: Na Ma Úi Wa Ya,
dadi Ah, magenah ring Siwa-dwara.

2a | Ang lawa(n) Ah, masalin rupa, marupa Om-kara, matemu ring ati, raris kapukuhing
lidahe dadi ardhacandra, windu, nada. Ardacandra ring gidat genahnya, windu ring gentil
irung genahnya, nada tungtunging irung genahnya. Wus samangkana mawak Siwa,
Sadasiwa, ParamaSiwa. Tejanya aketi abara inget, telas.
Iti panulak sarwa baya mancana sarwa krura, sarwa galak, sarwa aeng, palanya mari ya
mamigrain. Sa, sakarepta, wenang. Ma, : Om pritiwem apah teja bayu akasa, nga,

2b | haeng haeng tan mandi, mari sang sdahan, Im hejoh hetpet. 3x, aku Sang Hyang
Panca Maha Bhuta, terus ring luhur, kasaktian ku Sang Hyang Licin, sarwa satru pat
swaha.
Iti mantra anggen mangraksa raganta, nanging mantrakna sari-sari, ring kalaning wengi,
yan hana wong paksa angleyakin, mwang anesti, aneluh anerangjana, salwiring
makarya hala ring raganta, palanya balik ya agring meh katekan mati wong mangkana,
yanya tan mati meh buduh ya mwang agring, mangkana pwaranya, mantra iki
3a | nanghing pingitakna nganggen mantra iki, apan dahating kawibaran mantra iki, nga,
Durggha Redana, ma, : Om nama Bagawati, warntadhaga, kala sahiri, mahetpananyam,
karetu sarwe sam, satrunam bawantu, siddhirastu tatastu rastu swaha, telas.
Hyang Bagawati magenah ring madyaning lidah, I Kalika magenah ring tungtunging
lidah, regepakna, haywa wera ring wong len.
Nyan kaputusan Sang Hyang Prawatek dewata Nawasangha, kawruhakna ring bwana
alit, ring sariranta, ndya ta unggwanya ring bwana sariranta

3b | Iti Sang Hyang Tastra Dasaksara, nga, sira angadakaken Sang Hyang Tastra saider
bwana, mungguh Sang Hyang Pranawa :
Sang kangin magenah ring papusuh,
Bang kelod magenah ring ati,
Tang kauh magenah ring babuahan,
Ang kaja magenah ring nyali,
Nang kelod kangin magenah ring paparu, Mang kelod kauh magenah ring
husus, Úing kaja kauh magenah ring limpa, Wang kaja kangin magenah ring ineban, Ing
Yang, magenah ring madya, magenahakna ring pagantunganing ati.
Iti Sang Hyang Omkara, Sang Hyang kapatyan, anggawe tatsra asiya lwire

4a | Sa Ba Ta A I Na Ma Si Wa Ya, Om, mwang anggawe tiga, ndya ta tastra tiga, lwire

: Ang Ung Mang. Mwang anggawe Sang Hyang Tastra Rwabhineda, lwire Ang Ah. Yan
wus samangkana denta angwruha, hawya wera, simpenakna denta apang pened,
pamulihakna Sang Hyang Tastra iki, pasakna denta apang jati, lwirnya :
Sa mulih ring Ba, Ba mulih ring Ta, Ta mulih ring A, A mulih ring I,
I mulih ring Na, Na mulih ring Ma, Ma mulih ring Si, Si mulih ring Wa, Wa mulih ring Ya,
Ya mulih ring Sang Hyang

4b | Tastra Pasupati Omkara, Sang Hyang Tastra Pasupati Om-kara mulih ring Sang
Hyang Tiga, A, U, Ma, Sang Hyang Tiga mulih ring Rwabhineda, Ang Ah, Sang Hyang
Rwabhineda mulih ring Ardacandra, Ardacandra mulih ring windu,Ο, Windu mulih ring
nada, Δ , telas, haywa wera, utama dahat, aksara iki, apa gagelaran pati lawan urip,
wenang gelarakna apang sing i papa klesa ring sariranta, mwah wenang anggen
pangalah satru wisesa, mangkana gni kunda rahasya utama, ya ika mageng tan polah,
mawisesa hana iti.

5a | Telas aksara iti dadi api.

5b | Iti unggwaning Ardacandra mwang Windu Nada, nga, mwang Rwabhineda, nga.
Mwang Omkara Sumungsang, nga, unggwanya Sang Hyang Tiga, nga, Brahma Wisnu
Iswara,
Sang Hyang kalih, munggu ring nabi genahnya, Ang. Ne luhuring siwadwara
magenah, Ah. Ongkara mungguh ring pala kiwa tengen, Om, Sang Hyang Tiga, metu
ardacandra windu nada, unggwanya, ardacandra ring ulu arsa, windu ring udel, nada
ring tungtunging purusya, anerus ring telenging ati, mwah anerus ring tengahing ampru,
anerus ring pagantunganing idep
6a | Mwah akumpul ring cacupu inten, ika citta, mulih maring pucuk tiga, ulenganing
tingal, tungtunganing nggarung, pucukaning pusa, paunggwaning Sang Hyang Tiga,
makumpul dadi ika, yan sira harep anglekas, pepek de nira halanggi mwang haturu,
pujanira ring teneng, marukse suku kiwa, tanganta ring kiwa, gamelana sunduk den
apageh, pelengakna pucuk tiga, haywa kumdep.

6b. metu parek dening Sang Hyang Rwabhineda, unggwanya ring dada, ring siksikan,
haywa wera, tan siddhi palanya, mulih ring sariranta makumpul lungguh.

7a | Api Yeh

7b | Iti Suksmaning Kanda Pat, nga, ginawa maka kakudung urip, dahat wisesa sira.
Kawruhakna haranya kabeh. Lwire, : yeh nyome madan I Anggapati, putih rupanya, ring
pupusuh genahnya, ring cangkem pasuk-wetunya, ring engkok-engkokan genahnya.
Getihe madan I Mrajapati, abang rupanya, ring ati unggwanya, ring irung pasuk wetunya,
ring bawu tengen genahnya. Ari-ari ngaran I Banaspati, ireng rupanya, ring nyali
genahnya, ring netra pasuk-wetunya

8a | ring bawu kiwa genahnya.

Tahi langlang ngaran I Banaspati Raja, kuning rupanya, ring ungsilan genahnya, ring
karna pasuk-wetunya, ring pungkuring pamanggehan genahnya, telas.
Yan sira wruh samangkana, ika parama sakti dahat. Yan merentah sowang-sowang,
awehakna sanakta kabeh, swaranya ka yeki japanya, : Uh swaranya I Anggapati, eling
sira asanak

8b | ring ingsun, ingsun tan lali asanak ring sira. Raksanen ingsun, yan hana sanjata
lalandep, pe sanjata tumpaking awak sarinan ingsun, ampihang haja lali, poma, 3x.
Ah swaranya I Prajapati eling sira asanak ring ingsun, ingsun tan lali asanak ring sira,
raksanen ingsun, yan hana sanjata lalandepe, sanjata tumampaking awak sariran
ingsun ampihang haja lali lah poma, 3x.
Eh swarane I Banaspati, eling sira asanak ring ingsun

9a | ingsun tan lali asanak ring sira, raksanen ingsun, yan hana sanjata lalandepe,
sanjata tumampeking awak sariran ingsun, ampihang haja lali lah poma, 3x.
Ih swarane I Banaspati Raja, eling sira asanak ring ingsun, ingsun tan lali asanak ring
sira, raksanen ingsun, yan hana sanjata lalandepe, sanjata tummampeking awak sariran
ingsun, ampihang haja lali lah poma, 3x. Telas.
Rehnya mawas kiwa tengen,

9b | mwang ring arep ring pungkur, pepetakna bayunta, kayanga mijilaken sanaknya,
den kadi wong yanak-hanak, tan lyanan sake rika, tan mijil sanaknya, wus mangkana,
yang hadres hirungnya kiwa, sukune kiwa tindakang dumun. Yan hadres hirungnya ring
tengen, sukune tengen tindakang dumun, yan pada dresnya, metu ring irung
mahancogan lumaku. Haywa sangsaya sira ring dalan, tan ngmasi sira ring dalam,
mwah saparaning mintar, leya,
10a | ndesti, teluh trangjana, durggha durjana, mawdi ngeb, salwir ing wisesa sami pada
wdi mundur ajrih, telas.
Haywa wera uttama dahat iki yan sira wruha ring tutur iki, Yan wera geng hetung
halanya, den singid ring hatinta juga, aja hima- hima.
Marganya, : Ang ring irung tengen, Ung ring irung kiwa, Mang ring tengahing irung.
Iti patemoning Swalalita mwang Modre, mwang jatining Dasaksara, Panca Brahma.
Panca Brahma ring genahnya,

10b | ring nabi unggwanya. Pancàksara ring siwadwara genahnya, kadi iki tastranya :
Panca Brahma : Sang Bang Tang Ang Ing, nga. Pancaksara, nga : Nang Mang Úing Wa
Ing Yang. Patemunya :
Nang Mang matemu dadiIng-kara.
Sing Wang matemu dadiYang-kara.
Ing-kara mungguh ring nabi, maraga Sang Hyang Guru Reka.
Sang Bang matemu dadiAng-kara. Tang Ang matemu dadiUng-kara. Ung-
kara matemuAng-kara,
dadi Ong-karàgni Murti, dadi api ngendih murub. Ang-kara matemu ringUng-kara, dadi
lengis.
Yang-kara matemu ringIng-kara dadi yeh Ong.

11a | Ing-kara matemu Yang-kara dadi Mang,mawak angin.

Mang mawak bintang, Nang Mang Ing, maraga suryya, Sing Wang Yang, maraga bulan,
maraga bintang kartika. Suryya ring netra kiwa, bulan ring netra tengen, bintang ring
seûa.
Mwah, Ing Yang Mang : Ing bhatara Siwa. Yang bhatara Sadasiwa. Mang bhatara
Paramasiwa. Unggwanya : Ing ring pukuhing rambut. Yang ring madyaning rambut.
Mang ring tungtunging rambut.

11b | Unggwanya : Ang ring idep, Ung ring bayu, Mang ring sabda.
Mwah hana Tri Padanà, nga, : surya, bulan, bintang. Sabdanya : Ing Yang Mang,
matunggalan, Ang Ing hapti, nga. Ung Ang upti, nga. Ong Mang, pralina, nga. Iti jatining
Dasaksara, nga, pratastraning nabi, kaslahan dening Ing-kara dadi Panca Brahma. Ring
luhur kaslahan dening Yang-kara, dadi Pancaksara. Ika kawruhakna apang jati. Kinemit
dening sobdanya catur. Kayeki rerajahannya kawruhakna,

12a | Huyuh angin, purusya

Pangaringkesan Dasaksara,sampun mabungkulan pragat

12b | Panlasanya iki glarakna,

13a | Angen ngeseng satru, anggen angeseng salwiring lara roga wighna, salwiring papa
ptaka, salwiring hala hala, leyak desti pada geseng, salwiring karyya pada geseng,
anggen angurip wenang, anggen ngeseng wenang, kawibaran Sang Hyang Dasaksara
iki, haywa cawuh cawuh, ring prayogan Sang Hyang Dasaksara. Haywa romon ring
aksara puniki. Yan nguncarang mabresih dumun, mahening hening ring raganta, poma
pingit akna ring adnyana pranawa.

13b | Iti prayascitaning sarira, ngilangaken salwiring wighnaning sarira, mwang papa
klesametu saking sarira, makadi bancana teka saking durggha wisesa, leyak desti teluh
trangjana, mwang sangaraning sarira hala, ta geseng de nira sanghyang mantra,
prayogakna, Sang Hyang ika Mantra, Sang Hyang Dasabayu sariraken ring raganta, sa,
tirta mawadah payuk anyar, 1, daksina, l, den agenep, arta, 8.000, canang, 10 tanding
raka sakawenang, pinuja ring sanggar rikala purnama,

14a | tilem, asep den awangi, haywa wera, karungu dening wong len, ri wusnya mayoga,
tirtanen raganta, kadi akrama, wehin anak rabinta tirta ika.
Phalannya wedi ikang kala durggha, doh ikang gring, sarwa lara wighna, utama dahat iki,
druwe sang ratu, mwang brahmana, wenang angangge iki. Mantrannya:
Om idepa Sang Hyang Om-kara mungguh ring tungtunging rambut maraga Sang Hyang
Siwa Nibana Wisesa.
Iti mantranya:

14b | Om Sang Hyang Siwa Nirbana Wisesa mungguh ring agraning rambut ku,
matapakan padmànglayang, sira anita(ha) ken salwiring lara roga papa pataka,
wighnaning awak sariranku, angundurakan sarwa durga kala kabeh, Om Sang Hyang
Sri we namo namah swaha.
I ring siwa dwara mungguh, idep Bhatara Siwa malungguh maring raga ika, ma, :
Ong Sang Hyang Siwa Murti Jati, malungguh ring siwadwaranku, matapakan padma
bhwana, angleburaken lara wighna papa petakaning awak sariranku, amu

15a | nahaken sapakriya hala, sarwa durga kala kabeh, Om sriya we namo namah
swaha.
A, ring lalata, idep Bhatara Sadasiwa maraga, Om Sang Hyang Sadasiwa Murti,
malungguh ring padmasana ratna, sira anganyutakena lara loga papa pataka
wighnaning awak sariranku, angunduraken sarwa roga kabeh, Om Sriya we namo
namah swaha.
Ka, ring rahi, idep Bhatara Suryya Candra mungguh ika, ma, :
Om Sang Hyang Siwaditya

15b | malungguh ring padmànglayang, sira anuluhin saparaning durúana, asing akaryya
hala ring awak sariranku wastu kita punah sarwa gunna wisesanta kabeh, mwah
angilangakena lara roga wighnaning papa patakaning awak sariranku, Om Sriyya we
namo namah swaha.
Sa, ring muka mungguh, ring idep Sang Hyang Maya Murti, ma :
Om Ang Sang Hyang Maya Sakti, malungguh ring padma nada, sira angemitaken awak
sariranku, amrangakna salwiring awak sariranku, sakwehing desti teluh tarangjana

16a | gegendu gentawang wastu sira punah teka geseng de Bhatara Maya Sakti, Om
Sriya we namo namah swaha.
Ma, ring awakta, idep raga Sang Hyang Bayu mungguh ika, ma: Om Sang Hyang Prana
Bayu Wisesa, malungguh ring padma cakra, mider amepeking awak sariranku, sira
amagehaken sarwa wisya kabeh, sarwa lara roga wighnaning awak sariranku, mwah
sapa karya lara kabeh, tan tumamah ring ring awak sariranku, Om Sriya we namo
namah awaha.
Ra, mungguh ring wredaya

16b | idep maraga Adnyana Wisesa, ring tungtungin ati, ma, :

Om Sang Hyang Adnyana Wisesa, sira anglukat hanganyut mala papa petaka, lara roga
wighnaning awak sariranku, mwah mwah amunahaken dasamala wikara pramala danda
upadrawa ring awak sariranku, sakwehing akarya hala dusta durjana sira angunduraken,
Om Sriya we namo namah swaha.
La, uderan, idep Bhatara Saddha Rudra, mungguh ring weteng ma,: Om Ang Sang
Hyang -/-

17a | Sadha Rudra Murti, anggesengakna lara roga papa petaka lebur punah dadi hawu,
anggesengkna salwiring papasangan, rarajahan, papendeman ring awak sariranku,
asing kapangan-kinum teke geseng mwah sarwa durgatala kabeh, asing akarya hala
ring awak sariranku, wastu geseng dadi awu, Om Sriya we namo namah swaha.
Wa, ring nabi lungguhnira, idep Bhatara Agni murub ring awak ku metu saking nabi, ma,
: Om Ang Ang Sang Hyang Agni Ludra

17b | Murti murub ring awakku, terus ring akasa mawak, anggeseng leyak kabeh, teluh
trangjana kabeh, mwah papa klesaning awak sariranku, wastu geseng punah dadi awu,
Om Sriya we namo namah swaha.
Ya, ring guya, idep Bhatara Semara, mungguh ring parama guhya, : Om Asmara Dewa
Murti ring awak sariranku anglebur sakwehing papa ptaka, lara roga wighna, doh wikara
pramala danda upadrawa

18a | ning sarwa we, wastu punah hilang, Om Sriya we namo namah swaha.
Ung, ring padma wredaya, idepang Sang Hyang Ananta Bhoga, ma : Om Sang Hyang
Ananta Bhoga, sira angruwataken salwiring mala wighna, wastu punah sakwehing mala
ring awak sariranku, Om Sriya we namo namah swaha. Telas.
Iti Panulak Satru muang Sarwa Leyak, gering wisye katulak de nira, úa, : lontar gawa
juga ring petpet wenang pangraksa jiwanta, ma, : Om idep aku Sang Hyang Anungku

18b | Rat angraksa jiwa, Sang Hyang Taya angraksa bayu, Sang Hyang Parama Wisesa
angraksa idep, Sang Hyang Acintya angraksa sabda, siapa wani hala paksane ring aku,
buta kabeh manusa nembah, dewa asih, aku Sang Hyang Anungku Rat, mangraksa
jiwa, sakti aku licin, gering wisya punah, sing teka pada punah, lah malarem, …..
Iki ratuning Pangraksa Jiwa, nagaran Sang Hyang Ingkup Bhwana, úa, lontar gawa juga

19a | sakti kita maya-maya, ma, : Om idep aku Sang Hyang Ingkup Bhuwana, Bhuta
Wilis, ya waluya maya, raksa, úimaya, beta pimaya, ngudngen remaya, sambu ludra
maya, yudistira maya, bima maya, partha maya, nakula maya, sadewa maya tumut
sawangsanira, raksanen, duluring lampah laku japanku, lunga aku sakti, 3x. jeng, telas.
Nyan Sang Hyang Wisnu Murti, nga, sakti dahat, haywa wera, uttama temen, ngaran
Pragolan,

19b | suksma pakedepannya iki, salwiring leyak desti teluh terangjana, buta kala dengen,
salwiring halabancana wedi ngeb, turakna ri talapake wehaning satru, ma, : Om Sang
Hyang Brahma Loka, Hyang Wisnu Loka, sumurup ring Iswara Loka, anerus ring
tungtunging adnyana sandhi, mwah ring tinghal kalih, kaweruhakena wetuning sanakta,
Iswara ring papusuhan, Brahma ring hati, Mahadewa ring babuahan, Wisnu ring ampru,
Idep bayu sabda.

20a |angregep tak kodar sabda.

Yan ngareping satru, ma. : Idep aku Bhatara Brahma maring tengen, Bhatara Wisnu ring
kiwa, ring arep Bhatara Guru, ring pungkur Bhatara Mahadewa, Bhuta Saliwah, awak
Bhuta Kakawah ngemit ring tengah, Bhuta Ari-Ari lawan Bhuta Rudira ngemit ring kiwa,
Banaspati ngemit ring arep, Ih Bhatara Guru ring cangkem, Bhatara Wisnu ring irung,
Bhatara Brahma ring tinghal, Bhatara Mahadewa ring karna, Bhatara Siwa ring
padmaron, 100,

20b | Paramasiwa ring padma pron, 20, Sadasiwa ring padmamron, 10, iti genep
pangawkasan Bhatara Siwa, I hi ya ingsung Sang Hyang Tiga Maya, mangko insun
Sang Hyang Mula Sweta, mangko iya manon, aranku Sang Hyang Gurudeya,
mangko reh asing langgana. Marep purwa megeng bayunta, tan kodar sabda, tlas.
Iti Sang Hyang Siwàgni, nga, pangraksa ring sariranta, reh nye marep purwwa, andeleng
suryya, dawuh ro, dawuh telu, ma, úa, toya anyar

21b | hana karnanku, teke rep sirep, satru musuh ku wong kabeh, gumatap-gumitip,
segara danu, teke rep sirep, sakwehing matangan masuku macangkem bungkem, teka
bungkem, 3x. Apan aku pangawakan Sang Hyang Siwagni, teka ngandeg, jeng. 3x.
Nyan kaputusan Sang Hyang Nata ring Girinata, úa, lontar tulisin mantra, gawa juga
mawisesa dahat sira, sakwehing leyak baktya, sakwehing bhuta wedi, mwah bhuta kala
dengen mawedi, mwah asing elik amati-mati pada wedi, mwah satampak saluning

22a | pande besi, tan tumamah ring awak sariranku, lunga jati teka jati, jawanira tan kasoran
dening bawa kawisesan sira, yan tan wruha ring mantra iki gawa juga lontar iki, dahat wisesa
sira, ma, : Om idep aku ring Sang Hyang Nata ring Girinata ring Gunung Agung, tedun ring
madya pada, haranku Bhatari Sapuh Jagat, kawisesanira Hyang Bhatari Durggha, sapa wani ring
aku, apan aku mulaning wisesa sakti, aku mulaning guna pangaruh, aku Sang Hyang Sapuh
Jagat, leyak

22b | putih nembah ring aku, leyak abang nembah ring aku, leyak kuning nembah ring aku, leyak
ireng nembah ring aku, leyak amanca warna nembah ring aku, leyak katon leyak tan katon
nembah ring aku, bare buta kala dengen nembah ring aku, sakwehing satru pada baktya, asing
krode asih sakwehing durga urung, apan aku masarira marupa Durggha, rupanku Bhatara
Girinata, luwih aku sakti, gering lara wisya katulak denku, aku Sang Hyang Sapuh Jagat hana
guna
23a | ning satru wisesa, aku munahang kroda punika punah, sakwehing sanjata amati-mati pada
punah, teke punggel tikel, aku luput ring sakriyaning satru, apan aku nataning wisesa, tan
katamanan aku satru, aku weruh Sang Hyang Liwing Girinata, nataning dewata, Sang Hyang
Om-karàdikel, 3x.

23b | Iti Pangasih Bhuta, Pangasih Dewa, mwang Manusa, gelarakna rikala ngabhakti ring dewa,
anggen pangraksa jiwa wenang, sengkernya sahuripnya, úa, lontar tulisan mantra, Kaputusan
Sang Hyang Mpu Bahula, wenang maka pangalahaning leyak kabeh, gering wisya teka punah
denya, ma, : Ingsun angidepakem Sang Hyang Acintya Suksma, sakti pangraksa jiwa, apinda
manusa sakti, aran Sang Hyang Mpu Bahula, angiring de -/-.

24a | ning weda japa sakti, ingiring dening Dewa Catur Loka, ngelukat leyak kabeh, anglukat
gering wisya kabeh, yan hana leyak halapaksane ring pakaranganku, teka dingkel, 3x. teka
pupug punah, asing teka ko satrunku kabeh punah, teka nembah nungkul, ko ring pakaranganku
tekeng aku, apan aku uriping sarwa wisesa, wenang teka waras, 3x, Ang Ah, Ang, telas.
Iti Sang Hyang Mretyu, nga, ma, : Ih metu Sang Hyang Mretyu ring pabahanku, murub kadi geni
ujwala, aku

24b | amancut atmaning leyak kabeh, mungguh ring tungtunging nada Sang Hyang OM-kara
Ngadeg, asing katon denku lah pada geseng teka pada tikel, suksma bungker, 3x syah, 3x.
Rehnya nuding leyak.
Iki Pangesengan Bhatara Brahma, nga, Ih aku Bhatara Brahma Sakti, sang apa mapas aku teka
geseng, bhuta mapas aku teka geseng, kumatap-kumitip mapas aku geseng, aku Bhatara
Brahma Sakti, angrangsuk aku batu

25a | wresani, hatateguh mahider bhuwana, úa, sakawenang.

I Sang Hyang Kober Kuning, pinaka ratuning kawisesan, rehnya rembah marep kulon, laju amati
rana, Sang Hyang Kober Kuning nga, rong puluh, 7, rahina panunggunya, ma, :
Om Sang Hyang Parahyang, aku Sang Hyang Guruning Hyang, aran ku Sang Hyang Sukla
Wisesa, ingiring aku dening Sang Hyang Wisesa, Sang Hyang Sakti tan malih ring luhurku Sang
Hyang Tunggal, ring arepku Sang Hyang Acintya Wisesa, Sang Hyang

25b | brahma ring tebenku, sanghyang wisnu ring kiwanku, hyang iswara ring tengahku, bima
rempak mider ring aku, geni murup pinaka kasnanku, sapa wani ring aku, jadma teka geseng
satapak paluning pande wesi teke geseng, tikal tan palumya tekol, guna mati, pangaruh mati,
wisesa sakti mati, paweh dewa mara mati, apan aku anggawe sahananing katon, sahananing tan
katon, syapa wani lumiyat ring aku, wisya mara matemahan amreta, aku sanghyang sukma
luwih, angawang awang Ih, Ih,

26a | Ah, Ah, Uh, Uh, Ah Ang, 3x. telas.

Iki Sang Hyang Siwa Sumedang, nga, sengkernya sahuripnya, yen tan weruha ring mantra iki,
kewala pejang ring luhur ing aturu, bantennya canang burat wangi ring kajeng kliwon, ma :
…. Paramasiwa ya ne namah swaha, ; …. metu Sang Hyang Siwa Sumedang, ri pantaraning ati,
murub dumilah kadi surya siyu, ingiring sarwa tastra wisesa, ingiring
26b |dening dewa bhatara kabeh, geni sagunung pinaka lalayanku, asing anglayang pinaka
haranku, sagara adulun pinaka yasanku, sapa wani ring pakaranganku, tekeng aku, apan aku
Sang Hyang Siwa Sumedang aweha ngentar ring aku,
sahananing wisesa, ngentah ngeh leyak kabeh, sing teka satrunku wong kabeh

27a | teka nembah teka nungkul, ring pakaranganku teken aku, apan Sang Hyang Siwa
Sumedang, guruning aguru, guruning dewa bhatara kabeh, guruning japa mantra, guruning
tastra kabeh, guruning guna pangaruh, guruning manusa kabeh, guruning leyak kabeh, guruning
moro kabeh,

27b | guruning pamonpokan kabeh ya ko pada wedi, nembah kabeh ring aku, ya ko pada wedi
nembah ring aku paksane hengko, hala kira-kirane hulun, linipiting Sang Hyang Geni Pracandra
dumilah, bininti dening sila mageng, binandem de nira Sang Hyang Bayu mageng, rempak
remuk tan pasesa satru wong kabeh, kitane tan kawasa ngucap, angumik ring pakaranganku
teken aku, asing teka satrunku

28a |wong kabeh, teka nembah nungkul, ko ring pakaranganku teken aku, apan aku Sang Hyang
Suksma Siwa Sumedang, sakti aku tan kaungkulan, sing teka satrunku wong kabeh, teka lupa,
teka waras, Om Sa Ba Ta A I, Na Ma Si Wa Ya, sarwa guna pangaruh winasaya, sarwa satru
winasaya, sarwa satru winasaya, pangantya, sing marere sami

28b | pada mingmang, siyu weda samangkana, kaweruhakna haywa cawuh, kena soda de nira
Sang Hyang Siwa Sumedang, poma.

29a/b | Aweda Om Nama Swaha.