Awighnām astu. Namo Buddhaya.

Nihan Sanghyang Ariṡeṣa, sira gawayakěnanta de Sang Upadyaya, ri sampun ing mangaskāra,
parupahanawa pableṡaning awakta, hetu ning luputa sangkeng cakrabhawa, kapanggihan ing
kanirāṡraya, donya nibakina wruhakěn. Lwirnya :

“Ratna braṇame ṡaraṇam, sarbwa pratideṡa dharmam, apramadañjagat puṇyam, ṡuddho

boddhodadema cah”.
Kalinganya, Bhaṭāra Ratna Traya sira lěwih, pinaka ṡaraṇ a ning sarbwa sasatwa, mwang pinaka
hunggwan ing sarbwa dharma, sarbwa upadeṡa, sira sěmbahěn i nghulun, mapan sira lěwih ning
sambara de ning jagat, buddho boddho dade manah.

Sira Buddha, dharma, sanggha, sira pinaka ṡaraṇ a traya, maka katwang asih, puṇ ya, nakbi, sira
ba, baya, wak, citta, Hyang Buddha ngaran ira, sang agöng asih ring sarbwa satwa, mwang tan
kataman rāga dweṣa moha, sira Bhaṭāra Buddha ngaran ira, sira Bhaṭāra Dharma ngaran ira, sira
Bhaṭāra Sanggha ngaran ira, sang gumawe lampah, matangnyan ingaranan Ratnatraya sira, Buddha,
dharma, sanggha, sapuluh lakṣaṇ a Bhaṭāra Dharma, kawruhakěna. Ndya ta nihan.
“Kṣamodā, ṡila, dāwijam, tyagā, mindriya nigraha, sahyȏpadeṡanam, dharma,
gadgadantaṡcayakṣaṇam”.
Kalinganya, ikang sinangguh sapuluh pawak Sanghyang Ratnatraya lwir nira, kṣamada, paṡu pakṣa
maring sarwa tumuwuh, upakṣama ngaranya, göng ampura, ṡīla ngaranya, halěp tininghalan sȏ lah
ira, bhaṣina ngaranya, sawuwus ira amanis, tyāga ngaranya, tan ahat ring hurip ira, indriya
nigraha ngaranya, wruh angalahakěn indriya, satya ngaranya, tan dadi lěñok
mȏ jar, upadeṡana ngaranya, wruh ring sthāna bhaṭāra, dharma ngaranya, sira ṡānta ring ulah
dharma, ṡānta ngaranya, atīs yâmběk ira ring rāt kabeh, dānta ngaranya, sira ṡuci sadā ring rāt,
niyata nika sapuluh lakṣaṇ a nira Bhaṭāra Dharma.
Sanggha ngaran ira, angasih ring sarbwa satwa, anpratyupacara wruh ira sarbwa tattwâgamâdi, ya
sanggha ngaran ira. Sira ta katiga ingaranan Ratnatraya ngaran ira.
Nihan kalinganing Pañca warṇa. lwirnya : ṡweta, kṛṣṇa, pīta, wiṡwa, rakta. Ṡ weta ngaranya,
līlā nirāwaraṇ a ning jñāna, yȇ ka ṡweta, nga. Kṛṣṇ a ngaranya, ikang buddhi gumawaya haywa ning
para, mwang sumiddhakěna haywa ning len, haywa hiḍ ělěmlěm siddha ning kārya rahayu juga, ya
warṇ a hirěng ngaranya. Kuning, umintonakěnânabda puṇ ya sambara, nga, kagawaya ning běcik,
sambara, ngaranya, göng ning jñāna nirmala, ya warṇ a kuning ngaranya. Rakta ngaranya, ikang
jñāna masih tan yadwekṣita tan pangêkatwa, tan hana katuna ning sarbwa satwa hina Madhya
mottama, sinama nira, ya warṇ a rakta ngaranya. Wiṡwa warṇa ngaranya, ikang
tumata sabana punggung ning sarbwa satwa, ring sakala niṣkala, ya wiṡwa warṇ a ngaranya. Nāhan
kalinganing Pañca warṇ a sambara.
Paragata karta metri, nga, ikang asih ring sarbwa satwa tan pakāraṇ a, ya metri ngaranya.
Paraduhka paha karuṇa, nga, ikang āmběk malara yan anon kalaran, umangga mihalangakěna
nawa sira, yêka maka karuṇ a nga.
Parahita tuṣṭi mudita, nga, ikang āmběk suka tumon ing sarwa satwa, pinrarthanakěn suka ning
len, mwang suka ning rāt kabeh, ya têkang mudita mohita, nga.
Para paro krětȏpekṣa, nga, ikang buddhi tan dadi magawe hala ning para, pratidina mangangěn-
angěn suka ning len, tělas karuhun kadīrghâyuṣan ira sang prabhu rāma rěṣi, yatêka upekṣa, nga,
sira ta dewagrěha Sanghyang Dharma, ya graham tan kahanan lěwas, nga.//.
Pinratiṣṭha Sanghyang Mahārāga, mahāmoha, rāga, nga, jñāna kědöra lpasan ing sarbwa satwa,
mwang pamanggihan ikang sarwa janma inak āmběk, kagawaya ning deṡa, nga, tan hiḍ ěp ring hana
ning sarwa wastu, mayā-mayā ning swabhāwa katattwan, kagawaya ning mahādeṡa mahāmoha ikā,
tan hiḍ ěpnya tan hana ring maka mala tan taya, tan manděl ing ṡūnya, tan anděl ing wāhyâtmaka,
tan karakětakěna ikang sarwa wastu, yêka mahāmoha upahrěta.//.
Karmamudra, nga, ikang padmâsana, mwang ikang pañca kāraṇ a bharallī soma mahā mrěha
nikcala, nga, pawor i rakta rāgi, lāwan windu rudrawā, windu rudrawā, nga, buddhi, citta, ya têka
kriyā dharma mudra, nga.//.

Mahā wāhana kagêndra, nga, ikang tri dāna lakṣaṇ a, nga, dāna, ati dāna, mahatidāna, dāna, nga.

Alěñcapanam tanakadi ratnam, danañca wastram ṡayan mañca dogma, ratha ṡrilāṡwam
gagaraṇḍu datwa, wipraladā der wibhawam idadeh.
Kalingan ikā, ikā sang mawehana, nga, sěkul, pāna, nga, sajöng, kanaka, nga, mās, sadiratna, nga,
ṡoṡocan, wastra, nga, dodot, ṡayana, nga, paturwan, bhoga, nga, sarwa wastu pinangan, ratha, nga,
sakaṭa gilingan, ṡrīya, nga, bras pari, aṡwa, nga ajaran, nāgara, nga,kaḍ atwan, yêka wehakěna ri sang
wipraweda pāraga, tan asinunggwan ing aweha, wipraweda pāraga, nga, sang bhrāhmaṇ a wruh ring
weda, sang tan katunan pangawruh ira ring catur weda, apan sira sākṣāt sanghyang brāhmaṇ a, katon
ing rāt, yêka dāna, nga, apa ta phala nira sang maweh dāna, mulih sira ring Iṡwaraloka, amukti
swarga phalanya.

Atidāna, nga,

Swañca pidaryan tanayam priyañca, datwā parenyah namu māsti tṛṣṇah, kālena cittam samaya
numatram, dwije padene wawadānti danam.
Kalinganya, sang maweweh, swa, nga, drěwya sakalwirnya mwang kawula dāsa dasī, anak istrī, priyā,
nga, rabi, ikā ta winehakěn ing para, tan hana katṛṣṇ ān ira muwah,niṡcitta ri sěḍ ěng ira maweh,
niṡcitta, nga,tan pangangěn-angěn êman, cittyagnagrahya, aněmu mrěhita phala ning dāna, kewala
hning nira, paranājñāna, ri huwus ing kawehan ing dāna, samātra sira mangucapa yan aweweh ri
lent aha, kewala hněng hning, ri sěḍ ěng ing apa ta hunggwa nira ng aweh dāna ring para, ring dwija
pada.

Dwijapada, nga, ri sěḍ ěng ing pasamūha sang brāhmaṇ a, mangucarakěn weda, ri duwěg iran
pangunyakěn mantra, ngkāna ta hunggwa nira maweha dāna ring para, sākṣāt Brahmā loka paḍ a ikā,
ya atidāna, nga, mapa phalanya ? Yan kita mulih, kinabhaktyan de Sanghyang Iṡwara hělěm i swarga
loka.//.

Mahatidāna, nga,

Dātwa samara sudhīran parenyah, jitwā surêndram hrědaye piṡurah, dheryānudāwātmana

duhka me tat,mahatidānam prawadānti santu.
Kalinganya, deya sang ṡūra ring raṇ a, yan aga ikā paḍ a nira ratu, inalahakěn ta ya de ning ratu len,
ndātan padeṡa ikang ratu inalahakěnya, sangka ri takutnya lumāwanêng prang, mamara ṡraya pwa ri
kita, mamělas harěp pamintanyan tulungin, yogya katulungěn ira, apan sādhu buddhi, adyapi rusaka
wadwa nira yan alwanga māti warga nira kunang, mwang sânak tanaya nira, haywa ta sira duhka,
adyapi sira pějahêng raṇ a, maka silunglung kaṡūran, tan surudêng ulah kakṣatriyan, deryânucapa,
nga, tinūt ing kadhīran ing awak ira, ênak hning ning jñāna nira tan duhka, kunang sira yan jaya ring
prang, haywa ta sira harěp phala samitra, yêka mahatidāna ling Sanghyang Āgama.//.

Yêka ta mahā wāhana pawitra ning tutunggangan, ya garuḍ a byuha, nga.

Nihan sinangguh Pañca Mrěta Jaya Kamala.

Ikā Pañca ṡikṣā wāda, lima prakaranya, lwirnya, praṇ ati pati wirati, nga, tan dadi kita mamāti mātya
satwâgöng aḍ ěmit, sudoṣa nirdoṣa, mapa doṣanya, bwat alpa yuṣa ring janmântara.//.

Kadattadāna wirati, nga, tan dadi kita maling, tan pangalap sarwa ning lyan tan pakāraṇ a
winikārakěn, mapa doṣanya ? Bwat duhka ring janmântara, anona kita wwang tan paněmu phala,
tuwi pinaka hulun-hulun ikā de ning samanya janma, mwang tan paněmu uyah gěrutan.
Kamamityacara wirati, nga, tan dadi kita hyun ing strī larangan, mapa doṣanya ? Maṡatru durbhaga
kitêng janmântara, mwang ri samādhe tuwi.

Amrěṣa wāda wirati, nga, tan dadi madwa mȏ jar, doṣanya, tan kapintuhwing janmântara, adona kita
wwang bisu, manglěñok-lěñok paḍ anya janma.

Suramareya Madhya pramadasthāna wirati, nga, tan dadi kita mabatang-batangana, dumalih-daliha,
mawěrö-wěrö dāna, doṣanya kawawêng naraka, madatana tutur, manona kita wwang dhwanta.
Yêka sinangguh Pañca Mrěta Jaya Kamala de sang yogi.

Nihan pratyeka ning sinanggah bhūṣaṇ a Bhaṭāra Sugata, sakala, lwirnya. Yogapaṭa, nga, wruh
patěmu nira Sanghyang Adwayañjaṇ a, lāwan ikā patěmu nikang adwayâtmaka, ikā ta pinaka
pangawruh sang paṇ ḍ ita, těměn-těměn, kadi kita kumawruhanê sira, apan paramawiṡeṣa, pinaka
jñāna sang boddhisatwas, sang tumaki-taki ulah kamahayanikan, sang boddhisatwa ngaran ira sang
masih ring sarwa bhāwa, sarwa bhāwa ngaranya, sang maswaṡarīra ring rāt, kintu ikang sarbwa
satwa, humiḍ ěp irikang rāgadwe(ṣa?), yêka ta warah-warahana ring rahayu de nira, maka don
ilangan ing kang pāpa kleṡanya, prasiddha sira masih ring sarbwa sarwa ngaran sang umilangakěn
pāpa kleṡa ning sarwa satwa sira ta wěnang maka ṡaraṇ a ning rāt, apan sira putus ing kadīrghanan,
liwat sangkeng janma mānuṣa, tělas guměgö ng an antyapada, lumampahakěn kamahayanikan, tan
panggěgö wāhya phala, sumiddhakěn pangawruh i sang sarbwa satwa, ri langgěng i tutur ira ṡuddha
nirmala, sira tuměmwakěna dwayajñāna mwang irikang adwa ātmaka, mwang wruh ira ring prayoga
lěwih, ya têka yoga paṭa jāti warṇ a ngaranya.

Uttara sanggha, nga, ikang jñāna tan pakahilangan, langgěng tan kěnêng kṣaya.
Cirāpa, nga, ikang wruh padudwa ning jñāna lāwan rāga, ya cirapā ngaranya.
Paragi, nga, wruh lakṣaṇ a bhaṭāra dharma, wruh ring pāpa ning rāga wiṣaya ning rāt, ya paragi,
ngaranya.
Sambara, nga, wruh umintonakěn ikang bhuwana ri pahêkan-êkaning sarbwa satwa, mwang wruh
ira ri pratiṣṭha bhaṭāra hyang Buddha, umrarthanakěn ṡila rahayu, ya sambara ngaranya.
Katiba dāna, nga, Madhya sga kāraṇ a, kagawaya ning adhyâtmika pakṣa, adhyâtmika pakṣa,
nga, tan pagawayakěna, tan panghanakěna, tan pananggrahan ing pantara ning hana taya, tan
pabala dāna, tan pangalěma, ya adhyâtmika pakṣa ngaranya.
Těngö, ngaranya, ri těngö tīra ring tri kāya rahayu.
Wulung ngaranya, pamulung ira ring jñāna hning.
Gaṇitri ngaranya, wruha ring êkan-êkaning bhuwana ṡarīra, lāwan kawilangan ing pasuk wětu ning
bāyu, yêka gaṇ itri ngaranya.
Sarwa buddhi ngaranya, wruha ring papupulan ing tiga rahasya, mwang wruh ira ri lampahan ing
tri kāya paramārtha, ya sarwa buddhi ngaranya.
Guduha ngaranya, umintonakěna yan tan hana katṛṣṇ ān ira ring wāhya rūpa, wruh ira n amatitis
tiga, sah maring kaṡūnyan, tan hana inaku āhya ng rūpa, ya gunuya wāhya jāti ngaranya.
Makuṭa, nga, mintonakěn kawruh ira, uměnga catur deṡa, těguh iran gumawayakěn lampah bhaṭāra
hyang Buddha, mwang ring bhaṭāra Werocaṇ a, sira humunggwing makuṭa, sangka lyan amitra, nga,
bhaṭāra Buddha, sira ta suhuněn sadākāla, ikang ta makuṭa ngaran ira.
Sěkar taji ngaran ira, mintonakěn wruh ira ri lunghid i ṡāstrâgamâdi, ya sěkar taji jāti, nga.
Sěkar malya, nga, mintonakěn wruh irângilangakěn tri mala, nga, ṡabda, kāma, artha, yêka
nora ring sira, ya sěkar malya ngaranya.
Karṇa bharaṇa, nga, mintonakěn ri gělěmanta ruměngö rasa sanghyang dharma, yêka sarwa
bharaṇ a, nga.
Karṇa bhūṣaṇa, nga, ingět-ingět, nga, sang wěnang milangakěn lara tuha maraṇ âdi, ya ta hinanta
sadākāla.
Kakalung, nga, mintonakěna hilěmanta ngunyakěn mantra, mwang japa, kajaya dīrgha ning
sarbwa jagat, maka ngūni sang prabhu, ya kalung ikā ngaranya.
Brahmā sūtra, nga, mamituhwakěn rasa sanghyang āgama kita, rasa ning ṡāstrâgama kanimittan
ing sarbwa ning sarbwa satwa kalěbur ing kawah, apan tan pamituhu sarasa ning ṡāstrâgama, tan
sanūt sūtra kalingan ikā.
Kirat bāhu, nga, angadahěn kaparamārthan.
Bāhurākṣa, nga, mangrākṣaha jagat, sade ning angupāyaha, nghing yan karākṣahanya, sakeng
kaprajñān hetu prajñā, nga, ṡūnyajñāna, nga, guṇ a, nga, kāraṇ a, nga, asih tan paṡaraṇ a, ya
bāhurākṣa, nga.
Běběd hati, nga, baddha pasāring āmběk rahayu, ulah rahayu, mwang ṡabda rahayu, mwah ring
kaparamārthan těkêng hati de niran paměkěk, ya běběd hati, nga.
Pahoman, nga, nirmala ring jagat kiwā nitya kāla, umrarthanakěn kaparamārthan, ya homa, nga.
Homa widhi, nga, mintonakěna rahaywa ning bhuwana tiga, yêka homa widhi, nga.
Maṇḍala, nga, mintonakěn ri wruh ing asana Bhaṭāra Jagat Kāraṇ a, ri lěwih ning jñāna nira ring
kasatwikan, wruh niran luput sangkeng agrahya, mwang grahya, nga, aṡraya, nga, nirāṡraya, nga,
agrahya, nga, tan wěnang giněgö, grahya, nga, ikā wěnang kawěngku, matangyan
aṡraya, nirāṡraya, nga, yêka maṇ ḍ ala, nga.
Pūjā, nga, mintonakěn wruh nira ri kapariṡuddha nira ring jñāna, ya pūjā, nga.
Mudra, nga, mintonakěn ikā pramāda ning ṡila rahayu.
Mantra, nga, ṡabda komala.
Pāduka, nga, i wruh ira manampak, ndātan karakěta ring catur yuga, nga, tan kawiṡeṣa de ning
catur wikalpa, nga, wikalpa, nga, krodha, tṛṣṇā, lupa, sangṡaya, ya catur wikalpa, sira ta ya
luput irikā, ya pāduka ngaranya.
Bajra, nga, boddhi citta.
Ghaṇṭa ngaranya, ikang kaprajñān, wruh ring sarwa ṡāstra, maka don kawaspada nikang sarwa
tattwa, mwang prawica ya, ya ghaṇ ṭa, nga.
Dhūpa, nga, ṡrī kāya rahayu.
Puṣpa, nga, bhakti, nga, sang lumaku satata hanūt rasa sanghyang ṡāstrâgama, ya bhakti.
Dīpa, (nga,) sira sang wruh ring sarwa tattwâgamâdi. Di, umalěrakěn ṡila rahayu, ri paḍ a nira janma
pinaḍ angakěn nira saking ṡāstra, ya dīpa, nga.
Ikang kasuṡilan, ikang satata manūt i rasa ning pañcaṡila mwang daṡaṡila, ya gandhalepa, nga.
Dharmaṇa, nga, sang wruh ing dibya ning sarwa dharma, wruha yen kadi caya ning mahesan
(mahěsan?), swabhāwa nikang rāt kabeh, apan mayā-mayā swabhāwanya, tan tuhu-tuhu hana,
manih lunghā manih těka, mangkana swajāti nikang rāt kabeh, tan lanā anitya ya, tan tuhu hana,
êngět pwa kita ri jāti nikang rāt. Yang mangkana swabhāwa nikang bhuwana, ya têku pahesan jāti
rūpa, ngaranya.
Laras hrū, nga, kahilangan ikang pañcâwaraṇ a, nga, rāga, dweṣa, moha, irṣyā, mātsarya, ya têka
kahilanga ri kita, ya laras hrū ngaranya.
Ṡangka cakra, nga, maka don kahilangan ing sarbwa satwa pāpa, sarbwa kleṡa, mwang wruh
umilangakěn makweh ning duhkanya, yêkā ṡangka cakra, nga.
Gadā, nga, sang wruh tumangkisakěna rikang wighna ning dharma, yêkā gadā, nga.
Igěl, nga, ikang wruh manginakana wulat in glen, widagdha rikang dharma (u)padeṡa, mwang êngal
alěměs ing āmběk upaṡānta, hêka higěl, nga.
Isi ning igěl, nga, mangêka nari Bhaṭāra Hyang Buddha.
Cakraratna, nga, siněmbah ning catur dīpa, nga, catur janma, ya cakra ratna, nga.
Paṭāraṇa, nga, maweh parisuka ning sarbwa satwa, apan sira maweh pariṡuddha, mwang hilang ing
daridra ning jagat.
Kastrī ratnan, nga, sang wruh mangilangakěn rāga ning sarbwa satwa, ya kastrī ratnan, nga.
Singhāsana, nga, ikang wruh kagawaya ning ṡūnya, ring ṡūnyata bhawana, yângkěn singhāsana.
Padmâsana, nga, sang wruh mintonakěn wruh nira ring daṡa ṡikṣā pada, nga, prāṇ a, tipati wirahi,
adat adāna wirati, ya brāhmaṇ a sarwya wirate, amrěṣawāda wirati, suramereya Madhya wirati,
apramādathana wirati, drětagita widhin wirati, gandhamalawiye panasatika wirati, wibhuwana
warṇ a dhāraṇ a mahā wirati, uccaṡarya bhawana ṡayana wirati, adha : ā hojana wirati, iti lwir ning
daṡa ṡikṣā pada, yângkěn padmâsana de Bhaṭāra Hyang Buddha.
Abdhirāga, nga, ikang jñāna ṡānta mona.
Paṭāraṇa, nga, wruh iran umintonakěna mawitra ning jagat.
Tindanaga, nga, prajñā parahita.
Malisir, nga, ulap-ulap, nga, i wruh ira ring nayȏ ttama.
Kadga, nga, sunirmala, nga, līlā, mwang numagatakěnana punggung ing sarbwa satwa.
Dhang kadga, nga. (?)

Gajah, nga, Sanghyang Kamahāyanikan sira ta yângkěn tunggangan rahayu, wehakěnêng jagat
Sanghyang Kamahāyanikan, yângkěn gajahe.
Kuda, nga, ikang samyajñāna, nga, jñāna rahayu, mwang tan kaweha ri padawaṡa ning bduṣṭa
durjana, hilanganing āmběk ahalânugrahakěna ya ring parayangkěn, kuda ya, nga.
Ḍampa, nga, sang luměkasakěna ikang lara hayu, yêkā ḍ ampa, nga.
Jampana, nga, sang waspadêng lampah ning tigȏ ttama, wruh ri asana bhaṭāra, ya jampana, nga.
Pahidwan, nga, sang tumaḍ ahara ring dharma upadeṡa, ya pahidwan.
Kṛṇḍa tahil, nga, mintonakěn i kagěgwan ikang dharma ṡūnyata.
Wīryâbyuha wibhawa byuha pada, nga, mintonakěn i kawruh nira ring samādhi traya, mwang
samādhi satwa. Yêkā wīryâbyuha ngaranya.//.
Widhi, nga, widagdha ri kahananing dharma kaṡūnyan.
Anugraha, nga, ikang wruh tan wikalpa.
Adiwāhana, nga, ikang sinanggah luměpasakěn lampah ing sarbwa pāpa ning satwa.
Raṇadeṡastha, nga, ikang wruh ring sthāna, nga, wruh ri unggwanan ing patapan rahayu,
kapangguhan ing dharma kaṡūnyatan, gumawaya tapa brata, ya kângkěn rodranta ring Madhya ning
raṇ adeṡa. Yângkěn musuha ikang padripu. Yângkěn suphala ning prang ikang dharma kaṡūnyatan.
Ityabhiṣeka krama nira sang prabhu cakra wartti, parikrama sangke sira bhaṭāra sang lumah ring
kalaṡedaya bajra puraga aywa cawuh bwat kahanan upadrawa.//.

Nihan abhiṣeka karma nira sang boddharěṣi, nihan pratyekanya kawruhakěna sira.

Daluwang ngaranya, mintonakěnana tasak nira ring kadadin, mwang kaduradarṡana nira.

Singhěl bhāwa, nga, irikang baddha ring ṡirah, mintonakěna ri pambaddha ning rajah tamah, ri
tan hanê sira, ya baddha jāti, nga.
Sampět, nga, wruhan ing jagat, yan aměpěti sarasa ning pañcêndriya, ya sampět, nga.
Bhaṣma, nga, panggěsöng ira ring pañca wiṣaya, nga, ṡabda, sparṡa, rūpa, rasa, gandha, yêkā tan
tinūtan sawiṣayanya, pinějah ya bhaṣma, ngaranya.

Wīja caṇ ḍ aka ngaranya, pamějah ira ring rāga dweṣa, ya caṇ ḍ aka wīja.

Ṡ irowiṣṭa, nga, mintonakěn ring wruh iran panggěsöng ing mala ni sarbwa satwa.

Kawawa kusuma ratna, nga, wruh nira ring sarbwa buddhȏ pakriyā, yan tělas kapuruṣan de nira,
mwang ikang dharma deṡana kabeh, karangkus ikang pañca samkodhi.

Iti boddharěṣyabhiṣeka, haywa winehakěn ing tan boddhâbhiṣeka, bwat angupadrawani.//.

Nihan abhiṣeka krama ning dharma upaṡaka, nihan lwirnya, umehakěn irikang Buddha karma ning
sarbwȏ makara, grěha ngaranya, umintonakěn gong ning dāna puṇ ya nira ring sarbwa jagat, ya
grěha ngaranya.
Mantri ngaran ira, sira sakawāgā, těhěr tan kataman, ṡabda, kāma, artha, mwang wruh ira ring
nawa karma, ya mantra ngaranya.
Gělang kami tuwuh, nga, sang apagěh angrākṣa jagat, ilangan ing duṣṭa durjana, karākṣaka ning
wwang sādhu, ya gělang kami tuwuh ngaranya.
Glangkana, nga, sang maweh pariṡuddha ning jagat, ya glangkana ngaranya.
Gělang gilig, nga, sang wruh Buddha ring bhuwana, ya gělang gilig ngaranya.
Gělang hapus, juwita, nga, umintonakěna wruh nira angrākṣa prāṇ a, kadīrghâyuṣan ing jagat.
Simsim, nga, wruh ira rikang nīti prayatna, karākṣaha ning jagat, masihêng para.
Saṡoca, nga, mintonakěna kawruh ira, kawaspadan ahala hayu ning rāt de nira, lāwan kamahȏ ttama
nirêng loka masih ning sarbwa satwa, ya saṡoca ngaranya.
Susungkul, nga, wruh iran panungkulakěn manah ning durjana matmahan buddhi kasādhun, yêkā
susungkul ngaranya.
Kakarambalangan, nga, wruh irâmintonakěn kasādhun ira ri sang prabhu, mwang ring rāt, lāwan
umintonakěn kanurāgan nirêng rāt kabeh.
Lañcingan, nga, wruh ira mawiweka umujarakěn hīngan ing ṡabda kasatyan, mwang sumimpěni
jñāna paripūrṇ a ning para, ya lañcingan, nga.
Kmitan, nga, i wruh ira kumimitajñā sang prabhu, mwang kumimit irikang tutur yukti, karuhun de
nira kumimit ing hala hayu ning para, ya kěmitan, nga.
Wastra ngaranya, ri wruh ira gumělarakěn karma ning rāt, makâmběka irikang dharma, lāwan
wěnang asih ring sarbwa satwam těhěr angilangakěn irang ing para, kewala maweh bungahan ing
jagat gati nira, ya wastra jāti ngaranya.
Sabuk ngaranya, mintonakěn wruh iran paningsěti hning ning hning ing buddhi, ya sabuk
ngaranya.
Hanting-anting, nga, sang ruměngwakěn tutur lanā.
Hanting-anting lulut, nga, sang ruměngwakěn wirasa ning ṡāstrâgama, maka ngūni ri tan adoh
ira ri rasa sanghyang dharma, ya hanting-anting lulut ngaranya.
Anting-anting ṡangka cakra, nga, sang wruh ing lampah bhaṭāra janardhana, ya anting ṡangka
cakra ngaranya.
Rumbing, nga, wruh mangiring lampah ing bhuwana tiga, ya rumbing ngaranya.
Suwěng, nga, sang wruh hīngan ing bhuwana, asuwěng ngaranya.
Patitih, nga, sang atěngět angrākṣa lampah ikang bhuwana sira mwang ṡānta mrědhu komala saujar
ira ring sama janma, ya patitih ngaranya.
Tatanggal, nga, tan surud ing ulah gumawayakěn buddhi dharma, ya tatanggal ngaranya.
Alañcana, nga, alañcana ning dharmādeṡana pinaka kabhūṣaṇ an ira, ya lañcana ngaranya.
Pātaka, nga, wruh ri mūla Madhya wasāna ning dadi mānuṣa, ya pātaka ngaranya.
Kawaca, nga, wruh ring simpěn ing bhuwana, ri hananya lāwan tan hana ning tryantah kāraṇ a, ya
kawaka jāti ngaranya.
Karah simping-simping, nga, sipi wruh nira yan ikang rāt pagawe bhaṭāra, ya byakta karah
kalung tumaṇ ḍ ang mantra ngaranya, umintonakěna tan sah ikang tri mala sangke ṡarīra nira.
Garudā marěp, nga, umahyunakěnana den têkang kasudarṡanan, ya garudā marěp ngaranya.
Singhěl, nga, wruh ira yan têkang kabalakraman.
Bhuk aṡrī, nga, wruh kamūla-mūla ning bhuwana ṡarīra, mwang mūla ning běcil.
Soti, nga, wruh yan tunggal hurip ning jagat, ya soti, nga.
Jamang, nga, wruh yan mūlya ikang ṡaraṇ a traya, maka mārga lampah ning tri kāya rahayu, ya
jamang, nga.
Kris, nga, wruh maměgatakěn punggung nikang sarbwa satwa.
Wali jěnar, nga, mangamūlyan irikang ṡaraṇ a traya, mwang apagěh ring ṡīla yukti, wruh yan tan
hilang ikang pagawe hala hayu, ya wali jěnar ngaranya.
Inahana (nāhan?) nikang karma nika sang upaṡaka ri sang dāyaka manūt i rasa ni sanghyang
abhiṣeka karma, ing anakěn kapangguhan ikā, ikang awak kadi awuk bhaṭāra, ikang kinahanan de
ning dwā tri lakṣaṇ a, wruh ri ṡikṣānugamana.//.

Ahana ya wwang lingnya, ya ta lawasan ing manganyāsa sanghyang aji, abhiṣeka ṡāstrâdhika
upaṡaka, i buddhi mangkana, buddhi nangga ngaranya, apan tan arěp ing aji, hayu ginawayakěn
buddhi mangkana, kadyangga nikang wwang ahyun asawah-sawah, yapwan dadi ring anghel ing
masawah, byakta kapangguh phala ni nghelnya, hana nikang Madhya, hana nikang sinādhya, ta ya
ikang sādhya, hala ikang sādhya, hala iki sinādhya, hayu ikang sādhya, hayu ika sinādhya,
sangkṣepanya haywa simpang ikā sang masādhya hayu, byakta ng ayu katěmu, nihan paḍ anya ikā,
kadyangga ning masawah-sawah kadi ṡabda ngūni, mananěm ta ya pari putih, byatka mijilakěna
putih, kunang yan pamiji abāng, byakta ikang wijil abāng, yan pawiji hana pari irěng, byakta mijili,
mangka gati nira sang amrarthanakěn kapuṇ yan dharma ning tumaki-taki rahayu, hana ta wākya
ning ṡabda i rěngön ling ning aji ṡāstra nihan.

Buddha ṡāstra maranggahyam, nawāhyahan prawarthate, tathā graham yatecca yā nirbaṇa

cintya mānuyat.
Kalingan ikā, kapangguhan ing kanirbāṇ an juga sādhya nira, tan ahyuna ta ya ring wāhya suka, hana
pwa katěmu de nira, Ō sapaweweh ning dāyaka ya ta inalap nira, kintu ya sādhya nirādwe weṣana
ning tayaka, tātan mangkana, pisaningu ikang walātkāra gumawayakěna, haywa mangkana.

Rěṣi, Ṡ ewa, Boddha, makâdi sang brāhmaṇ a, sira ta sumaṇ ḍ ang weṡa bhaṭāra, sira ta janma utpāta
ngaran ira, apan sira yângkěn bapêbu ning jagat, sira sang inaran wwang aguga ling ning rāt, hana
pwa wwang tan atwang ing sira, manghala ri sira, byakta kapangguh ikang naraka denya, yadyan ing
jaruma ning janmanya, tan wurung maněmwakěn pāpa, ndya ta hala nika sang tan matutur ing
brāhmaṇ a, rěṣi dewa sogata, ri těmah ing kadadinya yan pějah hělěm, lwirnya.

Mangguh daridra wikalo pikubdah, bhrantah kunih kekriwikara yuktah, anasthamanto wak
iraṡca kupṭah, tatepi cihnañca patatyayantu.
Kalinganya ri tan bhakti ring sang paṇ ḍ ita, paḍ a lāwan tan bhakti ring wwang atuhwa, kěna ring
ṡapatha pratyukta. Tan wurung narakâwaknya, tathāpi yan manghala-halahê sira, lwir ning
těmahnya yan pějah, pañjanmanya, pangguh ngaranya, cabol, dalidra ngaranya, dahat
kasihan, wilang aranya, kadyangga ning wwang suwing, kungkung, kiting, dawira.
Kuñja ngaranya tungkuk, sakalwir ing wungkuk. Bhrānta ngaranya, êdan sakalwir ing bhrānta
wiparīta, kunih ngaranya kucilěn makâdi wikět, kokri ngaranya huripnya tuwi pananganing singgat
ulěr, wikāra ngaranya, kahyangganing (kadyangganing?) tuha, picěk, dilěng, iḍ ěp
sungsungěn, adhasta manta ngaranya, kadyangganing geṇ ḍ ong gembelěm, wělu.
Wadhira ngaranya, kadyangganing tuli, bisu. Kuṣṭa ngaranya, kadyangganing kaṇ ḍ ěhan larâgöng
kadhas agung. Cina ngaranya, kadyangganing piñcang, singkěl, dhipa, lumpuh, sangar, kuming,
lajo, patati ngaranya, kadyangganing ayam, buyan, mangkana těmahnya ring janmanya hělěm.
Matangnyan deya sang sādhaka, haywa tan prayatna mangulahakěn ka nīti yogyan, narapwan tan
paněmu lara ring pañjanma nira, palarěn umangguhang kanirbāṇ an, haywa masampe ri sama nira
paṇ ḍ ita, ring sama janma, mwang ring sarbwa satwa, haywa ninda ring sang mulahakěn tapa brata,
apan tělěng ing hati ning sang magawe tapa brata, bhaṭāra juga tah pöh ning citta nira, kapangguhan
ing acintya pada, agöng tapa bratanya, agöng paněmunya lābha, alit tapa bratanya, alit paněmu
lābha, sangkṣepanya haywa pramādêrikā, prih tang jñāna parama dharma, salwir ing ulah rahayu.
ONG namo buddhāya, ONG nama Ṡ iwaya.

Ityabhiṣeka karma haywa wera.//.

lěwih ing dāna, mahati dāna, maka dāna kaṡūran ing raṇ a, yêkā ulah sang ratu, pinaka tapa nira
mangkana, sinambaddhan de sang rāma, rā ngaran ira sang mantra, paḍ a ulah sang ratu mwang
sang rāma, kunang ikā sang rěṣi kewala tapa brata giněgěn ira, sang kṣatriya wěnang prabhu, sang
weṡyā wěnang prabhu, sang weṡyā wěnang mantra, sang brāhmaṇ a ṡewa sogata wěnang rěṣi, nāhan
pinaka pangisi ning nāgara. Prabhu, rāma, rěṣi, titiga sang madrěwe kmitan rinajahakěn ing lěpihan,
apan abwat de nira rumākṣa ring rāt. Kunang brata nira winarajěn ing abhiṣeka karma, kunang yan
janin ulahakěn brata nira, tan prasiddha rumākṣa ikang kmitan ri sang prabhu rāma rěṣi, tan
karākṣa bhūmi yan mangkana ling sanghyang dharma, kayatnakěna, phala ning mahati dāna,
ṡūnyapāda, kapangguh.//.

Yan pandandan prabhu cakra wartti těmahan ira, wiṣṇ u, yan sasar ing kajanman.

Nya ng upasandung sāsana ning sang ṡanara, bhūmi Buddha rani madina mahita, êka janma wak
ṡuddha siti ya wāni, lan wulani ya ta tunggal ikā kabeh.
Netranakṣuh nama mwang ṡikara bhūjāpekṣaddhaṣṭi ya malocanarana, karaṇ a panihanabatṭalinga
matha, mwang tangan suku larwayi sagara.

Bhagni pawakasiki guṇ an dhahana, tri niramatuha bhuh jro lanahuti, jaṭa weda hanalaghni
kagawaha, ṡaya len apuy kang tiga huningan.

Weda sāgara krětta ṡruti jaladhi, aghnam wa yarṇ a wasamudrā na rěṡu, anggawo ya ta rěngěn
ngaraning inam, nāma ning pitu gumantyan awuwusěn, ṡonyā ya pwa ya nika ninggakěna.

Adiparwa tā turangga giri rěṣi, aso bhikṣu turangga cala imawan, sapta paṇ ḍ itanan swera munisan,
waha len kuda gunung tika ya pitu.

Naga panaga ṡarīra bhuṡutanu, murti kujjara gajah, tiradahambha, aṣṭi manggala sari nrěpa
samanang, brahmaṇ a wwalu limanta lawan ula.

Randra tuṣṭa muka go pura wiwara dworana nda wilaca nrakuhara gata wanana nanasada, lyā
lawanawa wrěṡagabahan.

Bhyo, anya gagana bharakanaba, bhyo langit wiyati windyya huningan, ambara nila patamara
paddha windu manika tan palahikahěn.

Dik widik wimala niklamaha widik, daṡa bhikṣa daṡa mala. Kleṡanta, ṡila pangtitiya nama linasa
waneh, nama ning puluh iki nikā tan salah. Rudri ṡambhu ṡangkara sawlas, cakra sūrya yan rwa wlas
ikā, tri ning bhūmi dahanê nda tiga wlas, waddha rūpa pan upat ga nikahěn.

Nyang titi pwa ngaranya nglih mawak, sodaṡa ya nambělas, nga, nikahěn, adri candra pangaranya
pitu wlas, daṡa candra pwa ngaranyang wolu wělas.

Tattwa nāmo Buddha ya.

Babon lontar puniki drěwen, Gusti Madhe Jatmika saking deṡa Pladung, Kadeṡaan Padhangkrětta,
Kacamatan Karangasěm.

Puput sinurat manědhun ring dina, A, Pa, wara Bala, titi, Tang, ping, 3, ṡaṡih, Kaṡa, rah, 6, těnggěk,
1, Iṡakā, 1916. Tanggal Masehi, 12, Juli, 1994.

Sinurat antuk sang panlah, I Ketut Sěngod, saking deṡa Pidpid Kaler Dawuh Marggam Warga Pasěk,
Kadeṡaan Pidpid, Kacamatan Abang, Kabupaten Karangasem.

Iti TATWA BUDDHA, paṡcat tinular de I Dewa Ayu Puspita Padmi ring Amlapura, duk rahina Ra,
Pon, wara Prangbakat. Tanggal 18 Mei 1997. Kṣamākna ngwang mudhālpha ṡāstra.

Iki Tattwa Buddha, puput tinḍ un mwah de Cakraning Kṛṣṇ a ring rahina Soma Wage, wara Ḍ ukut,
ṡaṡih Katiga, Iṡaka, 1936. Yan ring masehi tanggal, 22 September 2014.