TUGAS

Bahasa Bali

Nama : I Putu Sumardiana Putra

No : 41

Kelas : XI IPA 9
 Karma Phala

Kacrita Sang Panca Pandhawa sakadi Sang Dharmawangsa, sampun tutug suén ida
nyeneng ratu, 60, warsa, raris karatoné kaserahang ring putunida, sane maparab Sang
Pariksit, nyeneng ratu ring Astina Pura. Sang Panca Pandhawa raris lunga saniasin sareng
nem nem, makadi Sang Dharmawangsa, Sang Bhima, Sang Arjuna, Sang Nakula, Sang
Sadéwa, miwah Déwi Dropadhi. Ida sareng sami masusupan ring alasé. Jagtan pararapan,
saget wénten asu asiki nutug Sang Dharmawangsa.

Yéning akudang sasih suén idané sami manglalana ring alasé, mangkin sampun
rauh ring Gunung Himawan. Irika sami nglarang yoga Samadhi, ngastawa Ida Sang
Hyang Parama Wisésa. Wusan mamuja malih nglanturang pamargi ngilehin bancang
gununge. Kala irika Déwi Dropadhi kantu, raris ida séda. Matur Sang Bhima “Beli Sang
Dharma, cingak Déwi Dropadhi, boya tulung ida”. Masaur ida Sang Dharma” Adi sang
Bhima, eda adi sanget sedih, karma ia tresna ngayahin iraga ajak lalima. Nanging ia
basnganéh tresna tekén Sang Arjuna paling teleb. Nah ene suba karma phalanné tuara
sama rata tresnanné”.

Nenten sué Sang Sadéwa kantu raris ida séda. Matur Sang Bhima “ Beli Sang
Dharma, cingak puniki Sang Sadéwa séda, sapunapi karman ipune rihin”. Ngandika Sang
Bhima “Kéné adi, yening ia ngrasa tekén déwékné paling prajnyan, mrasa teken
mawibawa, metu sombong tur punyah tekén kabisan, ento ane krana dosa. Né jani ia nemu
karma phalanné. Raris katinggal”.

“Beli Sang Dharma, né mangkin Sang Nakula padem, sapunapi karman ipuné
rihin”. Ngandika Sang Bhima “Kéné adi, di gumine tusing ada madahin kabagusan I adi
Sang Nakula. Dadi metu angkaran buddhinné sombong Baan kabagusan. Ento matuara
jani ia nemu karma phalanné. Raris katinggal”.

Malih matur Sang Bhima “Beli Sang Dharma, mangkin I adi Sang Arjuna padem.
Sapunapi karman ipuné rihin. Ngandika Sang Bhima “Kéné adi, pangakunné kaliwat
jumbuh ngrasa tekén dhéksékti, tur sanggup lakar ngalahang sakancan musuhé. Pamragat
pepes pesan ia mundur, karma ia takut mati. Nah ene suba karma phalanné jani tepukina.

Matur Sang Bhima kasakitan “Aduh beli agung, padem titiang mangkin. Napi
mawinan titiang sapuniki”. Ngandika Sang Bhima “Adi, jani beline rangang prawretin
adiné. Adi kaliwat léba tekén ajeng-ajengan, tuara pedas tekén laksana jelé melah, ngucap
bangras, tur kanpa clatu, ngunggulang déwék sakti. Ené karma phalan idané tan anut
tekén Dharma, tur nyidayang nutug beli”.
 Mangkin sampun telas Sang Catur Pandhawiwah Déwi Dropadhi séda. Mangkin
Sang Dharmawangsa ngraga mamargi, ka iring antuk asu adiri. Nénten sué sagét rauh
Bhatara Indra, ka iring antuk para dewata, widyadara wadyadari, raris ida ngandika
“Cening Sang Dharmawangsa, eda I Déwa sedih buat adi kalih rabin I Déwané séda.
Yening mula suka dukané maruntun. Sakan cening maurip tan luputing pati, nuut karma
phalanné numadi. Jani cening maraga dharma putus, astiti bhakti, wenang manggih
suarga luih, lautang cening ring krésa kencanané.

Matur Sang Dharma”Inggih ratu bhatara, sadya pisan titiang polih wara nugraha
suarga. Yan wantah bhatara lédang, titiang nunas mangda sareng asuné puniki munggah
ka suargan”. Ngandika Bhatara Indra “Uduh cening, tusing nyandang cening nresnain
cicing, yéning ento buron leteh, rusuh, sarwa bhaksa”. Malih matur Sang Dharma”Ratu
bhatara, nénten dados titiang ngutang asu puniki, antuk baktin ipuné nerus, tinut ring
sapu margin titiang”.

Ngandika Bhatara Indra “Duh cening, ila-ila pesan anaké ngutang sameton ané
trésna tekén I Dewa”. Matur Sang Dharma “Nyama miwah kurenan titiangé nénten
mawasta bakti tiaga, yening matinggal tresna duk kari urip, antuk ipun tan anut ring
pamargin titiangé. Asu anut ring titiang patut ipun tresnain. Yan tan sareng asu puniki,
banggayang titiang nénten manggih suargan”.

Wawu asapunika atur Ida Sang Dharmawangsa, jagi ical asu punika, sagét katon
nyalantara Sang Hyang Dharma, tur ngandika”Aduh cening Sang Dharmawangsa, suba
ping pindo mani ramintonin kaayun ceninge. I pidan dugasé di dwétawan, sinah susatyan
ceningé nulus mudita. Dugas adin ceningé makejang mati. Manira lakar ngurip adiri,
apang cening mamilih. Nanging cening nagih apang Sang Nakulané maurip, tusing Sang
Arjuna atawa Sang Bhima, ané ajak tunggal garba, pamragat makejang urip bapa. Jati
tuah cening Dharma nulus, tan pamrih, taat satya, bajeg, tuara alap anéh. Cening tusing
mamuwatang tasu kan padidi, nanging mamuwatang kasukan gumi miwah nagara karma.
Nah jalan jani I Dewa budal, wenang cening nemu suarga luih.

Sara wué ring suargan, Sang Dharma mataken “Ratu Bhatara, ring dija nyama
miwah kurenan titiange, dados nénten wénten iriki. Punika Sang satus korawa dados sami
polih kasukan ring suargan”. Sang Hyang Indra raris nartayang “Cening Sang Dharma,
Sang Hyang Widhi sujati bajeg ngamargiang karma phala. Sawiréh Sang Korawa taén
malaksana melah abedik, ka icén ia suarga akejep. Sameton I Dewané taén malaksana
melah, linyok ring guru, patut ia nerima sengsara akejep. Nah jani suba ngenjok watesné
paican Ida Hyang Widhi, patut jani masilur. Sang malaksana ayu, nyama kalih rabin I
Déwané, uli jani kayang kawekas manggih suarga luih. Sang malaksane jelé, melog-melog,
misun, momo angkara, loba, alpaka guru, makadi Sang satus korawa, uli jani nemu papa
neraka kayang kawekas, yéning karmanné tan rahayu”.