NGRAJEGANG BASA BALI

Suksma aturang titiang antuk galah sane katiba ring titiang.

Om Swastiastu
Inggih timpal-timpal sane tresnasihin titiang, lan guru sane
wangiang titiang, titiang jagi ngaturang sambrama wacana sane
mamurda Ngrajegang Basa Bali.
Angayu bagia aturang titiang majeng ring Ida Sang Hyang
Widhi Wasa sangkaning wara nugraha Ida iraga prasida kacunduk
sadu arep sekadi mangkin, ring rahina sane becik puniki.
Inggih ida dane sareng sami, sane mangkin akeh pengaruh-
pengaruh sane makta budaya miwah seni sane jaga nyaihin basa lan
budaya Baline. Santukan sering titiang mireng alit-alite mangkin
mebebawosan sekadi puniki, “Buk, canang yang ini berapa satu?”.
Minab punika sane kabaos sane lumrah iraga pireng ring jaman kadi
mangkin. Napi sane mawinang asapunika? Minab iraga “gengsi”
utawi “ngekoh” mebasa Bali. Ring jamane ipidan basa Bali kantun
pinaka basa utama ring angge mabebaosan. Yening mangkin, wenten
anak metumbasan kadi wau ngangge basa Bali, “Buk, canang ane niki
aji kuda asiki?”. Pastika iraga liang mirengang.
Ida dane sareng sami, iraga patutne ngrajengang basa Bali. Ring
dewek pedidi, ring kaluwarga, ring pasawitran, tegarang angge basa
Baline apang basa Bali punika ajeg, lestari, kaloktah ring dura negara.
Ngiring sareng sami ngrajegang basa Bali. Ajeg Bali! Ajeng Bali!
Ajeg Bali!
Inggih wantah asapunika titiang prasida ngaturang sambrama
wacana, tuna langkung antuk titiang, titiang nunas ampura banget.
Mangkin sinep titiang antuk paramasanthi.
Om Santhi Santhi Santhi Om