SATUA LUTUNG TEKEN MACAN

Nama : Dewa Gde Soni Jagadita

No : 06

Kelas : X IPS 2
 LUTUNG TEKEN MACAN

Kacerita jani I Lutung masusupan ngungsi alas. Tan dumadé tepukina I Macan sedekan
medem di batan kayuné. I Macan matakon, “ih, iba Lutung lakar kija?” I Lutung masaut getar,
“aduh sedeng melaha pesan, waké mula nyadia ngalih iba. Jalan iba luas ka pasisi, ajaka
mapatung. Waké suba mapenga bé penyu.”

I Macan daat lega ningeh, laut masaut age, “nah lamun kéto jalan énggalang kema. Uli
tuni waké dini nganti tetadahan. Jani sedeng melaha iba teka ngajakin mapatung. Tan critayang
di jalan sagét suba teked di pasisi. Tepukina penyu mokoh nyegagag nengkayak. I macan jibrag-
jibrag sawiréh kendelné tan sipi.

I Macan mamunyi, “ih Lutung jani kemu iba ngalih api. Waké dini nampah mukang-
mukang. Ajaka anggon saté!” I Lutung nyrucut tan patolihan nyujur padukuhan ngalih api.
Critayang ajaka dadua suba sayaga nyaté. I Macan manggang saté, I Lutung ané ngilihin. Mara
lebeng a katih abana menék ka punyan kayuné baan I Lutung.

I Macan matakon, “dadi aba iba menék?” I Lutung masaut banggras, “badah, sajan iba
buron belog, yan dini betén ejang sinah telah amah semut, legu, jangkrik muah capung.” I Macan
siep sing mamunyi, itep manggang saté. Peluhné mesuab pesu. Sabilang lebeng a katih
penékanga ka kayuné. Suba suud nyaté, I Macan alon mamunyi, “ih Lutung, sawiréh suba suba
suud nyaté, nah kemu énggalang tuunang saténé! Jalan dini amah!”

I Lutung gancang nyautin, “nah jani waké ngalih menék.” I Lutung nyrucut menék ka
tongos saténé. Teked ba duur I Lutung laut negak masila. Tegakné seken pesan, sambilanga
nganyuknyuk ngéwérin I Macan. Saténé kaanggar, kaaud lantas canggola. Katikné entunganga,
sarwi mamunyi, ih Macan, kanggoang iba ngamah katikné dogén.”

I Macan nuléngék mabalih I Lutung ngamah saté. I Macan gelek-gelek, poosné ngetél
ngadek bon saténé lalah manis.

Suba telah saténé kateda, basangné I Lutung malenting betekan, uabné ngencur matanné ngriyep
lantas pules leplep.
 I Macan ngelur magruéng. I Lutung tangkejut, limanné kepar engsap magisian. I Lutung
ulung maglebug nungkruk. Ditu I Macan sahasa ngéncolang nyagrep saha ngelur, “ih iba Lutung,
jani tusing buungan iba lakar mati tadah waké, lakar jambal waké nganteg tain ibané. Getih ibané
lakar cérét waké. Elasang keneh ibané mati.”

I Lutung makenyir lantas masaut getar, “ih iba Macan, saking saja keneh ibané lakar
ngamatiang waké? Sing saja lakar sida baan iba ngepet urip wakéné. Iba nawang kranané Sang
Rawana mati ané malu? Leluhur wakéné ané ngrebut ngamatiang. Kayang jani kawisésanné ada
di awaké. Yan iba edot mancut urip wakéné, jani waké ngorahin iba. Mula dini di muncuk ikuh
tongos pramajiwan wakéné. Yan suba pegat baan iba nyaplok pedas waké mati.”

Mara kéto munyinné I Lutung, ngénggalang I Macan nyaplok muncuk ikuhné. I Lutung
ngénggalangmakecos menék nyrigjig ka punyan kayuné, sambilanga kedék ingkel. I Macan
jengah erang kalahang lutung bengil. Basangné kebus matanné barak, lantas masusupan ka
tengah alasé.
 SARANA SANE NGWANGUN GANCARAN SATUA LUTUNG TEKEN MACAN

A. Sarana Jeroan (Unsur Intrinsik)

1. Lelintihan Satua (alur)
Satua Macan Teken Lutung nika ngangge alur maju santukan wenten kalimat sane
nunjukin satua punika ngangge alur maju. Kalimat nika wenten ring paragraph
kapertama sane mabaos “Kacerita jani I Lutung masusunan ngungsi alas. Tan dumade
tepukina I Macan sedekan medem di batan kayune. I Macan matakon, Ih, iba Lutung
lakar kija?”
2. Pragina (tokoh)
a. Pragina Utama (tokoh utama)
a. Lutung
b.Macan

b. Pragina Sampingan (tokoh pendamping)

a. Semut
b. Legu
c. Jangkrik
d. Capung

3. Genah Kahanan Cerita (latar)

a. Latar Genah

Ring satua Lutung Teken Macan wenten 3 latar tempat, inggih punika:

1. Latar luas ka pesisi

“Jalan iba luas ka pesisi, ajaka mepatung.”
2. Latar Jalan di pasisi
“Tan ceritayang di jalan saget suba teked di pasisi”
3. Latar Masusupan ka tengah alase
“Basangne kebus matane barak lantas masusupan ka tengah alase”
 b. Latar Suasana

Ring satua Lutung Teken Macan punika wenten 5 latar suasana, inggih punika:

1. Latar Suasana Heran

“Ih Lutung iba lakar kija?”

2. Latar Suasana Bagia

“Aduh sedeng melaha pesan, wake mule nyadia ngalih iba.”

3. Latar Suasana Bingung

“Dadi aba iba menek?”

4. Latar Suasana Sedih

“I Macan ngelur magrueng”{

5. Latar Suasana Pedih

“Ih iba Lutung, jani tusing buungan iba lakar mati tadah wake,lakar
jambal wake nganteg tain ibane.”

4. Unteng (tema)

Tema ring satua Lutung Teken Macan puniki inggih punika medaya corah. Lutung
sane maperan antagonis ring satua punika, kacerita Lutung ajak Macan suba sayaga I
Macan suba sayaga nyate I Macan manggang sate I Lutung ane nyilihin, mara lebeng
akatih abane menek ka punyan kayune baan I Lutung.

5. Piteket (amanat)

Irage Tendados Mebikas Corah Teken Anak Elen Lan Tendados Mebikas Belog
Apang Tusing Kuluk-Kuluk Ine Teken Anak Elen.