Kacerita di tengah alase ada buron madan I macan , I macan ia ngelah timpal madan I lutung .

sedek ,
dina anu ,I macan lan I lutung nunu be disisin tukade , bon tunuan ebene nyalub tur nyangluh
ngawinang I macan lan Ilutung clegat- clegot. Disubane lebeng I Lutung ngomong teken I Macan “ Can …,
kemu malu ngalih yeh di tukade ento bubune anggo wadah yeh .”Lantas majalan ia ka tukade ngalih
yeh,Ulian I Macan buron belog, sabilang bubune anggone nyalud yeh tukade, yeh tukade melesbes
pesu.Ento ulian bubune bolong- bolong sinah tuara ngidaang anggo wadah yeh. Lantas malipetan I
Macan ngalih I Lutung . Nengked di tongose nunu ebe tingalina I Lutung tusing ade , Keto masi ebene
metunu. Mara matolihan menek tingaline I Lutung ciplak – ciplak ngamah ebene di duur punyan kayune.

Masaut I Macan ‘’ Lutung …., adi kemu abe ebene nguda cai dogen ngamah ebene ‘’ Ih …. Macan
cai mula lengeh ,gobe dogen cai aeng nanging tusing ngelah daya . Jani kanggoang cai se4duk padidian .

Gedeg pesan I Macan uluk- uluke teken I Lutung , Lantas megedi I Macan ke tengah alase
sambilange naanang seduk basange , saget tepukine I Rase sedeng nginyah duur batune . Masaut I Rase
. ‘’ Eh.. Macan ngude sebeng caine care keto, care anak kuangan amah I Macan lantas nuturang unduke
nganti gedeg teken I Lutung .

Nah lamon keto icing ngelah daya. Cai nyaruang ibane mati. Lantas ngidih tulung teken I
Lutung tunden ngae bangbang anggo nanem cai . yen I LUTUNG MUNYI mekraikan ditu mar acai
bangun!

Lantas I Rase ngalih I Lutung , tepukine I Lutung sedek ngelanting di carang kayune. I Rase nyaru
ngeling masisigan.’’ Aduh Lutung tulungin icang… I Macan mati kesedukan . Tulungin icing ngae
bangbang anggo nanem I Macan .’’ I Lutung nyanggup nulungin ,

Kacerita I Lutung lan I Rase ngokoh tanah ngae bangbang . Disubane dalem bangbange , I Rase
lantas mekecog nyegut baonge I Lutung uli duri . I Lutung mekroekan naanang sakit tur muntag- mantig
ngelesang cegutane I Rase nanging tuara ngidaang . I Macan lantas bangun ningeh munyine I
Lutung.Tingaline I Rase mejugjag teken I Lutung . I Macan lantas macebur ke tengah bangbange lan
nyeret I Lutung kanti mati .

Masaut I Rase ,’’Kaden saje dueg I Lutung .Lan jani ia angon sate can .Keto upah I Lutung loba
lan madaya . Ditu ia nepukin karma ane nyakitin tur kanti ngemasin mati .